Amber1117的個人專頁

平時星期六喺北角上完堂之後，就會喺附近嘅小店覓食。雖然北角美食都算多，但係一直都冇開，我最鍾意嘅夏威夷蓋飯。難得喺學校兩條街外開咗呢間餐廳，迫不及待要試一試！跟餐嘅呢碗三文魚湯，鮮味十足，仲包括了一塊魚脂香十分重既三文魚。而餐前小食方面亦10分出色，係蘿蔔慢煮牛脷。蘿蔔炆得好入味，牛脷質感軟腍，入口即溶。第一碗叫嘅係加州海岸。包括有三文魚，青瓜，中華沙律，玉子，三文魚籽，日式胡麻醬，紫菜絲，木魚絲同黑白芝麻。胡麻醬令成碗飯冇咁單調，營養均衡得來保持到味道嘅水準。另外叫咗至尊奇波。主要包括三文魚，吞拿魚，車厘茄，青瓜，牛油果，玉子絲，蟹籽，山葵蛋黃醬，紫菜絲，木魚絲及黑白芝麻。呢一碗嘅特色係幾乎包含所有我想食嘅食材，一次過滿足晒咁多個願望！山葵蛋黃醬令個蓋飯更加惹味。最後以呢杯Oreo奶昔作為結尾，選用嘅係豆奶，飲完之後罪惡感冇咁重！…查看更多

🐷🐷🐷🐷🐷喺中上環好少有啲咁清新嘅墨西哥菜，特登平日放假去食個靚lunch同飲杯咖啡☕️▪️Barbacoa ($189)超嫩入口即溶慢煮牛面肉，呢個dish嘅名的而且確冇呃人，牛面肉好嫩滑，牛肉湯飲得出並無添加任何味精，係100%純正牛味。▪️Avocado Tostada ($89)牛油果啱啱好熟，肉質軟淋，配上香脆burritos，幾match。呢個價錢食到咁高質嘅牛油果肉絕對物超所值~▪️ BUAL Burrito Supreme ($169)主要係由紅甜椒+牛油果醬+沙律醬+沙律同飯製成。健康飽肚之餘又能夠滿足我地對碳水化合物嘅渴求。▪️Coffee Americano ($38)💰485+10%/2 person📍 Verde MAR (西環)西環西營盤水街41號地舖#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷餐廳裝修係我鍾意嘅灰色調，低調之餘又高級。座位同座位之間距離十分舒適。特登揀咗佢同家人星期日family day。▪️是日餐湯嗰日嘅餐湯係菜湯，味道唔會太濃，帶淡淡嘅菠菜同忌廉香。▪️牛肝菌蘑菇意大利飯牛肝菌味同忌廉味超濃郁，雖然容易食滯但絕對滿足到重口味既我。意大利粉彈牙之餘粒粒分明。冇預計到一間食扒嘅餐廳嘅意大利飯可以做得咁出色。▪️香煎三文魚柳伴菠菜苗及枝豆選用咗優質三文魚柳，魚肉有鮮味唔係雪藏貨。菠菜新鮮嫩滑，同特製醬汁好匹配。▪️buffet and dessert迷你吞拿魚多士，吞拿魚肉撈沙律醬同粟米依個組合=無得輸。另外有煙三文魚沙律，入面嘅菠菜極為新鮮。水喉芝士蕃茄沙律。雜物方面，有炸單骨雞翼同炸雞。💰402+10%/2person📍 The Grill Room (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期3樓3B號舖#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷曾經有聽朋友提及過喺太和嘅分店，但係因為路程實在太遙遠一直都冇機會去，直至佢喺中環開咗分店 裝修行古典elegant風，坐得好舒服。所以我哋叫咗杯紅酒，happy friday慢慢嘆。▪️ 焦糖法國鵝肝撻 ($88)呢一個鵝肝撻味道非常獨特，雙層有甜甜嘅焦糖，內裏係濃郁嘅鵝肝味，撻皮香脆。▪️自家製手工意大利鮮蝦雲吞 ($198)意大利雲吞能夠做到咁鮮甜嘅蝦香味真係比較少，雲吞皮比較厚，但口感煙靭。▪️ 澳洲Block Opal M9 和牛小排 ($398)賣相一百分，牛味比較重，油脂香唔突出，係優質蛋白質來源，但沾點上醬汁後更能夠帶出牛肉香。▪️ 忌廉加拿大海膽扁意粉 ($298)選用咗澳洲嘅海膽，使用魚子醬作點綴，鮮味得來又唔會蓋過咗意粉嘅忌廉香。💰1177+10%/ 2 person📍 L'AMOUR (中環)中環蘭桂坊德己立街58-62號協興大廈地下A&B號舖…查看更多

🐷🐷🐷🐷🐷依間餐廳出名爆場，我地紅日前夕book枱都要提前一個幾星期先book到6點既枱😂▪️Scropio, Gemini ($108/1)嚟到一定要試一試佢既cocktail，Scropio聞落去好smoky，但係味道十分甘甜，帶點點cinnamon既香味，同天蠍座嘅性格有幾分相似。而Gemini亦完美詮釋咗雙子座既特質，prosecco做底，加上紅白酒雪葩，好有特色。▪️Baked sausage plattet ($78)當時肚餓得滯竟然唔記得影相！份量十足，腸仔上面鋪滿咗厚厚嘅一層芝士，性價比十足。▪️ Garlic Mushroom Chorizo Pasta ($148)意粉偏粗彈牙有口感，而中間竟然係空心既，牛肉粒香氣撲鼻，加上煙肉粒令成件事好惹味。▪️Laksa seafood risotto ($158)喇沙香料味重，海鮮份量十足，飯粒煮得十分入味兼且粒粒分明。▪️J.moon pizza ($138)Pizza即烤即上，連個皮邊都好crispy。另外好欣賞上面個溫泉蛋，令pizza口感昇華。💰1036+10%/3person📍J.moon (旺角)旺角西洋菜南街1A-1K號百寶利商業中心4樓10-11號舖#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷喺香港要搵好食既烤魚真係唔係咁容易，依間係其中一間我會encore既，只因性價比高質素又唔錯。▪️蒜蓉牛油燒澳洲龍蝦 ($198)呢個做緊推廣嘅龍蝦，燒得啱啱好骨肉分離，肉質彈牙厚實，非常新鮮一啲都唔梅。蒜蓉牛油香氣撲鼻，size更係物超所值！▪️海鱸魚 黃金蒜香豆花 ($308)海鱸魚超大條！肉質嫩滑入口鮮甜，我哋叫咗呢一個湯底係唔辣既，豆醬味濃厚惹味。放喺旁邊嘅滑豆腐可以中和湯底既咸香。▪️燒生蠔 ($28/1) 鹽燒鵪鶉蛋($23)生蠔重香料味之餘唔會蓋過本來嘅鮮味。▪️蒜香牛油燒金菇($38)▪️炸香芋地瓜球($38)呢個係我每次嚟必點嘅甜品，外脆內軟，濃厚嘅香芋地瓜味，咬落煙靭有口感。💰661+10%/2 person📍 小魚兒 (寶漢大廈) (銅鑼灣)銅鑼灣波斯富街24-30號寶漢大廈1樓…查看更多

🐷🐷🐷🐷🐷平時嚟大角咀都通常係食中菜，今次特登揀咗呢間超貼地嘅韓國餐廳，就係為咗感受返喺韓國街市食大排檔嘅感覺🇰🇷▪️鐵板燒濟州黑毛豬配生菜拼盤 ($188)未點餐已經比隔籬枱燒黑毛豬肉嘅香味吸引咗。黑毛豬油脂味重，沾點咗辣醬同秘製醬汁，再生菜包住嚟食，即使豬肉半肥瘦但都做到香而不膩。▪️韓式牛肉炒粉絲 ($108)牛肉份量多，油脂比例低但炒得好juicy，粉絲條條分明夠晒鑊氣，最重要係蔬菜都炒得好入味。▪️新沙洞炸雞 甜辣 ($95)炸粉薄，雞肉多汁嫩滑，甜辣醬又夠晒重口味，係我呢幾個月食過最好食嘅韓式炸雞！▪️甜薯芝士條 ($65)呢個小食啱晒做飯後甜品，芝士既鹹香配上香甜既薯仔，呢個配搭好match。▪️招牌原粒蜂巢蜜米酒 ($98)打卡必須！米酒帶有淡淡嘅米香，混合埋蜂蜜，好似飲緊一杯好特別嘅Cocktail🍯 💰554+10%/2 person📍 新沙洞大排檔 (大政街) (大角咀)大角咀大政街10號地舖…查看更多

喺屋企附近新開嘅呢間雞煲火鍋一條龍餐廳，海鮮同埋肉類都有，算係將軍澳區唯一一間滿足到我咁多個願望嘅餐廳。價錢上亦都十分合理，好抵食！三文魚新鮮夠厚，唔會差得過壽司店嗰啲好多。幾款前菜入面以松露蝦多士同椒鹽三文魚頭腩最出色，香口酥脆。雞煲配料十分豐富，枝竹豬皮煮得好入味，雞肉嫩滑，好足料。海鮮拼盤嘅份量驚入，鮑魚有半隻手掌咁大。廣島生蠔同海哯鮮味十足。湯底酸甜醒胃，由蕃茄同香甜粟米煮成。安格斯牛小排雪花紋平均，油脂香同牛味並重。最驚艷嘅反而係佢嘅手打牛丸，彈牙多汁。…查看更多

🐷🐷🐷🐷🐷你講呢間餐廳不下三次，無論係Weekday定Weekend都係坐到滿晒人。因為有一個戶外嘅地方可以比客人帶小朋友玩下，所以都幾多一家大細帶埋個足球仔嚟enjoy family day。▪️ FLAMES 特盛早餐 ($138) 加配餐湯或沙律($15)雖然只係加配既沙律，但係都配以芝士碎同選用咗醒胃又唔會太heavy既dressing，份量亦都幾大。All day breakfast包括烤煙肉，烤香腸，炒蛋，炒雜菌，烤蕃茄，烤多士。其中佢嘅烤多士就係平時晚餐嘅蒜蓉包，有香濃嘅牛油香亦烤得外皮香脆。▪️香草紅酒汁燴牛面肉配黃薑蕃茄飯 ($118) 加配甜品($35)黃薑飯嘅味道唔濃，但含有豐富營養價值。牛肉同埋醬汁嘅份量比想像中大，呢個價錢嚟講個性價比真係超高！紅酒汁味道香濃，牛肉煮得入味軟腍，膠質滿滿又唔會油膩，口感滿分，用嚟撈飯可以輕鬆食晒一碗。💰321+10%/2 person📍 Flames (海濱匯) (觀塘)觀塘海濱道77號海濱匯1樓2號舖…查看更多

🐷🐷🐷🐷🐷漸漸地Flames同Mano已經成為我地星期日Brunch既必去餐廳，因為打泰拳前想吸收多啲carbs，決定要食餐好既先去做運動🥊▪️夏威夷薄餅 加咗$15加湯同沙律，估唔到沙律都竟然有Ham食，抵到爛！對上一次食佢既Pizza已經覺得好impressed，主要原因係佢既手工制餅底食落麵粉味極香又有咬口，果然同連鎖集團既Pizza係差天共地。我地叫既係夏威夷薄餅，包括真。新鮮菠蘿，火腿，俄勒岡葉，聖馬札諾番茄，馬蘇里拉芝士。上枱熱辣辣外脆內軟，絕對係誠意之作。▪️ 蟹肉巴馬臣芝士蕃茄忌廉汁通粉啖啖蟹肉不特止，芝士都可以extra叫staff俾多一碟，忌廉香味重但加上蕃茄既點綴令成碟通粉唔會太濟。最後點少得依到既招牌甜品 — Tiramisu。面頭既係朱古力粉，適合我依啲prefer朱古力粉多過咖啡粉既人，淡淡既芝士香加上少許咖啡，輕鬆食晒成杯。📍 Mano (海濱匯) (觀塘)觀塘海濱道77號海濱匯1樓4號舖…查看更多

🐷🐷🐷🐷🐷同一間集團嘅餐廳喺觀塘區都有幾間，我都幫襯過，無論係裝修定係食物質素上，呢間就真係各方面質素都比較高。非常適合weekend嚟食Lunch/Brunch！▪️餐湯沙律($15/each) Long black Cappuccino ($18/each)餐湯同沙律需要加嘅金額唔大，但十分足料，而咖啡亦一樣係誠意之作。我哋尤其鍾意Cappuccino上面加咗朱古力粉嘅點綴。▪️照燒汁魚柳配烤蔬菜($138)魚柳直頭係jumbo size! 外皮煎得脆卜卜，配上照燒汁都幾惹味！烤蔬菜份量亦唔少，應該有油炸再烤，口感香脆。▪️燒豬腩配燒薯仔紅椰菜沙律($118)依間分店既main份量都十分驚人，令人不禁懷疑咁樣做生意發到底能能夠賺錢😂 燒豬腩肥瘦參半，唔會太油膩，但係咬落去油脂香爆發既感覺💯 配上紅椰菜沙律可以稍為中和油膩感。▪️熱情果慕絲朱古力蛋糕($35)💰$358+10%/2 person📍 Flames (鴻圖道) (觀塘)觀塘鴻圖道51號Two Sky Parc地下1號#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷依間喺將軍澳廣場開咗咁多年既馬祖，平日下午去食lunch都keep住坐滿到一半位，只因物廉價美，食物質素又唔錯。我地每人點咗個午巿火鍋套餐B，一個價錢包括咗每個一個湯底，Prime Grade牛肩胛肉同西班牙無激素豬肉片各一碟，仲有自助區同甜品區任食。湯底我地揀咗田園番茄湯同台灣藥膳養生清雞湯。其中必讚既係佢既蕃茄湯真係10級濃味！好少可以打邊爐食到我覺得唔需要再沾醬既湯底，入面既蕃茄粒煮到溶晒爛晒，加啲貢丸同烏冬落去煮好夾！牛肉重牛香之餘唔會太肥，食落無油膩既感覺。而豬肉反而更為出色，唔肥但夠香，肉質唔鞋而且偏厚有口感。整體而言，依個價錢真係無咩好挑剔既地方，唔怪之得生意keep住咁好。💰$128+10%/person📍 馬祖 (將軍澳廣場) 將軍澳唐德街1號將軍澳廣場1樓L1-021 - L1-023號舖#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷約咗屋企人喺觀塘食大排檔，book咗依間新開既餐廳，入面既裝修簡潔舒服，唔會有種好污糟既感覺，坐得比較舒服。▪️ xo醬龍記小炒皇($128)整體而言鑊氣十足，雖然點都會有少少油但韮黃十分清甜，蝦仁腰果肥豬肉既組合令口感味道層次十分豐富。▪️ 椒鹽九肚魚 ($118)熱辣辣上枱，外脆內軟，椒鹽香味亦夠重。▪️ 乾煸肉碎四季豆 ($88)偏油膩咗少少，但係鑊氣十足，四季豆炒得幾入味，肉碎同蒜頭香夠重口味，好適合用嚟撈飯食。▪️ 私房蟹黃醬海皇炒飯 ($82)炒得粒粒分明，蔬菜既份量唔會太少，令口感層次分明。炒飯上加上咗一羹羹既蟹黃，撈埋炒飯一齊食好鮮味，而且食得出係真材實料並唔係用味精製成既假蟹黃，絕對物超所值！📍 龍記小廚 (觀塘)觀塘聯安街21號地舖…查看更多

🐷🐷🐷🐷🐷適逢每一個月嘅紀念日，男朋友都會特登book一間靚餐廳同我慶祝，今個月係呢間法式fine dine，儀式感滿滿☺️▪️餐包啱啱焗好嘅芝士薄脆，法包同香草包，外脆內軟，配上比較特別嘅杏桃牛油同蕃茄味牛油，幾有心思同誠意。▪️餐前小食係自家製薯片薄脆，中間夾住龍蝦肉上面係三文魚子黑醋，每層嘅味道同口感都頗有不同，每口充滿驚喜。▪️波爾多牛肉他他最上有滿滿一層法國黑魚子，咸香味重。配上鵪鶉蛋黃，將牛肉他他同配料混合埋一齊，口感層次豐富，加上普羅旺斯黑松露同金箔作點綴，打卡一流。▪️吞拿魚芥末馬卡龍第一次食鹹味嘅馬卡龍，選用夏威夷汁同黑魚子酸忌廉汁調味，淡淡既芥末味更能夠帶出吞拿魚嘅鮮味。▪️香濃牛肝菌忌廉湯選用咗杏黃菌同黑皮雞樅菌，無論口感定係味道都能夠帶俾我哋嘅味蕾好大嘅衝擊，好適合我哋咁重口味嘅人。先淺嘗兩啖忌廉湯，再混合羊肚菌清湯中和。▪️鵝肝凍味道上同食緊啲塊鵝肝係無大區別，但口感上冇咁油膩，加上麝香啫喱，竹炭脆片同田園沙律，整體而言中和返平時食鵝肝嘅油膩感。▪️香煎油封鴨布里芝士暖泡沫既鹹香同鴨肉出奇地合襯，鴨肉軟腍入味，食得出係用心之作。▪️熱情果雪葩喺食正餐之前，餐廳好貼心咁樣準備咗酸酸甜甜既雪葩去清一清我哋嘅味蕾。▪️慢煮伊比利亞黑毛豬因為係慢煮，所以豬肉雖然冇煮到完全熟透，但係都能夠輕易咬開，沾點黑菌濃牛肉燒汁，足夠juicy同時能夠鎖住豬肉嘅香味。配上皇家加拿蘋果蓉可以中和油脂香。▪️香煎特級西冷西冷係perfectly cooked既medium rare，帶有些少血水，食落去牛味重，點杏仁阿根廷醬同香草紅桑子燒汁有兩種唔同嘅風味。▪️甜品💰1680+10%/person📍Amina Modern European (尖沙咀)尖沙咀廣東道82-84號流尚坊8樓#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多

🐷🐷🐷🐷🐷同男朋友喺跑馬地覓食，揀咗依間新開既意大利餐廳，裝修有情調適合情侶嚟date night之餘價錢亦十分合理。▪️Cold Cut Selection ($128) Prosecco ($100)我地鐘意飲甜甜地既champagne配上鹹香重既cold cuts。份量適合2-3人，除咗Mortadella ham同Coppa ham之外，以parma ham最為出色，豬肉脂肪香夠重，係我地既至愛•▪️ Zucchini Croquettes ($68)即叫即炸，熱辣辣上碟。炸櫛瓜蒜蓉芝士球，忌廉芝士味重，沾上蛋黃醬更惹味。▪️ Pappardelle Bolognese ($168)餐廳大部分既意粉都係自家製，寬面口感較粉，但配上啖啖牛肉粒醬，有種食緊片裝千層面既感覺。酸酸地十分醒胃，食完完全無負擔。▪️ Cavatelli Melanzana ($148)依款意粉除咗面粉之外仲加入咗薯仔製成，一粒粒有厚度既意粉口感極佳，煙韌彈牙，配上茄子同水牛芝士，更能突顯意粉獨特口感，出奇地咸香味都幾重。💰$612+10%/2 person📍 Aedes Wine & Pasta Bar (跑馬地)跑馬地源遠街14號地舖#美食 #香港美食 #吃貨 #甜品 #相機食先 #hkfoodie #hkfood#hkfoodlover #tagforfood#foodlover #hkrestaurant#gastronomy #foodie#hkfoodie#hkig#foodiehk#foodstagram #yum #tastinghongkong#food #foodporn…查看更多