snowyfatcow's Profile

呢間餐廳真係超正㗎！環境好舒適，職員都好nice好親切，成晚食得好開心。佢哋個餐廳有好多款清酒可以揀，真係好多選擇㗎。我地6個人叫咗4枝唔同既sake，但掛住傾計唔叫得影相。除咗環境，食物都一流。佐酒前菜，真係可愛到唔舍得食㗎！貓貓形狀裡面有海鮮沙律，仲有蓮藕片同紫薯，貓貓樣真係超級可愛！唔止可愛，味道同造型都好出色㗎。串燒都係炭燒，火候燒得啱啱好。炭火串燒套餐就有雞皮、雞心、雞肝、雞腸同雞腎，滿足到雞肉迷啦。雞頸肉同雞胸軟骨，雞髀肉味道都好好㗎，肉質彈牙香嫩。尤其係雞髀肉，食完之後我地encore叫round。仲有同紫蘇葉雞胸肉，紫蘇葉帶嚟一種清新嘅味道，但相對其他雞肉串燒，雞胸肉就有啲乾同少汁啦。最特別嘅就係燒厚切牛舌同燒牛筋啦，牛舌肉質嫩滑，味道香濃，燒得外脆內嫰，真係驚喜，推薦。牛油烏賊肝醬炒魷魚，味道香濃，烏賊肝醬同鮮甜魷魚一齊，好好味。白蝦唐揚，送酒一流。酒盜風炒小松菜就係味道鹹香，好適合配酒嘅小菜。其他嘅小菜包括枝豆、露筍、青椒仔同雞肝芝士拌勻醬配多士都好好食。燒飯團茶漬飯（明太子），飯團燒到表面焦脆，好好味。另外餐單入面嘅fusion「兩姊妹」麻辣菜式真係特別，有唐揚蘿蔔糕同煳麻唐揚炸雞。煳麻醬香味濃郁，令人回味無窮，啲辣味真係超正，可以沾其他菜式一齊食。如果你鍾意食辣嘢嘅話，一定要試下呢度嘅麻辣菜式。…Read More

觀塘區有好多餐廳，但要揾一間主打健康又價錢合理嘅餐廳真係唔容易。而家我同朋友去咗Day One Café食午餐，真係好驚喜！我揀咗蒜香橄欖油煙鴨胸配翠玉瓜麵嘅套餐，套餐包餐湯同飲品（茶）。餐湯方面，當日嘅湯係番茄湯，好濃郁番茄味，份量好足夠，絕對唔會令你失望。主菜方面，鴨胸好香嫩，唔太鹹，翠玉瓜麵好爽脆，再加上微辣嘅蒜香橄欖油，好開胃。雖然我冇特別食生酮餐，但食完個翠玉瓜麵之後攝取咗好多纖維，感覺好健康我個朋友就食咗全日早餐，冇特別影相，但份量超級足夠！…Read More

我地一行12人去咗試旺角呢間中菜小館，食物高質，大家都飲飽食醉咁離開。以下是必試的驚喜之作：片皮鵝二食 (預訂) $860燒得肥美的鵝皮酥脆，帶有鵝油香氣，搭配軟饃、蔥絲和青瓜，大家都讚不絕口。胡椒花蝦 （預訂）$800一上枱就勁香胡椒味，但胡椒味無蓋過蝦既鮮甜。雞油花雕蒸花蟹配法包 （預訂）$1276花蟹好鮮甜，但係呢度菜式上都只係算配角，主角反而係花蟹下面既蒸蛋。蒸蛋吸收哂雞油同花蟹既精華，配上牛油法包，令人食唔停口。水煮牛肉 $148出乎意料的好味道，小辣大麻，勁啱我口味。籠仔荷葉鮮沙薑陳皮煎雞飯（半隻）$ 158飯又係吸收哂荷葉陳皮既香味同雞既精華，就算平時唔食飯既朋友都忍唔住食左成碗。杏汁花膠白肺湯$624好香濃既杏汁，好啱嗰晚凍凍地既天氣。其他菜式就正式發揮：冰鎮醉鮑魚 $204如一小炒皇 $108鮮菠蘿咕嚕肉 $98香煎墨魚餅 $176金銀蛋浸時蔬$88薑汁芥蘭 $80…Read More

無意間發現這家居酒屋竟然也提供午市套餐，今天就趁機試試他們的Lunch Set。咖哩紅衫魚陳皮魚旦牛栢葉蝦籽粗麵 $80雖然這是一家日式居酒屋，但他們的咖喱卻是香港式的，香濃而濃郁。魚蛋質量很高，吃起來帶有濃厚的魚鮮味和陳皮的風味，完全不同於一般的魚蛋。再加上爽口的牛栢葉和芽菜，增添了口感的豐富度。粗麵有著適中的嚼勁，與咖喱汁完美搭配。辣度大概是五個小辣的程度，適合喜歡微辣口味的人。午餐套餐還附送真・老火湯和飲品，真材實料。就灣仔這個地方來說，這絕對是一個高CP值的選擇。…Read More

以前喺太古坊番工，Enoteca絕對係我最愛嘅西餐廳喇。今日放假特登過去食Brunch，天氣好涼爽，坐喺戶外真係舒服。我地叫咗 Big Breakfast Plate同Eggs Benedict With Bacon 。Eggs Benedict With Bacon：用嘅煙肉好厚身，鹹香多汁，波菜經過蒜蓉炒香，再加上流心蛋同Hollandaise Sauce，味道好豐富。而家好多EggsBenedict唔用波菜，但我都偏好傳統嘅配搭。Big Plate Breakfast：表現一般，唔難食但都無特別之處。配上Lime Soda同Ginger Ale，refreshing start!…Read More

朱古力提子啫喱大福Chocolate Grape Jelly Mochi✅法國70%黑朱古力忌廉✅法國85%黑朱古力碎粒✅巨峰提子味蒟蒻✅黑朱古力✅可可粉今日去咗K11，買咗個朱古力提子啫喱大福嚟食下午茶。整體嚟講，呢個食物真係好好食㗎！唔會太甜，而且大福皮好彈牙，真係好有嚼勁。黑朱古力忌廉嘅質感好滑順，令人一口接一口。加埋少少朱古力碎粒，令口感更加豐富，朱古力嘅風味更加突出。同時，巨峰提子味嘅蒟蒻同黑朱古力真係好搭配，佢哋嘅結合係絕配！提子味嘅蒟蒻帶嚟清新果香，同黑朱古力嘅濃郁風味形成鮮明對比，令味覺更加豐富。真係一種完美嘅平衡。唯一可以提升嘅地方係朱古力忌廉，如果再加少少酒，就可以提升個味道多個層次。酒嘅香氣會同朱古力嘅甜味結合，帶嚟更加豐富嘅風味體驗。呢個朱古力提子啫喱大福係一個絕對值得嚟試嘅甜品。…Read More

我哋星期日去咗澳南海岸食lunch，揀咗The Pizza Pig餐廳，絕對有驚喜。我哋俩人啲胃口唔係好大，咁我哋就叫咗Burrata  Cheese、Signature Piggie Pizza (Medium size)同埋Parmesan Fries。Signature Piggie Pizza真係色香味俱全！佢嘅洋蔥同甜椒味好突出，令味道好豐富。洋蔥同甜椒嘅甜味同手撕豬肉嘅咸香完美結合，加上香脆嘅炸豬皮，微微地帶微辣嘅調味更加突出。Pizza餅底薄脆又煙韌，出色！Parmesan Fries：太耐無食薯條所以叫個 side dish嚟食，呢個薯條係喜出望外，unexpected surprise。炸既油好乾淨，唔係萬年油，而且炸得夠高温，外表好鬆脆但又乾身。Burrata Cheese：上面2個dish表較heavy，所以叫個清新啲既starter，加埋佢落咗啲pesto sauce，好refreshing，正好平衡返。最後嚟杯Homemade Lemonade：酒同汽水以外，自我感覺健康嘅選擇。…Read More

高質串燒小店，唔算好正宗地道既日式串燒，但廚師用心製作，食物質素極高，老闆和員工都非常熱情，成晚食得開心盡興。不過留意，佢確實是一家"小店"，位置有限且比較迫。今晚並不是太餓，同時這陣子暫時不能吃牛肉，所以算係輕食。冰菜 $48：選用了芥蘭，非常特別，有些嚼勁，並加了芥末汁，口感清新。燒淮山：表現正常，但我自己偏愛這種爽口的口感。燒日式青椒仔：非常美味，加了少許醬汁烤製，不會乾巴巴。高野豆腐：必吃之選！強力推薦！豆腐煙韌，完全吸收了湯汁的甜味。秘制煮豬手： 豬手煮得好淋好入味，醬汁特別調制好味，特登留低最後送飯團。芫茜豚肉卷：喜歡芫茜的話一定要嚐嚐，芫茜中和了豬肉的油膩感。燒扇貝：燒得啱啱好，味道鮮甜。免治雞肉棒：每次吃日式串燒都必點的一道菜。燒雞翼：外表燒得香脆，簡單調味已經好好味。燒飯團：選了原味和梅子口味，飯團烤得稍微金黃，帶有牛油和醬汁的香氣，用澱粉質來收尾，大滿足！…Read More