個人覺得都算係打工仔抵食之選，餸菜選擇都幾多，總之菜肉都有好幾款比大家揀，午餐晚餐黎講都叫食得均衡啲呀。款款菜既賣相都唔錯，個人中意啖啖肉，佢個肉餅好大塊，非常滿足，唔中意食菜既都仲可以揀下瓜瓜豆豆之類，佢日日都有少少唔同既選擇，幾有新鮮感，唔會食到悶，呢點要讚一讚呀。而且有餸有飯又有湯，50蚊有找，都咪話唔抵。不過真係要奉勸大家早少少去排隊，因為條人龍真係開始見到越排越多人，試過有啲呀姨直情買完午餐再買多幾盒話番屋企做晚餐🫠遲去分分鐘無餸揀嫁，因為佢地好似係新鮮整起嫁，唔同出面整完翻熱又翻熱再翻熱，搞到啲餸梅撻撻咁果啲。而家出去餐廳食啲頹飯都5，60蚊，又難食又要急急腳咁食，多數同啲同事一齊去呢到揀唔同餸share食仲開心仲抵，味道仲幾好👍🏻👍🏻👍🏻…Read More
其實當時我地同隔離檯都知店員出錯，但隔離檯無主動出聲，我地自己都有燒緊隻魷魚，就想睇下店員會否察覺問題。結果⋯我再追問條腸未到，有店員行近望左隔離檯兩次，然後乜都無講就係隔離檯攞走左佢地放錯果條腸，然後幾秒後就上碟比番我地，呢點係我對佢地既第二失望，但我都明白既，起碼佢地都攞走左現場而非直接由隔離檯攞完放係我地到。第三個失望係我地結賬時，個店員一放低張單，我就已經發覺唔係我地既，多左好多我地無叫既野食，我想同個店員講，佢無理我繼續sell佢地要coupon，我等佢講完我先再講呢張單唔係我地既，邊啲野食我地無叫。然後個店員又係粒聲唔出係我地面前揸皺張單走左，然後先換番張岩既單番黎，一句唔好意思都無！
我平時去邊都好都一定會有禮貌對啲服務員，將心比己，都想人地做得開心又serve自己好啲，但今次真心嬲到一個點。以後都唔會再幫襯或者推介比朋友👎🏼👎🏼
