轟仔's Profile

返工遲左起身於是就落樓下睇下有咩野食喇....其實我住107號街, 間野o係63號, 都ok近, 前前後後幫襯過唔少次喇通常我都會叫蟹子包心丸麵, 12蚊好少有店鋪可以叫蟹子包心丸.....雖然蟹子得3粒, 但係睇得出係人手包, 唔係用機器既夠飽肚又平可惜既係d鹼水味太重...好難可以連湯一齊飲....所以每次口渴都係飲可樂...但係留意, 如果你叫可樂, 有分一罐定係一枝枝嫁兩隻都係5蚊, 但係以份量黎計, 當然前者會多d啦所以叫可樂果時要事先講明呀....…Read More

今日同女朋友去食飯, 因為地點關係, 旺角好多野食都食過晒, 又唔想食快餐, 於是就揀左炳記牛牛喇雖然呢間野我食過唔少次但係味道真係唔錯我叫左個煙腸蜆肉焗飯, 女朋友要左個意粉再加多個小食, 海賊蝦卷兩個人都要左杯蘋果奶真係一個好普通又好味既焗飯, 都值30蚊呢個價但係個蝦卷就真係超好味, 其實12蚊只係得四小件, 不過再加埋佢d汁, 就唔知點解好好味....雖然名義上係蝦卷, 但係入面其實冇乜蝦=.=不過每人四十幾蚊就可以食得咁飽咁滿足, 咩都抵返啦反而個蘋果奶, 我女朋友就話有少少怪....蘋果酸+奶甜上面仲有一舊雪糕但係可能我飲慣左, 覺得冇咩問題不過d服務就真係好一般了..............................…Read More

今日因為返工關係, 好肚餓既情況之下叫左呢區既第一次外賣望下個餐牌, 諗都唔諗就叫左最普通既星洲炒米, 連埋可樂, 下午茶都只不過係25蚊仲要佢一個餐都肯送:)等左唔夠十五分鐘, 佢就已經好快手咁送到黎一打開, 好大盒........ 本人肯定會食唔晒之但係食左兩淡就覺得有少少怪...d蝦無錯係好大隻, 亦都好彈牙, 但係就冇乜鮮味, 雪藏蝦米粉炒得唔夠, 鹽亦唔平均, 一邊淡一邊咸....蛋好好味, 不過就同上面個問題一樣, 有d淡有d咸...我大約只係食左1/3度, 因為真係好大盒用黎醫肚的確唔錯既~而且外賣個姐姐真係幾好人, 又有禮貌, 呢度已經加左唔少分…Read More