`PanDa＊'s Profile

真係唔食尤字可，一食就把鬼火呢間老地方我由細幫襯到大，由佢未轉大鋪之前一直幫襯我鐘意食佢地既蝦醬豬頸肉炒飯，因為有獲氣又夠味，而且好大碟同埋佢地既泰式鳳爪都好好味，雖然我唔食得辣，但去親都叫黎食朋友入黎大埔我都實帶佢地黎呢度食話說情人節當晚行完街，諗住去食飯，適逄年初四，我諗佢地都係岩岩開市１，２日上幾個月開始，我已經發現佢地放左Ｄ紙係度，叫人自己寫低食乜再交比樓面我都好迎合佢地意思，知佢地人手唔夠，街坊生意都唔想成日麻煩佢地今日情人節，無訂意大利大餐，帶另一半黎試你地Ｄ食物坐出面，個陣個場都唔算多人丫我地睇中左個ＳＥＴ，但想轉Ｄ野，咁唔知得唔得既情況下，就入去搵左個短頭髮既樓面阿姐佢行出黎我就問，　呢個餐可唔可以轉野？佢答　：唔得，　你想轉咩野？我已經覺得奇奇怪怪，唔得，你又問我想轉咩野我答佢我想轉呢兩個菜既配料點知佢就爆我　：　唔得呀！阿姐你咁煩你散嗌啦！你快手Ｄ啦仲將張落單紙拿埋一舊，好似想打我咁我嚇到ｏ左咀，乜都冇轉就落左個ｓｅｔ過年流流你地唔係咁做生意下，唔轉得你咪同我講唔轉得囉，你又要問我係個大肚婆，你唔洗咁樣同人講野下，嚇到我都呆左，ｄ野都食唔落１ｄ正常既做生意態度都冇，唔係要求你唔該前唔該後丫你要搵洗碗既出黎落單，都ｔｒａｉｎ下ｄ態度先啦真係不知所謂，你ｄ野幾好食都唔會再幫襯呀！…Read More

九點五拎飛等三張枱九點八九個字入場拎位拎3個人,朋友未到入場入2個先知佢11點閂門,朋友已趕緊黎,所以嗌住野食先叫左三文魚刺身,帶子刺身D三文魚夠厚,D帶子都幾鮮甜,但薄左D另外叫左炸軟殼蟹,跟左個酸汁,但隻蟹本身冇乜味,點左汁都係得汁味炸多春魚同炸雞軟骨, 得舊檸檬, 冇醬點,鹽都唔落兩粒,完全冇味牛油帶子勝在上枱夠熱,不過粒野烚過,又係淡某某,有牛油吊香都冇用三文魚海膽卷同吉列之士炸蠔卷都幾好食對比炸蝦卷就有D遜色10點4個字已經停手,留番比未到位朋友食侍應開始收檔,就唔得閒理我地幫隔離枱針水,見佢望到我杯冇水都唔順手針埋正行正過10點7朋友飛的過來仲要ORDER多2碟壽司,店員樣子更不耐煩10點8朋友仲未到,然後竟然出現一位較年長的女店員跟我說:小姐你可唔可以食快D呀?我地11點要收工我生平第一次係餐廳聽到呢句說話,我自己都做過飲食,呢D說話絕對唔應該係樓面口講出黎囉,係幾甘冇禮貌何況,你11點先關門, 你11點趕我走都未遲啦,而且我拎位拎3個人佢好似唔發現我仲有個人未到,要我同佢講仲有個人未到呢位樓面阿姐先如夢初醒10點9朋友終於出現,野都未食先埋單用15分鐘食晒我地留比佢既野食,仲趕得切係佢收工前走人,而且仲唔係最尾走個枱唔知個位樓面姐姐有冇同另外個枱傾得好投入既人叫佢快D走呢真係激死人,比加一服務費再比貼士就係得到D咁既服務服務都不在下話,返到屋企就肚痛,肚屙左5,6次,屙左3個鐘頭,呢次真係貼錢買難受喇…Read More

話說今日比人放左飛機,, 就同男友係旺角遊來遊去啦本來一袋二袋既我今日滿心歡喜~ 行到累一累 .又買左10點2戲飛睇戲個時９點鐘就想是但搵Ｄ野食啦行到呢間鋪。　門面好似好靚..　食鳥冬既原來見佢要等位,,拎左張飛話要等１４張台就行左過隔離鞋鋪　仲買左對鞋　出番去岩岩好入得入到去。　安排左我地坐全場唯一　４個唔係卡位既其中２個位我地坐低。　餐牌都未打開。隔離賣單，甘我地就問個經理一陣可唔可以轉過去佢就話同我安排。一分鐘唔夠,搵個樓面仔黎話因為出面有人等位。要入晒客先比我地轉我男朋友就燥燥地　問：甘咪要等到聽朝？呢位好樓面竟然回答：唔知你　。。跟住行左去嘩呢Ｄ咩服務態度　隔離台客未走。出面台客未入。我連張櫈都未坐暖。入又係我入先要轉台好過份咩？？？？？？？？？？？？？？？？？？？？？？？？？本來全日滿心歡喜既我突然比佢搞到食左辣椒甘跟住唔理啦～嗌野食～男朋友叫左：比目魚+豬骨湯佢話個魚好腥　所以食左一啖就叫我食晒佢個湯就麻麻冇咩特別～話Ｄ鳥冬ＯＫ　就冇樓下師兄講到甘林男朋友話幾有趙口我就叫左蕃茄湯+雜天婦羅D天婦羅好油:(係2條蝦2舊茄子一舊南瓜..完全唔岩口味既原來 ..個湯我覺得唔錯既. 夠杰又唔會話酸.. 可能我未係出面食過蕃茄湯既野所以我都唔方便講太多-_- 鳥冬就夠晒滑. 趙口我都覺得不占不失啦!不過份量少左D囉 ..連甘細食既我.. 碗野比我清晒都唔飽另外仲嗌左芝士焗什菇.. 又唔咸.. 仲有唔似焗.. 男人認為係蒸..賣相好一般. 完全唔似係上得廳堂既菜式. 因為同人地BBQ搵張錫紙包住個D冇分別仲有嗌左個紙蠔.. 男友都係話好腥食唔到. 所以又係塞晒比我:(我本人幾鐘意食蠔..都覺得好腥.. 可能唔新鮮.. 同埋包埋一齊好淡完全不願致評………落樓１７X＄.. 甘既價錢以後唔會黎食:( 自己煮分分鐘好味過佢…Read More

一直留意呢間野.. 經過上網做完資料搜查後上星期六終於黎左試同一位女性朋友..一行二女士因為已經９點幾. 去到雖然仲要等位. 但係好彩只係等兩張好快有位啦 . 不過留意到有張卡位汁緊. 侍應女都好識做. 問我地洗唔洗等個張個場係有一半係商場. 有少少露天FEEL揀左個２xx＄既２人餐..有酥皮三文魚湯x２ 有一碟小食,, 我地揀左雞軟骨 ２個主菜..有飯有意粉.. 我地貪心d 揀左兩個飯　一個小龍蝦石頭窩飯。一個雞扒鰻魚石頭窩飯　另外有２杯野飲啦～最先上係雞軟骨。　估唔到仲快過ｄ湯..唔太夠熱～脆就夠脆。　配埋蛋黃醬,,可以咸少少之後個湯上.. 熱辣辣 ..掂！跟住係雞扒飯.. 上台仲"渣渣"聲仲好香 .. 因為未飲完湯 ..比我地冷落左過左陣龍蝦飯都上埋. 個飯係墨魚汁. 配埋芝士其實好香..二話不說即分左黎食先.. 個雞扒飯再度忽略埋可能ｄ汁唔夠.. 冇我想像中甘好食. 不過整體黎講其實幾好食完個龍蝦飯其實有少少濟. 因為有芝士..再分埋個雞扒飯食.. 已經有少少失色, 因為比我地搞到唔太熱加上已經有少少飽. 後尾要靠第三位友人幫手食先食得晒:(鰻魚有少少惺 ,, 雞扒冇咩特別.. 個飯底就OK既.其實上過黎睇食評先去食. 好多位師兄都話佢地加水速度好快.不過我食晒D飯個一刻先有人幫我加水. 我隻杯已經空左好耐:(餐飲叫左熱檸水. 因為大細杯兩啖飲晒.. 此時佢幫我加暖水正可以倒落去飲多杯整體來說OK既~ 實有下次.連埋加一每人11X$落樓~…Read More

琴日放假,難得阿BEE肯陪我出街去左沙田行街,,行到沙田中心見到新開左間糖水鋪喎!!仲有雪花冰食!!又唔洗等位,,為食既我雖然抽住一袋二袋都要去試下搵張二人枱坐低啦,,個店員見我拎住甘多野竟然主動拎多張凳黎,,抵鑽點野食啦,,幾經苦惱先叫左個牛奶+3色QQ果+黑白珍珠+士多啤梨醬[好彩個店員同我地講有士多啤梨醬係是日推介,,唔係差D錯失左,,我係士多啤梨迷]阿BEE叫左個西瓜雪花涼粉.. 仲有粉糖不甩野食上枱啦,,賣相都好靚,, 多得我識揀份冰好重牛奶味啊,,,,夾埋士多啤梨醬真係好好味,,好彩唔似藥水味,,仲有士多啤梨肉阿BEE個涼粉都到左,,個樣都唔錯,,佢碗都有雪花冰嫁,, 不過好似SET定左一隻味後尾問番個店員,,原來係波羅椰子味 佢話全港獨有嫁喎糖不甩最尾上,, 掛住食我都唔記得影相,, 比阿BEE食鬼左兩粒先記得影本來對於我一個女仔黎講份冰實食唔晒,,同埋D冰真係好凍,,但係又唔想益左阿BEE,,最尾我都係食晒賣單啦~冇加一,,食左70幾蚊,,老細好NICE甘問D食物質素點..吹左兩句,, 都幾好傾佢話南瓜露啖啖肉配埋蓮子好正喎,,叫我地下次黎要試下南瓜露同芝麻糊,,自己炒自己磨嫁喎!! 唔怪得我地一路食一路聽到人唔知炒乜勁香啦 仲以為佢地有小菜食添,,最後就打包左碗南瓜露比媽咪 因為下次黎想試其他味冰,, 中式糖水唯有留比媽咪啦不能不提係入面有張好大既畫,, 勁靚嫁!!全部都係用糖砌 老細話個度成3千粒糖.. 佩服佩服…Read More