hl_1124's Profile

星期日晚上，想食墨西哥菜，來到了尖沙咀。我們兩個找了找，去了諾士佛台，穿過幾間酒吧。只見人們有的飲酒，有的食shisha ，聊得起勁。餐廳位於一大廈的三樓，五樓以上是酒店。步出電梯就見到餐廳正門。環境昏暗有格調。 我們被安排到一張二人桌。只見桌上放著一盞氣氛燈，很可愛。看過菜單後，見到Toca有很多款式，我們兩人都拿不定主意。翻了翻熱門菜式，發現了招牌沙律和酥炸魷魚，就決定了。還加了有鬼佬油炸鬼之稱的Churros 很美味…Read More

大坑 總係比人一種世外桃源 遠離煩囂 既感覺今日十二點三黎到價錢親民既民聲冰室 食午餐皆因掛住呢度既肉餅 加上見到網上推介呢度既蒸魚蒸魚多食好 皮膚會白滑一黎到就首先問佢有冇鯇魚店員好親切話有 我地即刻入去坐順便叫埋肉餅 午餐送白飯星期六就唔送野飲 熱飲加幾蚊 凍飲加多幾蚊店員好好 安排兩個餸差唔多時間上一邊飲住野等 都唔係等左好耐肉餅黎先 但同以前有少少唔同樣味道就一樣好味 魚要蒸就等耐D終於等到魚黎 肉餅都差唔多食左一半個魚好滑 加埋豉油 好好味 埋單百幾蚊 有機會再黎開呢邊 一定會再黎食…Read More

本人為蕃茄愛好者，好多時點菜見到蕃茄都難以抗拒。一直以來都係香港食過唔同既蕃茄麵，真心，無一間做到呢間咁出息。但因為唔就我出沒地，上次黎食已經係大概兩年前。首先，呢間蕃茄味既湯底係超好。食得出係由蕃茄煮成，完全無罐頭味。而佢個麵亦係超好味，唯獨係麵既份量略為少。當日叫左香芹蕃茄湯底既隊長肉餅蕃茄麵同埋黑椒蕃茄湯底既墨魚餅蕃茄麵。本人自細討厭西芹，唯獨黎到呢度會食，D香芹細細粒，同個湯底好夾。肉餅入面有香菇，口感豐富。而墨魚餅有一種軟綿綿既感覺，咬落去有少少彈口，又有煎過既香。另外蕃茄湯可以揀辣，不過我食唔到辣，就做唔到食評喇。不過都提提大家，如果需要紙巾，係需要$2一包，餐廳係唔會提供紙巾。當日，係星期六，中午未夠十二點黎食。食客唔多，我同朋友兩個人坐四人枱，坐得鬆動。但冷氣就偏微弱。而餐廳會播一D燴炙人口既廣東歌，首首都好岩聽。整體黎講，呢個價錢對應既食物質素同環境，係超值。…Read More

本人喜愛貓。經朋友介紹嚟到呢間貓cafe，以佢所講，呢間餐廳好多貓貓。當日book咗星期六下晝四點嚟到。最低消費每人$100。未入門口，就見到佢有鞋套機，店員指示食客先著鞋套方可進入店內。可能有啲人會覺得好衛生，但係我眼中，就有啲唔環保喇。見住門口裝住滿滿嘅鞋套嘅垃圾桶。加上，見到店員都冇著鞋套，當時見到佢忽然除低鞋套，原因就不得而知喇。餐廳嘅枱與枱之間只有一個身位嘅距離，同後面枱客人更係背靠背。當日餐廳坐無虛席。我同朋友被安排坐一張兩人枱。而餐廳環境嘈吵。食物方面，不過不失。但飲品收費約$40，唔大杯，但點解餐廳要用即棄杯呢？店員都係後生妹，服務態度不過不失。以一間餐廳嚟講，呢間係價錢合理嘅餐廳。但以一間貓cafe嚟評論，呢間係一間差嘅貓cafe。簡單講，就係睇唔出呢間cafe對貓嘅愛心。1. 當日有幾位細路女，不停嘗試去抱起啲貓，抱貓貓返去佢座位影相，嚇到貓貓又跳起又掙扎，但店員並無阻止2. 餐廳只有約五米乘五米嘅大細，就放咗十張枱，加三個職員，到底餐廳係求吸金還是想比客人有同貓貓互動嘅體驗呢？3. 此cafe並冇好似其他貓cafe咁，放有貓貓嘅profile4. 客人可以餵貓貓食野，見有啲貓都飽到食唔落了。不固定嘅餵食時間同份量會否對貓貓健康有影響呢？總結嚟講，呢間餐廳係冇回頭。多貓並唔會係主要賣點。下次，我都係去返小型嘅貓cafe，起碼係果度，會係一眾愛貓人嘅聚腳點。而唔係一間又迫又嘈嘅食店。…Read More

第一次聽聞古今二呢間創意卷物店已經係一年多前，一直未有機會試，而本人亦期待咗好耐。上網睇咗原來佢有三間分店，但最後都揀返觀塘呢間，就返朋友收工地點。今晚兩個人過咗嚟食。位於觀塘工廠大廈入面，裝修都唔錯。首先，講下野食。創意卷物大多$88一份，份量唔大。當晚叫咗兩份創意卷物，一份燒茄子，荔枝串燒同埋三碟壽司。創意卷物係幾有新鮮感，但性價比低，講好有帶子，但就淨係得帶子碎，而且黑椒味重。燒茄子同樣黑椒味重到不行。令人覺得食物只有單一的單椒味。荔枝串燒並不出息。只有壽司算係滿意，對得起個價錢。環境方面，當晚我同朋友被安排坐一張六人座位，隔離再隔離位坐咗兩位女食客。慘在全晚都聽到哂隔離兩位客人嘅對話。呢間餐廳並唔會係傾訴嘅好地方。服務方面，坐低冇耐，就有個著圍裙個女服務員同我地講今晚會有啲新鮮海產。當晚都聽到佢有同其他枱嘅食客介紹。該位女服務員偏向豪邁，上菜態度比人感覺係去咗街市麵檔食緊魚蛋河。整體而言，呢間餐廳係貴，食物/環境/服務都冇一樣令我好滿意。同樣價錢，可以有更好嘅選擇。…Read More

因為朋友話想食肉，就中午打黎訂台，晚上七點食。黎到見到晚餐都差不多$100-$150，有個豪D既set就$198有蠔/鵝肝食。（加一）所以叫左兩個set，一個點鵝肝，一個要蠔。首先黎既係前菜。薯蓉好食，凱撒沙律不過不失。之後上頭盤。鵝肝好食，外脆內軟，又香。蠔雖然大，但無咩味。蝦同蟹柳就普普通通。蒜蓉包好脆好好食，湯都足料，雖然係蜆仔。黎到主菜，因為個人唔太好肉，都係叫返飯。個飯好食！有咸蛋同芝士，食左一半都有D飽，但佢好貼心，份量岩岩好。而個豬扒就有D失望喇，可能餐廳環境有D暗，睇落個豬好似紅紅地未熟。佢好快凍左，而口感比較韌同乾。而甜品就不過不失。整體黎講，咁多樣野先收兩舊水係合理同值既，但一分錢一分貨。唔好期望食物超有水準同超好味。…Read More

今日同朋友一齊黎萬發食飯。我地一共七個人，三女四男。一齊Book好七點半，準時黎到就有台。本身諗住叫6或8樣送，因為7樣意頭唔好。點知最後都係難以取捨任何一樣，叫夠八樣啦 ！我地亦都諗好一定要有兩個蔬菜。最後叫左 黑椒牛柳粒，皮芭豆腐，椒鹽魷魚，金銀覓菜，芝士西蘭花，鹵水拼盤，風沙雞半隻，海蜇手撕雞同埋五個白飯 （$12一個）黑椒牛柳粒 - 好食，黑椒令到成個味幾重下，但牛軟身，薯仔皮脆皮芭豆腐 - 普通（個人口味問題）椒鹽魷魚 - 對我而言un左少少金銀覓菜 - 好食 （個人口味，對覓菜偏好，菜比較林身）芝士西蘭花 - 驚喜，因為少見，但就有D滯，但係係好食既鹵水拼盤 - 一般 （個人口味，對鹵水無愛）風沙雞 - 正，雞好滑海蜇手撕雞 - 一般，個人認為係出面都食到既手撕雞食左半個鐘D男人就停手，實在太過份最後都清哂，但就好飽。如果想食糖水就建議人頭-1樣野/唔叫白飯喇 ～而因為佢比左大台我地，距離較遠，環境嘈，都唔太傾到計。…Read More

返工中午放飯，平時放一點到兩點，星期五比較輕鬆自由，為了避開人潮，十二點九就來到呢間新開麵店。因為新屎坑關係，見到價錢偏貴都試一試。一入到去坐低，就見到台面有枝飛雪水，要$5。應覺很小家，水都不提供，想要客人付錢買。後來發現，如果開口，都會提供水。午市套餐的麵類由$65-$88，不設加一，有一款小食可以加配，而飲品就要加$8。$65既係擔擔麵，而我就選擇了$88的蕃茄牛肉麵。加配小食可以選擇皮蛋豆腐，海蜇，木耳等等。我選的木耳有很重的蒜。蕃茄牛肉麵製作時間比其他麵長一點，但勝在夠熱，湯很好味，但感覺是味精。牛味道也很好。有兩瓣蕃茄，不過狀態並未熟，可想而之蕃茄是後來加入。整體來說，是間比較普通，而且偏貴的麵店。…Read More

移居外地的中學老師回來了，今晚是畢業多年後的難得一聚。我們選的這間餐廳雖然離地鐵站不近，但走過來也不算遠，地點就在海旁。吃完飯也可以看看海，聊聊天。這間日式餐廳提供食物多樣化，上致平民的滑蛋豬飯到高檔的魚生飯也一應俱全。我點了平常最愛的魚生飯，通常一個魚生飯也要一百元左右。在這裡也是百多錢，但卻是一個配上麵豉湯，蒸滑蛋，沙律的定食。感覺很超值和豐富。蒸蛋：很滑，裡面有很多材料。沙律：菜很新鮮，配上芝麻醬很開胃。麵豉湯：不會很咸魚生飯：魚生新鮮，魚子鮮甜…Read More

行呢個旺角新開既商場，都見到頂層有幾間食店，就決定試下新野。因為同男友都鍾意食丼飯，見到佢門口既牌有得賣就入去食。我叫左三魚丼，而男友就叫左三文親子丼。個飯黎到，都覺得D飯怪怪地，飯呈微黃色。睇落有D細碗，但食落份量係足夠。雖然份量足夠，但味道就完全唔得。飯比較酸，可能落左過量醋。而魚生係唔新鮮，食到一半都唔想食了，而家仲要肚痛。…Read More