kjustin's Profile

有春天成日落雨既晚上，約左朋友去吹下水，朋友介紹灣仔一間日本剌身屋唔錯，就即管去試下。店裡面環境舒適，枱與枱之間唔會太近太嘈，唔錯。大家首先o黎一杯啤啤佢先，冰凍既三得利生啤Suntory draft beer入口帶點甜味，幾似入口。豐洲市場直送：金目錭刺身，厚厚的一整盤，入口淋身但鮮甜，又帶點魚油香，食晒一盤已經好滿足，有點飽感。再o黎一個特選本鮪盛：2件大本鮪魚腩、2件中本鮪魚腩、2件本鮪魚腩，呢6件真係不得了，入口即溶又帶有濃濃油香，吞左之後口中油香久久不散，3款有不同口感，但各俱油香。而點左少少壽司：玉子壽司帶少少甜，蛋味濃郁蟹棒壽司大大件，又有心思的加上沙律醬北寄貝壽司新鮮、鮮甜軟殼蟹卷大大件有4件，每一件都材料十足，軟殼蟹炸得香脆，唔錯。整體食材新鮮，值得一試。…Read More

位於北角新開張既京川菜太元樓新開張，於是抱著人試我試既心態去湊下熱鬧，星期六18:00已經大排人龍，好彩既係我有訂枱，有好多街坊o黎到已經話full booking要等。店內既餐具都係比較優雅，有d似翡翠玉石，古色得o黎又有點新派既感覺。先來小籠包4隻，小小既包點已經見到內裡滿滿既肉汁，慢慢夾起放入口，唔加任何醋汁已經滿口濃濃肉汁香，皮簿肉香。脆皮乳鴿($28隻)2隻，即點即炸，上枱仲係熱辣辣，皮脆而且肉嫩，小朋友都爭住要食，唔係淮鹽都已經好入味。瑤柱蛋白炒飯：瑤柱及蛋白都炒得很香口，飯粒分明，每一啖都有濃濃既瑤柱香氣，火喉十足。椒鹽黃金豆腐：豆腐炸得外脆內軟，豆腐依然非常滑，外層帶有少少七味粉，微微辣度又帶出黃豆香。黃金蝦：黃金蝦被滿滿鹹蛋黃包圍，蝦頭滿滿既蝦膏令整體錦上添花，唯一不足係如果蝦殼帶少少脆會更好。上海粗炒：鑊氣十足，每一條麵都非常入味，食得出師傅用心制作。…Read More

煤銅鑼灣Goobne近期係我同朋友之間既大愛，環境舒適，地方整潔，再加上無敵靚景，簡直一絕。而且午市人流唔算太多，可以靜靜地又唔需要大排長龍等位。一入門口位置見到一個非常整齊乾淨既水吧位。韓式XO醬烤雞/ 火山辣雞：一次過滿足2款味道既烤雞，韓式XO醬烤雞非常惹味，金黃色外皮烤成少少焦黃，外脆內嫩，肉汁豐富，火山辣雞淨睇表皮已經好吸收，略帶深色既外皮有少少似叉燒，但吃落剛開始有一點甜甜的，但辣味慢慢的滲出來，帶來第2個層次既味道，鍾意辣既朋友必試。芝士泡菜飯：賣相非常吸引，完全滿足到色香味既要求，既有視覺滿足，亦帶來味覺享受，芝士長長的拉絲出來，再配上蛋汁及泡菜，泡菜帶點微辣，開胃。每枱都有餐前小食，醃酸蘿蔔，酸酸甜甜又脆口，可以中和烤雞既油膩感覺。…Read More

自從厚德街市裝修後都冇再去過，原來而家轉左做Foodlane，好似以前既Foodcourt，裝修後一間一間小店整整齊齊又乾淨，於是選左一間日式小店，地方細細但環境唔錯。所有食物自己填在點餐紙上芥辣用細細既盒裝住，用幾多自己加2個師傅用心制作客人order，見到佢地好乾淨好整潔，食得放心單點左壽司，有三文魚壽司魚油香濃又新鮮，象拔蚌壽司爽口又鮮味，北寄貝壽司鮮甜，火炙帆立貝壽司甘甜入口即溶芥辣八爪魚軍艦芥辣味濃而不嗆喉，新鮮，芝士飛魚籽軍艦濃濃芝士香，入口黏黏的，魚籽咬落脆卜卜特上海膽軍艦海膽大大隻，絕無欺場，入口creamy，回味無窮自家玉子燒甜甜的，蛋味香濃鮪世市場絕對係一間隱世小店…Read More

好耐冇去過奧海城，對上一次應該係2年前，今日約左朋友去試下西班牙餐，之前一路都冇食過，就去見識下。星期六人流唔算多，可能因為時間尚早。餐廳裝潢簡潔亦有歐陸特色，紅色皮椅富有西班牙風情。首先我地點左個美國頂級肉眼扒 (HK$268)，有蕃茄仔、薯角及沙律菜點綴，消解牛扒既油膩感覺，貼心的配搭。肉眼扒入口鮮嫩又多汁，一口咬落去有濃濃既牛肉香氣，食過返尋味，好快就K.O.左個扒了而每一枱上都有一碟西班牙脆片，有別於一般薯片既味道，用來配佢地餐廳既醬汁都幾好味。我小朋友因為冇乜耐性，食食下要走去扭彈彈波，呢部機有很多兒時回憶，小朋友又可以一邊玩一邊食，都唔錯。忌簾芝士煙三文魚，三文魚砌成一個一個共5粒小小既波波，賣相都幾精緻吸引，加埋檸檬汁酸酸地，一邊食一邊傾計好快就食晒，最後食幾啖沙律菜清一清，感覺好滿足。…Read More

今日收工約左朋友去食火鍋，經過見到一間比較懷舊又有特色既火鍋店，開頭望上去以為係懷式既舖頭，上到去原來係好乾淨整潔，服務員態度殷勤。點餐前我地見到有一個魚缸入面有好多唔同既海鮮，即點即食，放左上枱仲識郁架，非常新鮮生猛。我地點左海鮮拼盤：有新鮮鮑魚2隻，大蟶子2隻，海蝦4隻，一隻蟹，一堆唔同款既蜆，每樣都好新鮮，鮑魚同蟹仲不停郁。餃子併盤大大隻，雜菜籃有娃娃菜，蕃茄同白菜仔，全部都好新鮮乾淨，我地仲點左幾杯1664飲，爽呀，大滿足…Read More

嘩，大排檔搬到樓上舖真係別有一番風味，嚟打卡影相已經好吸引，樓上舖裝修到好似街市一樣，有魚檔，理髮，燒臘檔，但有個大魚缸好迫真，一班朋友約左係度食飯吹水隊啤杏汁豬肺豬：杏汁味好濃，豬肺爽口好新鮮，湯料十足，洗得好乾淨，好好飲要飲多碗屋村三鮮：生腸脆口，鴨腎入味，滷墨魚，三樣都好，有水準椒鹽鮑魚：鮑魚新鮮爽口熱辣辣又彈牙，上枱仲有少少煙泰式辣肉碎大蝦生菜包：非常惹味醒胃，辣度十足，要包住生菜食中和辣味士多啤梨骨：用新鮮士多啤梨炒，酸酸甜甜…Read More

下雨天，在旺角處處都人山人海，剛巧又帶著小朋友，就在附近找到一家新開的越式餐廳晚膳，侍應姐姐殷勤地招待我們，又細心的安排我們坐到店內安全及寧靜的位置，還問我們需要嬰兒椅嗎？感覺誠懇又親切。一來到小孩子便嚷著要吃蝦蝦，好的，就叫了大蝦菠蘿炒飯，上面配了幾隻大蝦，一望已經大滿足，整個菠蘿上桌視覺效果不錯。菠蘿炒飯用上半個新鮮菠蘿，味道酸酸甜甜，大蝦爽口彈牙，十分開胃，小朋友搶著搶著便整個吃掉。簿餅：小孩最愛，剪開一小塊一小塊，用來配海南雞飯的甜豉油，也吃得津津有味，小孩子自己一個全部吃掉，一點點也不分出來。牛肉湯金邊粉：牛骨湯底好喝，金邊粉滑度不錯，配上香草提升了味覺無骨海南雞飯：海南雞很滑很嫩，沒有骨，吃起來大口大口的，很有情威，不用吐骨頭，所以不失優雅，哈哈…Read More

路迷的我經朋友介紹到悠蔬食吃中午餐，地址是渣甸街，但是我以為是在渣甸坊裡面，於是由街頭走到街尾都找不到，最後還要問路人呢，最後還是找到啦。我們今天點了2個午餐：2個人份量剛剛好，還點了中式糖水作甜品。先來2杯飲品：青檸百香果梳打：百香果酸酸甜甜，清新柑橘茶：滋潤喉嚨胡麻茄子拌珊瑚草：第一次吃珊瑚草，本身沒什麼味道，但配上醬汁和沙律菜，蠻特別的，可以一試紫菜豆卷豆漿湯麵：豆漿湯濃郁，味道不錯台式大滷麵：配料十足，有滷蛋，滷豆腐，紅蘿蔔，好吃點心拼盤：香菇蒸素餃、五香滬式春卷、素叉燒包、素翅香菇燒賣，各款點心跟茶樓吃的味道一樣，像真度十足香脆腐皮卷：一層一層有幾十層，外脆內軟天婦羅南瓜：天婦羅的皮跟平常吃的天婦羅不一樣，這是軟軟的甜品：腰果露配芝麻湯丸，不甜不膩，吃完十分滿足…Read More

三號風球，但天氣依然好好，相約朋友到銅鑼灣食麻辣雞煲，我地一行人6:30左右到達，暫時未見人龍，地理位置相當好，在鵝頸橋旁邊旺中帶靜，晚市$158全包冇加一，任飲任食放題。入門口有飲品機，自己斟雀巢雪糕，紅豆雪條，大腳八任食汽水櫃餐前配菜係我至愛，有酸蘿蔔、拍青瓜、泡椒雞腳，酸酸辣辣，十分醒胃主角雞煲出場，我地點了中辣，雞肉鮮嫩多汁兼入味，麻中帶辣，各人都埋頭不停食食食，食完再點左其他火鍋料，有肥牛、魚骨腩、豚肉、金菇、冬菇、廚師腸、牛栢葉、娃娃菜、淮陽豆腐等等，因為我地顧住食同傾計，所以唔記得左影相…Read More

新都城霸嗎拉麵已經開業一般時間，但次次經過門口都有好多人，今日終於遇到冇咁多人可以入去試o下午餐啦，我地點左豚肉拉麵配餃子同石頭窩飯配野菜。豚肉拉麵既豚肉好大塊，入味一d都唔鞋，湯好濃餃子熱辣辣又脆口，好味野菜冇乜特別石頭窩飯有一層飯焦，都值得一試…Read More

午飯時份，華嫂冰室門外總是長長的人群，抱著人排我也排的心態去等，食物比我相像的要好，味道也很好，會再次加入入龍之中。雞翼煎蛋公仔麵：2隻瑞士雞翼十分入味，瑞士汁已充份滲入雞翼之中但肉質依然嫩滑，煎蛋是半生熟，蛋黃還是流心的，已經份量十足。芫荽豬潤米線：芫荽用多多多來形容絕不誇張，多得可以當菜來吃，豬潤嫩滑味濃，口感一流，湯底味道很好，吃完麵連湯都要喝完，哈哈。…Read More

近期天氣時雨時晴，心情也一樣，於是相約好友瘋狂吃吃吃，首選銅鑼灣滿屋日本料理吃到飽，內裡地方蠻寬敞，放眼滿滿的食物枱，有海鮮枱，熟食枱，沙律枱，飲品櫃，甜品櫃，還有任點任吃刺身、壽司、手卷、炸物、日式料理、特式飲品應有盡有。首先，我和朋友都不吃刺身類的，所以我們只點了壽司和熟食，餐點很快就送上，真要贊一個，每一碟都經過裝飾，感覺眼睛也在吃一樣。我們2個點了避風塘炒蟹，肉質爽口彈牙，蟹肉滿滿。香芋丸QQ的，蠻喜歡這個海蝦鹹鹹的，鮮味彈牙又新鮮壽司類一啖一口，十分方便料理上餐時還在冒煙，濃濃芝士味甜品琳琅滿目，只選了4款，小小的甜味淡淡的，可以再多吃幾回天婦羅熱辣辣又脆口，贊和牛味滿滿的牛味推介蟹粥，蟹味十足，絕不偷工減料豆腐味道一般，但賣相蠻好蜆和蝦也新鮮，要多贊木瓜甜品，女士們最好…Read More

經過譚臣道眼見車仔麵檔比較少人，見到有大什會$41小什會$35，價錢便宜，大膽一試。貢丸蘿蔔生菜米粉：份量足，味道不過不失，咖哩汁唔辣，普普通通。汽水加$8…Read More

今日早餐想食得豐富少少，買左南記粉麵返公司食，早晨套餐$26包飲品，經濟實惠。冬菇春卷米線配可樂都只係$26，灣仔同區已經好難做到呢個價錢，2粒大大冬菇，2條魚肉春卷，冬菇大大粒有咬感，又入味，春卷都好味，不過米線略嫌未煮透，仲係好硬同未煮過無分別。不過$26就唔好嫌3嫌4了。…Read More