MayCho1024's Profile

喺銅鑼灣鬧市搵到一間休閒嘅日式餐廳，主打日式多餸便當Bento Box，有不同價位嘅選擇，多人食就可以每樣嗌一款試勻所有嘅款式👍🏻木魚烏冬、芝心漢堡、味噌比目魚、明太子日式蛋捲、桂花漬番茄烏冬清新彈牙；資深漢堡不會油膩，食到有芝士夾心；味噌比目魚，魚肉夠嫩滑，唔會一夾就散，肉質不錯；太子值得一讚，超級多名太子，出面嘅蛋亦都唔會煎得老，夠滑身；桂花漬蕃茄，帶有桂花清香同清甜，就算食唔慣生番茄既都話好味。烏冬、洋蔥炒牛肉、糖心蛋、玉子燒豆腐、手打雞肉配日式菇汁洋蔥炒牛肉很出色，牛肉唔會韌同，亦都好惹味；手打雞肉，雞肉肉嫩滑👍🏻👍🏻同場加配小食﹕單骨雞翼超級好味，非常多件數，炸得好香口，配上柚子汁芥味清甜清新，推薦👍🏻甜品﹕開心果雪糕pancake，即係美式pancake唔係日式pancake，所以真係會好飽，開心果醬都夠濃味。…Read More

灣仔泰菜好去處今次餐廳好有氣派，入到去先知原來有層，仲要3層都可以full house，真係好少見。值得一讚既係，座位闊落，坐得好舒服。冬蔭功﹕一定要試味道豐富、夠濃郁，食材足料。湯底夠濃，飲得出係落足料先做到呢個味，濃湯加埋味，再加少少辣度，好惹味。海鮮都好足料。串燒﹕叫左豬、牛、雞三種，味足，肉嫩。最推介雞肉，雞皮略脆，雞肉鮮嫩，加埋漿汁，好惹味。軟殼蟹咖喱包超巨型，叫左呢個可以唔洗叫主食。包似法包質地，外皮脆，內鬆軟，點咖喱一。咖喱口味偏甜、椰香型的，唔係辛辣型咖喱，岩晒大家口味。軟殼蟹有好多件，唔會炸完完全冇肉。2個人食呢道菜真係好飽。雞肉生菜包好少見有得揀雞肉，其他餐廳大多係豬肉，雞相對冇咁油膩，加埋生菜，更清爽，正。呢間性價比真係好高，會再回黎試其他菜式。…Read More

觀塘都有chill一chill既餐廳，今日天氣好好，坐室外有微風都真係好舒服😌Set lunch: 前菜﹕ 沙律或餐湯揀左沙律，有輕薄既沙律醬，唔會太重手，不錯！主菜﹕燒美國肉眼豬扒大大件，一個人真係太大件，同時都擺得好靚😂好有儀式感豬扒，大件，厚身，呢個厚度要煎得好食真係需要技巧，肉質軟淋，唔會干柴，好好味。配菜有番茄，薯仔。甜品﹕開心果梳乎厘值得一讚﹗空氣感足夠，但又輕棉蛋糕口感，唔會一入口得空氣，兩者平衡得好好。開心果醬開心果味夠，唔會太甜，兩者搭配好好。ps 期間限定係楊枝甘露口味，鍾意既可以一試👍🏻…Read More

想食清淡啲，健康啲又不失營養價值，今日運動前去左食POKE GO。STAFF好好招呼，入到去問有冇食過，然後解釋餐牌，仲提我有得叫LUNCH SET有野飲送。除了自己可以逐樣揀之外，如果第一次食，有佢地配搭好既比你揀，除左砌得靚之外，味道配搭都比較好食，於是我就直接揀左OHANAOHANA﹕沙律菜底、配搭三文魚、櫻桃蕃茄、溫室青瓜、甜粟米、芝麻、果仁。三文魚粒量好充足、新鮮；櫻桃蕃茄爽脆帶有甜味；溫室青瓜清新；帶埋粟米甜味配搭好好。漿汁係蜜糖芥茉醬，唔想食太多醬汁既朋友可以叫另上!餐飲叫左100%椰青水。另外仲有好多熱飲同凍飲可以揀，基本上都係原型食物同飲品，滿足追求既朋友。…Read More

水門雞飯尖沙咀食海南雞，性價之選一定水門雞飯，上次去左隔離街嗰闁，今次特登試埋呢間﹕海南雞半隻﹕雞嫩滑，不會太生見血，都唔會太熟，保持水準。雞雜有雞血、雞腸等，唔鐘意可以走雜。喇沙海南雞面﹕湯底係偏泰式風格，香味夠濃，泹湯底酸味比較突出，帶點辣味，但辣度唔強，唔食得辣既都可以試。必推﹕串燒必試、必試、必試! 外帶微焦、內里肉質軟滑，再點埋漿汁，口怠、風味多元化，正。雞腳﹕夠軟淋，滿滿骨膠原，比較細心，有處理腳甲，讚。牛舌﹕加購價，所以一試。偏軟淋，酸中帶辣，不過不失。…Read More

喺銅鑼灣搵大件夾抵食又高質嘅鋸扒餐廳，非呢間莫屬👍🏻好少餐廳夜晚仲有套餐，扒+薯菜+嘢飲都係145至$280‼️安格斯級肋眼牛扒200g:香港人經常會揀嘅牛扒之一，肋眼揀左70%熟，肉質軟腍，油脂分布平均，牛肉味都十足安格斯級封門柳200 g:想要肉味再勁啲可以揀封門柳，我哋都係叫咗70%熟，封門柳唔係度度都有，脂肪含量比較少，所以肉質比較有口感，肉味極濃，適合追求健康又想食肉嘅人揀，大家唔怕生嘅可以咁五成熟。另外值得一讚嘅係薯條炸得好好食，唔會過油，粗幼度適中👍🏻👍🏻呢個價錢食到咁高質嘅牛扒值得推介👍🏻👍🏻…Read More

今次食到由韓國人主理既韓國餐廳👍🏻👍🏻👍🏻前菜﹕種類多，比較少見既係黑豆，帶甜味，好好食😋帶骨炸雞﹕原味及甜辣味炸漿唔會太厚，適中脆口，雞肉保持嫩滑；甜辣汁夠惹味，帶微辣，唔洗怕辣食唔到；帶骨，但都好多肉，份量都十足👍🏻牛肋骨湯﹕湯清甜，有好多好多牛肋骨。牛肋骨超好味❤️❤️❤️❤️❤️❤️肉質淋中帶爽口口感，唔會太硬咬唔到，又唔會因為煮得耐一夾就散，好好奇點可以煮到呢個口感，超正，大推牛肋骨煲﹕都係同款部位牛肋骨，但比牛骨湯再爽口啲，而且係濃味版，另外蘿蔔好吸汁，都好好味。可以視乎想食咩口感，牛骨湯同牛肋骨煲二選一。今次冇試燒肉，不過見到啲肉都好新鮮，下次會黎試埋燒肉，食物高質，力推👍🏻…Read More

尋找好味既burger 之旅😂出色burger 之外，仲有一試難忘既smoothie❤️印度風情漢堡： 唯一一種雞肉 burger，肉質唔會干柴，厚薄適中，份量充足； halloumi cheese好特別，同雞好夾，唔會太濃味搶focus； 包屬鬆厚款，特別在於加左醬汁煎過，吸左醬汁，包邊帶有焦脆，口感特別；加上有兩款醬汁，味道比較豐富👍🏻👍🏻 自選smoothie❤️❤️❤️$55，可自選3款材料，重有3款奶底可選，完全可以符合唔同人既需求。我揀左almond milk, 紅菜頭、羽衣甘藍、雜莓，smoothie唔會打到100% 純滑，仲帶有微顆粒口感，而且冇額外加糖，仲飲得出微微almond milk味道。好健康👍🏻👍🏻👍🏻沙律﹕新鮮，份量多…Read More

經過西環食個tea，偶遇呢間好chill既cafe👍🏻凱撒沙律拌左輕薄既沙律醬上，加左芝士碎片🥗🥗脆皮炸虎蝦大大隻虎蝦，蝦殼炸得夠酥脆，蝦頭同蝦酥有一種食脆片嘅感覺; 唔會炸得太乾柴，仍然食到爽口嘅感覺，配青檸汁和醬汁別有一番風味🍤🍤烤腹肉牛扒整嚿牛肉烤到外皮微脆，裏面保持到濕潤嫩滑，薯條夠乾身，唔會太油，配上碎蒜，味道突出👍🏻👍🏻Teaset 跟飲品，latte with oat milk，咖啡豆烘炒程度同oat milk 好夾 👍🏻又發現左一間好chill好味又好好hea既cafe🎉…Read More

今日約咗朋友去試日式hightea，揀咗有大海景嘅餐廳~今次是日式花園下午茶，同大家平時嘅hightea有少少唔同，食物主要係日式精美鹹點同魚生🙌🏻第一部份：刺身有時令海膽、拖羅、油甘魚、甜蝦，份量好足，亦都切得好大件，魚生全部好新鮮，充滿光澤，好正🥰🥰食完魚生可以試吓其他日式小食，有巴馬火腿芝士卷，鹹鹹地嘅火腿包住芝士好好味；仲有忌廉芝士鰻魚卷、火炙粟米沙律、吞拿魚蓉蟹肉最中餅，餅底薄身，吞拿魚蓉唔會太油膩上面再配咗少少蟹肉，帶有蟹味口感非常之豐富。鹹點嘅部份仲有三文魚、日式炸蟹鉗、鱈魚乾。最為之驚喜嘅係鱈魚乾，有少少脆身，好似食緊薄脆薯片，但係又冇薯片咁硬身，口感非常之有驚喜，值得一試再試。🥰🥰食完刺身小食再試埋鹹點之後，就到甜品出場，滿足晒你所有嘅慾望。甜品都係以日式甜品為主，有櫻花水信玄餅、日本和菓子、日本蛋卷、芝士蛋糕、哈密瓜同士多啤梨。櫻花水信玄餅記得要打卡，透明嘅餅裏面有成朵櫻花，真係睇得又食得，和菓子都唔會太甜，芝士蛋糕非常之濃厚，芝士味滿滿，食到最後再食埋件芝士蛋糕真係超級滿足；到最後加埋少少士多啤梨比較清爽咁結尾，超正🤗🤗最後嘅最後，餐飲可以揀茶，碳酸飲品，或者梅酒，我哋就揀咗梅酒啦，今次日式下午茶，當然係要配梅酒啦如果你想同朋友休閒咁吹水食個tea，又唔想食晒全部都係甜品，呢個日式下午茶都值得一試，滿足香港人食魚生同日式鹹片嘅慾望😆😆…Read More

今日試日本菜🤗🤗行開荃灣，好多嘢食，見呢間幾特別就入去試吓🫡龍捲風沙律：田園沙律底，上面有少少中華沙律，加埋蟹柳絲，再鋪咗好多好多蟹籽，足料，加埋蟹籽口感好好味金龍卷：三文魚炸蝦芝士卷，上面配咗醬，味道更有層次。火山﹕重頭戲之一！ 叫得火山，真係會點火👍👍裏面係一件件捲物拼出出，係帶子、青瓜、牛油果卷，上面鋪左蟹柳同蟹籽🥰雜錦天婦羅：有炸蝦、秋葵、一口番薯，炸衣都夠薄，保持到食物口感，唔會炸過龍👍串燒：雞內蛋、雞軟骨串燒…Read More

新分店，終於唔洗山長水遠去老舖先食到啦，好感動😊清湯沙爽腩🥰🥰🥰🥰🥰$190大大碗，特登想黎食清湯腩既，人多可以叫一大碗share，因為真係好多好多好多，超值👍爽腩夠淋夠嫩，唔會干柴，牛味鮮，食得出好新鮮唔會肥膩，唔洗驚食牛腩會膩。新鋪keep到老鋪既品質👍👍👍切腩四寶撈粗﹕一個人黎食，呢個就滿足晒你所有既願望🥰魚片頭都中係名物之一，必試👍魚蛋、牛丸好彈牙；雲吞有蝦，皮薄，正另外，仲有好多唔可以唔試既野😌辣椒油﹕夠辣，夠香，鍾意食辣嘅一定要加，味道提升到另一個層次～…Read More

鮮入圍煮都開左好多年， 今次終於試到啦😉雖然夏天好熱，但都一啲都影響唔到我打邊爐既心～花膠雞煲🥰大大件花膠，仲好貼心咁剪開左，當然唔止就呢兩塊，其實仲有好幾件。花膠發得夠淋身，食落口膠質好足。湯頭都好味，濃厚程度岩岩好，我地都飲左兩碗😏原隻雞，有雞味，煮到差唔多會有人黎幫人處理隻雞👍牛肉﹕肥瘦適中，有油資又不會太肥；半厚切，唔會韌，有口感👍🏻牛骨髓﹕已經好耐冇食過，見到一定要試。睇色澤就知新鮮，口感軟棉，正。豬肉丸﹕好味，夠彈牙，真材實料，唔係加左好多粉既嗰隻丸～其他配料﹕菜夠新鮮～筍薄切，新鮮爽口～…Read More

海港城既烤鴨店，又係時候要試吓啦～環境真係一流，一望出去就係維港景，可以一路嘆住海景一路食烤鴨超正🤩半套烤鴨：烤鴨直銷即切即食，師傅拎住隻鴨喺你面前切，見到隻鴨燒到脹卜卜，皮脆😉😉烤鴨分左三碟﹕鴨胸皮、鴨胸肉、鴨腿肉。另外仲有薄餅同白色嘅醬汁配菜，分別入去傳統嘅食法同新式嘅食法。新式食法係配藍莓醬爆炸糖同山楂，呢啲食材但係有酸味，當食得多之後可以中和咗烤鴨皮嘅油脂，解膩，可以食更多😌😌松鼠魚﹕用咗肉質嫩滑嘅桂花魚，炸醬博新，炸到啱啱好酥脆嘅感覺，魚肉唔會炸到乾晒，仍然保持嫩滑，配上酸甜汁，做到唔同嘅層次槕海膽豆腐：個汁一流，有海膽同埋蛋黃，濃稠程度剛剛過，仲有好多鮮蝦蝦仁，配飯一流👍🏻乾隆白菜：個樣好平好好食，但係絕對驚為天人。醬汁帶有生瘡，帶少少微酸，同時加上花生醬，超好味，朋友一試難忘，未食過嘅朋友絕對值得一試魚肚湯﹕份量係一人前，但成嚿魚肚超大件，湯底濃郁一個人演員會有少少飽，細食嘅又想試多啲菜式嘅都可以兩個人share😊…Read More

香港又多左一間正宗烤魚店，有辣有唔辣，正👍🏻👍🏻👍🏻主菜：爆檸酸菜烤魚沙巴龍躉餐廳新推介！烤魚可以選唔同嘅口味，有辣有唔辣，又有唔同辣度，同時又可以選同嘅魚種，可以滿足唔同人嘅需求！檸檬酸菜魚比較少店，於是我哋就揀咗呢個口味。條魚上到嚟超巨型超大條，上面鋪滿左青檸、檸檬，烤魚本身比較重口味，配上青檸檸檬同酸菜可以中和油膩感，而且同時更加開胃。魚肉好嫩滑，即使長期開住火熱住條魚，食到最尾都唔會乾柴。同事叫咗萵筍、金菇近到海帶結加埋入去，金菇熟咗啲汁超好味🤤推介下次叫呢份加落去，應該都會好正，可惜今次太飽食唔落🥹除咗烤魚之外，仲有好多小食小菜，我哋都叫咗幾樣，有唔同嘅度可以揀，我哋就揀咗BB啦，雖然係BB辣，但唔會完全冇味，有少少辣味都幾醒神。羊肉串、魷魚串：兩款串燒都燒到好好味，羊肉串帶有少少洋蔥味，係我好鍾意食嘅羊嘅質感，唔會燒到太乾，但係有少少油脂，真係好好味🤤豬手：一碟有好多件，咬一啖落去帶有微辣，又粗滿咗骨膠原，加埋小小嘅油脂，總之就係好滿足。麻辣鴨血豆腐：用錫紙兜焗林嘉儀，滿滿嘅辣汁，唯有見到覺得好硬，但係食落個人覺得微辣，主要係鴨血同豆腐都唔會太朔晒啲辣汁，而且鴨血好出色夾落唔會散，但係又好嫩滑。免費餐飲、自製冰粉：店內有無限免費杞子菊花茶餐飲提供，配烤魚可以解油膩降火。最正係有得自製冰粉，有唔同嘅配料，食完烤魚有甜品作結好滿足。總結嚟講，味道非常之正宗，價錢亦都非常之抵食，具性價比，環境寬敞裝修都好好，而且非常之乾淨衛生，會再返嚟食…Read More