getfatter's Profile

今天和一大班同事試了這間新酒樓。地方不大，但午飯時間客人已經坐滿了整間酒樓，所以會嘈。我們叫了一大堆點心，約30碟點心和一碟瑤柱蛋白炒飯。全部的食物比我想像中好，所有點心都熱辣辣，好味道!! 推介蝦餃，皮薄蝦肉爽口菜苗餃入面的菜苗很新鮮同埋燒腩仔好好食，皮脆有少少肥(又唔係好肥，剛剛好)瑤柱蛋白炒飯雖然瑤柱不多，但炒得非常乾身，廚房功力應該不錯可能新開張，樓面有少少手忙腳亂，但服務不錯，都熱心。下次會再來的 (今次太肚餓，冇影相，同埋建議先訂位!)…Read More

同行6人，相約九龍城廣場，最終決定食潮州菜1) 白肉+青瓜(唔記得個名)個汁不錯，但略嫌不夠汁，可能比較喜歡川菜既蒜泥白肉2) 鹵水鵝片正! 鵝片肉滑，有肉味，雖然放在下面的豆腐唔夠鹵水味，但超級滑，好好食，推介3) 鮑魚菇片+豆苗(唔記得個名)鮑魚菇片，無咩特別，豆苗夠嫩4) 梅子燒烏魚烏魚新鮮，但梅子汁唔夠香，食不到那種酸酸味味既味道，失色。5) 菌+素千層不錯!6) 素鴨略嫌太乾身，口感不好7) 蠔仔粥一窩大約能分8碗，好足料，湯都幾甜。推介!最後有甜品─綠豆沙送，不過要自己問不太明白為什麼這裡的評分這麼低，其實這裡的食物不錯，服務都不錯。蠔仔粥等了很久也未到，侍應也一直幫我們追廚房。…Read More

家姐在openrice見到這間印尼餐廳獲得好評，於是就約埋一齊試試同行四人叫左1) 雞豬串燒各半兩種肉都好滑，熱辣辣，唔係翻燒，有肉汁和有肉味，加埋個汁，好食呀2) 栗米蝦餅咬落口，皮脆，仲有好香的栗米湯味，但蝦肉就唔多3) 黃薑飯d飯有好香既椰汁味，唔，但感覺唔到薑味，配埋旁邊的餸，有菜、牛、魚和雞等(黃薑其實是一種健康的食材，聽說有助防癌)4) 蜜糖雞翼皮略硬，雞肉則幾滑，其實好食，但我覺得唔是太特別5) 巴東牛肉飯牛腱林，但巴東汁唔夠辣，可能怕客人食唔到辣其實這裡的食物都好好味，但應不是正宗的印尼菜，可能為了迎合港人的口味。如果你不是追求正宗印尼菜的感覺，這裡絕到是一個好選擇。…Read More

午飯時間，和朋友在北角找地方食飯，剛巧路經渣華道熟食市場由於我和朋友從來未曾在這裡午膳，於是就膽粗粗上去啦上到去，已經人頭湧湧經過新林記，叫到有人叫蒸飯，覺得好吸引，於是就坐下來看價目表，一點也不貴，每款約二十多元，覺得好合理，於是我地都叫蒸飯雖然想食的栗子蒸雞/蒸肉餅都售罄，最後都食到1) 北菇蒸雞 ($21)- 好多件雞，當然是雪藏雞，口味較鞋，北菇都乾身，但一分錢一分貨，我覺得ok！2) 蒸水蛋($21)- 好大份呀，平時屋企煮的份量，一個人一定食唔哂，除非多人分享，有皮蛋和咸蛋料，口感都不錯，用料足呀！好抵食！原本跟餐每人一大碗白飯，我和我的朋友自知食不完，自動叫阿姐拿回一碗，不要浪費。我見其他女客人叫左碟頭飯，但半碟白飯食不完。其實可以叫阿姐少飯，大家要珍惜食物！每個餐送大碗例湯，送菜，仲包飲品，凍飲加兩蚊下次我一定再來，但一定會帶多些人囉，唔想食唔哂d野呀真係好抵食！平價超值午餐之選！…Read More

本來想去食拉麵，但由於拉麵店坐滿人，我和同事又不想等位，於是就去了附近一間酒店食半自助的午餐，在門口會有個牌列出今天供應的午餐價錢都合理，每款連加一約四十多元我試了白汁法蘭克福腸闊條麵，味道普通雖然羅宋湯任飲，但是甜既，味道好奇怪幸好，咖啡奶茶任飲，不失為一個多同事聊天的好地方最後，侍應送雪糕糯米糍給我們作飯後甜品…Read More

這是第一次到大坑晚飯詢問朋友意見，他們覺得不妨食日本菜到達橫山，店比我想像中細，而且檯皆坐滿人，街外又下雨，惟有坐Bar檯幸好餐廳環境幽靜，適合我們聊天，不過不知道Bar檯師父是否一直聽我們的對話...我們叫了1) 一客大刺身(6款)，有三文魚、牡丹蝦、帆立貝、海膽、吞拿魚和酒甘魚，所有刺身都很清甜，食得出全部都是新鮮的，尤其帆立貝很鮮甜!2) 咖哩豬扒飯，咖哩味濃厚，炸豬扒不過不失，因麵粉皮少少厚，可以薄d就更加好，豬扒都份量ok，唔會話太少，大約有6條3) 炸蝦天婦羅蕎麥麵，個麵麻麻啦，林左少少，而那個炸蝦天婦羅，我覺得就麻麻啦，唔，個蝦身唔多有蝦味4) 牛油炒帶子，我覺得好香口，帶子都幾新鮮，唔會話老，都OK架!可能那天假日人多，侍應應接不暇，服務就麻麻，不過侍應最後自助送雪糕糯米糍給我們，飯後甜品，呵呵! 最後$420埋單，唔算貴!…Read More

在openrice見到這間餐廳不但小菜吸引，甜品仲吸引，於是心郁郁想試試同行四人，八點來到，門口少少人排隊，願以為要等，怎知轉眼已經入左一張五人檯和一張兩人檯，不需５分鐘已經有位坐，so good!由於樓下已經坐滿人，於是在樓上坐，樓上更加好，又少人，又靜！我們叫了：小菜-1) 蒜香蜜汁骨嘩，一放落黎，已經香噴噴，蒜香四溢，加上又甜甜地，肉既厚度剛剛好，不會太厚／太薄2) 金磚豆腐拼墨魚餅 ($108)豆腐好滑，會走既豆腐，加埋d椒鹽，好香口，配唿汁墨魚餅好厚肉，連埋個酸甜汁，good!如果分開叫，要$116，一齊叫就平d3) 甜梅菜蒸菜遠(菜芯)得菜芯，冇芥蘭，d梅菜唔香，反而d菜芯超爽，好甜，好好味！甜品- 份份都是$221) 心太軟keep到流哂朱古力汁，味道適中，唔會太甜2) 焦糖燉蛋凍凍地，但我覺得唔夠滑3)薑汁梳乎里好鬆化，濃厚的薑味 服務不錯，我地最後3百元埋單。我下次試下大白蜆。不過要注意d香口既食物多數都是炸既，熱氣既人未必適合食囉…Read More

這是第2次去旺角新世紀食Apple Green同行五人，約18:30去到，侍應說已經fully booked ，但問能否8點前交檯，我們話ｏｋ於是被派了往一張極其隱蔽的檯呵呵，超級寧靜，我地看不到外面的情況，人家也看不到我們叫左1)棒棒雞沙律這種沙律菜，連埋薄脆脆，好食!2)鱸魚沙律Ai..這種沙律菜好"草"味，未必人人喜歡食，鱸魚都幾滑3)焗薯皮不錯，個薯皮都幾脆4)香草伴蒜另加磨菇和蜆既意粉唔，蜆就唔多，好似5隻手指數得哂，用切細既蒜頭炒香意粉，雖然幾香口，但落左幾多橄欖油埋單:4百多元服務不錯，自動收碟和添水最後我們19:40已經交回檯了…Read More

同行七人，假日往素之樂午飯齋館不大，但不擠迫，加上柔和的音樂，環境一點也不嘈雜比起很多酒樓或齋館，這裡真的很舒服很喜歡食那裡的千層白肉($68)，3層豆腐，每層都夾著一些餡料，配合個汁，正蓆苗($68)都好爽口素肉飯($15)，平價之選，個汁整得好好味哈哈，仲有一個，但我唔記得佢個名($25)，是薄餅和生菜包著青瓜及一塊以麵根做的肉，正!一定要叫呀!~台灣炒米粉都好好味!好香口!焗蠔仔的味道也很趣緻，不妨一試~我地仲叫左蒸排骨，煎蘿蔔糕，翡翠瑤柱飽，脆鱔(即冬菇片)，其他就一般啦甜品有蘋果派(一碟有兩個)和荳沙芝麻球(一碟有3粒)，OK啦那裡阿姐的服務好好架!好有禮貌!$530埋單…Read More

由於要在上環食飯，於是就選左這間家族式經營的印尼餐廳八點去到，可能那裡是由於商業大廈附近，人流也不會多，所以餐廳也沒有太多客人於是造就了一個寧靜的環境給客人聊天同行五人，叫了一個二至三人餐，然後再加小菜二人餐包括1) 半打串燒一般啦，可以雞、牛、豬什麼都要d2) 印尼沙律 (Gado Gado)個汁好好味! 推薦! 蝦片脆d就更加好!3) 椰汁雞汁好有椰汁香味，但幾油，雞肉老4) 湯或餐飲5) 白飯我們五個人個個都有白飯，不需另外加錢另外，我們叫了1) 牛肉薯仔餅+ 印尼春卷雙拼 牛肉薯仔餅熱辣辣，入面包著d薯容，加埋d牛肉碎，正!不過春卷就沒有特別。2) 炆牛展肉質鬆化又夠腍，推介!3) 甜品: 咋咋OK! 不錯~這裡的食物ok啦，服務很不錯，侍應都好nice，我們叫左一個SET和加左兩樣野食後，應該是老闆的人同我地講，叫我地叫住先。如果唔想食野，這裡應該都是一個夜晚飲野傾偈的好地方，那天都見到有一些上班族在飲啤酒傾偈埋單總共$390…Read More

慶祝男友生日，他喜歡食生蠔，於是就找到了這間以食生蠔聞名的食店我們先叫了一客生蠔拼盤作頭盤。侍應會先問你喜歡食什麼類型的蠔(例如: creamy, 重海水味，比較爽口等)，由於我們都沒有什麼特別的喜好，於是由侍應為我們拍板。生蠔拼盤會送兩杯白酒，如果不飲酒，可以轉。生蠔到場啦，侍應會細心解釋每一隻的產地和味道。全部都好fresh! 好正好正!然後，我們叫了兩客湯，一客龍蝦湯和一客磨菇湯。個人認為龍蝦湯味道較重，比磨菇湯較特別。之後，我們各叫了一客焗蟶子，很爽口，但我食個隻蟶子有少少沙，這是美中不足的地方。然後，我們叫了一客加拿大海膽。我要大力推介。海膽好甜好好味，入口即溶，配搭青瓜和碎蛋，不會搶走海膽的鮮甜，味道非常的匹配。 如果要食，記住預早order先，我果日已經是最後一客...好彩!至於主菜，我們叫了一客澳洲和牛，但失望的就是和牛。和牛不但有根，肉韌，而且沒有肉味，但價值要差不多四百元。最後，我們還叫了Tiramisu作為我們的甜品，濃郁的酒味。我們好滿意餐廳的服務，因為侍應一直幫我們換碟，而且很醒目，舉起手已經知道我們需要什麼。雖然這餐是較貴，但以這種價錢享受優質的服務和食物，是值得的，惟一缺憾是餐廳細，少了一種privacy。…Read More

我成為了openrice的會員已有一年多，但一直沒有正正式式寫食評今天，我遇到一間令我提起勇氣寫食評的餐廳我覺得遇到好的餐廳就一定要分享，否則touchwood說句，如果它結業了，就會少了一間好去處。今晚，決定了去佐敦食飯，search openrice，發現了這間獲一律高評分的餐廳於是就與男友去試試我們叫了一客紐西蘭生蠔作頭盤，$65/2隻真係好大隻，味道較淡，爽口，喜歡淡味爽口生蠔的人不妨試試如果不食生蠔，可以叫焗，我都見到有其他客人叫焗...主菜叫了兩客，包餐湯，一個是BBQ sauce既豬仔脾餐，$45豬仔脾唔韌，有肉味，加埋個BBQ sauce，好惹味另外一個是牛串骨架(唔係好記得個名)，$120好大份，基本上，2個人食，會好飽，3個人食就差唔多有好多肉汁，又唔韌，連埋少少肥膏食，好好味叫完餐飲後，令我們意想不到是，餐廳竟然有甜品送朱古力脆皮雪糕球! 免費之餘，還有賞心悅目的乾冰效果! 我和男友都好滿意!加上服務不錯，侍應經常自動幫我們添水，希望這間餐廳繼續長做長有啦!…Read More