皮安's Profile

有人話澳牛服務員態度唔好，有人話效率高🤔今日好耐好耐好耐冇去食，走去食返個茶餐，多士烘底牛油面好正，🥪又唔太燶，脆卜卜食落口好有幸福感覺，义燒通唔太淋，煙靭度適中，煎太陽蛋有流心，食物係茶記黎講好食，正。不過枱係細d，4個人迫埋一齊個個叫茶餐係唔係好夠位擺，惟有食快d。我佩服股務員個個係望住枱食客，個個都好似在作戰狀態中，知道枱細同加強快速清枱入座，見人食完即收，一眼關七，效率非常高，比起有d酒樓或茶記，d阿姐唔知望邊好好好好多。推唔推介比遊客？會㗎！澳牛唔係享受環境，黎澳牛體驗一下香港茶記文化幾好吖👍🏻…Read More

一直有睇微辣，藉着他們的聲名試下幫襯新開的微辣大排檔。入門口前，侍應問你想食車仔面定午市套餐，原來兩個唔同區，亦都唔可以跨區點單（好奇怪）。諗住今次試下午市套餐，點左個雲吞撈面，但原來只係配例湯，冇其他飲品可以叫⋯⋯。想要飲杯凍檸茶都冇☹️。黎到個雲吞面，嘩，得兩粒（唔係護肝保廣告個d⋯⋯兩粒⋯兩粒），仲要冇咩味。埋單仲要茶錢收$10/位再加一，雖然無限供應，但茶記咋喎，又唔係咩人參烏龍泡茶。伏！咁下次仲試唔試車仔面呀⋯⋯😩…Read More

同朋友食完飯，吹完水已經成10點多，然後去厚福街食甜品。點知排長龍，即刻摷下附近有咩甜品店，見到評分唔錯嘅菓甜品，又未打烊就去試下。去到門口，門面好細以為普通野，但試過真係有驚喜。窩夫必吃，脆邊，熱騰騰好好食；個絲絲入心嘅心太軟唔夠流心🤨但香噴噴也好吃；果芒果雪糕d雪糕有果蓉係入面，味道特別，好味！😊問個男職員，原來開左五個月左右，下次同朋友去尖沙咀，可以再試👍🏻…Read More