同事推介火炭有間食牛都唔差，咁就去試下啦。見到有牛屋放咗上嚟，終於可以分享吓個人感受。雖然招牌係牛什，但係我鐘意食牛腩，所以就叫咗個牛腩飯。佢做得幾好嘅係餸同埋飯係分開上，可以飲湯之餘又可以爬啖飯，而且牛腩唔韌之餘又唔痴牙，可見大廚落咗一定嘅功夫，同埋肉又多可以話係大件夾抵食。推介加埋佢隻特製辣椒油落湯到，食得辣嘅朋友可以試下加，都唔差，幾好味。至於魚皮方面，有咬口得嚟又夠硬，唔會話一咬就碎晒，而且份量都唔少。至於午市時間，因為隔離係學校，所以一到午市就會有好多學生嚟食，而店內空間有限，有些少逼，但係環境都唔差嘅。同埋店員服務態度好。總然之，都幾推介大家嚟食牛屋，真係幾抵食。…Read More
