lamsasaaa's Profile

同家人落樓下食野，見到佢裝修完再開，可能換咗經手人就試試佢，老闆幾熱情，食物幾有驚喜，所以已經變咗我屋企飯堂。避風塘炒蟹，好夠味道，依個要同老細講想食佢先去買肉蟹加工，蔥蒜送飯都正。豉椒炒蟶子煎米粉我唔知原來炒蟶子有煎米粉底，屋企人話都少見，米粉餅夠外脆內軟，好岩小朋友食，亦好飽肚。啫啫通菜煲，超香口，同時爽脆！炒麵&炒飯 好夠鑊氣同夠味道，出色同場見不少外籍學生黎食飯聚餐，睇黎大家都好喜歡大牌檔飲酒既vibe!…Read More

中秋翌日 同男朋友都放假百無聊賴唯有出去睇下有咩好食啦～知深水埗多港式小店美食，所以今日就揀咗依間新香園（堅記）下午4-5點去，人流唔算多，排咗一陣隊已經可以入，佢地亦都一見到人龍就會好主動安排晒入座！男友想身想食粥但原來係要5點後先有，所以我倆就叫咗豬手麵、咸牛治、同埋唔少得我每日都要飲既凍檸茶。先講豬手麵，我覺得係無牙/牙痛人士既福音，竟然淋到唔駛lunng 骨，好似食啫喱咁，鐘唔鐘意都幾見人見誌。南乳味夠，但梘水味都好重，anyway好餓既我都係成碗食晒。（對面既客人一坐低就叫咗一大碗淨豬手，睇黎佢都係常客！）另外咸牛治，真係香口同推介既，配埋檸茶係正既。得閒黎食下午茶都幾好。成件事係性價比高，而且香港地想食依啲都買少見少，所以可以試下…Read More

又一個可以閒逛的週末，今次與男友郊遊完就到荃灣心夜來潮食潮州菜。我們七點到達，可能因為週末假日的關係，所以等候人數比較多，但為了金黃色嘅海鮮蟹粥所以我哋堅持等，結果等左最少2小時...我地等到由晚餐變咗食宵夜，一坐低就急不及待咁叫咗自選海鮮粥。我哋揀咗蜆啦，蟹啦鯇魚啦同埋雞件....一鍋原來好大等於3至四人份量～～！根本兩人食唔晒粥底鮮甜，蟹入面好多膏，絕對唔係hea貨唔會求其俾啲冇肉/死蟹人哋食:) 成煲粥有蟹有蜆所以都幾寒涼，佢都有俾炒少薑落去，但係都幾好食幾鮮甜㗎因為兩個人食一煲粥已經食唔晒所以淨係叫多個小炒皇都夠做，小炒皇幾時都係咁香口惹味，好岩送啤酒🍻結論係如果成班朋友一齊食都幾開心因為入邊仲有好多卜卜蜆煲/雞煲/邊爐嘢食可以開心share…Read More

係一個平常既上班時間 與同事見手頭上既工作將近完成 當然要出去食返個lunch 附近其實沒大多好食的快餐 唯獨依間，樓面雖小但日日都有人排隊等候。我與同事見今日早左食飯，唔洗排隊，就狗衝入去試下。2個人食唔到太多野，於是一人一個拉麵加籠小籠包我叫左個麻辣雞絲拉麵 同事要個雲吞拉麵雞絲麵湯底香濃，有花生醬味，不算太辣，仲好易入口添。雲吞面係清湯底，相信附近既麵食黎講，依間算有誠意，起碼入味先丫...最後就係小籠包喇，我地放涼左陣至食。黎到既時候漲卜卜 ，咬開好多湯，肉粒juicy ，食完好開心！！！ 會再黎食…Read More