TY330's Profile

今晚在這裏用餐，食物其實不差，雖然服務欠奉，服務員易不懂得為客人分course（我們點了兩個頭盤和兩個主菜，正路應該是客人吃完頭盤才上主菜，但主菜在毫無預兆下已上枱），價格不太貴，但我對這裏的衛生情況感到極之憂慮。我們在用膳期間發現有曱甴在我們的枱底，尤其是我們對曱甴感到恐懼。一位疑似當值男經理當場把曱甴殺滅，但我們的心情已經感到不安，連甜品也沒有吃便急急埋單。到櫃位埋單的時候和男同事表達對衛生情況的憂慮，但是男同事只是說因為在室外地方進行通渠，所以會時有機會看到曱甴。但看來他不理解，這個衛生的concern其實不應該由客戶承受，問題應該是餐廳方面要加緊進行檢查和清潔，而不是由客人在惶恐下用餐。為了食物，我絕對不介意再次光顧，但衛生和態度問題卻令我相當猶疑。…Read More

舊 openrice account 太耐無login,要login既時候竟然忘記了密碼所以要開一個新account打食評了,而新account的第一篇食評,就是H One晚上入座,穿過廚房,有幸坐到窗口位置,個海景真係好正!如果同情人黎食一定好浪漫.但其實整個晚上入座率都係六成左右,環境唔錯,唔算嘈,可能餐廳始終係響中環,人都斯文D吧一坐底就有侍應問我地飲唔飲D水先,但原來係要收錢的礦泉水,成七十蚊一支都幾肉赤,建議餐廳方面先同客人表明水係要收錢既礦泉水會好D....最後我地兩個都點了四道菜的套餐,呢度要讚下餐廳方面的細心,我地表明希望想share,而侍者上每一道菜時都會帶上吉碟比我地,上到主菜時隻碟仲要好熱,呢一點要加分.點完菜後不久,面包便有了,幾款都好好食,尤其有兩隻比較鬆軟,真係好好食,要encore~頭盤我們點了一個蟹肉jelly和鴨肝,一凍一熱,個人比較喜歡鴨肝,煎得岩岩好,唔會煎得太過火.蟹肉jelly也不差,但我食既次序錯左,應該要食凍既蟹肉先,我食左鴨肝先,失敗><~.湯我地點左一個mushroom cappuccino,同蕃茄海鮮湯,兩個都不過不失啦~~但如果個mushroom cappuccino可以做得再creamy一D就好了主菜點了龍蝦同牛肉,份量係細左D,龍蝦好好食,但真係太.......少了~~實在不夠皮,牛就有兩小件,都做得幾soft,肉汁豐富.最後甜品點了我地最愛的疏乎厘,係橙味,甜品的份量就合理得多,上甜品時仲熱辣辣,作為一個疏乎厘,呢度係完全合格的.另外要多謝serve我地果位西裝靚仔哥哥,好用心去同我地解釋每道菜既特點,仲比左D意見我地點菜,睇佢個樣傻更更咁,又會同我地講下笑,幾可愛埋單每人約七百多元,食物係唔錯,服務也很好,但應該有更好選擇吧,不過呢個笑臉,我係會比的^^…Read More