jessica1086's Profile

今日過左嚟啟德行街因為而家做緊SOGO thankful week。今日人流好少行街好舒服可以慢慢睇慢慢試😄行完上嚟14樓搵嘢食，養生嘅朋友想食酸種麵包🥖所以揀咗呢間餐廳。之前食過晚市是bar& restaurant形式，有戶外位置 、印象西班牙海鮮飯好出色.今次lunchtime 過嚟係cafe形式，位置好坐舒適可以慢慢食。14:00過到嚟有日式同西式lunch set可選擇。兩個人都揀咗西式。凱薩沙律：沙律菜同番茄仔都好新鮮加埋芝士碎好夾☺️☺️西班牙青椒仔都好好食😋我哋最期待嘅香煎大蝦牛油果蕃茄莎莎酸種麵包平時都特別鍾意食酸種麵包🥖今次呢個賣相好吸引，個底鋪滿番茄牛油果醬，有4隻大蝦一上到枱就聞到煎香嘅味道加埋酸酸哋嘅汁上面仲有埋芝士碎好夾。呢碟係今日之最兩個人食完之後都話下次要再食。黑松露火腿芝士多士只要係鍾意黑松露味道就知呢個配搭冇得輸，入面嘅醬同芝士都落到好重手👍🏻👍🏻牛肉忌廉薯餅出面炸到好香好脆，入面好creamy👍🏻👍🏻蒜香欖油蟹肉意粉個意粉好香蒜味口感煮到啱啱好👍🏻蟹肉份量好多配埋個汁好出色。平時好鍾意食車厘茄嘅我覺得啲車厘茄好新鮮好有誠意。食完正餐好滿足🥰🥰不過幾飽都好甜品始終係另一個胃😌店員介紹左個新甜品～香甜粟米法式西多士份量好大、好足料😆😆有粟米、粟米片、加埋粟米濃湯總之好香粟米味😊同塊厚多士一齊食超夾👍🏻西班牙油炸鬼配開心果雪糕油炸鬼暖暖哋加埋糖霜開心果碎就咁食已經好好食，再加埋開心果醬仲好食😋開心果嘅甜品食得多都唔怕漏😊…Read More

最近好鍾意食越南食物，今日收工要自己解決晚飯就走過咗嚟重慶大廈地庫買外賣。尖沙咀地區有好幾間越南餐廳都好出色，但呢間座位比較闊落好坐👍🏻河內招牌豬扒飯必試☺️個賣相同份量完全冇失望豬扒炸到啱啱好仲好大塊好嫩，好好食夾埋青蔥食飯好香加左半份蝦餅過下口隱又係炸得好靚，望落去好吸引🤩入面嘅蝦滑好full好有口感返到屋企暖暖哋加埋酸甜醬好夾我最期待嘅越式炸春卷食親越南菜都必食好鍾意咁足料嘅春卷好多料好full木耳好爽口加上炸到剛剛好食落好脆唔油😆😆😆今次外賣全部都有跟埋醬汁🤘🏻外賣pack得好整齊👍🏻下次都想試下堂食試下其他食物☺️…Read More

平時lunch time都會過嚟食碗越式河粉，位置方便、上菜快手職員友善啱晒附近返工嘅人。今晚冇住家飯食，就過嚟買外賣自取返去食。簡簡單單叫左個越式海鮮菠蘿炒飯、生菜、越式炸春卷第一次食越式海鮮菠蘿炒飯估唔到份量咁足，足夠一個男人嘅食量。仲要炒到粒粒分明，好香好靚菠蘿係新鮮菠蘿切到細細粒，加埋粟米粒蘿蔔粒炸蒜提子乾好夾。一啖食落口口感好豐富👍🏻炒飯好好食😋好驚喜加左條越式炸春卷，好脆好香，飲酒小食一流同埋外賣包裝好好👍🏻返到屋企都好完整。…Read More

收咗工約食飯尖沙咀呢個位置係個唔錯選擇👍🏻地點方便位置好坐食物種類多👍🏻可以滿足晒唔同嘅朋友牛尾煲，上到枱落少少酒加埋洋蔥翻炒一下，10分惹味。好少地方有牛尾煲，洋蔥炒到好香食落好軟身有少少筋位好有口感味道一流。涼拌小食，蒜蓉螺肉同埋魚皮必食個魚皮仲要好厚身👍🏻👍🏻烤魚我哋揀咗清江魚，好少骨整到好入味魚骨位好脆👍🏻食完牛尾煲烤魚之後揀咗胡椒豬肚湯打邊爐打邊爐材料有啲可以喺雪櫃攞有啲要QR code落單，雪茄嘅台灣丸好特別都係台灣直送。蔬菜全部都好新鮮，奶油南瓜丸好好食好少放題，可以唔限時任食，仲要喺尖沙咀旺區。今晚所有嘢都好好食，收工或者放假約朋友食飯想慢慢食係一個好選擇。…Read More

同朋友食生日飯，附近收工就過嚟食燒肉。之後食過lunch,環境同服務都好好👍🏻今晚食晚飯，感覺都一樣咁好😎😎好愉快嘅一餐生日飯選擇嘅種類有好多，照顧到唔同嘅朋友有唔同人數嘅套餐選擇，而家都有優惠。位置好坐，推介慶祝生日朋友聚會🎈頭盤個芝麻醬沙律好新鮮，食完仲可以refill 🥰平時食燒肉點都會叫埋沙律🥗，冇咁單一擺盤好靚，見到賣相咁靚，睇見已經好有食慾。職員仲有提醒客人有需要可以換網🥰鋪面職員都好快手有禮貌。鹽燒持上三角牛小排有五塊切到size一樣肥瘦適中，紋理好靚燒一燒好快熟，靚牛入口好嫩好軟加埋燒完嘅邊位口感好正👍🏻👍🏻牛油蒜香生蠔生蠔size唔算好大，但好飽滿光澤炸蒜加咗少少蘿蔔肉，配埋牛油呢個配搭一流，口感豐富下次可以叫多兩個🤗我最期待嘅香蔥牛舌無論去到邊到嘅燒肉店都一定會order牛舌呢間有四大舊中間嘅香蔥都係有唔同部分嘅蔥，有唔同嘅香味勁大陣香蔥味，香味十足燒香蔥牛舌要反多幾次，反嘅過程要小心夾住中間嘅香蔥。基本上中間嘅香蔥熟晒有少少汁就已經可以食。牛舌芯位好有彈性👍🏻加埋啲香蔥好香燒日本雞肉北海道豚肉飯呢個飯試過覺得好低食啲雞肉同豚肉都燒到好香，食到係靚肉豚肉唔鞋，雞肉好嫩加埋個飯底有少少汁有溫泉蛋喺上面仲有前菜👍🏻👍🏻朋友都讚不絕口名物！菠蘿漬鑽石和牛胸腹肉重點推介牛胸腹肉比較軟身，好快熟，有七八成熟食落好軟好嫩。呢個日本菠蘿完全冇渣，多汁又香菠蘿味職員教每邊一分鐘就可以😌下次嚟都會 encore 😋…Read More

紅日放假過嚟東薈城行街shopping。好耐冇行過東薈城，而家食肆多咗好多選擇☺️為咗避開人潮喺食飯時間前入咗呢間韓國餐廳俾門口二人套餐吸引🤩仲未係食飯時間可以即刻入座👍🏻店內環境舒服乾淨位置好坐水蜜桃茶靚茶包加咗塊柑桔乾同埋薄荷葉👍🏻👍🏻好香水蜜桃味我哋揀咗個炸雞拼盤可以自選三隻口味柑橘。酸辣。芝士一上枱已經聞到勁香，仲要賣相十分吸引雞肉上面有芝士粉再加埋芝士醬好Creamy食晒成嚿有啲漏，再食埋甜辣味記啱啱好👍🏻金橘味就係好似酸少少嘅味，非常開胃三隻味道都推介都好好食😋墨汁大蝦魚籽意粉非常香墨汁味個意粉煮到啱啱好有彈性唔會過熟👍🏻肉醬牛胸肉蛋包飯非常好食侍應上到枱會問需唔需要影相先😂之後就會鎅開流心蛋包住啲飯👍🏻👍🏻成個過程好治癒蛋包飯加上肉醬好match，呢隻肉醬一啲都唔酸，唔會搶味所以好夾😆仲要有少量沙律菜，上面有芝士成碟嘢好豐富🤗🤗最後甘筍Oreo 慕絲蛋糕作結尾未去到食甜品兩個人嘅份量已經好夠食到好飽個蛋包飯嗰份量真係好勁😂😂個慕絲蛋糕賣相吸引食落又唔同嘅層次，最緊要朱古力加Oreo一啲都唔漏👍🏻呢個二人餐好多元化，賣相吸引樣樣都好好食香港都有幾間分店，期待之後嘅新Menu😊…Read More

第一次試呢間分店，咁熱嘅天氣嚟元朗真係要行下商場😅呢間位置好易搵，喺一田超市樓上座位好坐，兩個人坐位都好闊落。職員做嘢好快手👍🏻服務好好👍🏻QR code落單好方便呢間分店選擇種類好多，同其他日式放題一樣，分晒唔同種類全家人都啱食。一嚟到試咗碗蟲草花膠雞湯，好飲唔係味精湯前菜吧嘅種類都係大路嘢，最基本嘅蝦同埋青口螺肉帶子邊都有。最近食嘅放題入面呢一間分店嘅刺身最好食。忍唔住encore咗兩盤三文魚好厚身肥美新鮮甜蝦帶子都係好新鮮好鮮甜貝類嘅刺身好爽口好出色☺️如果主打刺身嘅朋友可以嚟試吓一口海膽手卷👍🏻👍🏻特色壽司方面試過好多款推介柚子油甘魚腩壽司、燒左口魚邊必試次次放題我都會試吓鍋物，見隔籬枱個鍋粥賣相咁靚，我哋都試左，有啲鹹蛋黃同埋海鮮嘅配搭煮到軟綿綿好好食😋見到有乳鴿，仲要可以叫一件就試下。一上到枱見到賣相非常靚唔需要點任何醬油、鹽已經好好味乳鴿質素好食過好多地方。呢間放題甜品雪糕選擇好多，最後食到好飽，我淨係食咗曲奇味嘅Häagen-Dazs同埋呢舊一口脆片雪糕作為放題嘅ending。位置方便座位好坐服務又好呢個價錢真係好抵食。…Read More

大喜屋食過幾次，旺角雅蘭中心呢間就第一次試，早幾日訂左位去到唔洗得可以即入。位置好大好闊落，好多卡位好好坐可以慢慢食因為係第一時段過嚟第一批入座，所以兩個人可以被安排到闊落嘅卡位🥳🥳所有侍應都做嘢好快手，所有嘢都上菜上得好快，串燒都快手上到台都仲係好熱👍🏻👍🏻自助位好大，多人食都唔會迫🤗🤗嘢食好多，除左基本茶類、汽水，港式飲品仲有照顧埋鍾意熱飲嘅朋友。有熱嘅維他奶、清熱飲、羅漢果茶、蜂蜜茶😊😊食物種類非常多❤️❤️前菜魚皮係泡椒味，同平時川菜鋪嘅差唔多刺身種類好齊全三文魚油甘魚都好厚身新鮮蝦有兩款，甜蝦出色好食😋誠意推介蜜椒薯仔牛柳粒😎😎好嫩好入味好食過好多餐廳好少放題可以做到咁好食。推介鵝肝多士上面係新鮮芒果煎香鵝肝配蜂蜜多士鵝肝好厚配搭得非常好，忍唔住encore 熟食壽司好有特色都係細細件一啖過好易入口串燒牛舌👍🏻👍🏻蟹粥都好好食😋甜品haagen-dazs有幾款味，仲有其他雪條選擇。成件事好滿足😌食緊期間見到有台大叔拎咗幾次蒸點心，下次有機會都可以試吓…Read More

一直都好鍾意食錦麗嘅牛丸，之前要去到元朗至可以食，而家東涌終於有分店啦😊😊星期六日同埋紅日嘅東薈城非常之爆場，間間食肆都好多人。今日平日約咗朋友食下午茶。新店好乾淨，地面座位都好乾淨，員工好友善有問必答。做嘢好快手上菜速度好快。位置好坐可以慢慢食吹水。下午茶一個粉加份小食，份量就一個正常食量女仔食係足夠。生熟牛肉河粉生牛肉好食😋個湯清清哋好夾法式燴火頰肉飯賣相好得😆😆個汁似紅酒汁加牛腩汁🤭少少甜好好食重點係啲似好淋身，啖啖都係汁配飯一流。馬拉𦾟時蔬菜都好新鮮加埋馬拉𦾟醬好好味個醬好食過自己喺超市買到嘅好多，呢個好正宗。幾個女仔好多小食都想試最後叫左個小食拼盤，有四款小食。有春卷、雞翼、豬扒、蔗蝦樣樣炸物都好出色，即炸熱辣辣上枱👍🏻👍🏻推介蔗蝦😋😋紫薯春卷紫薯控必食，入面完整一舊紫薯配埋個薄網食啱啱好。要試😊😊脆皮牛腩入面舊牛腩好厚啖啖肉，出面層炸粉好薄身🫠最後甜品時間椰青糕、斑蘭糯米卷斑蘭糯米卷值得一試，出面層糯米皮好薄包住芒果加埋椰絲椰汁。口感好豐富好夾。我哋每人都叫左椰汁三色冰，好足料好飲。而家東涌食嘢又多個好選擇😋😋…Read More

星期五收工過嚟旺角約朋友食晚飯，朋友之前食過壽喜燒干鍋之後大力推介。而且餐廳夜晚9:30後會調校燈光，變成酒吧形式。今次就決定試呢間。門口十分簡單，座位環境文青feel👍🏻今次叫咗個二人餐，選擇多份量多抵食😃鳳梨烏龍冰茶、芭樂烏龍冰茶兩個都清清地好好飲今次叫咗個招牌酸菜魚，BB辣份量好多好多魚，一上枱已經聞到勁香。有好多酸菜金菇同埋芝麻😋魚大塊好滑冇骨🥰🥰金菇加埋啲湯，味道一流。雞棒肉串、魷魚鬚、豬頸肉兩邊有啲辛辣粉同埋胡椒粉，豬頸肉外面嗰層有啲蜜糖超好食😋魷魚鬚燒到啱啱好好軟熟好香。雞捧肉串好多軟骨，好正。重點推介燒鰻魚燒到好脆好香，再加左黑醋醬好夾味道一流。最後柚子冰粉做ending清清地好好食😋夜晚放鬆吹水好地方，食物都好高質。…Read More

一向都知金雞廣場多嘢食，今次上嚟朋友介紹呢間西餐。一入到去已經見到幾枱附近返工嘅人嚟食嘢，加上環境舒服好坐，即時覺得值得一試。一點前嚟到被安排到坐卡位😎😎店內已經有新年氣氛煙三文魚寛條麵一上到枱聞到好香，好多白汁。食落寛條麵煮到啱啱好，仲有煙三文魚好大塊，食煙三文魚最怕太咸，好彩呢個唔會太咸，襯埋白汁食真係最夾。份量都比一般西餐廳多。洋蔥圈同埋蜜糖雞翼蜜糖雞翼焗到好香，食落口外脆內軟😋洋蔥圈炸得唔錯☺️叫咗個紅莓果茶，好足料😃好香紅莓味，消滯一流。鍾意飲果茶養生必試芝麻沙律菜沙律菜非常新鮮加$38有沙律同埋甜品揀咗朱古力蛋糕，同埋補差價要咗朱古力奶昔做ending.朱古力蛋糕唔止賣相好食落都好好味。…Read More

好耐冇食日式放題，第一時間諗起殿大喜屋。以放題嚟講呢間位置算係最方便同埋舒服。座位好坐闊落整潔👍🏻之前食過幾次職員做嘢好快手，有禮貌。So sweet, 有熱飲品供應👍🏻而家喺大閘蟹季節，見到有$88一個，平時屋企人好少食，自己又唔識點處理，出街食就最啱，即刻想試一個。咁嘅價錢忽我想像中大個😃一打開見到啲膏好正，對得住個價錢。$88@1 性價比好高🌞🌞蟹膏好正，蒸到剛剛好☺️☺️🌈食完隻大閘蟹好想再食蟹😉叫左避風塘炒蟹，勁多炸蒜，好香。好入味值得一試再試。蒜蓉粉絲帶子😋細細隻一啖過，一次過有齊唔同口感👍🏻炸蒜辣辣哋好有大排檔FEEL 😬每次一坐底即刻會叫盤刺身先☺️帶子好厚身好新鮮油甘魚、劍魚腩，三文魚好肥美，口感豐富。不停encore鮑魚拖羅蓉海膽杯超好食😋最後緊係要甜品做結尾啦，雪糕雪條都有好多款我最愛movenpink vanilla 🤩放題幾飽都一定要食一杯。海燕窩椰汁燉木瓜(一人份)，份量剛剛好😄我朋友平時都好鍾意食木瓜，佢一次過食左兩個平時去糖水舖食都要50幾蚊😅 今次最驚喜都係個大閘蟹，好抵食🤭🤭…Read More

朋友突然要OT，諗緊點樣渡過兩個鐘。即刻搵下bookmark list,朋友寫字樓尖東附近有間鐵板超，師傅會即時整，一個人可以邊食邊欣賞冇咁悶😂首先電話打去問有冇位，聽電話個女仔好有禮貌表示有位。位置好易搵，香格里拉酒店對面個商場地下👍🏻好近西鐵站一入到去見到係神戶食神戶牛嘅裝修🤩係久違咗嘅日本🇯🇵仲要播緊宇多田光。門口位已經差唔多坐滿晒人，職員帶左入一間房，房入面嘅客慶祝緊生日去到尾聲師傅表演緊喺鐵板上面畫圖🤩神之手好快已經畫完。睇緊menu時職員阿Ken過嚟介紹下今日有咩推介，佢好簡單問左幾句就引導左我揀咩餐😂揀左R set, 有海花蝦，鮑魚，厚燒A4牛法國鵝肝，炒飯沙律前菜、有日本蓮芋，口感好特別，好睇又好食另外有日本沙律必備嘅紅、綠色海藻最貼心係柚子醋放喺底，沙律菜可以保持爽口👍🏻仲有鰹魚蒜同白飯魚核桃，平時我都會去超市買白飯魚核桃當零食非常好食😋海花蝦，好大隻，師傅即場喺鐵板上表演去殼去腸，仲煎香個蝦頭，個蝦頭位都好多膏，蝦肉爽口重蝦味。個鮑魚好新鮮，師傳好簡單加熟左加埋海草牛油汁超好食😋A4牛啲紋好靚，目測接近A5等級。師傅煎到啱嘅好，入口即溶🤭我最期待就係鵝肝，加埋12年法國黑醋冇咁油膩，師傅驚到啱啱好入口即溶，好鍾意個口感，最尾食埋菠蘿fresh返🤣最尾個炒飯加埋蟹子煙肉蔥花蛋，見師傳不停打散不停翻炒，炒到粒粒分明，好香好足料。炒雜菜一睇平平無奇，食落個芽菜好粗身有驚喜，一問之下原來係馬拉芽菜，好漲好重水份勁爽口。食完師傅問我有咩想畫，即刻諗起Keroppi 😍好得意🎉🎉而家12:30 - 16:30 入座都有 66折，未飛到日本過嚟感受下😂好chill好Hea嘅day off lunchtime 🤩🤩如果同朋友慶祝生日 farewell 可以訂一間房，所有職員都好nice..值得一試🤩…Read More

星期五晚收工約朋友食飯，如果冇訂位真係要等好耐。今晚忽然想食下串燒，行過見到有間串燒新開，好溫馨嘅小店feel,望下餐牌好吸引，就試呢間。好彩6點幾嚟到唔洗等位可以即入座。一入到鋪就聽到5566，183club嘅歌🙈同行嘅細佬表示未聽過🙃電話播緊嘅都係台灣綜藝節目，只有3個職員，裝修好清新簡潔，好地道台灣小台嘅感覺。一坐底職員就拎起個盤點著下面個蠟燭，個爐可以暖住食物，一邊吹水一邊慢慢食唔驚串燒凍左唔好食。呢樣嘢好sweet 😊QR code落單，好環保👍🏻第一時間叫串普通牛舌同厚切牛舌芯比較下，真係冇得比😅😅牛舌芯超級好食，有8、9成熟啱啱好超正。咬落好軟熟加上燒烤粉比例好完美😌第一首先推介厚切牛舌芯🎉🎉第二樣推五花肉燒到好脆口，好似燒煙嘅肉口感，好香好脆串燒必食一定係羊肉，完全冇失望好好食😋少少so味咬落好juice,叫左微辣蓋到so味👍🏻👍🏻雞軟骨加埋個粉都係冇得輸，下次可以一試大辣食咁多肉要叫返碟菜中和返，成碟錫紙兜可以放上去keep warm👏🏻👏🏻一邊吹水一邊食串燒，好爽😄鋪面嘅職員好友善，好耐心咁介紹唔同嘅串燒俾其他客人，有問即答，感覺好warm.呢間絕對會再嚟☺️☺️☺️…Read More

今日好大雨，同朋友約去尖沙咀行街搵嘢食，行完THE ONE直接去對面打邊爐放題🥳🥳第一次食呢間見到門口排晒隊，仲要有附近返工嘅員工，即刻對呢間好有信心，等咗一陣就有位。上到去已經聞到好香嘅火鍋味😋🥰呢間火鍋放題係我食過之中最多嘢飲選擇👍🏻👍🏻有洛神花茶，白桃烏龍茶，桂花烏龍茶。好多茶類選擇好適合養生嘅朋友。醬汁配料好多種類，XO醬好正，必試👍🏻材料分類明確整齊乾淨👍🏻今日嘅粟米同埋蘿蔔都好甜😋有前菜同埋水果今日嘅橙同埋火龍果都好好食😋見到台灣鹽酥雞剩返咁少，心諗咁受歡迎要試吓炸到好脆好高質，唔怪得咁受歡迎。火鍋湯底有好多選擇，最後我哋揀咗椰子雞湯。試咗一啖湯好足料好香椰子味，唔似係放題質素用QR code scan落單，好環保又方便。美國肩胛肉，肉質唔錯，同個湯底好夾👍🏻瘋狂encore牛脷芯，雖然每次都唔同質素，但係都比一般放題質素高好多🥺特別係呢一碟好食到癲🤣🤣豚肉都唔錯，肥瘦適中。甜品食咗乳酪做ending😋😋有棉花糖朱古力豆同埋軟糖👏🏻👏🏻呢間放題位置十分方便，價錢合理，所有職員做嘢好快手，服務非常好👍🏻湯底喺放題火鍋之中好高質。試過即刻推介比身邊嘅朋友😊😊…Read More