Kit Chung-cc's Profile

雖然香港人一年四季都會打邊爐，不過始終都係凍凍地既天氣打邊爐先係最爽既見呢幾日凍返啲，即刻搵班FRIEND出黎打邊爐先!呢間阿肥火鍋就玩老香港情懷作為裝修主題未入到去已經可以FEEL到個種「風味」紅燈籠、GAS爐、通渠大王等等都係以前細個比較常見既野行到入去見到啲裝修真係想慨嘆一句自己真係老啦....居然會覺得好懷念，真係忍唔住想講句「想當年...XXX」呢度既食物選擇超多，加加埋埋都過百款除左火鍋料仲有好多款小食可以叫，例如炸大腸同沙薑雞腳，又整得幾好食喎炸大腸熱辣辣脆卜卜，放入口真係邪惡感十足，不過做人既野有時要及時行樂，大大啖食落去未驚過！火鍋料都幾出色既，特別係牛肉同海鮮，價錢唔算離地最緊要佢新鮮之餘又大份，食都食得盡興啲唔洗就住就住老友們一致讚揚呢間火鍋店，下次再試過！…Read More

難得朋友放假由美國返黎香港，於是約左係佢屋企附近食個lunch短聚下每次佢返黎香港都會話想食點心，今次都唔例外就揀左佢樓下個間譽滿點心啦我地總共叫左六款點心 : 【鮮蝦腸】果然係原隻鮮蝦腸~真係大大粒蝦仁係入面，之前試過係其他地方食係會將隻蝦仁再片開一半...呢度一條腸粉有兩隻蝦仁~算係豪爽大方啦腸粉唔會蒸到爛哂，滑漏得黎仲帶少少口感，同埋唔會過厚，又幾好喎【咸水角】即叫即炸既咸水魚，外皮好脆，內餡好有五香味，正！【蝦餃】皮薄餡靚就係形容呢隻蝦餃啦~入面有好飽滿既蝦肉餡，超爽口！【潮州粉果】隻隻都包到勁肥~啲餡塞到漲哂，都算抵食啦【上湯鮮竹卷】每次見到呢道點心都一定會叫！因為依家其實好少酒樓有鮮竹卷食~每條餡料都非常豐富，同我細個果時同阿爺去街坊酒樓食既好相似！【薑蔥蒸牛柏葉】呢道點心同鮮竹卷一樣都係買少見少。佢既份量唔細，薑蔥味濃，牛柏葉好爽口唔會太難咬開，依家諗起都想食！…Read More

打邊爐不嬲都係我同朋友既聚會之選，基本上無人提出意見既話都係去打邊爐架啦今次黎左尖沙咀呢間海鍋，食物多選擇之餘仲要幾高質餐廳空間夠大，坐得好舒服，亦都唔會嘈到傾唔到計每人一份主菜，有龍蝦、鮑魚、沙白蜆、黑毛豬、手切肥牛等等另外仲有十款配料，加$50就可以無限追加，都算幾抵海鮮質素幾靚仔，龍蝦鮑魚新鮮彈牙，龍蝦仲有膏添手切肥牛同黑毛豬肉質鬆軟無筋，肉味豐富，來貨幾好喎，唔係俾啲垃圾肥牛俾你扮上等貨至於其他配料都幾好，松露爵士丸係值得一試既…Read More

阿媽打俾我叫我買D燒味返去屋企，今晚食飯時可以加餸佢話唔想再落街去買，所以就交咗個任務畀我啦平時多數都係喺屋企附近買燒味返屋企加餸諗起地鐵站入面好似有間賣燒味嘅外賣店因為地鐵站有燒味賣較為少有，所以特別有印象就決定試下呢間，都要上網search資料先搵到個正確地點好燒味提供2款叉燒，1款係普通叉燒而另外1款係慢煮叉燒呢度招牌應該係慢煮叉燒所以一於買呢款，睇下同普通有咩分別叉燒質感非常軟腍，應該係先低溫慢煮再燒嘅功勞肉質偏瘦但肉味足夠下次加餸再買普通叉燒，一試有何分別…Read More

行完商場，食厭咗商場嘅food court，於是行出街搵嘢食。漫無目的，三心兩意行咗一陣先決定食蒸鍋。原因係原來我朋友係無食過蒸鍋嘅，佢話想試下，咁我就陪佢試下啦。環境就係普通街坊小店，感覺有啲復古FEEL。假日晚市場都幾FULL下。我地叫咗鮑魚果個SET，我都食過幾次蒸鍋噶啦，因為好多都係主打原汁原味，都唔會提供太多唔同嘅醬汁。但我個人就重口味，中意點醬汁食。一個SET有湯，有幾款海鮮，又有八寶飯，食落幾飽肚。海鮮質素都OK，味道鮮甜，口感彈牙。主角鮑魚大大隻，口感好爽滑。八寶飯認真唔錯，有得自己揀餸，正！朋友都覺得幾好食，話下次聚會可以再約蒸鍋。…Read More

有個朋友前排去完成都返嚟，對辣味上癮。無視我地嘅意見，叫咗四川麻辣鍋。好彩我地都係食得辣嘅人。一行四人都叫咗幾多配料。配料選擇多，質素亦都唔錯，我就特別中意食呢三款：1.生蠔，個個都大隻又肥美，仲會配上醬汁。你中意食原味又得，點啲醬汁食得惹味啲又得。我自己一個人都食咗三四隻。好鮮甜。2.牛肉，牛肉配麻辣湯底絕配啦！牛肉果種騷味加上麻香，真係好正！麻辣湯底叫多幾碟牛肉都唔怕，我地都係咁ENCORE！3.鵝腸：我打邊爐就無叫過鵝腸，今次一試就難忘啊！好有咬口，每咬一啖啲辣汁就炸咗出嚟，好辣但辣得好味！夏天食辣嘢咁係要配冰凍啤酒！舒緩下被麻辣折磨的嘴唇。…Read More