CC.Chan.CC's Profile

由YOHO行過去10分鐘左右，都算幾方便。 之前睇openrice都知餐廳入面大，但無唸過大到咁，樓底勁高，卡位式設計，非常之寬落。入門口經過VIP房，偷睇咗幾眼，裡面個設計同K房係一樣，其中一間房有其他客唱緊K添，雖然企門口都會聽到佢地D歌聲，但D房同其他卡位隔住咗個水吧同本身個場有background music，所以我地坐卡位係聽唔到VIP房D人唱歌。重點哩間餐廳係唔限時!!! 一大班人黎食加唱K，其實好抵玩。同好多餐廳一樣，佢都係自己via QR code 落單。原來menu入面套餐做緊7折， 單點做緊85折。如果食海鮮嘅，叫佢果個B-mix 燒肉套餐應該係最抵。但因為我地都唔太好海鮮，所以就決定單點了，反正都做緊85折，價錢尚可接受。調味料們：和牛盛合 ＄５８８熊本黑毛和牛肉眼背峰﹑腹心肉﹑肉眼同牛小排各兩塊，仲有6粒和牛粒，全部都係A4級。我最鍾意食腹心肉同肉眼，牛味比較濃，油脂分配平均。牛小排簡直係油脂大爆發，哩個係和牛嘅特色，咁先做到入口即溶嘅效果。牛粒上枱時未完全融哂雪，所以初頭燒果兩粒比較需時同味道一般，於是其餘幾粒我地留到好後先燒，睇下燒出黎個效果會唔會好D，果然，好好多，每邊燒幾十秒，又唔好燒到全熟，佢個牛味好重，正。😍薩摩赤雞腿肉６件 ＄６８雞肉最令我地驚喜，因為怕唔熟，我地燒耐Ｄ個雞肉，意外地燒到個皮好脆，見餐廳俾咗把油掃（？）我地，於是我地掃咗Ｄ燒汁上去，個味道好match，同埋雞肉都好juicy同嫩滑，推薦👍🏻👍🏻伊比利黑毛豬６片 ＄７８豬肉質素唔輸牛，雖然佢做唔到入口即溶果個效果，但佢唔係果D好瘦瘦到好柴嘅劣質貨，佢油脂分佈都okay，唔難咬，豬味充足。B-mix丼飯 ＄４８賣相好吸睛，一大堆紫菜，完全無同你客氣，仲有飯素同三文魚籽，我自己就加左D燒汁撈勻黎食，好味飽肚。特大新鮮果茶 ＄６８其實無唸過咁大杯…最後要朋友幫手飲先飲得哂。用咗好多水果去調制，酸酸甜甜開胃又解膩，個樣仲要好靚。下次再嚟會叫多啲朋友一齊嚟唱K同試埋其他肉😋…Read More

秋意濃，天氣開始凍又可以開始打下邊爐食下雞煲今次卜左陸陸其實想食好耐但成日都卜唔到選擇困難症嘅我地揀左陸陸雞煲海鮮套餐，有好多野食，唔洗再唸張台有兩隻好大嘅碗，佢地話係一隻裝骨，一隻放龍蝦！我覺得咁樣好好，咁就唔洗整到成張台都好污糟頭盤係冰鎮花縲。可惜佢個豉油淡左小小，如果係辣辣豉油就好了...因為本人唔可以食套辣，但雞煲唔辣又好似唔夠過癮，於是叫左個微辣。雞肉合格，多肉嘅，但略嫌不夠入味，重口味嘅朋友可以叫辣小小，咁樣個效果會更好:)海鮮一次過上左黎，黎度嘅時候仲係識郁嘅，真係生蝦咁跳！有教每隻海鮮嘅煮熟時間，跟住6就無死啦！有兩隻蝦，細隻啲果隻鮮甜啲，唔好睇咁細隻，但係啖啖肉！飽魚大隻，飽滿；煮帶子要小心煮太耐然後佢會縮到好細搵唔到（我地真係咁）雖然係冰鮮蠔，唸住會伏啦，但比想像中好，唔會腥，同埋都幾肥美唔記得講湯底真係成隻龍蝦咁上，好正龍蝦味愈煮愈濃，食咩菜都係龍蝦味😂😂😂😂炸魚皮、菜同響鈴質素都正常嘅。菇種類同份量超級多，可以叫做雜菇宴肉類質素一般，果然主打海鮮！丸類入面最中意手打蝦丸，彈牙食到蝦肉魚皮餃都好好味最後飽到暈原來仲送甜品…Read More

偶爾豪食一餐也不是太過份吧餐廳唔算太大，但人手都幾足，由點餐到食完，服務都唔錯！除左會教我地點食，仲每食完一道菜都會幫我地換隻新碟，好窩心。筷子座好可愛，一條小魚🐳叫左軟殼蟹沙律，份量都幾大，有四大舊軟殼蟹，肥美油香。加埋牛油果同蘋果好清爽，減少油膩感！我地影完相就自己分啦，原來店員係會幫手分的，因為怕我地攪勻沙律後會整碎哂隻蟹，會無咁好味，只係見我地影緊相，就行開左。巨峰梳打叫了A4和牛燒（必點），餐廳非常均真，點左份牛後就拎埋個磅當面磅，不會少只會多！我地都唔中意食太熟，因為怕個肉會太韌，於是就叫5成熟，燒出黎粉嫩，食落重牛味，不肥也不瘦，好味！擺盤好靚，好和風～啲橙色一塊塊勁似係蘿蔔片，原來係日本蒜片，唔似平時食開果啲蒜，佢係甜味多啲，好特別。另外有wasabi同海鹽配搭，比起單食牛會無咁膩！Firebird雞肉串燒盛合因為唔知邊隻串燒好味啲，所以叫個拼盤黎試🤤佢啲雞都好嫩，唔係瘦柴柴果啲，食到有啲啲脂肪，香!其中最中意免治雞肉棒，啖啖肉，亦較重口味！佢有配蛋黃，但我覺得就咁食更好味，因為佢本身個醬就已經夠惹味了！未飽叫多個A4和牛烏冬壽喜燒，見到啲牛唸住會好肥，因為有一堆白色脂肪...但食落又唔肥wor，哩度啲牛一啲唔hea，肉質係中上，真係一分錢一分貨🤤 個湯底好甜，係令人愉快嘅味道🤣🤣🤣 …Read More

行去餐廳條樓梯有好多畫，好文青嘅感覺！入到去有好多桌枱，但一啲都唔迫。我地去自助沙津吧拎野食，食物選擇都唔少，新鮮程度同味道都算正常。叫左個做緊特價嘅青口，雖然唔算好大粒，但都幾鮮甜好食！呢個雞肉除係我地覺得最好食嘅！肉質唔錯，都唔會好油膩！拎住黎食都好方便呢碟魷魚就正正常常。去到最後，終於上墨西哥香辣豬肋骨，成塊野超級大塊呀！絕對係兩個人食唔晒，係平時嘅雙倍份量，不過因為我唔係好食得辣，所以都唔係食咗咁多，我覺得如果大家鍾意食比較重口味嘅嘢，應該會好鍾意佢㗎！佢仲跟左好多薯條上，勁飽呀！最後嘅餐飲，我哋叫咗兩杯花蜜，個杯勁靚，少女心爆發仲好香花味架餐廳環境真係好靚同好大寬落，坐得好舒服！…Read More

上網睇到人地介紹哩度星球系列，覺得好靚於是走黎試下。可能因為新開加落雨關係，所以唔洗排隊！水果星球配椰汁涼粉真係第一次食哩啲星球，係勁靚！好得意，佢係似啫哩加大菜糕嘅感覺，幾得意！雖然水果種類唔算太多，但佢個份量都幾大！古聞黑糖味珍寶芋圓仙草好大粒芋圓，佢比較似平時可以拎黎打邊爐嘅果隻芋圓，食落都幾q彈同飽。本身以為黑糖味不重，因為無攪勻，食落愈黎愈甜😂所以建議食之前攪勻，如果唔係食到底都幾甜下！士多啤梨窩夫賣相就一流啦，佢唔係好扎實嘅果隻窩夫，食落唔會人頂住太飽。岩岩即整出黎脆脆地，唔會太甜。芒冰椰果撈睇相就知啲料幾足，我地最中意佢個龍眼肉、好養生咁樣！…Read More

成日經過都未食過，本身以為係西式/日式，估唔到係中式。第一次食福建菜！門面兩張台好靚第一次有紫菜送茶，好有趣！紫菜個味唔會太咸，淡淡的大海味... 個茶都幾好飲，佢個味都唔係非常濃，係清香果隻，好好聞見佢地做緊promotion就叫左兩款蟶子，兩種風味冰爽酒糟蟶子同鐵板鹽焗蟶子冰爽哩個涼浸浸，酒味唔會太重，容易入口，作為頭盤一流加上佢肉質都肥美，好味道！鹽焗哩個係佢地嘅no.1，果然名不虛傳！個殻焗到金金地，好香！好奇咁點左個百秒黃花魚，menu上寫話100秒就可以蒸熟一條魚，想知係咪真係咁神奇。雖然最後唔知係咪真係只用左100秒，但佢個味就係好純，就係蒸魚！魚味出又唔會腥，同非常嫩滑！最後覺得要食澱粉質先夠飽，叫左興化炒米粉。米粉十分柔軟，米香真係十足！同埋有好多料，一啲都唔寡配埋個茶，…Read More

又黎我地每月一次聚會 食得太多西餐 日式 打邊爐都會悶！所以我地今次就揀左串燒鋪頭❤已經係第二次黎食可能我地太早 6點鐘就到 所以都唔算多人 太好喇😍😍哩度真係都幾多選擇 就算同一款材料 都有好多種煮法 所以選擇困難症都幾辛苦 太多野揀🤤🤤又叫手工啤酒 ！有6款揀，今次我地揀左哩兩支 ,分別係香檸薄荷同香甜蜜糖味🍺🍺🍺🍺2枝都有淡淡香味 唔會好難入口 可以一試😂呃下like都好👍🏻👍🏻肉類方面 我地叫左豬頸肉,牛舌同雞腎🐷🐂🐓 豬頸肉大大塊 而且好juice 唔會燒到乾真真 仲有泰式辣醬拌碟 好野味🤩🤩厚切牛舌緊係我至愛喇! 厚得黎仲幾林 好好食 而且仲有4舊一串🤤🤤而麻辣雞腎都不錯👍🏻👍🏻第一次食麻辣版 所以幾特別 不過都幾辣下 食得辣先好叫🤭🤭係海鮮方面 我地叫左黑松露蒜蓉燒日本廣島蠔❤❤黑松露燒完特別香 加埋蒜蓉真係香到不得了 而且隻蠔唔會好縮水 燒完仍然好大隻 太好味🤤🤤🤤🤤另外仲叫左黃金醬燒扇貝🍽🍽黃金再加芝士醬 呢個配搭絕對無得衰🤩🤩而且食落仲好鮮甜 好抵食👍🏻👍🏻仲有碟惹味汁燒雞泡魚乾 🐡🐡之前係韓國買過黎食，好好食 所以今次都特別叫左❤佢整得好好食 仲加左醬係側邊 配埋啤酒一流雖然呢到限時食 不過我覺得同朋有黎吹下水 食下串燒又真係唔錯👍🏻👍🏻👍🏻👍🏻👍🏻👍🏻👍🏻…Read More

一直想食焱丸，但成日夜晚都好多人咁，專登揀左下晝黎食，可以即入🤤裡面嘅環境真係好和風，好別緻前菜叫左枝豆同蟹子蟹肉薯仔沙律非常推薦食哩個沙律，蟹子同蟹肉嘅份量一啲都唔吝嗇，溝埋薯仔，食到滿足嘅感覺叫左刺身五盛，每樣都大大件，厚切，份量足。最中意帶子同海膽，因為真係好鮮甜，好幸福呀！若果刺身再稍為再凍一啲就完美了！焱丸號壽司份量多到一個點，啲飯比啲料遮哂好正！一舊飯係唔會夠放哂啲料上去！仲叫左木魚花飯團，木魚份量唔多，較以上嘅野清淡，但十分飽肚🤣🤣用一大杯梅乾燒酌黎迎接以下嘅海鮮！梅味不用會蓋哂啲酒味，酸酸地好飲全部海鮮都有店員幫手燒，好窩心呀！我地安安落落坐等食就可以了蟹味噌甲羅燒好靚！蛋令成舊野香滑一點，而蟹子增添爽脆口感！jeng食到小小膩我會加佢個青瓜絲食，咁樣可以解到膩白蜆磯燒、鮑魚殻燒白蜆一啲沙都無，隻隻都肥美，見店員會一路燒一路加水落去，以防燒到太乾，燒到岩岩好比我地食。假如係我地自己燒，一定會燶飽魚大大隻啖啖肉，邊邊燒到好香，小頭脆，而肉質彈牙唔會韌，大愛呀！…Read More

星期一七點幾到鋪內客人並不算多，門口有張龍椅迎接大家比人打卡影相，後尾發現好多人都拎住本聖旨影相！裡面環境都係宮殿式設計，很優雅。佢啲燈好靚坐低後每張台都有聖旨、配料（紅椒、芫茜、蒜茸、蔥）同四種前菜係度，好別緻！個前菜不錯吃，我最中意食個青瓜，酸酸地唔辣又唔會太重口，十分開胃！叫左個嘉興酸菜白肉鍋，雖然食落無期望嘅咁酸爭少少，但個鍋裡面嘅肉、酸菜同豆腐一啲都吝嗇。我甚至中意佢個白肉多過另外嘅豚肉🤣白肉食到佢地係有用心處理過嘅，佢係薄切本身已經有啲味！唔會太硬，很好味道！酸菜比前菜的較甜，兩種風味；豆腐好滑日本黑豚肉比鍋內白肉厚一啲，肥美更多！肉質都ok，賣相就更加可以😂叫左個丸拼盤，有芝士牛丸、珍珠帶子墨魚丸、波菜豬肉丸、黑松露野菌鮮蝦丸同鯪魚球（好似係)🤣我最鍾意黑松露果個，黑松露個味出得黎唔會cum哂野菌啲味，因為朋友唔中意食，所以一個人獨吞兩粒！正朋友最中意帶子果個，因為你真係會食到個丸入面有啲帶子粒係入面，非常有誠意芝士牛丸係真係會爆漿，好熱，食嘅時候要小心新鮮菜苗帶子餃用嘅係鹼水皮，餡料很足，帶子唔會切到太細，你會咬到啖啖帶子，加上菜苗，好滿足蟹子蝦滑十分彈牙，好有生命力😂加上蟹子令個口感更好第一次食黃金響鈴，超 推 薦！好好味！ 咸蛋味十分重，十分香口。可以試下唔6就咁食先，試下佢個原味，當然係會愛上不斷食，但食食下覺得有啲膩就可以6兩秒，咁就無咁膩，但相對個咸蛋味就年淡左好多，不過佢個響鈴個底，都好味道嘅最後想講個飛驒和牛！不得了呀！首先佢好靚其次佢個source非常正，酸酸甜甜咸咸，貼佢個牛非常嘅match，相信係特製嘅。第三佢個牛，油脂分佈好平均，非常嘅柔軟，無論生食定6左先食都咁出色！最後每人有碗木瓜雪耳糖水，偏甜，但十分滋潤，今餐十分滿意!會再光顧！…Read More

元朗616裝修比起荃灣簡單好多，少啲打卡位，但位置較多，二至四人位位置多一啲，但都靚靚地嘅，加埋啲國旗配合返世界杯！原來係有教學教返每個部位淥幾耐😨同埋配搭攻略😂好窩心今次叫左普通牛骨湯同沙爹，沙爹好濃味哩間有啲特別嘅係佢有個沙漏比你，係廿分鐘內如果第一輪嘅野食有任何一樣無送黎，咁果樣野就會免費送比你第一輪叫嘅野有以上，唔好話廿分鐘，佢十分鐘都唔洗就送哂黎😂😂今次只叫左兩個牛，滑尾龍同封門柳純粹覺得好有趣所以叫叫，但其實我地都唔知粒蛋有咩用，食落好似會滑啲店員就話要攪拌佢後快啲入鍋，因為會出水，所以好快就鯨吞左哩個煎pan佢加蛋後個肉質真係滑啲同軟熟！另一個封門柳雖然無咁滑但牛味相對重啲，都好味新出嘅紫菜卷睇落似響令，食落都似響令😂但佢就硬多少少，香口少少，亦都飽肚啲，下次可以叫哩個唔洗叫響令！好好味！第一次食個油麥菜整到成個盆栽，好得意，幾鮮甜，可以叫多兩盤🤣打邊爐都係中意飲哩啲涼茶類！佢哩個又唔會太甜。…Read More

第二次黎食！上次兩個人肚量有限，今次四個食可以叫多啲！叫到成台都係野食好滿足！上次食左個巨型Masak Dosa覺得太好味，於是今次再叫。口感依然好薯片！前後兩端比較脆！好奇佢地點炸出黎？分別叫了一個其扁豆咖哩同薯仔波菜咖哩，加上烤餅（原味同麥）。黃扁豆較少見，豆味幾重下，唔太辣。菠菜薯仔就濃味小小，重口啲，好味道！但都唔辣嘅！印度芝士唔似平時食開嘅芝士可以拉絲，我覺得食落去有啲似雞肉咁，唔好睇少佢細細舊，都幾滿足下！一開頭覺得無咩芝士味，咀嚼耐啲啲芝士味會慢慢出黎，好特別，中意！原來印度炒飯有啲似好短嘅米炒，好得意嘅口感，幾有咬口！但哩個有啲辣！咖哩角個皮比出面賣嘅厚啲，個角咬落去似油角咁，裡面有好多薯仔咖哩，好好味！配埋佢個醬唔會太乾（我中意啡色果個醬）mango lassi係店員推薦嘅😂不斷聽到lassi!哩個味道真係好少食到，佢個質地比較澀身（？），偏酸，芒果味好出，真係好似食緊芒果咁！非常開胃解辣…Read More

入座時間晚上7:30，時間尚早仲未坐滿，時間到左8點左右就開始多人，大家要去記得book定位，鋪頭裝飾得有啲泰國feel,但無泰國既野食^^ ，今次個坐位好闊仲，好貼心地放多張椅比客人放袋，加分湯底方面都有好多選擇，有中式既同雞煲，而我今次選擇左麻辣湯底，個湯底夠晒麻，好岩中意食麻辣既朋友，好紅😍野食方面，海鮮船真係一流，有鮑魚，生蠔，帶子，龍蝦等等，鮮鮑魚上到枱仲識郁，龍蝦好多羔，絕對值回票價，我次次都會叫仼食款式都算好多，有好多平時火鍋無既，佢都有例如:牛脷，九肚魚，札肉等 本人其實最喜歡係佢個豉油碟，因為有三格，岩晒我衣啲又想食麻醬又想要沙茶醬又想要普通豉油既人，可以一次過有齊，唔洗左一碟右一碟。甜品方面款式都多元化，有雪米糍，紫薯雪條，連榴連雪條都有，滿足好多人既口味，我就揀基本款雪米糍嘅🤣🤣…Read More

一入門口，就有個士多係度。當然只係裝修黎，但真係好懷舊好靚！見到最愛嘅媽咪麵都有唸過買唔買返包🤣再望過去係另一間鋪，影相好得意士多果頭有醬拎，有個秘製牛汁，好奇下倒左啲，甜甜地都唔錯。但個人認為打邊爐要重口啲，所以落左大量青、蒜🤣哩度都嚮應環保（？）用ipad點菜。我地揀左左下酸菜牛骨湯，鴛鴦湯開心啲！個酸菜一開頭覺得無咩特別，酸菜份量都多，有啲花椒（？）小小酸小小辣咁。後面愈食愈辣，正呀！牛骨湯似平時屋企煲嘅湯，個栗米味好勁🤣仲有個牛肉係入面充滿骨膠原的感覺叫完湯唔知點解會比西瓜我地食 叫左三隻肉，匙柄、吊龍伴同脖仁（ipad有介紹）。三個都好食！第一野6時6太耐搞到硬左啲，後尾問返原來6幾秒就得，10秒都唔洗！好食好多。脖仁最重牛味，同肥啲啲，一野sir落去喉嚨；我自己最中意吊龍伴，比較有咬口！佢有好多唔同部位食，個名好奇怪！下次要試埋其他🤤又係好勇咁叫左個牛骨髓食，因為未食過。佢個texture好得意，林林地，但又無咩味，google下原來好補！即刻食哂！最後覺得未飽，叫左兩個烏冬食，咁就岩岩好了！…Read More

試業期間太多人所以無去排，終於等到正式開業了！揀左平日星期一去食，六點半到ifc，排左45分鐘，應該係o係香港食野嘅standard waiting time(?)🤣不過都值嘅！以下係兩個人的份量。叫左一個single smoke shack,煙肉都脆同重smoke味，食落幾開心！ 本身想叫shroom burger,但見shack stack包埋shroom,所以就叫shack stack。菇味重，而且好juicy係正嘅！加上塊大大舊充滿肉汁嘅牛，食落非常有滿足感！飽到暈！薯條就普通同芝士各一，覺得不過不失。香港限定嘅milk tea shake略為失望，好甜，但好似無乜奶茶味...:(反而shack attack有驚喜（single), 好濃朱古力，加上佢有啲brownies,食落好有口感，幾飽都要食埋哩個！…Read More

旺角實在太多放題選擇！神戶屋開左咁耐第一次黎試，好似口碑都不錯！刺身全部都叫左其中激巨赤蝦刺身同北寄貝最jeng🤤 鮮甜肥美😋😋yummmmmm仲要放得勁靚，有姿勢有實際😋生蠔都肥美，唔腥！壽司淨係叫左上面兩款，因為怕飯太飽肚🤰🏻估唔到到佢地會將燒蝦，焗物放到咁靚，好賞心悅目😍叫左個鍋，好多肉！！！！好味，但都幾飽下😣炒蜆可以更入味，再重口少少會更好.鐵板燒銀芽好好味，爽口，唔會太林！推薦下面就不過不失，當前菜okkk😋叫左一口豆腐，但可能我地個口太細了，一口係搞唔掂，佢應該叫一拳豆腐先岩😂整體黎講不錯吃！選擇多，味道都可以…Read More