manfish735698's Profile

*Never try*4th wedding anniversary 打算揾間靚靚可以影相，加上Openrice好多人盛讚呢間餐廳，所以黎試下。餐廳主打泰式fushion菜式，中肯啲講，環境係幾得意嘅，食物味道係ok，不過全部係凍嘅，所以味道變成唔ok，但總結：以後唔會再黎，加叫身邊嘅人千期唔好黎。---------我強調係每一碟嘅温度，如同未攤涷壽司飯就包壽司上碟比客人食嘅壽司飯嘅微暖温度；如同公司70度蒸餾水機未煲熱晒啲水，但我唔小心斟左黎飲嘅温度。我一向因為係貓舌頭，次次都要攤一下吹幾下先食到少少，所以唔特別在意温度，但我都咁形容，你可以想像下個温度係點，我強調係每一碟，並非個别菜式。份量十分小巧玲瓏，不過唔緊要，因為唔好食又吸引唔到我開胃食，所以份量少都食剩，唔會浪費very good～1）芝士+雜菜咖哩+多士：温度+份量上面已貼切形容，不多作解釋。只有碟邊有咖喱，咖喱少到一件多士嘅角都點唔到，中間係一個鍋巴形嘅脆脆，脆脆表面搽左卡夫奇妙醬(我覺得應該係)，切開脆脆，入面包住雜菜，凍嘅，食左幾啖已經全碟變常温，食剩左一半。2）冬蔭功肉骨茶：味道幾好，温度同上，可以一口氣鯨吞都唔會燙到口嘅温度。一人份量，有一隻蝦、兩粒秀珍菇bb、一塊香葉。3）燒牛肉沙律：製作需事，所以係最後一碟先上。沙律菜+苺好fresh，呢點唔錯。牛味道正常，有少少根，咬左好耐先呑到，超級有咬口。漫度控制得非常好，因為沙律本身就係常温/凍，所以係唯一一碟唔存在温度問題嘅菜式，食剩左少少。4）山楂蘋果茶：味道ok，我特意為呢壼野拍片，倒出黎已經漏左一杯落碟，酒樓茶壼起碼漏得黎都斟到好幾杯茶。今日先知原來用茶壼斟一杯係咁難，明附其實嘅啲錢好似倒水咁倒。----十分一般嘅上菜+收碟，用餐時間90分鐘，60分鐘問last order，不過no thx啦。待應有預知能力，未揮手叫賣單已經get到我地準備叫賣單，秒速打好單沖過黎，擺低走左。滿$500先可以碌卡，否則只收現金，但原來滿$500係十分容易嘅事。呢餐咁都要$528，我等登揾左4個2蚊銀=$8比佢，我真係比多$1都嫌多。錢都未完全放好係賣單夾上面，店員又再次有預知+迅移能力，沖左過黎拎錢走，excellent～----食完之後我對自己講左句「我好似冇食過野咁」，之後去第二度食左烏冬滿足回程。神奇係呢間餐廳係openrice係十分好評，而且有好多回頭客，咁好啦enjoy～…Read More

商場嘅連鎖食肆琳琅滿目，好多時候想就腳，以便食完繼續行。可惜凡係連鎖食肆，都以價貴及劣食居多，好食與否，伏過先知。今次經過miramall嘅一平安，以拉麵為主食，晚餐嚟講算係中價。我總共幫襯咗兩次，試過沾麵丶拉麵同埋飯，整體味道不過不失，湯底濃度中等，唔會太濃或太稀，飯餸比例亦恰到好處，正正係中價菜嘅水平。總括而言，想喺商場食好啲啲，又想坐得舒服嘅話，呢度都係一個選擇。…Read More

平日入街邊日式小店食lunch，唔會太貴但亦以中伏居高，如不中伏，大多亦稱唔上好味。今次竟然遇倒一間價格合理又好好味嘅日式小店。吞拿魚魚生飯嘅魚蓉唔腥之餘，魚蓉質感非常細滑，係我鐘意嘅口感。特別要大讚嘅係蒲燒鰻魚飯，原條鰻魚大大條丶熱辣辣，而我最愛嘅鰻魚汁份量亦啱啱好，到最後一啖飯都仲撈倒鰻魚同埋醬汁，超滿意😍…Read More

最近食得太多有少少熱氣，平時食開嘅龜苓膏多數嘅質感都好似落咗好多魚膠粉嘅果凍咁。不過朋友最近介紹嘅呢間同仁堂就有啲唔同，質感唔會太膠，聞倒有藥材味之餘，食落亦唔只係得苦味，反而帶點甘味。…Read More

今次嚟到Applegreen食晚餐，晚餐好味之餘，佢嘅特色小食都值得一提。芝士黑松露薯條雖然唔係採用Chips，而係用Fries，但呢個配搭反而更合適。薯條配上黑松露芝士醬，三種都係我鐘意嘅味道。薯條即炸外脆內軟，黑松露味濃烈，再沾芝士醬，令薯條顯得不平凡，加上並非每間餐廳都有呢款配搭，香口之餘又有特色。…Read More

某一次途經喜茶，呢次亦係我第一次飲喜茶。原本想點抹茶之類嘅厚身奶蓋飲品，不過點錯咗芝士綠妍，點知呢杯綠妍卻勝過以往飲過嘅任何一杯奶蓋。頭幾啖當然係芝士味濃郁嘅奶蓋，本身以為奶蓋下嘅綠茶只係普通嘅茶，毫無特別。而且平日每次飲到中段，當奶蓋同茶混合之後，芝士味就會消失，呢杯飲品就會失去咗原有嘅特式。平時覺得綠茶味淡，今次竟然飲倒綠茶嘅清香，當飲到中段時，芝士混入綠茶，變成一杯奶茶，但又並非一般嘅奶茶，奶味之中仍能透出淡淡嘅清香味。可能因為今次係第一次飲喜茶，所以帶嚟咗一種味覺嘅衝擊。…Read More

去到cheesecake factory除咗要點主菜之餘，埋尾當然少不了點件cheesecake補刀啦。今次試咗Godiva朱古力芝士蛋糕，大大件之餘質感厚實丶味道濃郁，蛋糕面頭再加一塊Godiva 朱古力做點綴，感覺檔次又提升一層。其實作為朱古力蛋糕，佢濃郁嘅朱古力味道簡直係無懈可擊。但作為芝士蛋糕，朱古力味完全蓋過芝士味，呢點就有啲可惜。更可惜嘅係，每次餐點都大大份，食完主菜後，即使兩個人share一件蛋糕都會食剩。下次應該留多啲肚，或者剩食蛋糕配咖啡，咁就perfect啦😋…Read More

對我而然，每日一咖啡必不可少，我嘅體質唔受咖啡因影響，睡前飲一杯都冇問題😎Habitu嘅Earl Grey Latte咖啡香撲鼻之餘，滲透著淡淡嘅伯爵茶味，唔會因為咖啡味濃厚，而蓋過茶嘅香氣，非常難得。…Read More

尋日同咗兩個朋友上山頂hea遊一日，點知未上已經冇力。路過citysuper，買咗個吞拿魚牛油果墨西哥卷充飢，估唔到佢徹頭徹尾咁混合左墨西哥辣椒汁，獨特嘅酸辣味加上靚景，別有一番風味。…Read More

今次為朋友慶生，餐廳主打小菜，店內裝潢為地道大排檔風格，幾具別緻。食物即叫既煮，上菜時仍然熱辣辣，煎炸菜式做到外皮香脆口感，三鮮拼盤襯托芥末醬，味道一流。可惜小菜份量太少，價錢相對比較貴。雖然室內舒適涼快，不過個人更鍾愛地道大排檔，一圍人坐近大街，痛飲豪食嘅豪邁style～…Read More

ikea餐廳出名平靚正，今日主打唔係瑞典肉丸，而係紅果子醬。向來不喜果醬嘅我，都要推薦一下，啖啖入囗都充滿粒粒果子肉，超有口感，唔似平日超甜嘅啫喱狀果醬。最神奇係，從未諗過佢竟然同肉丸有perfect match🤔…Read More

每當望住大家食嘅阿叔頭logo，大家都即刻搖晒頭超抗拒，總會認為大家食係老翻嘅大家樂之餘，而且環境又污糟。 其實不帶先入為主及歧視嘅觀念，樂於嘗試唔同種類嘅食物，先至會發掘到美食。大家食嘅菜式雖然比人嘅感覺同賣相都不太吸引，但店內其實有許多菜式都係自製或自創，例如手攪麵、豆漿、辣菜脯之類。加咗勁多酸菜嘅大大碗酸辣麵，感覺好充實，微辣已經食到我噴晒火。得閒行過不妨一試，難食最多冇下次，未食已經判死刑真係好可惜。…Read More

如果想打邊爐但又覺得太heavy，不如去吉野家二人一鍋，可以過下口癮。芝士竹輪雖然加十蚊先有三粒，不過始終係芝士怪嘅最愛，食完個鍋最後落埋個巑歧烏冬，份量啱啱好。…Read More

平日食韓國菜係一種奢侈，唔係人人願意二三百蚊食一餐。最近揾倒呢度，lunch有套餐揀，可以樣樣試啲。我呢個set有芝士炒辣年糕，醬汁偏甜丶中辣，味道較濃烈。另有紫菜包飯，味道清淡，餡料以素菜為主，感覺健康，可以中和返濃烈嘅炒年糕味。最後，再加上一小份熱辣辣嘅炸雞，勝在新鮮炸起，肉質亦可以。兩個人share一個set，食完三樣，飲埋兩杯餐飲，份量啱啱好。呢度嘅食物味道雖然唔係頂級，但環境寬敞，中午時段人流亦唔多，而且可以樣樣試少少，其實咁食一餐都係種享受😊…Read More

唔好以為沙嗲王係專賣垃圾嘅廉價餐廳，今日我要為沙嗲王洗白一下。其中嘅日式蟹粉豆腐配白飯係我每次必點主食之一。聽見石鍋發出嘅嗞嗞聲，睇見鍋內嘅蟹粉汁不斷翻滾，已經有種“一定好好食！“嘅感覺。而且蟹粉豆腐跟白飯比例係一比一，可以每啖都食到蟹粉豆腐。加上白飯另上，石鍋夠熱，慢慢食都可以保持上菜時嘅味道及口感。…Read More