dizzydaily的個人專頁

經過海之戀商場，見到Peko Peko 最近轉咗新下午茶menu，所以決定入去試吓。今次叫咗個法式西多士，一嚟到外貌好吸晴啱晒打卡。一切開半流心狀態唔似平時食開個啲咁，入邊啲蛋漿仲甜甜地，所以就等唔落楓糖漿甜度都啱啱好。仲有好多水果，加埋個雲尼拿雪糕一凍一熱冰火交融。呢個真係好值得一試。仲見menu有啲漢堡，仲有班㦸漢堡。下次再嚟試吓先。呢一個係2人份，2個人真係啱啱好。仲包埋嘢飲又幾抵食，人均都係50幾蚊。…查看更多

🇭🇰Hong Kong - Kowloon City📍大和堂咖啡店煙三文魚慕絲炒滑蛋多士配三文魚子沙爹牛肉粗麵朱古力咖啡麻薯曲奇濃濃朱古力Coffee Latte Cappuccino _____________________________好耐無去過九龍城，九龍城對我黎講黎一個回憶地方，細細個同公公婆婆係九龍城遊走。返到黎發現原來呢到唔同咗好多，有地鐵，有更多美食。今日經過一間Cafe裝修好特別所以就決定入去試下。入到去見到好多唔同牌匾同仲有一個百子櫃，原來呢度係由一間藥材老字號改建為Cafe嘅店鋪，保留咗當時部分用具。比人感覺好特別，可以回味到老香港，亦都好貼切九龍城比人嘅感覺。Cafe主要食物，有好多Crossover嘅食物，好似雞蛋仔，李輝記牛肉。但今次就試咗沙爹牛肉粗麵同多士。沙爹牛肉粗麵好特別！一開始以為係撈粗個啲中式粗麵，但原來係類似意粉嘅闊條麵，港西配合，好特別嘅配搭。而多士，多士做到內脆外軟，加上炒蛋。好味道，而多士特別之處係用煙三文魚打成慕絲再加上三文魚籽呢到成件事好鮮。最中意食曲奇嘅我，見到曲奇點會錯過。店長會幫你叮熱塊曲奇，一上菜嘅時候已經聞到好香嘅朱古力味道。兩杯咖啡一凍一熱，都揀咗Nutty，帶有堅果香味。而Cappuccino奶泡細滑，拉花仲係隻狗仔好可愛。正間店環境氛圍好舒服，好啱同朋友飲杯啡Chill下。📍九龍城衙前塱道24號地舖…查看更多

🇭🇰Hong Kong - Kwun Tong📍 Four O Five Coffee & Eatery 海苔魷魚配芥末醬手工日本和牛漢堡配薯條香濃海鹽朱古力疏乎厘斑㦸奧利奧沙冰芒果菠蘿沙冰_____________________________觀塘工廠大廈出咗名多嘢食，因為同事介紹我哋呢一間。喺地鐵站行過去都係幾分鐘。同朋友兩個人咗一個小食，一個主菜一個甜品。小食嗰方面就不過不失，但係佢個日式芥末醬真係幾好味。漢堡我哋兩個人發現佢上菜嘅時候個分開咗兩個小漢堡好貼心。個漢堡扒真係不得了，一咬落去爆汁超級Juicy。佢哋個薯條好好味，佢哋平時食開嘅薯條薯條特別脆另外外層加咗一啲味粉，就算唔點茄汁都好好味。呢到今次呢餐飯嘅重點，就係佢哋個疏乎厘班戟。入嚟餐廳見到每一堂都係食緊呢一個班戟，上網睇唔少評價，亦都對佢呢個班戟大贊不絕。梗係要即刻叫返個，今次叫咗我最鍾意嘅口味朱古力味。發現好大份好足料兩大舊疏乎厘pancake超級鬆軟空氣十足，滿滿嘅朱古力醬朱古力碎碎。一開始見到有咁多朱古力醬嘅時候以為會好漏，但原來唔會全部啱啱好。另外仲有見到有好多多款唔同嘅口味我決定下一次再去試吓唔同嘅味道。我杯嘢飲就鍾意菠蘿芒果個一杯多啲，因為真係好重芒果嘅味道唔會有香精糖漿味道。另外個人覺得呢間都幾抵食，份量有足夠。下次要再去試下。📍觀塘成業街19-21號成業工業大廈地下2號舖…查看更多

🇭🇰Hong Kong - Causeway Bay📍Fat Daddy 胖老爹每次台北必食嘅胖老爹原來係香港開咗，上次新年經過冇開，今次去開銅鑼灣終於可以試到！今次叫咗個單人雞腿餐試一試，必有上腿下腿雞全翼同一罐飲品！呢度係一間外賣店，所以冇任何位置可以食嘢，所以我哋行咗去維多利亞公園坐低食！第一樣要讚吓嘅就係佢真係即叫即炸，所以買完要15-20分鐘左右。但不得不說即炸真係好好味！個人比較中意上腿同下腿嘅味道，呢個炸衣會比較重味啲，而雞全翼味道會比較淡小小。正體黎講味道就係不過不失，但呢個炸雞確實比KFC、麥當勞Juicy好多，一咬肉汁爆出黎。下次黎會再試下其他小食，今次太飽無食太多。台灣咁出名嘅胖老爹黎到香港好似無乜討論點，可能宣傳唔夠到位。同埋位置比較偏，去銅鑼灣行街都一定唔會經過。但確實係一間幾唔錯嘅炸雞，有機會一定要試下。📍銅鑼灣糖街8號樂聲大廈地下G05號舖…查看更多

🇭🇰Hong Kong - Wan Chai📍Yeaffee 爺啡DirtyMocha _____________________________最近經過灣仔發現到一間好多海賊王嘅咖啡小店吸引咗入去。對於尷尬癌嘅我入到覺得唔係太好意思，因為店主同緊另一位客人研究咖啡，但尷尬癌發作嘅我無好好同店主了解。今次分別叫咗2杯，分別係Dirty同Mocha。Mocha口感好濃郁，有陣陣嘅朱古力香，同咖啡苦澀味有好好嘅平衡而令到我呢我咖啡小白都覺得比較容易入口。另外Dirty，Espresso撞入凍奶入邊，係第一啖嘅時候可以聞到好濃烈嘅香氣，可以試到Espresso嘅強烈風味，亦都見薄薄一層嘅咖啡油脂。第二啖可以慢慢感受到熱Espresso同凍奶嘅雙重口感，每一啖飲落去都會有唔同嘅感覺。對於啱啱有小小咖啡小知識嘅咖啡小白嘅我，感受到店主對咖啡嘅熱愛。會了解客人喜奶，而店主亦都知道我對咖啡係初步認識所以會推薦我飲奶咖。如果中意咖啡嘅你真係應該去識下，同店主暢談咖啡。📍灣仔駱克道146 -148號裕安大樓地下C2號舖…查看更多

🇭🇰Hong Kong - Causeway Bay📍Thai Simple Kitchen 泰簡單燒豬頸肉咸魚炒芥蘭皇宮大蝦蛋網炒金邊粉冬陰功鮮青檸特Shake冰珍多冰_____________________________大家通常食泰國菜都係去九龍城，但對於港島人去九龍城食真係有小小麻煩。今次介紹大家銅鑼灣地道泰國菜。呢一間泰菜由我七八年前係銅鑼灣做Part time嘅時候已經開始食。餐廳由泰國人主理，不論廚師同侍應都係泰國人負責。餐廳亦都都室內及室外座位比你選擇。但食個日天氣都小小熱所以揀返室內。每次泰菜必點冬陰功，呢到有得揀Size而今次就叫左個細過下口癮。但不得不說呢個冬陰功好足料，有大量香料亦都用咗大頭蝦去熬製而成。酸酸辣辣嘅同時亦都有陣陣鮮味。烤豬頸肉，烤製而成嘅豬勁肉配上特製醬汁味道啱啱好。而豬頸肉唔會烤到好乾，啱啱好仲帶有小小肉汁。另外，叫咗個咸魚炒芥蘭，通常泰菜最中意係用泰式醬汁或者係馬拉盞炒，而呢個係用咸魚炒。咸香嘅味配上芥蘭好好味。主菜炒金邊炒，配上皇宮蝦，蝦好鮮。而金邊炒配上蛋網，好好味。另外，叫咗兩杯飲品。青檸特Shake冰，可以自己落手落腳Shake下好特別，有啲野可以玩下。而珍多冰係每次食泰菜一定叫，因為本人太中意飲椰類產品，而有啲啫喱可以咬下咬下更啱我心水。📍銅鑼灣謝斐道517號總統戲院頂樓…查看更多

🇭🇰Hong Kong - Causeway Bay📍甘味處鎌倉 本人係一個超中意食蕨餅嘅人，但奈何係香港仲未食到一間食完會再返去食嘅蕨餅！點解呢！？第一，香港常見蕨餅係比較四四方方好似一粒啫喱粉外面加層黃豆粉。第二，另一款會相比起第一款嘅蕨餅軟身啲，而入邊會係一啲無聞無味嘅蕨餅需要外層黃豆粉同黑糖加入味道。最重要係大部分都係預先整好。但今日，終於係香港搵到一間好好味嘅蕨餅！所有蕨餅新鮮即製保持到蕨餅最佳口感，質地比較軟糯。唔好似平時食個啲實得得。一盒五粒，鋪滿大量黃豆粉。但一打開盒嘅時候有啲小麻煩，因為太足料滿滿黃豆粉飛出黎。今次無另外買到黑蜜，而個人覺得就咁食已經好好食。宜家經過一定會買盒黎食過下口癮。📍銅鑼灣軒尼詩道500號希慎廣場URBANHOOD B1樓B101A號舖…查看更多

🇭🇰Hong Kong - Wan Chai📍 聰。C Dessert 龍眼椰果冰芒芒麗莎布蕾醬焦糖脆脆雪糕脆夫_____________________________以前係銅鑼灣返工嘅回憶返嚟，好記得以前係銅鑼灣返完Part-time之後最中意同班同事一齊食飯食宵夜先走。最中意就係去食「聰嫂」，每次都比佢啲冰吸引到，自從無係銅鑼灣就無再食過，之後有日發現經過原來已經結業了。但最近發現佢地係灣仔開返新鋪，咁梗係一定要去食下。當然走唔開都係要排下隊，大約排左5-10分鐘左右。其實流轉都幾快。每次必叫龍眼椰果冰，相信食開「聰嫂」一定記得佢個招牌龍眼。龍眼肉同冰打埋一齊，食落有好濃嘅龍眼清香。加上椰果同爆珠西米，增加咗成碗冰嘅口感。坊間食過有好多唔同嘅龍眼冰，都係覺得呢間最好食。芒芒麗莎，芒果汁個基調加入唔同增加口感嘅配料例如爆珠西米、椰果同小丸子。仲有芒果果肉，成係好香甜嘅芒果味道。中意食芒果嘅你唔好錯過。除咗經典回憶嘅甜品之外，今次仲叫咗個窩夫食。呢個窩夫好有驚喜，成個窩夫係鬆軟亦都好香牛油味，因為呢個係牛角窩夫。上到枱仲係熱辣辣，配上雲尼拿雪糕，一凍一熱。呢個旁邊配上布蕾醬味道就好似食緊焦糖布丁咁。📍灣仔莊士敦道35-45號利文樓地下1D號舖…查看更多

🇭🇰Hong Kong - Causeway Bay📍Hashtag B 近年黎唔知點解突然好興酥皮蛋撻，而呢種酥皮蛋撻唔係我地平時係茶記叫個種酥皮而係比較西式做法啲嘅皮。今日就試下人氣大熱嘅Hashtag B，睇下佢個蛋撻有幾好食。話說我都經過三、四次次次都賣曬，今日終於比我買到！今次大約兩點半左右到，仲有大量蛋撻，但同時都見到好多人急急腳入去鋪到，係短暫排隊嘅時候我糾結緊買幾多個好呢。一聽到前面嘅人買「一打唔該」、「要打半啊」，心諗咁好食要買咁多。好啦我都買4個試下。因為買個時仲係熱辣辣，忍唔住即刻食咗個試下。一咬好酥脆，呢間酥皮有別於其他係千層酥皮。酥皮亦都好香牛油味道。蛋漿方面個人覺得蛋味唔係好重，反而比面層嘅焦糖味蓋過。有種葡撻嘅感覺。📍銅鑼灣利園山道73號寶榮大廈地下F號舖尖沙咀加拿芬道49號夏蕙樓地下C號舖鰂魚涌華蘭路25號太古坊栢克大廈地舖好多人會用Hashtag B 同Bakehouse比較，但兩者嘅蛋撻確實係有所分別。而個人比較中意Hashtag B個款。…查看更多

🇭🇰Hong Kong - Kwan Tong📍Be Leaf香蔥涼拌炭燒牛舌白酒牛油煮魷魚拌香辣茄子醬泰式辣椒膏奶油海鮮意大利飯Grapefruit Summer SodaOcean Paradise_____________________________最近Office搬左去觀塘，經過呢間餐廳幾次都比佢外觀吸引到。今日收工諗唔到食咩就決定去試下。原來呢到係食多國菜，叫咗幾款野食試下。叫左兩杯，好靚靚嘅飲品分別係Grapefruit Summer Soda，Ocean Paradise。兩杯飲品都好啱打卡，Grapefruit 個邊酸酸味味咁，另外外貌好似一夕陽日落嘅顏色。而個人比中意Ocean Paradise比我嘅感覺好有大海feel。食物方面，份量兩個女仔Share好足夠，本身諗住食埋甜品，因為最後食到好飽放棄咗。但見到佢地啲甜品都幾吸引，決定下次再去試下。小食叫咗兩款分別係牛舌同魷魚。牛舌底部有大量蔬菜就好似一個沙律咁，連同啲汁比我感覺有種食緊泰式青木果沙律，好Fresh。另外，一款魷魚呢到菜有小小驚喜。因為我完全唔中意食茄子，但呢道菜個醬係用茄子整，一開始都有小小抗拒但食落又幾好味喎。可能佢已經整碎了。最後，意大利飯，用咗泰式辣椒膏黎整。泰式嘅味道加入意大利飯中crossover又幾好味。另外，所有菜式擺盤都好靚，加咗好多小小裝飾有啲花花。好有少女心，啱晒去打卡。…查看更多

🇭🇰Hong Kong - Admiralty📍Apinara 泰式椰子雞湯泰式通菜泰式炒金邊粉 配 燒珍寶河蝦芒果糯米飯 配 椰奶_____________________________前幾日去完皇后像廣場睇完大心心，得閒無野做周圍行行。行下行下去到太古廣場，太古廣場一直比得感覺係全部都係名店，但行下發現到間性價比唔錯嘅泰國餐廳，所以決定試下。今次叫咗啲平時食開嘅野食對比下。椰子雞湯，好香椰子味亦都有好重香料味，而個人好中意泰式湯嘅酸酸辣辣味道。另外，超足料有好多雞肉同草菇。另外，每次食泰菜必叫炒通菜，搭配著泰式調味料和香料，香香辣辣好惹味。最驚喜係主菜泰式炒金邊粉配燒珍寶河蝦，超大隻河蝦，差唔多半隻碟咁大，河蝦好鮮甜亦都有好多蝦膏。將啲蝦膏撈埋落啲金邊粉增加鮮味。食泰國菜甜品一定唔少得芒果糯米飯，糯米飯好香糯配椰奶甜道啱啱好。而個芒果甜到有一度得以為佢係浸過糖水，但完完全全唔係。係芒果發出嘅甜味。埋單人均＄250，性價比真係唔錯。仲要係太古廣場，店鋪環境好舒服，平時去開九龍城食，一定環境無咁好。決定下次會再Encore。最後發現原來佢都係Nara團隊，Nara團隊連續10年獲選為「 Thai Tatler 泰國最佳食府 」。但相比起之前食Lady Nara個人覺得呢間好食啲。📍 金鐘金鐘道88號太古廣場L2樓205號舖…查看更多

🇭🇰Hong Kong - Tsuen Wan East📍 饞。台式食堂台灣炸滷排骨飯酒香花雕麻油雞麵牛肉麵蒜片台灣香腸仙草奶茶椰果蜂蜜甘桔檸檬_____________________________難得去荃灣做野，經過如心廣場就試下呢間台灣菜。分別叫左一個小食，三個主菜，兩杯飲品。每次食台灣菜一定會叫台灣腸食，好多餐廳都唔會跟蒜，但呢到竟然有跟蒜片。真係好地道，食台灣腸真係一定要配埋蒜食先好食。條腸好Juicy咬落仲會爆汁。另外，叫左三個主菜分別係台灣炸滷排骨飯、酒香花雕麻油雞麵、牛肉麵。花雕麻油雞麵好好味，酒味好出配上麻油雞，食完覺得暖笠笠。而麵質類似陽春麵麵質。而牛肉麵牛肉好好味，好淋唔會食落好多渣。湯底好濃郁。最中意舊蘿蔔，入晒味好好食又甜。而排骨飯大大塊排骨配上滷蛋同酸菜好有食台式便當嘅風味。兩杯飲品就不過不失，個人偏愛椰果蜂蜜甘桔檸檬。酸酸甜甜好味道。📍荃灣大河道98號如心廣場二期1樓122號舖…查看更多

🇭🇰Hong Kong - Shau Ki Wan📍Dirty Skillet特式炸茶樹菇，蛋黃醬日式鐵鍋牛骨髓，鵝肝，雞蛋，牛柳飯震震下梳乎厘奄列Pineapple Hat台灣水果茶_____________________________最近係筲箕灣發現咗間好多旋轉木馬做主題嘅餐廳，見最近朋友生日就約咗嚟慶生。呢間餐廳好多特式食物，同飲品亦都好IGable。分別叫左兩杯飲品Pineapple Hat同水果茶，兩杯都好Fresh。水果茶入邊有滿滿嘅新年水果西柚、青檸、熱情果。個人偏愛Pineapple Hat，一上菜已經好香菠蘿味，入落口好Fresh，杯上仲有一片焦糖菠蘿，如果中意菠蘿嘅你一定唔好錯過！小食今次叫咗炸茶樹菇，本身我就唔係太中意食菇因為唔中意菇嘅味道。朋友中意亦所以叫左呢道，但有驚喜。啲炸粉本身有少少調味，加上蛋黃醬都令到我唔太中意食菇都一條接一條。菇本體都好Juicy。鐵鍋飯店員先將雞蛋 牛骨髓放晒落飯到一齊炒，有種食Pepper Lunch嘅感覺但當然係高級版。牛骨髓中嘅牛油香，配上鵝肝嘅香。食落去唔會好油。嚟到甜品，因為同朋友慶生店舖幫手寫咗Happy Birthday。最驚喜係佢放咗係一個旋轉木馬碟，仲會播生日歌。甜品份量十足，梳乎厘好鬆軟好香蛋香。…查看更多

🇭🇰Hong Kong - Central 📍媽咪雞蛋仔原味雞蛋仔原味格仔餅_____________________________每隔一段時間就會突然之間好想食雞蛋仔同格仔餅。唔知你地又會唔會呢？經過中環街市係鋪頭準備閂嘅時候叫左兩份黎食，熱辣辣。兩份都叫咗原味，個人口味次次食雞蛋仔同夾餅一定係叫原味。等咗大約15-20分鐘左右。蛋漿好香蛋味。雞蛋仔外脆內軟，唔會係成個都空心或者實心。而個人偏愛嘅格仔餅，好多料。呢款係軟熟厚實，而唔會係好薄好脆個一款。另外，搽咗滿滿嘅醬，每一啖都食到，而唔會好似有啲鋪頭得小小醬。得閒買黎過下口癮都唔錯！媽咪雞蛋仔分店愈開愈多而味道亦都有好多。…查看更多

🇭🇰Hong Kong - Sai Wan Ho📍老兄苔梅粉地瓜球_____________________________唔知大家去台灣夜市最中意食咩呢，每次去到夜市我最念念不忘一定係地瓜球。每次係香港食個種地瓜球唔知點解一定係實心、有餡或者唔係就咁地瓜咁簡單。最近去開太安樓掃街，發現新開咗間買地瓜球即刻買黎試下。有型型式式嘅味道有咸有甜，最後我都係叫返梅粉味。地瓜球確確實實係台灣夜市食開個款空氣感十足，亦都非常煙韌。亦都大大粉。加上梅粉酸酸好好味，但店員好重手，大量梅粉有幾粒係極酸。整體黎講味道口感唔錯，但奈何唔係即整凍咗就有啲唔係幾好食。📍西灣河筲箕灣道57-87號太安樓地下A39-A號舖…查看更多