babybaby1209's Profile

第一次行過呢間舖頭. 叫咗酸菜魚、辣子雞同乾炒牛河..酸菜魚非常好食湯又好好飲…個魚頭火乍到好香…啲湯好正…其他嗰啲呢…辣子雞你食開係點樣? 係將啲雞斬到好細有骨係咪?但係呢度唔知用啲乜嘢雞肉…冇雞味啖啖肉 $98….未見過咁嘅辣子雞….椒鹽鮮魷，仲黐線….唔似係魷魚…好薄好薄，完全冇魷魚味..$98… 炸漿好實..出嚟又乾爭爭….所有人服務態度超好.但係嚟多次就一定冇可能…雖然周圍乾淨企理好舒服…又冇收加一…Read More

無無謂謂行過呢度，見到有好多人任食打邊爐，三個人就入咗去，啱啱入嚟出面嗰知客同我講好好禮貌話因為疫情關係，所以只可以食到10點，冇兩個半鐘頭。我話冇問題，根本食唔到咁耐。八點入座，8:02落單，到8:25乜嘢都冇嚟過。8:26嚟咗個湯底，去搵個阿姐催吓，點知辣着火水阿姐寸過碼頭咕喱，短頭髮個阿姐話你哋剔咗咁多嘢執緊㗎啦等吓啦，任食火鍋第一張單入九樣嘢，原來叫好多，到8:35全家起身準備走，個知客先埋你問吓：「我而家即刻執啲嘢食俾你」。其實呢啲服務態度完全係唔識講。 …Read More

話說行左成日街去完大坳門放紙鷂，無端端行咗嚟呢一間野，心諗發達囉假日7:00冇人等嘅？原來係伏。仲要係好大嘅伏。本人對東南亞及馬來西亞菜十分之嚮往，所以有少少心得。一見到呢一間野諗住一定可以試吓，見到個餐牌有個$168晚餐二人餐，上邊可以揀嘅item雖然都好那古怪但係我都揀咗以下幾樣。頭盤可以揀沙巴通菜，同埋怡寶芽菜，點知係全餐最好味嘅一樣嘢就係芽菜。又大碟又真真正正嘅肥芽菜。第二樣小食我揀咗咖喱汁配薄餅，個薄餅係好似百佳買最平嗰種，家用式嘅，雪藏之後拎出嚟煎翻熱佢，唔係話佢唔好食，係好似喺屋企食嘅嘢，所以呢樣唔係最差。主菜嗌左兩樣，豬潤肉骨茶同埋亞參魚煲….！大家估吓邊一個難食啲….先講個肉骨茶，其實OK嘅有五舊豬潤水準可以。嗰個魚煲…..大家知唔知乜嘢叫做亞參？係用酸魚做嘅….呢度個版本就係…..用好似快餐魚龍利柳加埋啲整色整水好似咕嚕魚一樣….食到嘔左出嚟…. 好討厭啲人將自己話係馬來餐….其實係茶餐廳…Read More

食咗個午餐完全冇諗過鄉村有呢種質素。廚師一定係西廚出身。出嘅食物一定有擺碟。椒鹽豬扒香。白飯香同硬。雞翼烏冬好有心機烹調雞翼。凍奶茶超水準。行過一定要幫襯下必定會再嚟。…Read More

本人對於藥膳雞湯米線一路以來一看到便會着燈了一樣衝入去幫襯。長此以來10多年來已經幫襯大大小小數十間。這一間絕對是掛羊頭賣狗肉的。為什麼我會這樣說呢因為所有藥膳或者花雕都有香濃的藥膳味道衝入鼻子的，常常都是當歸味道，但是這裏的雞湯絕對只是鹽跟水溝埋的狀態。那些所謂的農米雞，其實只是一些品質OK的白切雞，在煮熟湯之後分開擺上去。整體來說服務不錯嘢飲亦OK但是這是一間你絕對不會返頭再幫襯的所謂藥膳雞湯米線。…Read More

本人大大話話潮州粉麵餐廳應該食過100幾十間。呢一間絕對高質素。我同我朋友嗌左牛雜麵，牛肺麵，淨水餃同埋油菜仲有凍檸茶。價錢抵唔在講只係$103。牛雜麵嚟到嘅時候發覺入邊嘅牛雜真係多個面面亦都唔少。所有牛雜都好入味除咗有少少難咬之外根本無懈可擊。牛肺麵亦都一樣成個牛費好似切咗出嚟俾你。油菜$12一碟有一大堆。啲腐乳醬好食到不得了。凍檸茶亦都非常有水準。做嘢啲人非常之親切叫多蔥就比兩大羹你。淨水餃加腩汁又得。以後我一定會定期去。 …Read More

入嚟石門搵食，泊車有位就攝入去，咁啱就停喺呢間野前邊。嗰時夜晚8:30冇乜人入到去見餐牌其實乜鬼嘢都話冇剩係得一個海鮮二人餐$218，見冇乜嘢食又冇+1所以求其叫呢個餐算數。開頭覺得個餐都幾貴只係有一條魚加一味餸兩個飯同兩個例湯。個例湯仲要冇晒嚟咗兩碗羅宋湯。第一個餸嚟咗尖椒炒牛肉好味到暈。牛肉有牛肉味並不是用梳打粉那到一Pat野嗰種，之後蒸條魚嚟咗仲痴線，成斤重嘅珍珠班，又滑又有甜味。今本唔應該係呢個產出現。一定要再嚟。…Read More

這間小店裝修光猛服務良好，但是食物質素卻是水準之下。生熟牛河牛肉一點牛肉味也沒有還有湯頭只是鹽水一樣，品嚐不到背後落了什麼材料。還有菜單選擇很少，老闆加油改進一下。…Read More

身為星加坡人的我 試了全港的馬拉星加坡菜 大部份都是掛羊頭賣狗肉或者是食垃圾的。但是今天到了屯門看到招牌入去一試。Order左肉骨茶海南雞飯同檳城蝦面。肉骨茶比我自己煲的還要好喝，可能因為加咗味精。蝦面湯底十足。海南雞飯就一般般不過還可以。想試吓真實馬拉味道嘅一定要try try. 最驚喜嘅就係枱面支豉油竟然用上非常地道嘅醬油膏值得一讚. 肉骨茶可以無限添飲. 價錢方便三樣野加埋只係二百幾蚊。其實都算幾平冇乜嘢特別可以挑剔。…Read More

You will never expect to have anything authentic in a small restaurant in taipo. However this is a very good surprise where this is the first restaurant I would question if they make enough money to sustain. For a price of 62 dollars during dinner time they offer you a full bowl of tasty and chewy noodles with mince and vegetables, side dish of pork intestine, a bowl of sea weed soup with a meat ball, big plate of fried chicken Taiwanese style, a few sautéed cucumber, and a giant glass of bubble milk tea. And they all taste above average. …Read More

基本上行到佢附近已經聞到好大浸燒烤味，諗住入去試吓好耐，成日都好多人，今晚發覺一個人都冇所以入咗去。叫咗好cute多嘢，發覺大部份野都出乎意料之外有水準。白酒煮花甲好好食大大隻冇沙，唯一可以彈嘅就係炸墨魚咀同食炸雞皮冇分別揸得太乾身。炸榴槤波波亦都10分出色。燒雞翼一般但大大隻。總括嚟講住沙田要去試吓。員工服務態度友善，很有禮貌。加埋支青島買單冇＋1都係＄370。冇諗過食呢啲野會食到飽。如果大圍泊車唔係咁難會再去試下。…Read More

有一日孖8附近拍完車之後想去食三記火鍋但係行到半路見到有間野竟然有5.8折本身鍾意食辣野諗住去試吓入到去環境一般叫咗個九宮格火鍋諗住既然5.8折所有野應該會少啲點知本地牛肉出乎意料咁大碟好食個湯底香到不得了其他嘢例如山根通常人哋都係比幾粒你但係佢成袋開俾你食只係收你＄28仲有5.8折簡直平到離譜物超所值。買單四百幾連碟牛肉七碟野。最過癮係有一楂冇加甜嘅青檸梳打＄40同麻辣一齊食爽到YY。唯一要彈嘅就係嗰個九宮格滾來滾去都係中間嗰格…Read More

好耐冇去過新墟食大排檔.去到求其搵一間見最多分鋪應該係最好食.上去叫咗炒蜆黃金蝦打冷雜錦金銀蛋莧菜。啊結果我話你聽炒蜆一啲味都冇係用水淥熟撈汁嗰啲。黃金蝦係全宇宙最難食嘅好難得用鹹蛋都可以整到一啲味都冇。打冷係正常的，有鴨腎哦腸紅腸大腸。金銀蛋莧菜一啲味都冇我可以接受，反正菜都可以係淡口啲好。價錢唔算貴但係嘢食簡直係不知所謂如果你期望有大排檔嘅鑊氣顏色氣味氣氛除咗氣氛比到你之外你得到嘅只係一大堆你自己屋企都可以煮到的食物…Read More