candysdk's Profile

服務其差，門口個個已黑口黑面，野食等左成個鐘先得個雞翼，我地另叫左個意粉，只係一個黑松露意粉咋，唔知有幾難煮，跟住講返海鮮，居然可以連蝦都無，好基本咋ma, 都算，個醬一d 都唔夾，又唔大份，d 海鮮碎濕濕咁，龍蝦勁細隻，完全睇唔出有咩吸引，其他海鮮都唔覺得新鮮，d 醬又鹹又辣，分別用黎蓋過海鮮既唔新鮮，一定唔會再黎，食到一半想走去食碗面好過，埋單價錢都唔平tim, 都接近一千，二人食咋wo, 差差差，未試過有間餐廳可令我咁唔Ok…Read More

上星期開始，又無左晚餐6點堂食，唯有在午餐時間搵個地方打邊爐。2個人揀左在世宙樓下的牛知己，之間試過食晚餐打邊爐，感覺良好，今日就試埋午市。地點算方便，在朗屏站行過嚟都好快趣，餐廳地方頗大，坐得舒服。由於是午餐，今次我哋揀左價錢較抵既90mins 「美國特產牛肉+海鮮」放題，昆布湯底，肉類包括美國特產牛肉、西班牙豚肉、美國雞腿肉、白魷魚及紐西蘭青口。午市雖然無晚市的壽司、糖水等，不過一樣有多款蔬菜、丸類、麵食、飲品揀，款式真係唔少，仲有泡菜、前菜、雞翼（熟食）、乳酪雪糕。我自己中意特產牛肉，唔會太肥、新鮮，青口我都叫左幾轉，因為鮮甜。至於蔬菜、丸類的份量也一定讓你滿足。飲品櫃內有不少飲品可以揀下，甜唔甜都有，櫃內仲有沙律、豆腐花揀，正。食完正餐，好中意個乳酪雪糕，我中意原味，仲有朱古力味及兩溝，微微酸甜，冬天打完邊爐食，好正丫～依家午市仲有減$50的優惠，值得一試。…Read More

元朗小店多就係人都知，但有間小店居然係因五星酒店及法國餐廳主廚主理，性價比超高呀一行二人lunch time去試既，叫左兩個lunch set加兩杯特飲，首先一定要講個湯，係由大廚秘製鮮手打烹調而成，好香好濃，好少咁落足料既湯，沙律亦不馬虎，用心切粒同埋汁都好食，小事見用心就係咁解跟住主菜到場，首先係紐西蘭極上牛扒配意粉，牛扒唔係厚切個d, 但肉汁都好多，另一個主菜係日本松葉蟹忌廉意粉，蟹肉夠多，漿汁好味而香，重點係意粉係我食過最好食之一，一食就睇得出唔係平嘢，唔硬唔軟剛剛好，而且唔油最後兩杯特杯，一個係芝士士多啤梨一個係芝士芒果，兩個都大大杯，芝士蓋厚實，味道香甜，真材實料這個價錢有咁既質素，真心推介…Read More

元朗出名小店多， 近來就係小巷發現哩間小店，裝潢美觀得黎，仲有高質食物， 重點係食物性價比超高， 午餐都係$70-99 就有，但出黎效果有高級西餐感覺南瓜茸蟹肉燴飯，真係食到南瓜的甜，蟹肉唔似人地得兩三條，係真係食到肉，除左蟹肉亦有幾隻大蝦，成個燴飯好正，好香甜，真心要試。All day breakfast, 個賣相不俗。唔算好大份但絕對夠食， 腸菇蛋包都有齊，所有餐都有埋餐湯， 份量足亦好味整體感覺好好， 下次可黎試埋晚餐…Read More

真係要好好記住醉辣鮮新地址是「天空之城」丫，因為我地懶醒咁去左舊地址，好彩自己揸車都好快到達。餐廳外泊車位都算充足，揸車來係一個好選擇。我地三大一細，叫左三個餐，分別有$268、$198套餐。套餐先有老火湯同溫泉蛋，而$268套餐有龍蝦半隻蟹、生蠔、鮑魚、元貝、海中蝦、沙白、蜆、雞件等，$198都有鮑魚、元貝、海中蝦、沙白、蜆、雞件等，當晚無左蟶子，所以侍應轉左瀨尿蝦我地。可以親手去夾龍蝦、揀生蠔、鮑魚真係好開心，見到佢地是鮮活的，感覺都唔同d~正。座位側邊已經貼左張「品嘗海鮮最佳時間」，我地照跟就得，好方便。我最中意就是蔬菜任食，蕃薯、菇類、粟米、翠肉瓜、茄子、娃娃菜、唐生菜等，都係好新鮮，個人超喜歡。當然，個海皇粥底仍然係不得了，鮮甜到呢～因為佢仲會送埋甜品，所以我地最後食唔曬d粥，當然要打包拿走。好滿足的一餐。…Read More

去朗8探朋友，旁邊的虹坊有幾間餐廳，近排少左飲茶，見到有間餐廳晚市都有點心類，即刻入去試試。餐廳格局企理、舒服。我地叫左一個二人餐，揀左醬皇蒸鳳爪、8號蝦餃王、紫薯桃子包、川味黃鱔飯、臘味三寶飯、白灼唐生菜。加左錢轉汽鍋燉湯，金銀菜燉豬肺湯、鮮淮山蓮子百合燉螺頭，湯料好足，味道一飲就知唔係味精湯，鮮甜～個汽鍋好特別，不過唯一想提議下，可以轉下個匙羹款或者轉細匙羹，咁會容易啲飲曬全部湯，唔會嘥。鳳爪入味之餘，份量都算足，蝦餃王皮薄餡靚，個川味黃鱔飯味道幾特別，令我聯想起以前食個d蒙古串燒的孜然粉味，至於個臘味三寶飯，即使唔係冬天食，都無得頂！臘腸、膶腸、臘鴨油脂分布、味道都讓人好滿足，忍唔住食曬～紫薯桃子包都好好味，因為太飽，所以打包左1個走。最後總結，值得一試。…Read More

平時午餐見屯門海麗店那間雲桂香都多人食，今日放工行過，人流唔多就決定賣外賣返屋企食。由落單到拿走，都幾快手。叫左一個倉魚米線，個人真係好鍾意成條魚上的感覺，好滿足～本身擔心條魚拿返去會唔會變得唔好味，原來又ok 喎，仲暖暖地（懶得滯無再加熱），肉質唔會散，味道不錯～米線份量好足夠，我係食唔曬，下次可能要叫少米線，個湯都好鮮味，唔錯～另外，叫左份秘製豬頸肉，好味丫，咬落肉質彈牙，配埋酸甜醬，無得彈～如果係堂食，應該會更新鮮更正。…Read More

今日放工悶悶地，又唔想在街食，又唔想煮成餐飯，經過好順利大廈，見到「牛極」呢間餐廳，都覺得食牛唔錯，於是決定買外賣。睇完餐牌，我決定叫$110的牛柳，跟埋湯、飯、沙律，好豐富。我落單時，佢問我要幾成熟，我本身諗住5成，不過諗諗吓，好想自己返去先煎，雖然我唔多識烹飪，不過如果我咁都煎得好食，就真係d牛係靚。而結果......塊200g既牛柳真係靚！我只係係咁易煎下，牛味已經出曬來，肉質鮮甜，正！仲有燒汁、蒜蓉俾你點牛食，仲要有碗滿滿的珍珠米飯，上面鋪左紫菜粉，而個羅宋湯有牛肉絲，加上洋蔥、紅蘿蔔等，成件事好足料，湯既味道都好入味,唔係味精味。至於個沙律就外賣跟餐沙律而言，份量都好充足。總括而言，抵、正！…Read More

去荃灣行完街，見到open rice 咁多人俾like 呢間個名咁清純的「初見」，6點零，內有不少食客，又唔洗等位，拿拿聲入去試試～睇個餐牌設計、餐具等安排，相信老闆係一個好有心既人。我一打餐牌就俾「初見香草吉列牛」吸收，不作他選，因為個樣特別，價錢都不算貴，又有得玩石板燒，正～果然名不虛傳，自己用已配的肥油塗在石板上，將香草吉列牛逐一放上去快燒，石板上的滋滋聲好治癒。我同朋友都食得比較生，所以燒兩下就搞定。餐廳附有鹽、汁俾人點，不過我地覺得原味係最好。牛的肉質真心唔錯，石板上燒一兩下，肉汁鎖住左係裏面，好好味，而煙三文魚田園沙律配芝麻醬就算係一個不過不失的選項。份量都算足。最後是「和風燒餅汁吉列豬扒漢堡包配炸薯條」，是我朋友點既，又真係無點錯。吉列豬排唔會太多粉漿，炸得剛剛好，保留到豬肉的味道，蔬菜份量都唔少，漢堡包的汁幾開朗，食落好有滿足感。總括而言，值得一試。…Read More

呢日去洪水橋探朋友，一落輕鐵，見到有間pizza 店，打俾朋友問買個pizza上去食好唔好，朋友話我應該一早打電話來order 定，咁我又覺得可以搏一搏，去到問時間，話等半個鐘，咁即叫即整呢個時間唔算耐。我叫左羊肉拼馬蘇里拉芝士雙拼pizza，本身以為係兩款餡放埋一齊，原來係一個pizza 分兩邊味道，又唔錯喎！我叫左厚批，本身睇落去平平無奇，咬落發現真係好足料，同個d求其放d料上去的pizza 真係好唔同，有heart 好多。羊肉pizza 的羊肉份量足，上面有種小小辣的辣椒仔粒，我唔算食得辣都接受到，有種惹味的感覺。芝士個邊味道濃郁，鍾意芝士的朋友要試試。…Read More

入屯門探朋友，去到悅湖山莊商場，朋友話不如叫外賣返去食，我話想食日式熱食，佢就話食呢間旦蛋日料，睇個價錢就真係幾抵，我話好唔好味架？朋友話是平靚正之選。咁佢咁講，我無理由唔試架。我地叫左鹽燒鯖魚便當、滑蛋吉列豬扒飯、王梨豚肉卷和芝麻雞翼。一路拎住外賣，一路都聞到食物香味。先講鹽燒鯖魚便當，好豐富～主食份量足，鯖魚好好味丫，清酒流水蛋好正，一口芝士味道濃郁，食完感覺好滿足。滑蛋吉列豬扒，份量足夠，吉列炸粉剛剛好，豬排肉質保持鮮嫩，上面仲有芝麻、蔥花、蘑菇，材料絕無欺場。至於小食，王梨豚肉卷都唔錯，我唔知王梨原來就係鳳梨，原來同豚肉好夾，芝麻雞翼就好香口。抵食，真係平靚正～…Read More

同家人去銅鑼灣行街，見到Cubus 有多間高尚食府，因為我鐘意食日式，所以最後揀左玄鮨，佢係一間米芝連指南推介餐廳，果然有水準！玄鮨位於Cubas 7樓全層，一出電梯，侍應好有禮貌咁招呼我地，見到我地有bb車，都安排左方便的位置俾我地，然後又問我地洗唔洗小朋友餐具，細心。因為我地是第一次食，所以請侍應幫我哋介紹，咁佢就介紹左特上魚生套餐、和風套餐（是餐牌上第5及10號餐，因為是日本名稱，我就安住個名先啦）。兩個套餐都有前菜，有沙律、牛蒡、薯仔紅蘿蔔等，我想講，淨係前菜都已經要俾讚，因為好好味，每一款的味道都係特別的，唔似某d日式餐廳的前菜全都差唔多。最驚喜是特上魚生套餐係有拖羅，個種充滿魚油，入口即融的感覺，一試難忘。而和風套餐中，最驚喜係雞泡魚天婦羅，炸粉剛剛好，雞泡魚保持到鮮嫩肉質，正！各種刺身都十分新鮮，所以鮮味十足，好滿足。我地打算下次試埋omakase ~…Read More

22/2/21潮龍清湯腩雖然依家開返晚市，不過家人話想外賣返去食，所以就叫左外賣。我哋叫左招牌泡飯、牛腩牛丸麵同一份潮式腐皮卷。因為係外賣，所以個飯同麵都分湯。先講潮龍招牌泡飯，材料有豬手、牛腩、雜丸、豬膶、紫菜，算足料，泡飯份量都好足，牛腩好入味、牛丸好彈牙，最讚係個湯底，清甜，好正，重點當然係無味精， 唔同個面晚湯架， 真係一款湯for 泡飯晚，鍾意飲湯既人會飲曬，而我就當然飲哂啦。至於牛坑腩拼牛丸麵，牛腩有清甜味，軟硬適中，不愧為專做坑腩既店，牛丸亦好有肉汁，食落感覺幸福～個麵份量充足，咬感一流，值得一試。潮式腐皮卷，$19，抵食，煎炸得啱啱好，香口，配埋酸甜醬，確係唔錯， 值得一試。最後不得不讚， 店家主動分湯上， 返到去整返熱個湯倒落去就剛剛好啦， 細心之舉！…Read More

疫情影響之下，無左晚飯堂食，試多左外賣自取，今次就去食朋友試過話值得一試既漢堡店。Masam 漢堡店店面唔大，只有4個座位，不過對於我呢啲外賣自取人而言，無乜所謂。店面的裝飾簡單舒服，餐牌都一睇就明（有啲鋪頭的餐牌會睇到你眼都花）。我地叫左經典漢堡餐，叫得經典漢堡應該睇得出間鋪頭既質素，果然沒有讓人失望，牛肉鮮嫩多汁，芝士融得恰到好處，同連鎖店的質素完全不同。我地加左錢變套餐，配左洋蔥圈+白桃冷泡茶，嘩，洋蔥圈好好味丫，外賣都keep到，無淋到，正。另一個餐是軟殼蟹炒蛋漢堡，真係好邪惡好惹味，成隻蟹上既感覺好靚丫，蛋味又香， 蟹仲要係全隻上，係全隻，係全隻呀！！至於芝士肉醬薯條就算係咁幾樣食物中較普通的一項，都好味既，不過俾我揀，洋蔥圈無得輸。呢個餐配左冷泡桂花茶，淡淡桂花味正好用來中和熱氣的感覺，爽～最後不得不提，兩個漢堡都大大份，大滿足。真心值得一試。…Read More

本身住元朗，但lee間居然係第一次食，朋友講返先知原來都有1x年了，食完覺得性價比真心高，不得不來寫返個食評兩人同行，叫左一個三重芝士牛肉飯及豬骨湯面，另叫左一個大板章魚燒，同埋兩杯特色飲品，先黎既係飲品，咁就講左先啦，一杯係紅豆涼粉奶茶，唔太甜但料好多，另一杯紅豆冰，奶香，紅豆又係大大粒，兩杯都出色之作，加上大大杯都係$23,好值得叫黎飲跟住兩個主食就到，芝士牛肉飯，量多之餘芝士仲要好香好多，牛肉亦不少，所以真係不得不讚性價比高，加上仲要係好食，唔太重品有牛肉香，豬骨湯面就不過不失，餸量都足，面亦多，湯底可接受，章魚燒夠熱，樣子吸引，係5粒兩個人唔知點分總括小店來說絕對可多吃，加上睇餐牌仲有好多嘢食，下次再黎試…Read More