mchy's Profile

聽過這間隱世糕點店好多次，一直都想試吓但無機會，終於上星期六試了，因為剛剛食完飯和糖水即刻食唔落，所以只買了一粒芝麻糯米糍回家吃，嘩！超好味，好軟熟，皮同芝麻比例啱啱好，又不太甜，勁後悔只買了一粒⋯於是今日再去買，兩粒芝麻加一粒紅豆，點知好失望，⋯今日D芝麻糯米糍爆開哂漏哂出嚟，仲整到紅豆糯米糍個面癡滿哂芝麻😒個紅豆糯米糍就真係堅難食，個皮好硬又實，好似隔咗兩夜咁⋯點解只係幾日D質素可以相差咁遠⋯😔…Read More

秋風起最適合燒嘢食，因為朋友嘅朋友識人有折，所以就跟大隊嚟咗呢度，睇之前嘅食評多數好差，所以都無乜期望，可能又係因為無期望反而有驚喜⋯之前都幫襯開隔離，估唔到我個人覺得呢邊仲得⋯⋯食物方面種類都好多，牛扒丶豬扒丶雞中翼丶全翼丶金沙骨丶多春魚丶青衣魚柳丶秋刀魚丶一口牛⋯等等⋯不能盡錄，比較特別有羊架同豬仔脾有錫紙供應包蔬菜同蕃薯等魚蛋丶牛丸又好多品種，長洲大魚蛋丶芝士丸丶海膽丸⋯等等⋯都係不能盡錄，但重點係食物唔會過咸同重味精，成晚都係飲咗一支水同一罐半可樂，但隔離嗰間D食物係好食，但飲嘢飲到窮，一晚起碼飲3罐可加兩支茶⋯食物擺放整齊乾淨，仲有爆谷機即製爆谷，另有鹽焗蛋同牛角包👈🏻一般燒烤場比較少見價錢亦合理，平日$158一位包一支水加一罐飲品（朋友嘅朋友價$138），而且地方都大，每個爐都係大方形爐，每個位有雪櫃可以雪住飲品蛋糕咁，蜜糖丶碳無限供應，仲有好多醬料⋯⋯門口位有張乒乓波枱同空地可以打羽毛球員工方面我又覺得0k，無黑口黑面非常正常，走時門口員工仲主動講bye bye，都幾有禮藐吖😊…Read More

一直都幫襯開太古分店，見將軍澳開了新店所以慕名去試，但有點失望，太古店好食好多⋯因為將軍澳店係掃枱面QR code 點餐，所以欠缺彈性，尤其係湯底醬料，因個app已經set好只可選一款，但太古店可以因應個人口味混合幾種醬料，而且太古店可以見到所有餸，邊樣吸引點邊樣，我個人覺得車仔麵應該是見餸即點比較正宗傳統⋯在沒有比較下，味道是可以的，而且這店有店員送餐，坐底丶點餐丶就有得食，除非俾現金要出櫃面俾錢，否則俾Apple Pay 或八達通（店員有手提八達通機）都可以坐喺度等食😝個人還是較喜愛太古店的味道！…Read More

因地鐵keep住提早收工，所以只可在附近找餐廳食晚飯慶祝生日，睇open rice 食評好壞參半，但見星期一至五有75折，在沒什麼選擇下就姑且試一試，當日晚上6:30打去問仍然有位，而且4人同行壽星半價，另外3位仲有7折，比預期還化算，當然服務費以正價計。本來沒什期望，因為閒日可能食物選擇會較少，而且地點遠應該無乜外來食客，食物可能也無咁新鮮（因為流轉慢）⋯一上到去竟然都頗多客人，差不多半滿（當然餐廳不是很大），而且食物選擇亦很多，而且有些幾特別，有原盅燉湯，還是即煮龍蝦湯（有半邊手掌大的龍蝦，另外配料有十幾種自選），仲有即點BBQ, 即點即燒，燒好有服務員送給你，唔駛企響度等。有即開生蠔，雖然細隻但蠔味好濃。冷盤：凍蝦丶青口，凍蜆，日本蟹腳丶魚生丶壽司丶煙三文魚丶沙律吧丶冷麵丶芝士⋯ 的確，熱盤選擇較少，但我個人好少會食好易食飽咗嘅熱盤⋯ 另外prime rib 超好味😋甜品同水果巴都十分多選擇，而且差不多款款好味，因為好多細細件的小蛋糕或西餅，好多時好睇唔好食。基本上甜我一定試哂，得一款我個人覺得唔好食，其全部都好味。甜品：各式甜點丶龍鬚糖丶豆腐花丶朱古力噴泉丶Haagen daz 雪糕吧丶窩夫⋯至於服務，見好多食評寫得好差，但我當晚遇到的我覺得幾好，雖然餐廳不大，但仍有5-6個服務員行來行去收碟，最值得讚是負責現場serve食物的員工，超有禮貌，又會介紹一下食物，最友善的是負責BBQ的員工，另外serve prime rib 同甜品的員工也非常有禮👍🏻我見其他幾枱食客可能也是因為生日半價而來，見可以在碟上寫Happy Birthday 連一件較大的西餅，我都問了是否生日就有，可惜我是臨時去的，要預早訂先有☹️整體感覺非常良好，可能沒有太大期望，反而結果喜出望外，服務好，食物質素高，而且價錢非常合理，三大一小連加一＄13xx👍🏻…Read More

坐車經過見到有新餐廳，適逢星期五晚上7點半左右，在銅鑼灣周圍都超多人又要等位，見呢度新開，環境幾好，又唔多人，可以舒舒服服咁坐吓食吓嘢，所以就揀呢間試試主打意大利菜，半自助式，自己在收銀處落單付款，然後有員工送餐，由於不大肚餓，只點了一個pizza和兩杯飲品，個pizza 我個人覺得好好食，中間薄，個邊厚，局得好乾身，又不太濃味一杯sangria cocktail, 勁多大大件真生果一杯watermelon cup mocktail, 完全無加糖漿，不過有點酸餐廳仲有意大利雪糕同其他甜品，下次一定要試試😋…Read More

一直都有幫襯開呢間Starbucks,店員一般都好nice, 但最近有個店員細細粒，紮馬尾嘅，服務態度度超差，客人仲坐響度就好大動作咁掃地同抹枱，仲要係推斜張枱45度咁掃枱底，跟住好粗魯咁＂劈＂張餐牌落嚟話＂睇吓飲咩，轉頭幫你落單＂跟住就行開⋯⋯呀妹，枱面無杯唔代表無幫襯，只係已經飲完再掉埋啫，同埋你地幾時開始多咗行去幫客落單呢個服務呢？你講得出又做唔到，咁即係想點呢？你咁嘅行為係咪擺明趕客呢？今時今日咁嘅服務態度好難同人競爭！…Read More

第二次幫襯，因為試過好食先再次幫襯。第一次係週末霄夜時段，所以坐無虛席，店員唔夠，所以黑囗黑面可以理解，而且食物都幾好食，今次未夠7點就到，可能係閒日又早,所以大把位，我以為可以隨便坐，門口收銀呀姐連續三聲喝住我問幾位🤫(駛唔駛呀），都無乜客，其他店員仍然黑口黑面，落單可以粒聲唔出，唔會覆一次，又唔會話好丶得等，總之行埋黎寫，寫完轉身走⋯最勁有個呀叔送餐黎，一掙批落我個頭後，完全無感覺咁，放低碟嘢就轉身走，點呀？講句唔好意思都得卦，真係今時今日咁嘅服務態度⋯…Read More

漫無目的行到福隆街，因為口渴揾地方買嘢飲，全條街好似得呢間賣嘢飲，喺無選擇下唯有買，招牌貨應該係樽裝奶茶，但奶茶唔解渴，所以我買檸檬茶，可能因為人人都只買奶茶，當我叫檸檬茶時店員都打個突，話要即刻整，其間有幾個人都係買奶茶，即買即有唔駛等，等咗5分鐘终於有得飲，真係好好飲，喜出望外，檸檬切片再切細塞哂入樽，我估係用蜜糖冲，所以有陣陣香甜，又唔會太甜，又好重檸檬味，十分解渴係唔鐘意飲奶茶嘅朋友另一好選擇…Read More

價廉物美又正宗，無諗過在澳門有間咁好食咁平民價嘅正宗意大利餐廳我地路過，跟著睇食評，雖然唔多人評，但全部一致好評，所以就試試，真心堅好食點了：什菜湯，超濃郁，勁多料鮮牛肉沙律，應該唔多地有得食（我估），超新鮮巴馬火腿蜜瓜，呢個都好食風乾番茄緹魚意粉，勁好食，意粉好有咬口，個汁微辣，濃淡適中兩個人食已經好飽，連加一先$436，香港食個pizza hut 都唔得啦…Read More

因為聽到太多人話好飲，所專登排隊都要試吓，可能因為隔離左右都開咗幾間台式飲品店，成條街都塞滿人，原來要排隊嘅係旁邊嘅幸福堂…反而老虎堂唔駛點排，前面只有3個人…珍珠有兩個size,平時正常天仁丶貢茶嗰D珍珠size叫＂波霸＂，比西米大D嘅佢地叫＂珍珠＂，我點了珍珠鮮奶，甜度無得揀，所以結果係超甜，珍珠真係太細粒，一吸就吞咗，唔多咬到…又無咩茶味，一味得個甜字⋯唔明有咩咁好飲⋯D店員覺得好似唔優無生意咁，態度都幾差，問多句都唔願答……Read More

其實目的地係去佳佳甜品，見排哂隊而又未食晚飯，於是打算食啲嘢先，希望陣間無咁多人排隊⋯行來行去都唔知食乜，因為打算食糖水，所以想食啲輕食⋯咁啱見到粥舖，個店面都好似0k，又有食客（唔係拍烏蠅）⋯點知中伏了⋯😭未食過咁難食嘅炸兩，油炸鬼又油益又淋，塊腸粉皮有成3mm厚，仲有D「up」味，我懷疑係整粉皮塊布⋯🤢咸肉糭凍冰冰，好似食擦字膠咁⋯😖皮蛋瘦肉粥都算足料，但唔好食⋯店面裝修可以，但超污糟，地下又滑又跣⋯總括而言=中伏+無下次🙄…Read More

環境寧靜，食物用心，價錢合理因為買波鞋而行經這裡多次，每次都想試吓，但總有原因沒食到，終於今次特別去食，結果喜出望外😍點了煙三文魚沙律，肉醬意粉，薯條及lemonade，三文魚有四大片（一般其他店好多時得2至3小片），沙律菜好新鮮，加上甜醋好開胃，肉醬意粉味道和份量都恰到好處，薯條份量十足，但略嫌炸過籠，有啲乾⋯一個食物加一杯飲品88折，價格十分合理店舖雖不大，但感覺乾淨企理店員服務態度亦很親切一定會再幫襯，值得推介的小店👍🏻…Read More

N年前幫襯過，已忘記什麼味道，聽聞而家好多自由行排隊，剛好經過又見無人排，於是就入去試試⋯餐廳裝修懷舊，啲伙記仲懷舊，全部中年至老年男人，聲大夾⋯一坐底就俾壓力你，企响你側邊，好似要你3秒內落單⋯因為我真係好耐無嚟，加上同小朋友一齊，點都要問小朋友想食乜，幾分鐘後終於決定食乜，伙記好唔耐煩咁落單（可能因為等咗幾分鐘)，我哋點咗杏汁燉蛋同奶油多，點知嚟咗燉奶，我問燉蛋唔係應該黃色的嗎？佢話「係！」，我話我要燉蛋喎⋯⋯呀伙記話「咁你下次講清楚要咩，一係講要咩色」（態度奇差加極度唔願意不先換）⋯但我明眀已經講得好清楚要燉蛋，連小朋友都證明我無講錯，係佢自己聽錯仲要聲大夾惡😠⋯食物方面都0k，非常傳統的奶油多，塊包嘅質感係舊式茶餐廳先有，同新式茶餐廳丶大家x丶大快x嗰啲多士唔同；個燉蛋就一般，可能因為杏汁關係，個人覺得麻麻，但都很滑整體而言，呢個質素嘅食物和服務態度唔值得排隊食=無下次…Read More

每次去D2想玩，但因沒有預訂，所以無得玩，今次一早訂，但結果卻極失望⋯訂了11:30-2:00 時段，所謂的任玩飈車，1點已經截，唔俾再排，實際2.5 小時只飈了3次咁大把⋯明明至2點，1㸃已經一定要埋單，想你快D走食物選擇少，價錢貴點了西班牙磨茹汁雞扒飯，結果唔知點解變咗咖哩汁（沒有磨菇），雞扒是鹽酥雞扒（超咸），飯（半生熟），忌廉磨菇湯（無味，淡如有色水), 芒果梳打（藥水味).....失望的經驗⋯⋯兩大兩小（只有小朋友玩車)，盛惠$906…Read More