腳甲泥's Profile

姑姐打電話黎話請我食壽司，聽到之後，我都唔係好想去，不過老人家叫到，唔通唔去咩 😪吞拿魚3點盛，一個價錢有齊大吞拿魚腩，中吞拿魚腩 ，香蔥吞拿魚碎軍艦; 魚肉的確幾好味，不過配合埋個啲搓得太散嘅壽司飯，就唔太好味。珍寶白烏貝壽司，以形補形呀，淨係睇外型都知道係男人補品，不過食落去個白烏貝味道淡茂茂，而且都好韌。甜蝦豪快盛，就係一堆蝦放喺飯上面，味道冇乜變化，成件事就係甜蝦+飯咁簡單。仲有一個，我唔記得左係乜嘢軍艦，算啦，反正味道係強差人意，唔寫啦。…Read More

傾盆大雨，淋到成身濕曬，唔想買餸煮飯 簡簡單單，外賣一個「煬肉醬意粉」返屋企食。OMG! 嗰啲spaghetti煮到仲淋過茶餐廳嗰啲意粉，個質地簡直就係同茶記嘅水準一樣，maybe even worse, 肉醬啲肉都ok多，個汁都多，而且汁多得有點過份，但係覺得就同個sauce嘅味道，酸甜都唔係好夾，我expect係有紅酒味嘅但係就冇紅酒味，芝士粉又落得唔夠多。始終都係一間港式嘅餐廳，因為見Euro個字，我就以為會係貼近 歐洲意粉嘅味道，可能我諗多咗啦。HK style味道，仲要係唔好食。 …Read More

睇過周星馳嘅「食神」嘅呢套戲，都會知道「暗然銷魂飯」有幾legendary。今晚dinner就去呢間茶餐廳食呢個「暗然銷魂飯」呢個「暗然銷魂飯」個賣相都ok，有幾塊都幾厚嘅叉燒，叉燒嘅味道就有啲特別，因為同一般燒味舖買嘅叉燒嘅味道係明顯有分別嘅; 叉燒燒得燶燶哋都幾香口，不過就好咸; 荷包蛋外表的煎得幾靚，不過就熟咗，流唔到黃，大扣分; 最勁揪就係豉油，師傅落得好重手。 唔係講笑真係好咸。呢個黯然銷魂飯都唔係好黯然，因為少咗洋蔥，成件事唔同曬。…Read More

自從舊年6月之後， 我同個girlfriend就放棄咗元氣，改佐去食「爭鮮」。發現爭鮮其實係好特別，而且好似仲衛生，最起碼爭鮮嗰啲壽司係有蓋冚住， 家陣冇看肺炎咁嚴重，衛生一定係擺第一位！ 而且啲壽司飯係用machine製嘅，不經人手，信得過！另一啲特別之處就係壽司嘅味道，爭鮮啲壽司食得出好有豐富嘅台灣味道，雖然壽司本來源自日本，但係曾先加入咗好多台灣元素，令到壽司更有新意更加特別。焦糖娃魚肚，超級有創意，味道有焦糖嘅香味，三文魚肉又肥美，加埋壽司飯好好味。山椒麻辣章魚軍艦，味道麻麻辣辣，超級惹味，食起上嚟又真係好特別。Poke卷，好大件卷物，普通人一口係食唔曬，醬汁係是拉差蛋黃醬，卷物裏面有三文魚肉、青瓜絲、仲有蛋絲好健康，食起上嚟甜甜香香又有少少辣好惹味。睇睇我哋兩個食咗咁多嘢就知道爭鮮有幾好味！…Read More

一千個不願意，一萬個不願意，無奈地我都係做咗。身在starbucks，心係黃。個客係約咗我去starbucks傾，我可以點做呢，好多時凡事都唔係睇表面嘅。 成間咖啡店差唔多係冇人嘅，搞到罪疚感好大。但係自覺自己出賣咗 「Yellow經濟圈」 都真係好內疚。薄荷香檸綠茶，味道好奇怪，唔見到有一片檸檬，但都幾酸，檸檬其實係檸檬汁，係就飲唔到有綠茶味，薄荷味係有嘅不過都唔算好大，味道唔太平和，仲係口感到有一啲激進。 唔知有冇熱嘅呢，可能會好飲啲。同自身想像史嘅味道好唔同，所以感覺有啲落差。…Read More

三文魚拼盤，就係三文魚壽司拼三文魚卷。一盒有六件三文魚壽司，六件三文魚卷粒，睇上嚟大大件又紮紮實實，仲排得整整齊齊，好似軍人列隊咁，超吸引。一啖咬落去就發覺，佢嘅味道同埋賣相係成正比嘅，三文魚又真係都幾柔軟，仲好有三文魚味，個壽司飯真係又好味又唔會散件，而且仲製得好軟硬適中，口感同味道都好好。我係完全冇諗過，呢種外帶壽司都會有咁好嘅質素，原本就係冇乜希望嘅，點知就變成喜出望外，真係完全估唔到。性價比超高！…Read More

"It was the best of times, it was the worst of times, it was the age of wisdom, it was the age of foolishness," (A tale of two cities - Charles Dickens). 明嘅就會明，唔明嘅， 解釋嚟都冇用。今日嚟到呢間舖頭，叫咗一碗好出名嘅「豬潤麵」嚟食。首先講講個湯底，係好鹹，食得出有師傅，唔係我有皇帝脷，而係任何人都應該會食得出。豬潤係煮得過曬火，食落去好乾好硬，不過都算有幾多片，但質素真係唔係好。個麵好重鹼水味，唔係好爽口，而且食唔到有蛋味，就係好重鹼水味。簡單嚟講，唔係一碗合水準嘅豬潤麵。…Read More

好多friend都話畀我聽呢間「 坤記腸粉」啲嘢食好掂好好味，於是我就把心一橫老遠嚟到呢個區去試下睇下係咪真係傳聞咁好食。睇住個registered果區係「深水埗」！但其實location原來就比較近「石硤尾」真係行到我人都傻！仲要喺一條唔睇見過嘅內街巷仔隔離，所以我未食就先失望。睇一睇個門面有好多openrice嘅介紹，仲有好多美食家介紹過，原來真係名店！出咗名係全港最滑嘅腸粉！我就買咗$20腸粉，企喺「立食位」嗰度食。呢間啲腸粉真係夠經典！佢嘅質感真真正正係滑如絲，絕對係「滑不溜口」腸粉嘅典範！ 全港最滑，實至名歸！但呢個質感，而唔係味道。味道，就係冇乜米味，當然加咗各色嘅醬料，例如麻醬、甜醬、豉油、辣醬之後，係ok嘅。但係單純以白腸粉嘅味道嚟講，我意思係「味道」而唔係質感，就未達標準。 又係一間德個名嘅名店。…Read More

McDonald久唔久出新食品，出新口味係一件好事，但係始終係一間美式餐廳，我覺得出一啲比較亞洲口味嘅嘢食，我覺得最有啲不東不西，不倫不類。最近McDonald就推出咗一個新包叫做番茄蛋豬扒包，我就叫咗嚟食，而家就講講 我對呢個包嘅感受。蕃茄豬扒包，佢嘅味道係用香港茶餐廳嘅蕃茄豬扒飯嘅味道呢做藍本，個包基本上有厚切炸豬扒一塊，夾住雞蛋，仲有一啲香港茶記style嘅洋蔥番茄醬。 其實個包都幾厚，一啖咬落去並唔容易，而且好容易就甩甩漏漏，件豬扒係厚切但係好硬好乾柴，個洋蔥蕃茄汁嘅味道好特別，特別在於佢嘅味道真係不中不西，而且好甜，完全係唔啱我口味。…Read More

日子縱使唔好過，都要盡力咁快落去過。俗語都有話開心又一日，唔開心又一日; 要上路，都要做一隻飽鬼。雖然口袋裏面已經所淨無幾，但都要食餐飽嘅。薯蓉，肯德基家鄉雞嘅薯蓉，我自細就鍾意食，除咗個口感又滑又香，最重要就係佢個gravy，雖然好多西餐廳都有薯蓉食，但係肯德基家鄉雞嘅gravy 嘅味道，真係邊度都食唔到。 味道真係keep 到二十、三十年都唔變。再整兩件葡撻，葡撻個撻皮又鬆脆又重牛油香味，個雞蛋餡甜甜滑滑又焦焦香，好好味，就算一個人食一打都唔會夠喉。…Read More

係人都有「阿初」，人生總有第一次， 戀愛有初戀，飲啤有第一枝杯，飲西人咖啡都有第一次。我就想學下人哋去starbucks，飲第一杯西人咖啡嘅感覺，真係想知道呢種感覺係咪高人一等。我見我老闆成日飲iced americano，於是我又試下，睇下係唔係真係咁好飲，睇下究竟點解佢每日都會飲一杯咁奇怪。原來老闆就係老闆，我就係我，就算我花得起錢買呢杯咖啡嚟飲，我都冇老闆嘅taste。呢個就係我第一杯美式咖啡。家陣我寫寫 我對呢杯咖啡嘅feeing。美式咖啡iced Americano，半杯都係冰，原來唔單止冇奶，仲係要冇糖， 第一啖飲入口就覺得好苦澀，第二啖都僬苦澀，我老闆話過飲咖啡會有回甘，我就唔覺得係回甘，我認為係苦澀。而且我覺得咖啡味道真係太過濃烈，我頂唔順。 睇嚟真係唔適合我飲。 就係覺得茶記嘅港式咖啡啱我口味。…Read More

肚餓唔知食乜嘢好，好自然兩隻腳就會行去大家樂「如果附近係有大家樂的話」， 對我嚟講係自然反應。今日就食「燒肉拼叉燒飯」，諗住有飯有肉一定飽肚，一定開心，不過原來一切都唔係必然嘅。我呢碟飯，啲飯好硬好乾身，如果係喜歡粒粒分明嘅飯粒嘅人就一定會鍾意，不過我唔係呢種人。叉燒，係切得好少比我，肉質好乾又唔夠蜜汁味。燒肉，燒肉嘅皮一啲都唔脆，燒肉切得齊齊整整，但係燒肉嘅味道好咸，肉質唔夠柔軟。兩條菜唔夠清甜，而且烚得好老。睇嚟，真係有極大嘅進步空間。…Read More

許留山 Hui Lau Shan，我好細個就開始幫襯，一直以嚟都係食佢嘅糖水同芒果撈， 但就好少食佢嘅小食，好似咖哩。今次我就破格，去試下佢嘅咖哩小食， 反正咖哩小食都算係香港街頭美食之一。咖哩嘅presentation相當普獸通通，並唔吸引，又唔係話好香，港式咖哩味道好辣，係辣到好搶喉，蘿蔔煮得唔夠淋又有渣又唔夠入味，食落又唔清甜，魚蛋好普通，質地係粉粉哋而且一啲魚味都冇，魷魚係水魷魚，質地又硬，牛柏葉靭到咬唔到。…Read More

較早前中秋做節，為咗方便老人家嘅關係就選擇咗呢間酒樓。職員嘅態度黑曬面咁，態度唔好，好似唔想做咁樣。雖然未至於中伏，但係食物味道就唔太好，感覺係好冇誠意。因為顧住同老人家影相嘅關係，搞到電話冇乜電，只係影咗兩張有關食物嘅相，就喺度略講講味道。慶祝中秋雞要食燒味，套餐都有燒味拼盤拼盤嘅食物就係乳豬、叉燒、海蜇、油雞，都係呢啲大路嘢，但係味道就好差， 海蜇一啲都唔爽口，叉燒又硬又實， 油雞嘅雞肉冇乜雞味，乳豬嘅皮唔夠脆而且冇乜肉食。上湯龍蝦伊麵，伊麵煮到好淋，上湯好咸，龍蝦係有肉食但係就唔夠鮮味，肉質又唔夠彈牙。 總括嚟講，真係好失望。…Read More

今日去完呢度食lunch，然後就一肚氣。首先講講呢度啲staff嘅態度係好差， 我唔會預期粥店嘅staff會係文質彬彬，四書五經，之乎者也，但係都唔好講粗口。 雖然四處都有人講粗口但係始終做服務業嘅都唔應該講。我叫咗一碗皮蛋碎牛肉粥，我想講一講， 呢一款並唔係「皮蛋碎plus牛肉粥」，而係「皮蛋plus碎牛肉粥」，碗粥嘅皮蛋只得兩件仔咁大把，真係大失所望！ 牛肉碎好似搓得唔係咁均勻咁樣，食落口感唔係太好，碗粥嘅味道，即係粥底都比較咸。我覺得唔好食。…Read More