HandM's Profile

門口接待著黑衫黑褲短髮男性打扮女店員，態度超差。原本一直覺得呢間野嘅食物質素唔差，但見到「佢」個「X口面」，直頭想反胃，俾說話你聽。想問下優惠詳情，唔helpful都算啦，最後用超差嘅語氣走過嚟講「唔整就唔好整。係咪埋單呀？」仲有，開頭明明門口有幾張吉枱，但佢直接安排左我哋坐一張路邊窄身枱或者另一張廚房出入口嘅圓枱。 我問有無其他選擇時，佢連人影都無。好彩其他店員好好，主動俾另一張梳化位。補充：其他店員態度係正常偏好嘅～ 只係「佢」係最差啫。無奈地，劣評係俾態度超差嘅黑衫黑褲女店員…Read More

完全不知所謂。第一次嚟，諗住食好嘢之餘又有靚景睇。入去問佢有無兩人窗口位，佢話暫時未有，咁我就問有無得訂座。佢答無，可以轉頭再嚟過。咁好啦！行左一陣，轉頭返去，我入去見到有窗口位，就問佢，同一個人答我：「無呀！窗口位已經book晒」我就問佢：「又話無得訂位」。佢答我「walk in無得book」。我再追問：「點解頭先唔講清楚？」佢即時無出聲走嘅時候，佢講「下次再嚟」。我即刻答「唔會有下次」…Read More

作為一個車仔麵超級Fans，當然經常周圍搵食，睇下邊度有美食。最近，灣仔開左好多不同類型嘅食店。我就試左呢間車仔麵舖～ 記得開張當日中午經過，人頭湧湧，武龍武獅，聲勢浩大。當晚行完街街之後，就即刻試新野～ 見到又鮑魚、又花膠。心諗唔會平得去邊，但點都試一次～ 見到張餐牌，再睇下價錢唔係啩？$26/2隻鮑魚，$13/花膠～ 會唔會平到咁？於是本住「點都試一次」嘅態度～ 我就點左淨餸，老公就點左1麵3餸。上餐個刻，嚇呆左。花膠嘅尺寸足夠覆蓋整個碗面～ 太誇張了。食左一啖，好入味。雖然明知唔係靚花膠，但咁嘅價錢，食到花膠，想點吖？到目前為止，已經幫襯四次啦～ 唔講得上係常客，但起碼對我黎講都幾密呢～ 應該會keep住食呢～ …Read More

今日行經觀塘，肚餓非常，眼見差唔多到3.3下午茶時間，於是入去坐低食返個Tea，休息一下。店面光猛，幾整潔，感覺幾舒服。:)睇下餐牌，都有不少選擇。有午餐、粉麵餐、下午茶餐。對於有選擇困難症嘅我，諗唔到想食咩。但有兩個阿姐不斷企喺面前催促我地落單。最後，老公叫左生炒骨飯+凍檸樂，而我就叫左炸雞脾配薯條+熱檸水。喺等緊食嘅短短數分鐘，阿姐突然放低餐牌，原來係另一「下午茶餐」，睇真d，原來「生炒骨飯」係有下午茶優惠。呢刻先醒起，兩個阿姐不停催促落單嘅「原因」。我地問起有無下午茶餐時，佢地一直無反應。當然我地無同佢地「爭取」，只好怪自己無睇清楚。講真，食物質素係可以，環境幾舒適。…Read More

早排電視介紹「特別味」雞蛋仔，心想怪怪地。好地地嘅雞蛋仔，點解會變晒唔同味?今日行過，見到呢間「媽咪雞蛋仔」，有唔同口味，包括期間限定嘅紫薯、栗子。最後，都係叫左原味（$16）等左5分鐘左右，熱騰騰嘅雞蛋仔到手～老實講，我個人認為味道一般～ 有d失望…Read More

炎炎夏日下，食返杯雪糕，心情都好d店舖位置：有d難搵，因為正正喺轉角位置～叫左豆腐、冧酒提子、荔枝。全部都係白色味道唔錯，價錢合理。好似加$1，可以轉大球。其實，唔需要加大，都夠食啦～…Read More

尋晚行經附近，本身想買沙翁做早餐，最後卻買了「號角」（正確名稱應該係 ~ 忌廉筒）隔左一晚的「號角」，想像唔到點解仲係咁鬆化?! 忌廉味道適中，甜而不膩。快樂~原來可以咁簡單。 …Read More

話說尋晚行經銅鑼灣希慎廣場附近，見到排長龍，原來係近排人氣超強嘅蜂巢雪糕店新店開張。本想排隊湊熱鬧，但因為趕時間而無緣嘗試，算吧！點知？今日行經旺角兆萬，見到又係買蜂巢雪糕嘅舖頭，以為跟銅鑼灣是同一間。但上網check真d，先知買着同一產品，但不同舖名。可能因為錯過左尋晚的"那一杯"， 而令我更想享用佢～ :)中午1:30左右，未見長龍。剛吃飽午飯，幸好仲有空間俾我消化埋～ 我選擇左原味蜂巢雪糕～ 盛惠$32～雪糕味道可屬一般，但配上蜂蜜後，確實好味哦！ 當我正在仔細研究蜂巢時，男友已經二話不説破壞了～  仲切了一小塊遞到我咀裡～ 哇！ 勁甜～ 滿口蜂蜜！ 再細嚐蜂巢時，感覺似在食蠟一樣，沒有味道～ 此刻，心情有d複雜～ 破壞了小蜜蜂的巢而滿足我的胃～  :( Anyway, 試過便算！…Read More

異常悠閒既下午~ 同男友行下Hea下~行到腳仔都攰晒~  於是打算搵個地方休息下~灣仔皇后大道東, 有數間專賣cupcake, cake & bread既店舖~位於一個唔太顯眼的位置, 原來唔打算入去~點知? 俾件Lego積木蛋糕吸左我埋去~ 店舖裝潢較簡潔, 見到個蛋糕櫃入面, 有好多造型可愛既cupcake~經驗之談, 我怕"好睇唔好食", 加上唔想食太飽, 所以只係選擇一件~開頭想要盆栽cupcake, 但因為太多地方都可能食到, 就連之前美X西餅都有得食啦~"Lego" 味道都有4種, 店員友善地逐一介紹~藍色 = Blueberry Cheese (顏色有d怪怪的)黃色 = Mango Mousse (怕太甜)紅色 = Raspberry Cheese (又係怕太甜)綠色 = Lime Mousse (都驚酸架~)左思右想後, 決定食酸d~ 食第一口, 未覺酸~到食到中間, 哇哇~~~~~~ 好酸呀~ 可能, 我比較嗜酸, 越食越happy~ 相反, 男友食左幾啖, 就放棄!! (仲好, 費事同我搶食)雖然, 堂食座位不多~但從店內望出去, 竟然見到一大幅"壁畫"平時唔會專登行過見到架~坐喺入面, 望返外面, 食住件cake, hea著hea著感覺真係好舒服~ 可以暫時放低所有煩惱~ 好好享受~ 爽呀!!!:)臨走前, 試食一口麵包~ 好好味!但實在太飽啦~ 下次一定再來!!!…Read More

今日有重要事到樂富一趟，在辦事前先醫下個肚。中午用膳時間，樂富廣場有好多食肆，最後選擇呢間，因為見到menu上有我最愛流心蛋，同埋好多人幫襯。但估唔到呢一切都係假象，而呢個選擇絕對係錯得超離譜。攞飛等位時，侍應(Veronica) 心不在焉，要我講2次先知我要攞飛。等左15分鐘，有2人座位，唔即時安排入座，完全唔知等乜～ 之後，仲要俾已經過左號碼嘅，即時插隊入座。  原本下一張到我，結果要多等15分鐘。入到座，戲肉先開始～ 打開menu，當然叫流心蛋。點知？佢話sold out。  有選擇困難症嘅我，好不容易諗到食乜，無得食，咪又要再諗過。 :(  好！叫左黑椒蜆肉XX扁意粉，男友就叫了XX豬柳X飯，order埋餐飲同甜品。侍應話甜品可以後上，最好15分鐘前order。收到～男友嘅XX豬柳X飯先到～  好明顯係豬扒，並不是豬柳囉！算～ 點知？切切下，生嘅～ 有部分未煮熟。本來想叫經理了解下，男友話費事再等，只食熟的部分。而我嘅扁意粉，就等到男友完成豬扒飯後都仲未到。查問後，並沒有即時回覆。而要等我舉手再問先話：＂就快啦！只係爭d裝飾。＂ 下！我話：＂我唔係食d裝飾架！＂在我完成碟意粉前15分鐘，已order甜品～點知？催一件上一件～ 仲要俾個侍應用教訓的口吻，話我地做乜唔早d order？ 我好氣憤話俾佢知係佢同事叫我地唔需要一早order架！！ 快速完成埋個甜品後，埋單走人。說實話，食店環境氣氛不俗，食品質素尚可，只可惜嘅係侍應嘅服務態度同上菜嘅速度，令我唔會再幫襯。…Read More

因為男友知我鍾意食日本野, 於是帶我去試新野~ 經常於灣仔出沒, 竟然唔知呢度有間日本拉麵店!可以係拉麵市場競爭激烈下, 都有咁多客幫襯, 想必一定有優秀之處吧~店內裝潢, 令我諗起遊日時, 幫襯過既小小拉麵店~:)只有6人座位~ 當我坐下, 再望出窗外, 原來仲有"室外"位~ :)可幸, 怕熱既我唔需要坐外面~ 真係要多謝男友既悉心安排~ 話說回來~ 點餐紙跟豚王沒有太大分別, 都係可以選擇麵既軟硬度, 湯底既濃度, 追加物.....枱上亦都放左多款調味品...... 喜歡"混醬"既我, 又點會放過呢...... 考慮左一陣, 我點了叉燒醬油拉麵而男友點了御品地獄拉麵再多一客蒜香墨魚咀男友本想食廚師推介之一 ----- 黑武王沾麵(每日限定20杯) 當然, 叫得係限定就梗係一早售罄~~:(:(眼見店員忙於做外賣, 亦要照顧店內顧客~我只好耐心等候~ 等左大約20分鐘, 墨魚咀到了, 份量算少, 但味道好香~再過10分鐘, 我碗麵到了~ 似乎湯真係太少啦~~ 未"混醬"前, 先呷一口湯先~我已經剔了正常湯底, 但都感覺到好稠, 好黏口..... 大概係骨膠原既關係吧!!男友仲點了"較濃"湯底, 真係唔知點好啦~又再10分鐘過後, 男友既"御品地獄拉麵"終於到啦~打算試下豚角, 都唔見有既?? 查問店員, 佢話"呢碗係叉燒地獄拉麵~" 下, 我地明明order左御品地獄拉麵, 點解會唔同左架??? 之後, 店員問廚師, 先知原來無晒豚角~十分離譜~~ 居然等左咁耐, 無左其中一味餸都唔即時通知~~仲要, 亳無意欲幫我地更換及改價錢囉!!! 看著男友同我碗麵, 原本可以試下其他餸, 而家只是湯底不同, 但配料係一樣~坦白講, 呢個時候, 一切都大打折扣了~~店員連道歉既說話亦欠奉~~ …Read More

已經係第二次幫襯~上次已食過芝士汁撈丁, 尚算好味~但過於肥膩, 所以今次決定轉下口味~ 點了雞翼火腿干撈麵 可能太多order / 店員不願工作既關係等左大約10分鐘先有得食 點知?! 碟面一大片火腿, 見唔到雞翼掀開火腿, 4粒與一蚊硬幣大小相若既雞翼放在印尼撈麵上麵既份量確實真係好多, 相比之下, 餸既份量真係少得可憐~唉~ 後悔無睇到之前食評所提及既"一蚊雞翼":(:(味道一般, 不算突出~ 正考慮會唔會有第二次幫襯呢~~:(…Read More

記得每次搭車經過, 不分晝夜, 都會見到一大堆人在店外等候~ 心想........ 呢間野, 究竟有咩咁好味呀? 點解成日都咁多人排隊架??當晚6點左右到達, 比預期人少了~男友攞左籌, No. 35....... 而家先叫到No. 14 咁我咪有排等~~ 因為第一次黎, 唔清楚人流速度, 所以都唔敢行開~ 呆等一會, 聽到店員叫No. 16, 陳小姐, 5位店員問: "人齊未?" "陳小姐"向店員示意店員叫"陳小姐"在店外多等一陣眼見, "陳小姐"及朋友們多等15分鐘, 才被安排入座~~ :(等了又等, 終於叫到No. 35..... 我地原先被安排坐某角落的單邊位置因為, 有枱4位客, 於是, 店員亦禮貌地問我地可唔可以調位最後, 我地坐位於收銀機後面, 其實就係面壁食麵, haha~~ 入座前, 已經睇完menu, 可以即時落order我點了櫻花蝦拉麵, 免得浪費, 要求"少麵"男友點了叉燒拉麵(豆醬湯底), 另加日式餃子再等一陣, 熱騰騰既拉麵送上了未食, 已經聞到好濃郁既蝦味最欣賞既就係湯入面粒"味玉", 非常入味~而d櫻花蝦又真係好好味~ 男友既叉燒拉麵都不俗, 我只係呷了兩口湯好濃郁既豆醬味哦~ 唯一不足之處: 埋單時, 店員只係講左總數, 並無單可以check~唔知係咪一時唔記得呢?!…Read More

近排不斷更新+寫食評 有一日, 男友問我: "點解唔幫"飯堂"打一篇食評呢?!" 我答: "err........." 而佢俾左一個答案: "如果無好評, 就無人黎, 咪遲早會摺埋!"經佢一講之下, 我就決定為"我們的飯堂"寫一篇食評吧!! 其實已經食過無數次!!高峰時期, 試過一個星期幫襯4晚!! 大多數都係食晚餐, 只有數次係午餐 / 下午茶!!店舖裝潢平平無奇, 同其他茶餐廳無咩太大分別, 有一列窗邊卡位!! 每一次都喜歡坐這些卡位, 因為可以望到街上既行人及"叮叮"經過!! 服務態度可能, 因為我地經常幫襯既關係啦!! 侍應們都好似認得我地..... 有時, 會同我地開玩笑呢!!! 有時, 亦好熱情同主動咁走過黎落單, 同埋問我地要d咩!!食物質素老實講, 食過無數次, 無可能記得全部餸!! 只可以講一句 -- "啱晒我口味" 價錢方面相比同區, 都算是便宜啦!!我一定會keep住幫襯架!!! …Read More

*發生在2011年*仲未到晚飯時間, 想搵一間舒適的地方休息一下嗜甜的我, 一定選擇甜品店店舖採用開放式設計, 樓面只有兩個男人心大心細…… 又想食綿綿冰, 又想食焗西米布丁最後, 叫晒兩樣!! Haha…綿綿冰組合有數十款冰底選擇, 豆腐sold out, 點了牛奶冰底可配3種配料 / 1款生果如果要加生果 / 配料, 多收$10 (好貴囉) 味道一般, 成碟一d顏色都無…男友問: “有無朱古力醬 / 其他?” 答案係 ---- 無 (所以淡而無味, 只有些少牛奶味) :(焗西米布丁有咩咩紅豆 / 法國栗子蓉選擇我點了法國栗子蓉:)良久, 見到表面既焦糖仲係起緊泡泡…..我急不及待食第一口, 好熱呀… 差d燙傷個咀 >__< 食到中間, 已經食晒上面d焦糖, 亦變得好淡味所以, 食剩了3分1杯中途發生了兩件事:1) 店員冷待阿伯 阿伯一個人坐在店內其中一個角落, 即係我隔離張枱點了餐, 佢問店員關於餐牌上套餐組合店員不友善地話: “呢度咪咁寫囉!”阿伯見狀, 只係好平淡講左一句: “阿伯今日無戴眼鏡, 所以睇唔清楚呀.”而店員不發一言就黑面轉身走左2) 係人係鬼呀?! ^&(%$^@!$$% 阿伯食飽飽好快離座而我仲食緊熱騰騰既焗西米布丁…..呢個時候, 突然從我身後傳來陣陣”香”味, 真係”香” (係元寶蠟燭香)我個反應已經好不悅其中一個店員就同手持香燭既店員講: “等d客走左先插啦!”但, 佢好似借左聾耳陳隻耳, 完全唔理仲要揸係3支香周圍行, 最後佢堅持要插好d香先肯收手難為了我地食住野, 又要聞住d香, 離晒大譜!!Halloween前夕, 當我地係鬼咩??…Read More