BoeyLi1187's Profile

每早的外賣早餐，我試過羅宋湯通粉，牛肉粒和火腿粒兩種選擇。牛肉粒口感軟嫩，有時會遇到滑口的肉，運氣好壞不一；火腿粒則普通，沒有特別驚喜。湯通常很好喝，但有一天似乎沒有加鹽，讓人有些失望。通粉是有紋的，我個人偏好無紋的，像隔壁長江的那種，總體來說還算好吃。另外，我也嘗過沙嗲牛肉通和鮑片通，牛肉的表現不錯，但鮑片就顯得有些寒酸，份量少了不少。價格稍貴，同其他餐廳相差在 8-10 元，外賣如果沒有折扣的話，未必會天天光顧，感覺偏貴。晚餐我點過西冷，味道很好，質素不亞於金鳳。羅宋湯的表現超過金鳳，酸甜辣的平衡和湯的濃稠度恰到好處，是我喝過的最佳羅宋湯，師傅的用心可見一斑👏🏻。餐包每次都能熱住上比客人，口感更佳，注重品質的廚房總會做得越來越好。（題外話💡大家要珍惜目前還做得好的廚房，因為普遍餐廳命運都是一開始做得好，後來可能錢給不足，就換廚房，愈做愈差了。）西冷更是不必多說，肉汁香濃，我配上黑椒汁，味道極佳，黑椒汁不像外面的餐廳，顆粒多會影響口感，但馬德里不會，做得非常好，我甚至用來撈意粉，吃得很舒服。晚餐還點過燒春雞、豬扒、雞扒和燒鴨胸，前兩者一般，不特別，但菜式選擇豐富。而雞扒做得非常出色，大份且滑嫩，有肉汁香，搭配咖喱，讓我一口氣吃完🤣，非常推薦！我還試過燒鴨胸炒三色椒意粉和牛舌三色椒意粉，份量都很足，非常好吃。…Read More

去過幫襯幾次，基本上無論叫咩都係好食嘅。個人印象最深刻嘅係韭菜或者西洋菜豬肉餃子🥟感覺好入味好香而且入邊有汁，食完一份八隻會仲想繼續食。如果想試晒咁多隻口味嘅餃子，可以order十三么餃子，有齊晒店舖嘅咁多隻味。不過我個人都係比較鍾意韭菜同西洋菜。另外都非常鍾意芝士豆腐魚餅，鹹鹹香香，魚餅加埋豆腐都好彈牙同埋嫩滑，雖然佢係炸，但係完全唔會令到佢好老。總之就好鬼好食😋基本上每次去都會叫。另外叫咗蝴蝶腩，俾佢個名呃咗，齋睇個名以為係牛腩，食到最尾先知道係豬肉，難怪沒有牛肉味，個人覺得可以接受，啲肉其實都係鞋的，味道也不算很入味，實質只係得幾舊豬肉，下面都是放了一些菜，這個價錢來說，覺得唔抵食，所以不推薦。另外有叫過呢度嘅酸辣湯，酸辣湯唔錯，辣味同酸味都相當適中，材料都算可以接受，有木耳，魚肚。同埋都有叫過一個係豆漿咋鹹湯，個人係第一次食，鹹鹹香香落咗啲蝦米咁樣囉，個人覺得一般。…Read More

叫咗個二人套餐。一個南瓜湯，一個龍蝦湯。個人非常喜歡南瓜湯，因為很喜歡吃南瓜。龍蝦湯亦都有濃厚嘅龍蝦味。兩個湯都很滑。另外配一個蝦刺身意粉，另一個係水牛芝士蕃茄pizza。刺身啲蝦真係鮮甜，略嫌佢切得太碎同埋太少，啲蝦係好食嘅，意粉方面有龍龍嘅龍蝦汁怖滿意粉，熱食嘅時候係好食好cream…可能佢落咗好多牛油，所以好滑，但係一凍左就好漏，感覺有啲似凍咗嘅卡邦尼意粉。所以建議大家趁熱食。水牛芝士蕃茄pizza，新鮮出爐，啲芝士真係好食到不得了，我鍾意佢個餅底好薄，芝士一啲都唔孤寒，比好多芝士，非常適合芝士迷。蕃茄味好濃，蕃茄醬亦都配合得好好👍🏻感覺廚師材料方面絕對冇孤寒你😃甜品方面叫咗個忌廉泡芙，同埋香辣朱古力蛋糕🍰忌廉泡芙係非常之普通同埋唔凍，所以覺得唔係咁好食。而香辣朱古力蛋糕就幾特別，香濃嘅朱古力🍫食落口回味嘅時候真係會辣，係幾特別，不過個人都係唔鍾意辣嘅甜品🤣嘢飲方面叫左mocha…香濃嘅咖啡味，好飲。環境方面都幾好坐，個場好大，好適合同朋友喺度吹水。埋單$500，個人覺得會再次光顧，因為啲材料方面佢真係比足料，對得起價錢 。…Read More

有試過沙律蛋牛角包同埋芝士火腿牛角包🥐，配鮮奶咖啡及抹茶鮮奶。不知道他的牛角包是否即叫即整，總之就是非常鬆脆可口，而且攞上辦公室吃還是熱辣辣的，雖然佢細細件，而且都幾貴，但係為咗美好嘅一日開始，每個禮拜日我都會食佢🤣幫自己打氣。都慶幸整出嚟係好食的。餡料方面，其實都係印象中或者預期中嘅味道，唔係話有咩特別。他的咖啡☕️個人覺得係牛奶味會多少少🤏咖啡唔會酸。而他的抹茶鮮奶，同樣都係牛奶味比較重，可能佢落牛奶的份量會比較多啲，就唔係話10分香。價錢方面，個人覺得其實都算係偏貴。😆…Read More

今日食咗炸豬扒烏冬同埋慢煮牛肉烏冬，仲有個沙律🥗。豬扒方面都整得唔錯，好入味同埋鬆脆，如果啲豬扒有啲汁就再正d…烏冬就普普通通…個湯都係比較普通，同埋清淡啲，呢個價錢來講係已經好好，同埋佢比嗰啲肉都大大份，冇孤寒你。慢煮牛肉都非常入味，切到好薄，有全熟亦都有生小小嘅，個人覺得生少少嗰啲好似嫩啲好味啲，都算有牛肉香，冇騷臭味，而且嗰份肉都相當大份，所以我俾個like，我係第二次叫呢個牛肉，下次都會叫。沙律方面，我最鍾意嘅地方就係佢肯俾多少少沙律醋，好多地方食沙律都唔肯比多小小醬或者沙律醋，搞到個沙律好清淡，但係呢度唔會，呢個原因令到我今日去食晒成碟沙律菜冇浪費。…Read More

去好多地方食過呢種鳥籠的特色點心🧆喺呢度食嘅叫做係最靚嘅❤️分別有鹹點同埋甜點🍮個人覺得鹹嘅會好食啲。但係啲甜品整得超靚，可愛，連朵花我都食埋，唔敢肯定食唔食得😂總之成件事出嚟係超靚，影相又靚，味道都唔錯，好適合帶好朋友來這裏慶祝生日影靚相。環境方面都好靚，樓底好高，好適合喺度傾偈。…Read More

叫咗個沙律同埋肉眼扒，最尾仲有個焦糖燉蛋。沙律好豐富，材料好多，個樣勁靚，味道都幾好嘅。個肉眼扒，肉味濃郁，5×生熟剛剛好，火候控制唔錯。焦糖燉蛋非常好食😋咖啡都好飲。環境好錯，好elegant……Read More

試左燒鵝叉燒賴粉同埋四寶飯，個粉ok…但係啲燒味係有進步嘅空間。例如：明明已經叫咗肥叉燒，但係佢比的都係勁瘦，個人唔鍾意食太瘦的叉燒，因為這樣肉質會很柴，口感會冇咁好。同埋佢叉燒都冇乜汁，所以就變咗咁㗎冇咁好送飯。燒鵝都係要有進步嘅空間，肉質硬同埋鞋，個皮都唔係太脆，同埋佢上菜嘅溫度都係凍㗎，所以食唔到佢的最佳狀態。…Read More

今日真係由朝到晚都食佢。屯門區食店來講已經算非常之好食😋佢翻新咗之後做得更加好。朝早嗌咗幾個點心，個人覺得最好食嘅點心係燒賣，啲肉咬落去真係有汁吱出嚟。另外，腐皮卷真係又薄又鬆脆又好味，啲蝦又好食😋跟住又食蘿蔔糕同埋鳳爪，都唔錯。個人都比較鍾意嗰個麻辣豬手冷盤點心🧆豬手好彈牙同埋入味。至於嗰個椰皇灌湯餃，個人認為真係太甜啦，其實佢有兩種灌湯餃，建議如果大家叫要叫返正常嘅灌湯餃。最後嗰個蟹子炸兩腸粉，香軟鬆脆，個樣都幾靚，如果鍾意食炸嘢嘅，可以試一試嘅。夜晚叫咗佢個燒鵝同埋雞煲翅，燒鵝真係非常之好食😋好食過好多自稱係燒鵝大王嘅店，啲肉係彈牙鮮甜同埋有鵝味，同埋佢上菜隻鵝都係熱㗎，建議大家必食。至於雞煲翅係材料豐富嘅，不過略嫌個湯唔夠濃郁，係有進步空間，如果你以前未食過雞煲翅你會覺得好食。另外都有叫咗個龍蝦伊麵同埋炒生菜🥬，呢兩樣嘢都普普通通啦，都唔錯㗎啦。…Read More

環境方面，好窄同埋好迫，坐得唔舒服，所以如果想喺嗰度飲嘢吹水就唔建議啦。因為真係坐得好辛苦！同埋周圍都好多明星嘅poster俾人影相，要隨時都要企起身讓個位俾人影，比較唔方便。食嘢飲嘢方面，啲咖啡唔係太濃味，反而更多嘅係奶味，我覺得淡咗少少🤏叫咗個多士，都叫做鬆脆好食嘅。…Read More

食物方面，豬肉雞蛋腸粉食過N咁多次, 每次揀佢嘅原因係因為啲豬肉同腸粉都幾滑，同埋佢的調味唔似傳統廣東嘅腸粉，佢會加咗啲川式嘅辣椒豉油，係加分的。野飲方面，唔係太多選擇，自己飲過豆漿，竹蔗茅根，同埋羅漢果水。自己個人最唔鍾意係竹蔗茅根，佢係有少少竹蔗味，跟住好甜，個色好似普通滾水。可能個樣唔係咁吸引。價錢方面，$38一細兜+幾粒燒賣或魚旦+野飲。好少個份量，唔飽。有試過比$8加底，但係個底係冇豬肉或者雞蛋㗎🥲 抵唔抵你就自己諗啦！…Read More

如果夜晚飽又唔知食咩，百利來係最佳嘅選擇。佢做得最出色嘅嘢就係炸嘢。野食方面，我食過煎釀三寶，都唔錯的，佢嘅炸魚滑餃子🥟個皮係非常鬆脆，個皮好薄。茄子同青椒都好食。另外，又食過蟹肉薯餅，比較唔似薯餅，係應該話完全食唔到有薯仔，争啲啦。（薯餅熱愛者不建議考慮🤓）仲有，花膠碗仔翅一般啦，我覺得d花膠比較似魚肚，我唔肯定。以e個價錢來講，材料都叫做豐富㗎啦。配料有魚肚（花膠？），粉絲，雞絲，仲有冬菇。幾廿蚊，可以接受架啦。炸四季豆都算係必食，如果無蔬菜不歡的人。四季豆配合華鹽同埋蒜蓉嘅味道，都幾特別。平時喺街比較少食到。但最鍾意食嘅都係炸魷魚🦑，香脆好味😋都suggest 大家必食，用來送酒唔錯👌…Read More

第一次幫襯係赤柱分店，叫咗星洲炒米，可以接受啦，算岩食。價錢方面，同出邊嘅茶餐廳差唔多價錢。但第二次係粉嶺中心分店叫左個牛腩米，好似成$65，唔好意思都講句，真係又貴又難食的牛腩米。牛腩真係好難食🥲🥲🥲好想同老闆講究竟佢那裏來的自信做牛腩米，又大嚿但係又唔好食。…Read More

細鋪點心+蒸飯之選！款式同味道：頭兩次食，覺得order 咩都好好食😋但係食多兩次就怕怕了，因為來來去去都係食果d…始終比起酒樓款式是少咗啲，如果將來可以多啲款式就好啦。…Read More

想返阿媽屋企食健康野之選！幾點可以分享下：1. 風格: 似媽媽煮，健康嘅，同埋菜式都有變化。同埋老闆好中意出來吹水，逐一問客人啱唔啱食🤣有啲搞笑，但幾得意嘅…2. 價錢：佢個鋪位比較偏，所以都明白係做熟客多，理解價錢偏貴。…Read More