Cindy2003calvin的个人专页

昨天天氣熱不想煮飯，又早收工，趕得及5點半前食下午茶餐，有三文魚刺身，刺身很新鮮，油脂分布均勻，入口香滑冇腥味，三式壽司也好味，仲有我最中意的茶碗蒸，鷄蛋嫩滑，配上蝦和帶子很鮮美，小食芝士蟹柳也好吃！仲有酸姜任食，正！…查看更多

今次帶一個好中意食鮑魚嘅朋友，嚟試一試遠近馳名嘅阿翁鮑魚，點解話係遠近馳名呢？因為呢間富豪酒家已經連續13年攞到米芝蓮一星，相信對於中意食好嘢嘅香港人嚟講，食米芝蓮並唔係咩新奇嘅事，但要連續13年拎到呢個殊榮，就一定代表呢間餐廳有過人之處。今次揀咗$1480嘅「阿翁鮑魚美食宴」套餐，一個價錢就可以試齊幾個出名嘅菜式，性價比非常之高。套餐嘅菜式都相當豐富，首先開場帶動味蕾嘅係「紅燒砂鍋包翅」。砂鍋燉煮嘅包翅，燒到熱辣辣咁上枱，湯汁非常濃郁，有種金華火腿嘅天然鹹味，令人食指大動。個包翅質地滑溜，入口後即化，非常好味！接著就係主角「30頭特選吉品鮑」。呢個菜式真不愧係餐廳嘅招牌菜，鮑魚肉質緊緻，口感彈牙，同時又唔失嫩滑，而且鮑魚本身嘅鮮味同調味都非常搭配，可以話係乾鮑最完美嘅呈現。第三道菜式就係「清灼唐生菜膽」。唔少人可能覺得生菜好普通，但係呢度嘅生菜膽真係清新爽口，清灼手法更顯其綠意盎然，絕對係一道讓人回味無窮嘅佳肴。然後就係「油泡生劏斑球」。斑球經過油泡後，肉質變得更為鮮嫩，而且仲帶有一股獨特嘅香氣。一啖咬落去，鮮美四溢，外表簡單嘅斑球即使放喺其他名貴嘅菜式面前，味道亦都毫不失色。跟住係「蒜香海斑頭腩」。海斑頭腩部分，肉質豐滿，而且魚味濃郁。蒜香嘅味道更係為呢道菜式添上咗一份獨特嘅美味，一種斑可以有兩種咁好味嘅食法，餐廳可謂落足心思。再嚟就係「富豪脆皮雞」。見到「富豪」兩個字就知道又係餐廳嘅招牌菜式。呢味菜上菜嘅時間比起其他菜式會耐少少，因為隻雞喺廚房師傅即刻燒出嚟嘅，先至確保到雞皮嘅香脆，結果亦都證明等待係絕對值得嘅，雞皮咬落去係直頭聽到脆裂嘅聲，肉質鮮嫩多汁，而且味道濃郁，絕對係一道值得一試嘅佳餚。食完隻雞就差唔多嚟到尾聲啦，套餐嘅主食係「迷你鮮荷葉飯」。荷葉香氣四溢，飯粒綿密可口，同時搭配埋脆皮雞一齊食，口感層次豐富，會有種意猶未盡嘅感覺。嚟到甜品環節，就有「原燉杏汁官燕」。呢個糖水非常滋補，官燕燉得入口即化，杏汁甘香，令人陶醉其中。甜點方面，就有曲奇同椰汁糕。曲奇鬆脆，椰汁糕則是綿綿緻緻，清香嘅椰子味同口感極佳，為呢個宴會畫上一個完美嘅句號。總括黎講，今次體驗真係非常滿意，員工嘅服務態度都好好，每道菜式都精緻美味，令人食過返尋味。尤其中意食鮑魚嘅朋友，一定要嚟呢間富豪酒家試吓！…查看更多

今日11點才去大家樂買早餐，可以早午餐一齊吃，慳番一餐。我買左L12號餐，有一大塊鷄扒+2條火腿腸+一碗雪菜肉絲米粉，再加一塊牛油多士，一杯即磨意大利咖啡。鷄扒很厚切，味道一般，但雪菜肉絲米幾好味，喜歡雪菜的咸香，肉絲也很嫩滑，味道剛剛好！咖啡也是很香濃！👍👍這個早餐份量十足，價錢$44文，吃完太飽了！…查看更多

我和朋友行完街攰攰哋，想坐低食下嘢休息下，有個friend 話去牛奶冰室，咁我哋冇意見，叫左一個炸鷄翼餐，一個奶醬多士餐，2個炸魚柳薯條餐，嘢飲配咖啡奶茶，魚柳多油又不香脆！炸鷄翼幹爭爭難食！多士，奶茶，咖啡合格。…查看更多

今晚同老公撐枱脚，落左樓下金鳳大餐廳食牛扒，好耐冇食牛扒了，上菜時見到咁大塊肉！好耐冇食咁多肉一餐！我叫左黑椒汁7成熟，食落黑椒味濃郁，但牛扒有D鞋，不太好吃，有D失望，我食左一半放弃了！老公差不多食曬佢果份餐，佢話味道幾好！…查看更多

其實呢間食店就在公司隔離，一直經過都會見到好多人排隊。今朝返工早左返公司，經過時見冇冇人排隊，就叫左個早餐返公司慢慢嘆。試左佢最出名的沙嗲牛肉出前一丁面加一杯咖啡，D牛肉肉味濃，沙嗲醬不會杰噠噠，推薦！咖啡也合我口味，以後會多D幫襯…查看更多

好耐冇食大排檔，今晚心血來潮去試下，兩個人吃不了太多，叫左一個豆腐魚雲湯，再+一個菜心炒牛肉，一碗白飯。魚雲湯端上枱熱辣辣奶白色，已經食欲大振，飲落鮮甜冇腥味，高水準！菜心嫩牛肉滑，正！👍👍埋單2百有找，抵食又好味！👍👍…查看更多

同老公行街行到中午，覺得肚有D餓，佢問我食乜好，我話工廠果邊有一間雲川米線幾好味，可以同你去試下，佢話好！咁我們就行左去工厰區悅品酒店樓下果間雲川米綫食。我叫左我食開嘅猪頸肉米綫，少少辣，水準一如既往的美味！我特別喜歡佢猪頸肉煎得又香又不韌，牙菜又爽脆，一個字~正！…查看更多

今日端午節，一家人都放假，仔仔話請我哋飲茶，我8點走去霸位，原來8點半先開門！我們3人叫左6個點心：路邊腸粉，咖哩魷魚，煎鮮蝦韮菜餅，黑椒牛肚，鮮蝦菜苗餃和鳳爪排骨飯！D點心全部都好好味！不過咖哩魷魚D魚太大件，可以一開二！腸粉大大碟配埋混醬超好味！鮮蝦韮菜餅不會油淋淋，幾香幾好味。黑椒牛勝也很大碟，有7，8件咁多，黑椒味道濃郁，牛肚够腍！正！但是味道優先最開心是每次飲茶仔仔都會主動埋單！佢咁乖咁孝順真的是很感恩！…查看更多

收工後一個人唔知食乜好，行到新墟果邊路過呢間海南雞飯店，因為以前食過覺得味道唔錯，經過想再試下！入去叫左個海南鷄飯，仲有一碗例湯送，湯入面仲有一塊粟米同一隻雞腳添，幾甜幾好飲，D海南鷄有鷄味又嫩滑，不錯！水準保持到！👍👍…查看更多

中午吃不飽，再來大快活外賣個下午茶醫肚！我買了沙嗲牛肉煎蛋脆猪包+11文加了一個燒鷄翼，飲品要左O華田，沙嗲牛肉嫰滑，煎蛋不老剛剛好，中間蛋黃仲有少少流心感，美中不足不過杯華田太淡味！燒鷄翼甜甜哋幾好味！平民快餐質素算不錯。一共才39文，抵食！👍…查看更多

lunch time 約左朋友到公司附近的拾月冰室食午餐，我叫左個幹炒牛河+熱檸水，朋友叫左個叉燒蝦仁蛋包飯+冰奶茶，我碟牛河得4塊細牛肉，河粉又多油，不好吃！朋友就話佢個餐幾好味！…查看更多

今日早餐轉左來 Olive sandwich食，由叫餐到食物上枱等左十五分分鐘左右，等有D耐，但是不趕時間等下無問題！個餐上來就有食欲蛋炒得好滑，炸鷄香脆，配上鮮豔的小蕃茄令人胃口大開！當然最喜歡的是那杯香濃的咖啡！滿足！…查看更多

最近行過中環王府店，慕米芝蓮之名行左入去，坐低叫左一個手撕鷄，手撕鷄因為加左青瓜口味比較清新，但鷄肉應該是雪藏鷄，冇乜鷄味！鮮蝦帶子韮王水餃，蝦肉彈牙，帶子份量可能太少吃不出來，餃子皮比較厚，聽說是純手工制造，食幾隻就飽了…查看更多

今晚同朋友去稻香食晚餐，你叫左一個龍蝦伊麵，三個氣鍋鮑魚雞湯，一條蒸魚，一碟姜汁芥蘭，龍蝦伊面D面好碎，龍蝦份量少，湯味道不過不失。姜汁芥蘭淋甜好味，姜味濃郁！…查看更多