wingwingmua's Profile

見之前食過一次味道ok，加上近期海港城coupon可用。於是一班朋友約去食，由於限聚令，幾個人分成2台。電話預約時，餐廳waiter已講明每張台最多可以用5張coupon。此處大家都理解ok。到餐廳進食中，發現兩張台既食物都寫同一張單，於是叫餐廳waiter分翻開單，結果經理黎話，因為我地呢兩張台係識既，所以只可以用同一張單，唔可以分兩張台單！但如果兩張台唔識先可以分開結算！真心奉勸呢間餐廳不如就唔好參加海港城coupon可用商家範圍。參加得黎咁驚自己賺少果幾百蚊，乾脆寫明唔參加，免得個餐廳經理咁忙，日日同客人爭辯。…Read More

之前見openrice評價唔錯，於是決定同屋企人朋友黎試下。book咗上層諗住可以睇夜景，點知果日大雨，山頂大霧到咩都睇唔到，已經好失望。 於是和家人朋友點餐，大概有4個都係哎 肉眼扒，medium，點知越食越奇怪，最後埋單時忍唔住問waiter阿叔'點解會有咁多水？係咪未解凍曬啊？' waiter阿叔嘅回答真係好有創意，佢話'係咁架，呢個係特色黎架，好多客就係黎食d 水'我從來都唔會寫食評，呢篇係第一篇，之前就算幾差嘅餐廳，最多下次唔再去，但我聽見呢個阿叔嘅解釋真係認唔住要影低張相post上黎。我覺得整得唔好，客人反應意見最起碼應該尊重同反應返俾餐廳，而亂up個理由敷衍了事。對呢間餐廳好失望，都唔會推薦or建議身邊朋友去。…Read More