Waterbaby118's Profile

最近見到網上有人介紹呢一間日本冬甩，都心思思想試吓，咁啱要去尖沙咀同K11都好近，就行去買嚟試吓。我三個人原本諗住買三個，佢話買多啲平啲最終買咗六個。佢話可以留返聽日食都得。諗住如果好食都冇所謂，點知冇一個好味😭等我仲滿心歡喜買俾個女食，阿女同老公都食到扁晒咀。士多啤梨波堤，一啲都唔好食士多啤梨味難食質感仲係咁要嚼嚼。我今次去呢就唔使點排隊前邊得10個人到好快就到我。最開心都係排緊隊揀咩口味嘅時候。😝…Read More

環境服務都好好，枱上面有洋燭同鮮花🌷，環境真係好幽靜，好舒服。侍應好殷勤同專業。食物都好有水準，牛扒好好食😋好有質素。伴菜嘅烤粟米芯真係不得了😍超級好食，好食過牛扒🤣。今次套餐仲啱每人一杯香檳。cheers😎不過個甜品味道就非常酸，酸到唔想吞落肚。係熱情果甜品，如果個甜品係甜蜜蜜就好啦，酸到頭都痛埋。🤯佢有另外一個朱古力甜品嘅賣相都好靚㗎，不過我本人就唔係太喜歡食朱古力所以就冇揀。有廣東話嘅侍應可以好啲溝通。好想再去啊。…Read More

呢度環境的確唔錯，英倫風的確係享受🥰。啲人係咁影相，打卡一流。👍🏻我食嘅係午餐。侍應服務一般。處理枱上邊餐具嘅時候覺得佢有啲遴迍。兩款前菜擺盤好靚，都好食😋。靚到唔捨得食盆花。個湯就唔好飲，得個咸字。我嘅主菜牛扒好奇怪，冇牛肉味🤪，見佢好靚㗎😅。好唔滿意，唔知自己食緊乜咁。未試過食冇牛味嘅牛扒，真係扣晒分。我先生嘅主菜係燒春雞，就好好多囉，熱辣辣裏便釀咗啲飯，都幾好味。啲食物唔會吸引到我想再去。…Read More

一直都覺得呢度負評比較多，都唔想嚟試，今次買一送一就嚟試吓啦。呢度環境舒適🥰，枱唔知係咪換咗啊係雲石枱冇污跡。地方闊落空間感不錯，環境都舒適，個個客人都好斯文，員工服務都幾好，都好helpful😊。食物都唔錯吖，壽司好食、燒牛肉好食、即煮意粉好食、南乳炸雞好食、三文魚好食、甜品款式以午餐嚟講都多，味道一啲都唔差。雪糕佢係會出嚟派嘅、你再食可以問佢再攞。飲品就有果汁自取，之後仲包一杯咖啡奶茶，你order 去攞俾你。佢亦都會主動叫你 order🫶🏻，因為我唔知道有。我唔明點解啲人俾咁多負評，搞到我之前都有啲擔心。不過我知個個人要求唔同。我和家人渡過咗愉快嘅時光。🎉…Read More

首先有足夠的服務員，超正👍🏻。12:30前點心仲有九折，正😄。我今次坐個座位我非常喜歡💕一邊欣賞電單車一邊食點心👏🏻。仲有間鏡房可以影吓相🫶🏻。我覺得這間店舖好有誠意。茶具精美，蝦餃好味😋茶好飲金魚餃，我係為咗呢個而嚟，都幾好。我都唔記得個甜點叫咩名啊，有荔枝呢兩個字，超好味😋。另外叫咗安格斯牛肉炒河，都好好味。炸兩就一般。黑松露燒賣，美味灌湯餃鮮甜味美，無可挑剔🫶🏻期望下次再去，仲想試埋夜晚打邊爐添😌…Read More

去嘅係平日，人不多，服務員服務周到有禮。坐喺個大沙發度好舒服，一邊聽住聖誕歌🎄，一邊享受有聖誕嘉氣氛的下午茶，真係覺得好舒服，3百幾蚊呢個價錢真係超值。鹹點比較出色，味道一流。特別係龍蝦沙律配魚子醬、蟹肉酥皮撻、煙三文魚卷、鴨肝慕絲，甜品ok,最好味係藍莓忌廉芝士慕斯，我覺得呢度嘅鬆餅好好味，我鍾意佢質地濕潤都幾香心。飲品我揀咗熱朱古力配棉花糖，杯熱朱古力唔夠熱，唔知係咪特登，因為如果杯熱朱古力熱得滯啲棉花糖會溶晒，但係我都係鍾意熱啲。不錯不錯如果款式啱食都會在去。…Read More

早兩日同朋友聚會喺度食，尖東晚市都算經濟嘅，價錢一啲都唔貴，份量都唔少，我食嘅壽喜燒定食，牛肉份量都算多。我哋叫咗三個甜品，都好好味😋。但係唔知係唔係唔夠人，呢間餐廳叫咗佢加水三次都唔加，結果我哋自己去拎個水壺過嚟自己加水。佢唯一嘅服務就係攞啲嘢食過嚟，同埋話俾我哋聽9:00閂門呀。壽喜燒份量都飽嘅，但係冇咩味，唔會再想嗌嚟食呢個拼盤有夕張密瓜軟雪糕、立妹Tiramisu、士多啤梨奶凍。士多啤梨奶凍同軟雪糕都超好食，藍莓Tiramisu就麻麻。三樣都係$88抵食嘅！呢個係抹茶白玉紅豆窩夫，$68 ，都好好味。呢個抹茶白玉濃厚日本風味，味道都唔錯可以試吓$52…Read More

因為之前喺呢間酒店staycation，所以今次慶祝都揀呢一間餐廳，希望可以再次一邊享受美食和一邊欣賞咁壯麗嘅風景。但係呢一間餐廳燈係只係食風景囉。環境一流，侍應服務都幾好。但係食物真係非常一般，大失所望。我唔會想再去。生蠔細細隻都新鮮嘅。呢個牛肉他他，淡茂茂都唔知食緊啲乜咁，擺得咁靚反而期望大、失望越大。呢個菜湯，係菜加滾水，未飲過咁難飲嘅湯。呢個牛扒都可以接受。肉質都唔錯嘅，不過味道就都係好淡。甜品就係雪糕，冇得唔好食嘅。…Read More

游完水好攰，唔想諗食乜嘢，叫咗個$290嘅二人餐，頭盤炸蝦餅，味道一般，炸到好多油。跟住有三揀一嘅湯，佢寫住係邊爐海鮮粉絲，聽個名覺得好正咪嗌囉，呢味餸到嘅時候令到我個人完全冇晒胃口，完全想像唔到係一煲菜瘦肉粉絲加埋一啲海鮮碎嘅嘢😿唔可以叫難食，因為佢係冇咩味道。好健康。炒通菜應該係正常掛，辣辣地，但啲菜好似老老地咁，食兩食唔想再食。跟住配一個炒飯，好似叫招牌滷肉炒飯，冇咩特色可言，飯硬硬地，冇咩特別味道。餐廳另外都冇乜配套，唔會再嚟食嘢。食咗呢一個湯之後就唔想再影相啦。飲品都係一般。…Read More

老公生日，大家都喜歡吃點心，於是我訂購了東來順福布斯四星、星級點心午宴餐廳環境優雅，噴水池的流水聲令人聽得舒服，又可以望住一度小橋，悠哉悠哉。那天是平日，人比較少，所以服務真的一流，上菜時間恰到好處，吃完一度菜接住上一度，食物非常夠熱。服務員態度非常好及專業，幫忙拍照、講解菜式、詢問菜式意見等等之前不太熱衷擂沙湯丸，試過這裡的擂沙湯丸後，才發現原來只是自己從未吃過好味的擂沙湯丸吧這個午宴分量十足，男士都好滿足這是令人陶醉的午宴，下次會再光臨。…Read More

菜式都好有新鮮感，賣相都好好😌環境乾淨衛生。可以預留窗口位會有海景觀看。如果鍾意台灣嘅朋友一定會好鍾意。餐廳裝修得好用心，寫上經典嘅台灣歌名。播放最經典的台灣歌曲。今次我哋坐喺卡位都好舒服，好有私隱。但係一入餐廳好大浸海鮮味，其實係腥味。唔嗅得都幾難頂食物整體唔錯，員工服務都唔錯，但係冇人加水，好耐好耐之後忍唔住先叫佢哋加。不過佢哋都忙嘅。我哋都出現咗有漏單嘅情況😎如果有機會都會再試吓其他菜式嘅。…Read More

喺銅鑼灣搵緊邊間餐廳食飯，見南海2號餐廳推出歡樂黃昏套餐，好抵食咁，於是訂咗試吓。喺OpenRice訂咗之後餐廳有打電話嚟confirm Booking。服務都好足夠，個個都好有禮貌。環境舒適，雖然冇窗口位坐但係卡位都好好傾偈。另外選咗帶子炒滑蛋，都好好食，啲蛋炒得一啲都唔油糖水係紫米露，裏面啲西米整到好似爆珠咁都幾好。茶都好好飲，小食係蝦片，都好脆好好味，呢個餐最抵食就係茶錢啊小食費啊加一都全包下次都想試吓其他美食但一定要再食呢個泡飯…Read More

全部都幾好食，算係好多款式，最好食反而係蝦餃，燒牛肉正👍。壽司同火腿都好多款式，尤其欣賞壽司🍣一啲都唔馬虎，好有心機整。坐位都幾好嘅，坐喺窗邊度寬躺舒適。飲品只包一杯，咖啡奶茶檸茶檸水，咖啡☕️唔係幾好飲。😩平日自助午餐都好多人，服務員雖然忙碌，但仍然好有禮貌，收碟都好快。夾食物鉗分咗已消毒和已使用，有啲酒店都冇咁做。甜品真係幾好、好精緻，款式都多，味道唔錯，雪糕有榴槤味，茅台味雪糕試吓都覺得好得意😎…Read More

平日去食，七點幾，一枱客都冇，環境怪燈光差，夜麻麻去廁所都幾驚因為出面條巷都幾黑。期待已久嘅燒雞翼好咸另外嗌咗乾炒泰式河，好多油同比較咸。菠蘿炒飯都難食:(，呢個又冇咩味咁。係燒牛肉算幾好，但係上枱嘅時候已經唔夠熱。我最頂唔順嘅係咖喱雞，未食過咁難食嘅咖喱雞個汁嘅冇咖喱味㗎杰撻撻同嗰啲雞食完一舊都唔想再食，成碟剩返晒喺度。冇心情再影相，蒜蓉包都唔係好食。滿心歡喜咁嚟到，失望而回。之前睇人哋寫都話幾好味㗎⋯⋯…Read More