小迪*LGM的個人專頁

向來鍾意蝦湯經過好多次終於入左去試星期六下午一點，一枱客都無朋友叫左海鮮蝦湯麵我叫左卜卜蜆蝦湯麵顯示海鮮同卜卜蜆都係另外煮開，唔係用個湯煮同埋都係急凍貨，無乜味有一隻蜆仲係臭的 (圖右下方)最好笑既係條菜黃到咁都照serve有無心做，唔洗食，淨睇賣相都知因為得我地一枱客，想請店員較細聲個音樂掛住玩電話見唔到我揮手之餘，仲要黑面臨埋單仲見到牆上寫住有廿年經驗打理日本食品會唔會太好笑#前神秘顧客 #真實食評 #ServiceMatters…查看更多

黎過呢道兩次因為覺得環境唔錯 野食都幾好食而再來而且茶好夠熱, 好飲 兩次都叫左糯米卷, 因為好特別 (有糯米同紫米)今日叫左千層糕, 奶皇好香好味芋角夠鬆化, 但黎到已經凍左, 無咁好食仲叫左肉絲炒麵 平時我唔係太鍾意食肉絲炒麵 因為多數好咸, 麵又炸得好焦但呢道整得非常好食, 唔會太濃味, 麵比一般既幼身炸既程度適中(爸爸係咁話好食好食, 隔離檯聽到後都叫左碟!! 哈哈)不過今日遇到既事實在令我地"吃驚"傳菜姐姐拎籠蝦餃黎之後有個男人即刻行埋黎我地檯(佢無著uniform架, 格仔恤衫, 同一般食客無異)話: 你地介唔介意我蒸過籠比你?原來佢留意到我地籠蝦餃"蒸過龍"!雖然唔知佢何方神聖, 但都感受到呢間酒樓既誠意!一籠特價蝦餃只係賣$16, 其實真係無必要換比我地非常好!!叫左6個點心+一碟炒麵都係$250, 抵食。…查看更多

睇左d食評見好似幾好終於約得成黎試 不過店如其名 真係老點囉坐位同通道都好窄 我都明香港地租金好貴但咁樣其實好危險叫左響鈴腸, 小漢堡, 煎堆, 蝦餅竹筒飯響鈴腸: 無乜特別 無乜味 響鈴太乾 豉油無味小漢堡: 食過譚點既小漢堡, 難免有對比 不過譚點真係好食得多 呢道既餡料好油, 似炸起好耐, 包唔夠熱煎堆: 味道可以 竹筒飯: 無乜味道可言 雖然幾有心思加左紅米 但飯好乾 份量唔多 豉油比得勁少 唔會再去食不過傳菜既叔叔啊姨既服務態度好好後生果d 黑口黑面咁…查看更多

同學帶左我黎呢道試其實一直都好想試 哈哈原來唔太難搵...兩個女仔, 唔食得幾多野只係叫左個韓式拌飯 ($30) 同 _ _雞 (小, $15) [唔記得左叫咩名!!]飯好足料, 有辣醬撈而且好似係珍珠米, 好飽肚.._ _雞, 個sauce好好味! 而且份量算唔少有7-8舊同學話牛肉蓋飯好好食, 下次要試下先!…查看更多

今晚約左姐姐食飯, 唔知做乜地鐵咁多人兩班車都上唔到, 結果我就遲左10分鐘先到..姐姐7點鐘到左, 等左我10分鐘一去到佢就同我講個阿姐同佢講 "你捨得落單未啊"洗唔洗咁啊, 又無人等位叫左大碗米線 ($49)嘩.... 已經加價加左咁多但質素真係差左好多豬潤有怪味, 米線份量極少牛柏葉唔多新鮮,切得好核突..唉, 以後都唔會去...…查看更多

一行6人黎到呢道食晚餐講真野食真係幾好味, 但服務如果有得揀負分既話就好!!!叫左6樣野, total $480瑤柱海皇豆腐羹 : 非常足料, 有好多蝦, 有魚粒(連魚皮!), 入面蛋白好滑姜蔥魚雲煲 : 無食, no comment姜蔥魚卜煲 : 蔥都入埋味! 魚卜好多, 每人都食左4-5個椒絲腐乳通菜 : 碟頭大生炒骨 : 不過不失半隻霸王雞 : 雞肉滑, 不錯服務: 好受氣!!!去到冷到傻! 隔離檯有個小朋友同bb都要笠埋外套頂帽都仲係超凍連我地講野都會噴煙! 同個無著制服既waiter講(其他都有著, 我唔知佢唔著代表咩職級)佢竟然話 "冷氣呢d要等經理話事"咁小事都要經理話事?? 個經理都幾唔得閒喎!!其他侍應又十問九唔應連茶都要自己沖同埋我地叫左個羹, 因為太凍, 驚會攤凍, 叫個啊姐拎個蓋比我地地come住佢先佢超級悔氣地話 "無蓋嫁我地"痴線! 點解d服務可以差到咁!我知你好旺好好生意唔憂做, 但都唔洗咁樣對d容掛??一間好既食肆唔單止要野食好味, 服務態度都好重要總結 : 應該唔會再幫襯!…查看更多

一家四口o係和合石拜完山搭巴士黎上水 石湖墟由於咱們都係九龍人, 所以都搵左好一陣子先搵到細個都有幫襯過農場餐廳, 記憶中都係好味既但最後全線結業 可惜可惜!但好似話呢間係老闆東山再起, 所以就要黎試試喇!back to topic, 首先講講呢道既環境.因為呢道係街市既熟食中心, 地下污污糟糟係理所當然但如果同旺角果個熟食中心比, 呢道樓底高好多, 環境絕對可以接受的去到農家既鋪位 (其實佢個招牌係寫住 '美國 農家♥意粉' )waitress話無位, 帶左我地去另一邊坐點左3個餐： 燒羊架(4支)配牛肝菌汁意粉($42), 洋蔥豬扒拼牛扒配薯仔($33), 同埋鵝肝拼燒雞扒配飯 ($48)湯叫左2紅1白, 野飲叫左凍檸茶x2, 凍華田x1, 送蒜蓉包白湯 : 普通白湯味紅湯 : 好味啊!! 足料, 而且微辣 very good蒜蓉包夠脆! 但唔係太夠蒜蓉味燒羊架(4支)配牛肝菌汁意粉: 推介!!!!! 牛肝菌汁同意粉&羊都非常夾!! 而且意粉非常al dente!!雖然燒羊架太生, 之後我地同返waitress反映, 佢即刻幫我地拎返入廚房再燒service好好! 翻燒完既羊架唔會過熟, 仲好juicy添啊!洋蔥豬扒拼牛扒配薯仔:呢個唔算特別, 豬扒都夠鬆, 但牛扒有少少un鵝肝拼燒雞扒配飯:鵝肝好味道!! 配埋飯一齊食真係好好味 >v<雖然鵝肝唔係好大舊, 但絕對同價錢成正比!雞扒亦都夠滑!檸茶正常水準, 但凍華田有驚喜!最初飲落有d甜, 但當d冰溶左之後就非常好味!!鵝肝個餐仲送一粒比利時朱古力or曲奇餅我地揀左朱古力, waitress埋黎成盒比我地揀最後仲比左我地2個大細路一人一粒朱古力添啊!!! (sweet♥)食完行返去農家既鋪位比錢老闆好好人, 仲同我地傾計!我地亦同老闆大讚食物非常美味跟住老闆同我地講話4月18號會o係長沙灣(東京街同順寧道附近)開鋪!!九龍人有福了!!!!!!!!!!!!!!!!!!!!!!!!!!!!!!整餐飯完全係物超所值!食物水準高不在話下而且服務亦都非常好講真丫, 與其幫襯花X餐廳, 不如加多少少錢黎呢道enjoy your meal 喇!! …查看更多

終於去左試喇!!!!! 唔難搵啵!兩個人叫左 豬扒biangbiang麵, 炒涼粉 同埋肉夾饃 肉夾饃($18)先來, 暖笠笠的, 肉碎惹味, 而土豆絲係爽脆既, 幾特別!炒涼粉($22)質感少少煙un, 叫左微辣, 個味道有少少似XO醬炒蘿白糕咁,入面有少許芽菜豬扒biangbiang麵($38)來得好遲, 因為誤會,我地碗麵(豬扒另上)比坐隔離既外國人食左 ><麵質偏淋, 一影完相就斷左 (據說平時唔會咁淋)豬扒入味而鬆化 good!我唔知係咪shaanxi菜味道偏濃, 事隔幾個鐘既依家我仍然"齒夾留香" lol如果可以比杯水就好喇!!同埋我見佢呢道無套餐, 如果可以加$5要支豆漿就per thick池喇!!!服務算幾好, 特別係我地碗biangbiang麵比人食左之後等左好耐先黎老闆娘都講左好幾次唔好意思埋單既時候仲問我地好唔好食添!…查看更多

見到呢道同附近既"美X餃子館' 既comment都幾好最後見後者既煎餃好似好焦而prefer去呢間一入到去其實無人招呼我地我地自己搵位坐(待應們好coooooool!!)叫左白菜煎餃, 煎素餃, 灼時菜, 酸辣湯煎餃不錯哦, 白菜餃濃味d, 素餃比較淡酸辣湯味幾好, 但料稍為唔多夠比錢既時候我地2個人食左$71我地都無一蚊, 比左$100紙之後收銀問我地有無一蚊我地話無最後佢找返30蚊比我地其實如果唔咁cool既話會好好多囉哈哈哈…查看更多

一個星期黎左食2次第一次叫左豉汁蒸鉗魚, 頭抽雞同埋素湯飯鉗魚好滑好入味, 頭抽雞入味份量亦夠素湯飯既豆腐好有豆味, 叫左蕃茄湯底, 飯係另上既太子飯賣晒第二次又叫左頭抽雞, 仲有豬扒飯, 同埋一個魚肉雲吞米線豬扒飯有d油, 但豬扒好鬆魚肉雲吞其實係鯪魚球加雲吞皮入面有栗米 (menu上話粟米係o係paul粟米道自己meet落黎)所以好甜, 口感亦幾好呢次有太子飯, 其實無乜特別服務方面, waiter既服務比waitress差同埋成日都睇唔到人要落order不過呢道野食水準都可以, 同埋幾抵食…查看更多

對於cafe從來都無咩期望呢間我都係第一次黎食物方面, 普通cafe質素價錢都合理既平均$7x一個set, 加$10有特飲, 送甜品當晚甜品係朱古力格仔餅格仔餅只係微暖同埋因為4件一齊上, d朱古力淨係好hea咁淋o係面搞到每件都係得1/3有朱古力醬服務方面要讚既係一個帶眼鏡長頭髮既女仔見我地食完d野就即刻幫我地執檯同抹檯黎比地方我地玩亦都主動幫我地影相要彈既一個waitress, 紮馬尾無帶眼鏡既淨係識得坐o係道睇電視, 叫佢幫我地落單佢係咁respond我地 : '唔該'佢 : ' 咩啊!'咩完仲要叫另外個waitress幫我地落單你想點啊姐姐?跟住有個o係廚房做既女仔又好嘈係咁講佢d感情煩惱其實我唔想聽囉呢間野我唔會想再去!…查看更多

好耐無寫食評喇!! 因為懶 =P但因為Hungry Korean而出山!!第一次黎呢道食, 因為唔知原來可以行shortcut而兜左個大圈先搵到佢其實o係鋪頭出面已經寫左話要買完飛先幫你搵位嫁有一對外藉couple好快咁讓左位比我地野食都好快黎嚕, 而且仲係熱辣辣的!!叫左炒年糕, 牛肉石鍋飯, 芝士韓式壽司, 同埋sweet chicken鐵板燒炒年糕($28) : 辣既程度適中而且帶甜, 入面有洋蔥, 魚餅, 仲有一隻蛋, 份量同價錢成正比牛肉石鍋飯 ($39) : 附一支mini辣醬不過無試, 除左牛肉外仲有好多配料, 包括牛旁絲,羅白絲等等, 仲有菜! 好味道!!芝士韓式壽司 ($28) : 有差唔多10件, 幾fresh, 下次會試其他filling (有squid, 牛肉, 雞肉 等等)sweet chicken鐵板燒 ($43) : 呢個最後先黎, 有椰菜, 紅羅白等撈埋, 跟一碗白飯跟餐 加$12 有小食, 包括kimchi, 魚餅同埋薯蓉 (抵!)加$8有野飲 (建議唔太食到辣既要加定野飲喇 XD)試左個抹茶牛奶, 抹茶味香而且唔甜, good啊! :) :) :)o係TST黎講食韓國菜都唔平雖然呢道係fast food shop唔可以坐好耐但抵食服務又幾好真係好值得推介!!下次希望試到炒粉絲同其他野食!!…查看更多

如果唔係人地送coupon我都唔會幫襯..店面得2個人, 一個包裝一個收銀排我前面果2個女人, 1個連ocupon買左四百幾蚊, 1個買左百幾蚊收銀既都落單落左好耐!等左好耐終於到我買(因為店入面既2個職員都要幫排我前面果2個人人包mochi, 成幾十粒!)coupon又數錯, 錢又計錯, 服務又唔好mochi味道普通真係唔值得再去食..…查看更多

團購買左$49有4隻生煎包, 4隻小籠包, 4隻紅油抄手, 1碗酸辣湯, 同埋一個清瓜海蜇由於堂食要等位, 可能因為咁d野食凍左喇生煎包 : 包底脆脆, 有好多汁, 好好味=p小籠包 : 無咩特別, 可能因為凍左喇紅油抄手 : 個汁幾好味酸辣湯 : 唔夠熱, 無咩特別清瓜海蜇 : 如果凍d會好味d見到正價生煎包要$20/4隻正價我就未必會幫襯不過生煎包就真係好味既 =]而且服務好好, 會提你"小心熱啊"如果再有團購應該會再幫襯既…查看更多

自從朋友仔帶過我黎食佢既蛋牛治(烘底)同紅豆冰後成日都心思思想再食結果上星期6去開sham shui po又食左件蛋牛治(烘底) 熱辣辣, 辣親條利添啊 xd之後返到屋企同媽咪講話好好味第2日又去食過(lunch)叫左公司治(烘底), 豬手麵, 牛腩麵, 紅豆冰同凍檸茶(少冰少甜)公司治(烘底)($22+1) : 好味! 但d 蛋牛就無普通蛋牛治咁滑豬手麵 ($16) : 豬手入味又夠淋! 仲細心到比埋隻骨碟你lur骨 牛腩麵($16) : 牛腩入味, 唔會un, 唔肥紅豆冰 ($13) : 甜左少少, 但好多紅豆, 紅豆夠淋!凍檸茶(少冰少甜) ($12) : 無試到之後唔多夠飽叫多個蛋牛治(烘底) ($15+$1)今次d蛋牛就非常juicy喇!!埋單 $92 (3人)…查看更多