KwokLare's Profile

至今都覺得十二味去食過麻辣香鍋最好食嘅地方，尤其係加咗椰菜花同埋豬腩肉，啲材料吸收晒成個鍋的香味，十分之惹味，令人食慾大增。份量來講，都相當滿足，除咗麻辣香鍋之外，我哋仲嗌咗一個乾煸肥腸。雖然都非常之香口，味道亦都唔差，但比起上嚟自己會更加鍾意加入麻辣香鍋嘅肥腸，因為乾煸肥腸係炸過嘅，所以會比較乾身同埋脆少少，咬落冇咁有滿足感。加入乾鍋嗰啲肥腸會彈牙好多。唯一覺得可以改進嘅係白飯嘅份量可以多番少少，因為啲菜式都真係好好送飯，所以每一次都會食好多飯。…Read More

總體嚟講食物正常，叫咗羊肉拼盤，有少少失望嘅係啲肉無想像中咁有羊肉嘅香味，所以食落嘅感覺無咁過癮。 如果係特登去食羊嘅話可能散嗌某啲部位（羊腩）會比較開心。另外就係啲配菜，可能我哋自己唔係太識控制火候，所以啲配菜全部都好快燶曬，有少少可惜，如果可以有guidance on點樣處理配菜會好好多。另外單獨嗌咗份羊心，反而比想像中有驚喜，爽口得嚟又唔腥，鍾意食內臟嘅人可以試下。另外覺得不滿嘅地方係座位編排真係太差，我哋咗近窗嘅大檯，但我對腳係完全無辦法正常擺放，一定要蹺起或者打側伸出去，所以都坐得幾辛苦。…Read More