jonnyynnoj's Profile

想再補充，呢間嘢嘅師傅真係刀工一流斬出嚟啲燒味已經細分㗎啦，仲要件件細細件雞同叉燒都薄嗰張紙，一係斬嗰啲剩係得舊骨連皮嘅位。已經唔係第一次中伏，真心唔明點解你哋貪方便要縱容呢間舖頭繼續可以喺呢個逆市環境底下生存。再喺唔喺度消費你哋自己決定。莫非師傅就係老細？你有佣分？斬多件叉燒要入你數？呢間嘢嘅做法，我會一直宣揚開去，比廣大市民睇到你哋營商手法係。希望你哋都可以公道收到呢個價錢俾返有質素嘅食物你嘅客人。…Read More

話說早半年已經寫過呢間嘅食評講佢嘅雙拼飯份量少貨不對辦。今次諗住俾多個機會佢，但係都係令我失望。價錢已經收得貴過人但係食物嘅份量真係出奇地少。雙拼嗌雞每次都係跟雞翼，將隻雞翼切到六七件咁樣，啲叉燒又係切到薄一搏一件分七件。令到你睇落好似好多件但係其實就係一世舊切好多件。真心希望呢間舖頭可以改善一下佢哋呢個份量唔老實嘅一面，一係就價錢調低啲。真心唔明點解仲有咁多人幫襯呢間咁嘅燒味舖。順便喺度為大家推薦一下過兩條街有一間叫楊明燒味，燒味雙拼都係$35味道其實都幾好份量由足仲要送可樂或者例湯。希望大家快啲醒覺唔好再支持呢啲無良商家。…Read More

呢間其實多人幫襯都有原因嘅，食左灣仔咁多間燒味店，呢間嘅味道又真係幾好，食物係OK！可惜最大問題係佢食物嘅份量好似好貨不對辦。嗌個燒味雙拼飯，雞拼燒鵝，幫襯佢10次有九次雞係會比雞翼（純粹個人體驗，但冇理由咁q嫁麻係咪？），仲唔係雞全翼，份量少得出奇之餘，唔知係咪想掩人耳目好似做到俾足份量你咁，會將一隻細細嘅雞翼切開6-7件拼埋去，睇落似有好多肉咁，覺得有啲搵笨。轉雞髀加錢我就明啫，一個好啲嘅部位，價錢先食到都應該，但唔代表唔加錢我冇機會抽到雞髀㗎嘛。唔講雞髀，咁雞翼呢？如果次次雙拼都係拼雞翼，咁不如你叫單拼雞翼飯，默認配雞翼，咁就合理啲，價錢又可以平番啲。六十零蚊一個中午飯，俾隻雞翼你嚟唔嚟譜。至於燒鵝，又係俾啲奇怪位，永遠都係會切到啲得浸皮黐住個殼嘅部位，真係想搵多舊肉都難。食完非常之唔飽，感覺只係食咗陣燒鵝皮同埋一隻雞翼嘅燒味雙拼飯。接住落嚟當然就係要講吓服務態度啦，一如既往多人幫襯嘅舖頭永遠都係好似唔休做咁，啲夥計係唔會理你，亦都唔需要態度好。（純粹個人感受）十問九唔應，感覺非常之冇禮貌。今時今日咁嘅服務態度係唔得㗎。不過冇計，可能知道多人幫襯，都唔使點理你。但你唔好忘記，疫情時候向政府申請抗疫基金都係納稅人出錢幫你。希望餐廳可以以提升服務質素。雖然一路都有幫襯，但依家真係忍唔住，決定以後唔幫襯。希望其他客人都可以有骨氣啲，唔好縱容呢啲食肆。相信一定有啲更好嘅選擇。…Read More

我係一個喺灣仔返工嘅打工仔，其實早喺七八年前已經有幫襯開，一星期都會買兩次外賣。食物方便其實還好啦。雖然車仔麵選擇唔係特別新穎，但呢個價錢冇投訴。今日特登寫呢個食評因為實在有太多太不愉快嘅事情，相信部份港人選擇唔留港消費都係因為價錢同埋服務態度。一碗麵幾十蚊，價錢當然唔係問題，問題出喺服務態。基本上10間有九間都係咁，尤其是中午繁忙時間。可能有人會諗，咁唔好又幫襯佢咁多年。的確就係因為方便，香港人就係貪方便，或者係冇選擇。我對呢間嘢冇偏見，只係個別員工服務有問題，忍唔住要喺度反映。平時收外賣紙個阿姐已經態度差，行入間舖遞外賣紙俾佢諗住方便唔使佢行，佢會用命令式嘅語氣同你講：出返去。就算你褪到出返去門口，佢會再補多句：落多兩級。心諗，入嚟幫襯你多謝都冇句仲要比起你受，香港人就係衰冇禮貌，樣樣嘢都急同快，俾人印象真係差，尤其呢啲外賣，你呢啡啡求求其其，好似問多佢一句都會死嗰種。入正題，今日又去幫襯外賣，收外賣紙個阿姐一如以往命令式嘅服務態度，喺收外賣嘅時候比錯咗一次我，好心提佢佢換返俾我，心諗實冇死啦，然後返到公司一打開個面先見到又係錯嘅。打返去新拱照同佢反映，問題嚟啦，有個後生少少嘅姐姐聽電話電。我問佢可唔可以叫返收外賣紙嗰位員工，點知佢一句就話：佢好忙㗎，唔得閒聽你電話啊。咁唯有同佢交代啦。點知呢個後生少少嘅姐姐態度極差。同佢表達左比兩次我都錯，點知不但一句對唔住都冇，仲要同我講我都有責任去對一次單對返啲食物係冇比錯。我同佢講，咁唔好意思呀係咪我問題而家？比錯2次嘢食我都仲要我道歉？之後佢就話，你要明白繁忙時間大家都好忙，堅持咁話你哋客人自己都應該對返食物。我嗰刻心諗，忙就大晒？自己出錯就將責任推喺客人身上，堅持厚面皮唔道歉，又唔建議補救方案，例如返嚟換過面俾你等。你哋可能會諗，好少事啫，咪照食咗佢囉。但我唔係咁諗。一嚟係原則嘅問題，唔可以促成佢哋呢種服務態度係正確，二黎我唔選擇去食嘅原因係因為我對佢比錯嗰樣食物有敏感。所以最後都係選擇行返返去同佢換返個面。點知一去到同佢開口講，佢就當住所有客人面前拆開我個面同我講：邊度有錯啊對返張單冇錯喎。咁我就同佢解釋返係因為連張單都錯佢先肯換返個面俾我。仲要黎手訂支筆同埋外賣單俾我自己填，真係佩服佩服！最後我當然同佢講，你哋咁嘅服務態度，難怪個個都唔留港消費啦。你哋有問題嘅時候，就淨係識得攤大手板問政府攞錢同求救，又唔認真諗吓其實自己邊度出咗問題人哋先唔嚟幫襯你。順風順水嗰陣又唔見你益街坊？真心希望政府唔會幫你哋呢啲咁嘅冇品食肆企業。同埋經歷今次之後我真係可以忍心唔再幫襯你哋。寧願小個選擇，都唔要受你哋氣。雖然咁樣做對你哋影響唔大，但真係希望你哋可以自我檢討。…Read More