szeyan_1119的個人專頁

平日晚上黎唔算好多人 店員安排我地做沙發 🛋️都幾舒適！叫左個套餐黑松露漢堡試下！套餐包$38野飲一杯～本身比有board game cafe既食物都唔算有太多期望，點知漢堡相當出色😎 唔單止有肉汁，仲有濃濃既芝士同黑松露味！薯條亦都熱辣辣！嘢飲方面，叫咗一杯芒果百香果梳打，味道唔會太甜，幾解渴～另外見到餐牌有個pizza waffle 🧇 都幾特別，所以就叫千島海鮮味黎試下! 黎到就發現係pizza配料加waffle底，都係一個幾創新嘅配搭，味道方面醬料好足夠，真係好似食緊pizza咁，配料方面就主要有蝦，個人認為可以多層次一啲，但係呢一個配搭都幾新鮮，所以可以一試！見到呢間cafe有好多board game可以借黎玩，啲嘢食又幾好食，店員又好好服務態度，下次一定要叫埋三五知己上黎敘敘。…查看更多

⚽️香港少有足球主題餐廳⚽️今日有機會拜訪一間用英超球隊阿仙奴做主題嘅餐廳，用球隊嚟做主題喺香港都真係幾少見嘅。餐廳裏面唔少阿仙奴相關嘅展品，包括簽名球衣、紀念書刊、球星figure等，未開關去唔到酋長球場，都可以黎呢間餐廳參觀下。呢度每個星期會有唔同set lunch，價錢方面一般都係around 七八十蚊。服務都唔錯，服務員會keep住幫我哋加水👍🏻先上嘅係Lockeroom Dining鹹蛋黃小食拼盤，如果係鹹蛋黃fans就一定唔可以錯過，因為每件小食都沾滿左鹹蛋黃醬，仲炸到脆卜卜，非常酥脆可口。不過就一定要同人share啦，如果唔係成盤食晒呢都好熱氣之後就試咗個set lunch烤焗紐西蘭羊架紅酒汁，羊架煮到啱啱好，唔會太熟煮到好韌，不過都有少少羊嘅膻味，加埋紅酒汁就啱啱好。最後散叫左個法式蛋黃醬焗波士頓活龍蝦，龍蝦開邊，上面搽滿蛋黃醬，餐廳仲好體貼咁將兩隻龍蝦鉗開殻，唔會食到隻手污糟晒。整體嚟講，呢間餐廳嘅食物真係幾有水準，如果係阿仙奴嘅球迷，可以嚟試下。…查看更多

假日嚟到尖沙咀想簡間有情調嘅餐廳試吓，喺OpenRice就見到呢一間餐廳都幾多好評，所以就黎試吓啦！😀到餐廳後發現lunch set有六折，都幾抵！所以呢就嗌咗兩個意粉試一試！意粉嘅味道出乎意料之外咁好，以酒吧來講佢哋嘅食物都幾高質！😋軟殼蟹野菌松露忌廉汁意粉🍝呢個意粉嘅主角軟殼蟹嘅份量唔少，食起上嚟好香口，味道都好夠！至於意粉嘅味道方面唔算好濃烈，但係醬汁好夠，食落口唔會有種乾爭爭嘅感覺，而且仲有一浸野菌嘅味道！香煎三文魚扒半蕃茄忌廉汁扁意粉🍝而我比較欣賞㗎呢就係呢個意粉，相比軟殼蟹意粉，呢一個意粉嘅味道濃烈好多，一食落口就有超級濃烈嘅蕃茄味！酸酸甜甜咁超級開胃！而且三文魚扒方面亦都非常之大塊而且煎得非常香脆，又冇三文魚嗰種腥味。蒜香鐵板白酒煮蜆🤩呢道菜每一隻蜆都漲卜卜，食落口都有好濃厚嘅蒜香同埋酒味，不過呢個蜆有少少乾，再多番啲汁就完美喇!總括來講，對呢一間酒吧嘅食物質素都有幾高嘅評價！大家經過都可以嚟試吓！❤️ 下次有機會嘅話想叫埋多啲朋友嚟去book個VIP房唱K+試吓個Shisha😍 …查看更多

原來上一次去Urban Cafe已經係一年前嘅事，之前去左㕵角店，今日就去左觀塘，地點都幾就腳，係觀塘地鐵站B2出口一直行就到駱駝漆大廈第一座，食完仲可以係附近行下outlet😊😊觀塘店地方都幾大，但係一點鐘都坐到八成滿，穩陣啲記得book位。今次叫左個二人套餐，每人有個沙律餐湯，仲可以揀一個意粉/飯同埋一個Main，另外仲包兩杯38蚊嘅野飲。我地仲加左28蚊既滋味2人小食拼盤。沙律入面除左有生菜同車厘茄外，仲有菠蘿，食落都幾fresh同埋都幾夾。餐湯就係蕃茄湯，味道正常至於小食拼盤方面呢係啲炸野，味道都唔錯，可以一試。意粉我地就試左三重芝士肉醬意粉，啲芝士味都幾rich，食肉醬意粉最怕係唔夠醬，但係食呢個意粉就一定唔會唔夠。另一個main就揀左夏威夷風情拉絲水牛芝士手工薄餅，個pizza熱辣辣，記得要趁熱食先食到有啲拉絲嘅感覺。我地仲叫左兩杯特飲，菠蘿乳酸梳打裡面有一粒粒嘅珠珠，咬落去有啲菠蘿汁爆出黎。另一杯係朱古力咖啡雲朵沙冰，咖啡味偏濃少少，唔會太甜!各位貓奴一定唔可以錯過呢間cafe，因為當你食食下野時，啲貓貓就會係你腳邊行過，食飽都不妨同下啲貓貓玩下啦。總括而言，呢一間Cafe嘅嘢食都唔錯，又可以同貓貓玩！值得一試❤️…查看更多

銅鑼灣多好野食就唔駛講今次搵左間麻辣火鍋－碼頭故事試一試佢！首先入到去鋪面唔算大不過都幾靚 仲有中國風嘅裝修湯底方面因為我想試下食辣又想食其他就叫左個鴛鴦湯底一邊係豬骨湯底麻辣就要左小辣衣個真係要開波同大家講聲小辣其實食落都幾辣大家揀辣果時要注意番啦黎到大家最關心既野食啦首先邊爐必備既蓮藕同蘿白就走唔甩主要係食湯底味極推大家必定要試一試衣款料配麻辣湯真係幾！好！食！個辣味配埋衣d邊爐料夠晒香又夠晒辣之後有個私心推介鴨血！而家好興買左幾十蚊既鴨血返去自己煮黎食但衣度既鴨血配埋個麻辣湯底真係無得輸鴨血本身已經都夠晒味，正另外就叫左一d特別料首先要介紹既就係一米鴨腸咁當然我就無拉出黎度下係咪真係一米但份量真係好多佢有教你要浸30秒
但個人鍾意食爽d就剩係浸25秒度
都係果句，配埋麻辣湯底，一流！跟住叫左一米肥牛唔駛講d咩剩係一米長既木板已經夠晒打卡肥牛牛味夠肥度都適中，值得一試最後我地仲叫左份黃喉有食開牛既都知黃喉夠晒爽但唔係度度都有得食衣度就有啦！浸一陣食夠晒爽雖然衣類食材唔會太食到湯底味但有少少麻辣味已經好正總括而言衣間野價格唔算好平但真係食到邊爐好料想食好既麻辣邊爐就絕對值得一試…查看更多

嚟到翠林辣蟹方點可以唔試吓佢最出名嘅蟹呢，所以呢我哋就叫咗一個黃金流沙蟹試下！食物嘅質素果然係不出所料，隻蟹呢真係啖啖肉，份量呢亦都係非常之大！佢嘅蟹肉非常新鮮，食落口仲有好香嘅蛋黃味！成道菜好香口😋😋 影相仲好靚，打卡一流🤪🦀另外我好欣賞嘅菜式呢就係佢嘅脆肉鯇啦，食落去呢好爽口，炒得好香！ 不過就略嫌油太多左dd! 打邊爐就食得多脆肉鯇，但係平時平時出街食飯炒小菜好少有得食炒脆肉鯇！值得一試～ 兩個人食份量啱啱好啊😛最後呢仲叫咗個通菜煲，通菜煲呢味道都好正常，唔會太鹹！值得一讚嘅呢就係服務生嘅態度好好啊，驚通菜煲太熱仲提我地要小心啲食，不時都會幫我地加熱水！好有禮貌！抵讚😁整體來講，呢一間餐廳坐得都幾舒服好適合一家大細嚟到食飯開餐！…查看更多

觀塘附近都幾多野食揀不過都係茶記為主今日竟然就俾我見到衣間印度餐廳二話不說就立即試一試佢！鴻圖中心地下都有唔少野食感覺係以外賣為主而衣間印度餐廳可以叫外賣之餘門口都有唔少位可以堂食睇黎都幾好坐同幾舒服不過今次都係叫外賣先餐牌方面如果你想食kebab呢大概就60－80蚊一個再加18蚊的話就可以加埋野飲同咖喱角另外可以自選醬料同埋再額外加配料既如果想食平d你都可以叫番meal of the day每日都有兩款kabab俾你揀加埋野飲都只係50蚊不過就要睇下果兩款岩唔岩你口味啦不過呢果日唔知點解好想有d米飯落肚所以我就叫左個70蚊既咖喱雞飯雖然我食慣左茶記咖喱但偶然食下印度咖喱都唔錯！印度咖喱俾我既印象就係有少少酸香料特別，惹味又香口而衣個咖喱雞飯就完全做到晒酸既比例拿捏得相當好唔會太酸，但又足夠突顯到咖喱既香而佢既雞同薯仔亦可以完全吸收到咖喱味送飯一流最後米飯佢都係用印度米比我平時食開既米飯長身d總括而言成個咖喱雞飯都係好食既絕對滿足到我想食印度咖喱既心！…查看更多

銅鑼灣謝斐道不嬲都多好野食今次黎左小曼谷食好野！今次我地4個人食都叫左唔少野首先有食泰國野必叫既酸辣鳳爪同生蝦個人鍾意食泰國野因為味濃又有特色而佢衣個鳳爪酸味都幾足同埋我都幾欣賞佢夠凍生蝦有蝦味，亦都幾新鮮調味料方面除左有蒜片之外仲有辣椒味道提升左一個層次因為有d泰國鋪係唔會俾辣椒的平時自己食泰國野就鍾意飲冬蔭公湯今次友人就推介我地試下衣個椰子雞湯幾好wor有d驚喜，椰子味夠但唔會太“留”d雞都算滑跟住黎到今餐我最滿意既生菜包本身好怕食到d生菜包淡味而衣個生菜包就夠晒惹味啦酸辣度好夠同時又平衡得幾好讚！另外為左飽肚我地叫左3樣飽肚野食分別係炒飯，薄餅同蒜蓉包炒飯算有鑊氣搭配芒果食都幾特別薄餅係淋身既一種算係泰國野食中比軷特別既存在蒜蓉包只要夠蒜香同脆基本就已經係好食最後因為無乜肉食既關係我地叫左d串燒食點左佢俾我地果個泰式燒烤醬整體都燒得好食其中牛舌係厚燒值得一試整體而言小曼谷裝修靚地點又方便野食仲幾好食值得一試！…查看更多

今日預約咗呢一間好出名嘅Cafe黎試吓，一去到呢已經好多個人等緊位，所以呢建議大家一定要預約！今次呢就叫咗個二人套餐試吓！前菜方面，我幾欣賞個南瓜湯，味道唔錯，有一浸都幾濃郁嘅奶香味，仲要有南瓜絲！睇得出佢真係真材實料！食落去嘅口感好好！沙律方面就正常，無乜特別～主菜方面，我哋叫咗一個豬肋骨，豬肋骨既味道好好，個人好鍾意個醬汁，唔會太濃太鹹，肉質咬落去呢都幾嫩滑，再加上嘅薯角既份量非常之多，食完之後都飽咗一大半！至於青蟹子大峴忌廉意大利粉嘅味道呢亦都唔錯，個人覺得配上青蟹子唔單止半碟好靚呀，口感仲好豐富，食意大利粉嘅同時呢亦都可以咬到一粒粒嘅蟹子，口感十足！雖然呢一個意粉嘅味道有唔會好濃味，但係可以配上豬肋骨一齊食，咁就啱啱好！跟餐仲配兩杯$38嘅飲品，我哋加咗少少錢嗌左一杯熱嘅紫薯Latte，呢一杯latte有好濃烈嘅奶味，都有淡淡紫薯味，成杯飲落去唔會太甜，味道啱啱好！ 另外呢我哋都嗌左一杯金桔提子梳打，第一下飲落去嘅感覺呢都有一浸嘅提子味，幾清新！值得一讚嘅係佢兩杯嘅飲品都有佢自己嘅膠杯，好似出去買嘅嘢飲咁！最後呢我哋都另外加咗一個甜品，係窩夫配上是日精選雪糕，今日嘅雪糕係朱古力雪糕，配上Oreo嘅餡料，配上熱辣辣嘅窩夫🧇，正！呢間既食物水準真係超出我嘅意料之外，仲有好多靚貓貓🐱，值得再嚟！ 仲要加埋呢間黃店，值得推薦！…查看更多

今日喺旺角睇完戲，行完寵物街就搵到附近有一間幾抵食嘅越南嘢由於間店滿座，等咗十分鐘到先入得心大心細既我一睇個menu， 就即刻畀佢個小食拼盤吸引咗😂 因為想試嘅小食都有齊曬我哋兩個人，嗌咗佢個火五火車頭牛肉檬，招牌小食拼盤， 同埋鳳爪撈檬一上菜時候我同男朋友都即刻畀嗰兩碗檬嚇親， 超級大碗，大個我塊面1.5倍😂火五火車頭牛肉檬：生熟牛肉，牛丸，扎肉咩都有齊。薄切既生牛同厚肉既牛肋肉都好冧滑，粒牛丸出奇地彈牙亦好有牛味😳檬粉既份量亦好多😮但我覺得最正係佢個湯，好香濃既牛骨味，而且非常夠熱，啲生牛肉浸一浸湯，半生熟就食得，都幾嫩同冧🤤火五特色鳳爪撈檬：嗌呢樣主要係因為想食鳳爪但小食拼盤唔包😂 鳳爪既份量極多，而且每隻鳳爪本身都好入味。唔單止有唔少配菜，最重要佢加左啲脆脆蒜片，令成碗檬既口感增加唔少😛但我唔記得叫佢少檬粉，超級大碗😂招牌小食拼盤： 呢個小食拼盤真係全餐飯嘅重點， 佢嗰6款小食，份量係極多🤪1）香草大蝦：蝦肉彈牙入味， 連埋個脆卜卜既殼食都得😮2） 炸蝦春捲：香脆，味道正常3）青木瓜沙律：開胃小食，食滯個時食最岩😂4）大蝦米紙卷：味道清新，好實在既感覺，滿滿既粉絲同配菜，而且每件入面都有蝦肉，我喪點佢個酸辣汁😝5）扎肉米紙卷：味道如上，但我鐘意大蝦多啲😎6）黃金脆魚皮：呢樣真係估佢唔到咁特別，好有驚喜😳 鹹蛋黃魚皮好有鹹香味，每件都好脆👍🏻我鐘意就咁食，而男朋友就鐘意點住湯食我諗兩碗檬同個小食拼盤已經係3人份量😂食到最後我地兩個差啲食唔晒，飽到儍😂下次再黎一定要記得叫佢少檬粉🥺…查看更多

經過見到門口咁多人就諗住試下呢間餐廳主打慢煮 當然要試下啲肉類叫左一個威靈頓牛柳，雖然切出黎裡面唔算好紅，但啲肉都算稔，夾埋酥皮好好味！仲叫左一個豬手，可能慢煮餐廳大家唔會試豬手，但呢個豬手真係不得了😍😍😍皮脆內軟，味道同口感都冇得彈，係出面食過既豬手數一數二，大家一定要試下。👍🏽👍🏽👍🏽仲有其他沙律意粉薄餅同小食，薯條類既野一向係我最愛！ 薯條好脆，配埋醬汁真係冇得頂！總括黎講都盤唔錯 餐廳氣氛都好好🥰🥰對得住對慢煮既期待值，值得黎試下～…查看更多

今次試既呢間小店，食物水準出奇地好！特別欣賞嘅係佢嘅烤豬腩肉，然有少少油，但係豬肉烤出嚟呢唔會老會硬，又有肉汁配上包食味道好好！ 隻水波蛋整得幾好，蛋汁唔會好易漏出黎，可惜無乜味道～雞肉方面味道幾有層次，雞入面有唔同既餡料，有啲雜菌，唔係度度都有得食，所以呢一道菜呢我都覺得幾特別！粟米餅方面就中規中矩，個人就覺得有少少油～另外兩個意粉嘅味道都唔錯，合乎預期，而且意粉嘅份量呢亦都非常之多，性價比都非常高，所以總括嚟講呢我都會再嚟試吓！…查看更多

偶爾入到黎聯和墟見間野門面幾乾淨就入去試試食落係有d驚喜本身唔知衣度有咩好食就叫左碗招牌車仔面簡單黎講就咩都有d驚喜😂首先最令我驚喜既係蘿白唔單止無渣賠新鮮食落仲好甜同好入味！鍾意食蘿白既唔好錯過～魚蛋既口感都幾實同幾彈牙係咖喱味，唔錯滷水整果d大腸同雞中翼滷水味幾夠但我略嫌雞翼淋左d可能係因為我最遲先食俾d湯浸淋左總括黎講成碗野都唔錯同埋成碗招牌車仔麵既餸我都幾岩食另外我都加左腐乳生菜🥬$20黎講佢幾份量都幾多腐乳既份量都夠兩個人叫碟黎食都唔錯既如果住喺附近下晝又諗唔到食咩嘅話，食車仔麵都係一個唔錯嘅選擇！…查看更多

係香港好少食印度菜，好有當年去尼泊爾旅行嘅風味！一開始餐廳上咗一個免費嘅前菜俾我哋，係印度好出名嘅脆脆配4隻唔同味嘅醬，4隻醬各有風味，而我最鍾意呢就係橙橙地色嗰隻醬，係有少少辣嘅咖喱雞味！之後我哋都叫咗個咖喱角試吓，入面簡左羊肉做餡，咖喱角嘅份量相當大，羊肉塞滿左成個咖喱角，羊味🐑呢亦都幾重，因為好足料嘅關係，食完之後已經好飽左一半！番茄湯方面，同我哋平時香港人飲開嘅番茄湯有少少唔同，一飲落口係有一種好重嘅奶味同忌廉味，埋飲落口仲有種好滑既感覺，亦都唔會有好酸。 都幾值得試一試呢一個版本嘅蕃茄湯！最後係我好鍾意食嘅garlic naan，俾咗兩大塊我哋，我哋亦都叫咗一個Masala chicken curry去配garlic naan，curry 再配埋薄餅真係好夾，而且個咖喱亦都有熱力烘住，唔會凍冰冰，不過個naan就有d唔夠熱～最後亦都叫咗一杯嘢飲rose lasi，一入口嘅感覺就好似乳酸咁，酸酸地，嗰種乳酸仲好似有一種羊奶嘅感覺，味道都唔錯我都好鍾意飲！最後值得一提嘅係個侍應嘅服務好好，最尾仲問我哋啲食物啱唔啱食，值得一讚…查看更多

衛生措施唔錯，一入去嘅時候店員已經會叫我哋先量體溫同埋睇吓有冇手帶先會比入！入面舖頭呢亦都算大嘅有兩層樓，第二層樓呢仲養咗貓咪添！甜品方面呢味道算唔錯，我哋分別叫咗個楊枝甘露綿綿冰同埋芒茲茲！ 個芒茲茲雖然睇落唔係好大個，但係食落呢都好飽，佢中間呢有個好大個嘅芒果布甸，連埋啲芒果西米露食味道真係唔錯，再配埋啲煙煙銀銀嘅小丸子🍡最重要呢佢嘅味道唔會太甜，食落去呢唔會有”流”嘅感覺! 價錢來講$46都算合理！臨走嘅時候唔知係咪撞到佢哋嘅店長好熱情仲一齊傾左陣計添👍🏻…查看更多