我個朋友嚟呢度食過推介，適逢有人約食飯，我諗起呢間野就靜雞雞訂咗位，點知落到去竟然冇我朋友所講啲嘢食嘅？吓？原來係要訂㗎！其實一心嚟試吓呢度啲海鮮，見佢之前有一張相係避風塘龍蝦山唔錯，不過唔緊要，因為都好多特色菜好少有機會食，例如呢個酥皮茄子、椒鹽龍躉皮、金瑤芙蓉蝦腰煎米粉⋯，我自己幾欣賞呢個龍躉皮作為餐前小食，而主菜我推介佢哋嘅招牌菜脆皮牛肋骨。呢度啲嘢食正常價位，但記住分兩個菜牌，一個係唔使訂、一個係要訂，因為老闆娘話鋪頭細唔能夠準備咁多海鮮，客人早一日訂咗之後，海鮮都係每日按訂單新鮮買返嚟即刻整。食物新鮮又有水準，唔怪得逢星期五、六、日都一定滿，座位唔多，所以要預早訂位！…Read More
