Nova_Yu's Profile

又到食飯時間又要唸食咩好，揀咗好耐先決定食上海嘢，又揀咗好耐先揀咗喱間餐廳，又揀咗好耐先揀到一啲唔係上海菜嘅嘢食（玩嘢）回鍋牛肉，回鍋肉就食得多，用牛肉煮嘅真係無食過，牛肉炒得都幾夾，鮮嫩香辣，唔錯。 四川麻婆豆腐：最愛就係食麻婆豆腐，拌飯一流。唔會太辣，豆腐幾嫩。 黑椒野菜牛肉粒炒飯，炒飯炒得幾乾身，份量亦都幾多，夠一人兩碗。餐廳環境唔錯，雖然細但裝潢有特色，衛生情況都幾好，我見員工都會消毒枱面。價錢就中等價位，地點近佐敦地鐵站。…Read More

今日係同事Farewell Dinner就揀咗呢間我地成日嚟食Lunch嘅餐廳,但其實人地主打火鍋嘅。我地今次都唔係食佢地主打，而係食海鮮，叫咗幾樣海鮮小炒，包括：避風塘大蝦，大蝦食得出係鮮蝦，避風塘香味都好濃郁，嘗試連埋殼食，焦脆可口，適合餸飯！辣酒煮花螺，上枱就好香，醬汁好惹味，螺肉好彈牙鮮甜。豉椒炒花甲，呢道菜炒得有鑊氣，食到停唔到，就係覺得分量少咗啲。仲有一條蒸魚。呢度啲海鮮都幾新鮮，我見隔離枱好多人都叫刺身食，有同事都想叫，但我就唔食得生嘢。…Read More

星期五，跟住係long weeknd有連假，可以同班大學傻人聚下而家都難約齊人，個個都忙揀餐廳要relax得嚟又有好味道食咁就上網做researchBook咗寢宮因為可以飲下cocktail，再食主菜餐廳環境亦都有特色，設計有風格應該都滿足到班傻人我點杯Spring Rocket都好飲香茅味配搭薄荷味道好清新餐廳設施可以令人好放鬆鍾意睇嘅可以睇壁畫、裝飾擺設同埋周邊嘅型男美女好動可以玩pool, beer pong, 掟飛鏢我地攤在梳化上傾計，好友B因為公事忙，開咗2晚夜，直頭喺梳化瞓咗，名副其實嘅寢宮啦點咗幾款主菜一齊share香草芥末燒羊鞍好嫩滑，無overcook，juicy好好食西班牙黑毛豬，超級厚切，咬落口感豐富又唔會太乾香蒜辣椒檸檬汁炒蝦，酸酸辣辣，開胃之餘配搭飲酒都一流…Read More

公司附近開咗間新嘅餐廳，同事都講過幾次話想去試下，不過就次次都揀咗食其他菜式，所以遺忘咗佢。今日就終於輪到去試試，距離公司其實好近，行幾分鐘就到，以後都可以變飯堂之一啦。午市都有好多選擇，大約$48-$98一個餐，連湯及餐飲，真係抵食。我今朝食咗個大早餐，食lunch時間都未係好肚餓，叫得大份又食唔晒，做大嘥鬼，所以揀食沙律。鴨胸凱撒沙律味道正常，生菜好新鮮，無變黃出水，鴨胸無過鹹，合格有餘。加埋個餐湯及餐飲啱啱好，唔會過飽。見其他同事嘅餐都好好味咁，下次要食個扒餐，好大份呢~~…Read More