IVaNYu's Profile

鼎豐大牌檔已經變左一間普通不過，裝修又老土的茶記，無左靈魂，食物質素比鼎天差很多，餐單混亂、侍應未訓醒，跟餐熱飲加16蚊？！好彩check 下單！室內環境暗，燈未開晒，其實都易手左好耐啦，仲搞到咁，真係唔開好過開，搞掂先開門口做生意較好講返食物方面，叉燒鞋、油雞無雞味，唔係話難食，但睇得出整得好求其，算啦，以後唔再來，無下次。講完。…Read More

見佢新開張，裝修又幾靚，就同阿囡試下。Boundless 主要係hamburger + coffee環境走簡約型格路線，走進cafe仿彿有點像沙漠中的綠洲，給一個放鬆的感覺。我們叫了一個經典漢堡加薯條和熱mocha經典漢堡：肉味濃、juicy、麵包皮好食，配料正常薯片：正常，香脆總結：食飯質素配得上中上的價錢，大埔又多一間優質coffee cafe了…Read More

同老婆剛經過觀塘，便順道來試下春水堂，開頭出面排晒隊，等了約30分鐘便入得。我地好肚餓，所以叫多左野：滷香拼盤：幾入味，屬於濃味個種，但份量偏小。茶香娃娃菜：淡而無味，無茶香，純粹係普通菜一碟御品三寶牛肉麵：有牛腩、牛根和牛肚，最好食嘅一味菜式。魯肉飯(小)：不過不失，同台灣個d真係無得比茉香珍珠奶茶：幾好飲，珍珠唔同其他！Q彈總結各方面，算係中規中矩的台式餐廳，但味道偏濃味，食完要多飲水，台式飲品同牛肉類最值得一試，但價錢就略貴，CP值一般。試過一次便算🤭…Read More

今次經過，食下個皇牌、轉做套餐、薯波加可樂，總共$70隻熱狗好大隻，幾飽肚，幾多料，係好味嘅，女仔食可能會覺得太大隻，同埋好多肉😂不過個人鐘意招牌個款多d ，醬汁配搭也較特出，總括來講每款都各有特色，值得一試。…Read More

同屋企人食飯，二大一細，行到新城市第三期，見到新開幾間餐廳，這一間特別多人等，於是便排隊試下。睇睇下原來先知，依度係米芝連餐廳，香港餐廳老闆仲要將新加坡幾間出名品牌餐廳mix埋一齊，等香港人多d選擇🤭。餐廳裝修幾特別，冷色糸，ooen area，坐落都舒服嘅。我地叫左：招牌海南雞：雞肉超級嫩滑😳，質感第二度食唔到！配埋三種不同醬汁，好好味，果然配得起米芝蓮級數！蒜泥豚肉：(冷盤)配個特色辣醬，非常惹味。魚仔菜苗：唔係好記得個名，正常野，新鮮疏菜咁雞油飯：淡淡清香味雞油，正，我地好快食晒😂豆花咖啡：咖啡味算幾濃，但香味不足，但配埋豆腐花個口感係幾特別。埋單總共5百幾，平一定唔係架啦，但係幾有質素，個menu仲有好多野想試，會再來的🤤…Read More

都唔係第一次食，已經食左幾次！今日突然想食，過來翻卓😂😂外賣自取等左5.6分鐘左右，叫左招牌熱狗必食之選，加薯角汽水套餐，招牌spicy得嚟幾過引，其實唔算係好辣！…Read More

終於有時間行去，試專做外賣熱狗的小店bull hotdog，本身好鍾意貪食熱狗，成日周圍試見到banner嘅款式都算多，叫了個招牌，招牌熱狗：原來牛肉、酸忌廉同粟米片都幾夾，Size算頗大，幾抵食！腸仔咬落幾有口感，不錯，只不過唔知係咪要迎合香港人口味，佢d配料同醬汁比相像中少總結，下次有機會再試埋其他款式，價錢唔貴都幾好味，係Fb見佢間中出新口味有優惠，而且Cp值也算高的這些原創小店，越來越少了，值得支持一下…Read More

一行5人，由大埔出到沙田食飯，諗住試新野，未食過龍華酒店，見食評講到咁出名咁好食，就去一試。5大一小，叫左5個送，3隻乳鴨、煎豆腐、大良炒奶、o者o者雞煲、菠蘿咕嚕肉、4個飯，食店環境ok，懷舊風格、侍應態度熱情。==============================脆皮乳鴨：皮唔脆、肉係厚，但味道一般，無乜風味，深井d燒鵝乳鴿好食惹味好多==============================煎豆腐：無特別，不值一提==============================o者o者雞煲：幾入味，可以一試==============================菠蘿咕嚕肉：新鮮菠蘿，同咕嚕肉d味分開左，我都係鐘意大排檔個種，酸甜咕嚕肉配菠蘿個種配搭==============================埋單1千1百幾，CP值超低，試過一次，真心唔使再嚟！Bye…Read More

和友人到沙田食飯，得知這邊新開幾間餐廳，所以想一試，行到地下個層，有德國餐澳門餐、日本野都有兩間，一間係LDK，另一間係屋酒居，睇睇餐版，最少3、4百，仲要無乜人入去，最終簡了多人排隊的LDK。其實這裡也不是便宜，但看餐牌賣相係幾吸引的，我點了<吉列豚肉咖哩蛋包飯>外脆內軟的，但無乜肉汁，咖哩係幾好味的，容易入口，一點都不辣，蛋滑同口感幾順的，不錯幾滿足友人則點了<鹿兒島和牛漢堡扒咖哩蛋包飯>試食左一舊仔和牛漢堡，肉味濃烈，好吃，但肯定不是日本食到的那種，可能不同品種吧，另加一個小食，<黑松露醬可樂餅>個醬值得一讚，令可樂餅惹味程度錦上添花！服務員態度係有禮的，環境也算舒適，現時LDK只有兩間分店，期望生意之後能更上一層樓…Read More

5.13日母親節，來到形點，其實係誤打誤撞才入到來食。。。事關7:30pm食飯時間，好多人，全層餐廳都拿晒飛(除左Outback 😂)，無意間，聽到前面的人說等了個半鐘，心諗有咩咁巴閉，才一星米芝蓮。。結果我們等了35mins，前面走了10號號碼的人群，我們才能幸運地入坐入返正題，我們分別叫了==============================九轉小腸：得個名特別，其實同滷味拼盤個d無大分別，係爽口d，可能我唔識欣賞。。。==============================酥炒芋頭：必叫菜式，佢整到個芋頭好好味，外脆內軟，非常有風味==============================鐵板鹽焗聖子：還可以，食材新鮮==============================莆田滷麵：麵質爽身蠻彈牙，配料一般==============================大白菜燉軟豆腐：正常，沒驚喜==============================莆田荔枝肉：醬汁比肉質更出色，值得一試***P.S 落單個時比侍應重覆問，要落兩個主菜？佢話通常d客叫一個主菜再叫其他，我即刻回答，照落，有咩問題？！大家睇相都知份量係小，難道4個人食，規定只叫一個主菜？真搞笑最後，野食係ok嘅，侍應服務就麻麻啦，價錢中上，埋單7xx，抵唔抵就見仁見智，放低1星框框的光環期望，你會覺得同翡翠xx小籠包其實無大分別~!…Read More

見到新開張，便叫埋屋企人試下，開頭係好多人要排晒隊，或者係貪新鮮，但你食落就知道食物質素同價錢完全唔值！一，同深水步間水門雞店比較，差天共地，人地仲要好食同平d，同泰國原裝水門雞比，簡直係兩樣野來二，Waiter寫野落野執野，完全亂晒龍，九唔搭八，漏單錯單，我地係度食一餐飯見到晒=_='三，價錢唔平，講真你用50.60蚊，係依條街大把其他選擇，唔需要入來食水皮雞飯講完，無改善的話，相信同一鋪位好快又要易手了…Read More

老婆星期六要來附近見一見客，所以就係The one 食lunch，店鋪門面已經見到擺設精美的綠茶系列蛋糕，異常吸引而內裡佈置雖簡約，但地方都算寬敞，可以入到bb車，食物選擇方面，Menu內的多是套餐形式，有甜品、輕食、和各種飯或麵類配搭選擇，我們選了迷利三彩丼定食(即係迷利鰻魚飯、吞拿魚飯、海藻烏冬)，有沙律同小抹茶蛋卷，一次過可以試咁多野，抵晒，最驚喜係鰻魚飯，好香好正，甜品抹茶味蛋卷更是一絕，味香濃而鬆軟至於老婆簡嘅牛肉烏冬，正常水準，不過不失咁啦宏雖然價錢唔平，但環境、食物質素同服務也不錯，算是The One內其中一間必去的餐廳…Read More

店鋪雖小，價錢也不算平，但勝在有小店特色、精緻小巧，偶然經過安興足球場，才一試：叫了一個芝士蛋糕布丁燒芝士蛋糕香味口感不錯、布丁燒小甜，蠻有特色的配搭，值得一試！…Read More

來到星期日，又係試常餐嘅時候！😂見食評，依間紅茶好似幾好，就來試下蕃茄螺蘿絲粉：應該係整定嘅，口感好粉，一d都唔爽！因為我自己煮過，蘿絲粉要煮耐d，不像公仔麵和通粉般易熟！沙爹牛肉麵：ok ，但沙灘爹醬唔係自家制的，一食便知其他野都正常嘅，凍奶茶還可以，但口味比較壓。。其他都無乜好食，但見佢個午餐反而仲吸引！😂…Read More

常常係荃灣食茶記，原本經過嘉樂，但見排晒隊，所以無等了，行下行下，就見到依個金記冰室招牌！我地成日食常餐，所以便試下了，餐廳裝修整潔，特意用一些懷舊的圖案、裝飾，而已佢d餐具幾特別，有自家pattern 同形狀，有趣！叫了茶餐廳常見的*沙爹牛肉麵餐，配牛油多士和火腿奄列沙爹醬味香應該係自家制，牛肉也不肕，口感不錯，正！*豬潤通粉，是同樣配搭豬潤湯底幾好味，很不錯當然，要試茶餐廳的靈魂：奶茶！！我地一凍一熱奶茶試晒🤘凍奶茶：飲到茶底幾好味，比例很好，沒有因為加冰後就沖淡口味！熱奶茶：比較香醇，有掛杯，茶味較突出！埋單$91，不算很便宜，但有十分高的Cp值！區外人常去嘉樂，當然因其名氣，同區比拼，一試知便高與低！P.S. d相影得靚唔靚係其次，但最重要係d野好食😂金記冰室，定會再來…Read More