Zoiezoey's Profile

星期日的朗庭酒店自助午餐，分別係11:45-1:15 同2:15-4:15, 小編選擇了2:15的時段，又唔使咁早起身，但又唔使等到一般酒店的下午茶成3點幾先食，唔錯。餐廳不太大，但枱與枱之間留有一定的距離，坐得舒服。食物方面款式選擇唔多，由於未能食哂全部野食，所以只評論食過的野食凍盤方面，有生蠔、青口、小龍蝦同海螺，生蠔好味海螺好大隻，海鮮不停都會出，而加新鮮，食到後期仍然有供應。熟食方面，中式有蠔仔粥、點心、一d小抄、車仔麵、切雞同車仔麵，蠔仔粥好味，點心有蝦餃、燒賣、牛肉同幾款包，小編只食過蝦餃，但個面太乾唔好食，切雞無乜味，可以唔食，車仔麵有雞蛋麵、米粉、河粉等選擇，湯底有牛肉湯、雞湯等，小編選擇了魷魚、墨魚丸、菇、雞蛋麵+雞湯底，魷魚同菇都ok，墨魚丸可能係湯浸得太耐，口感麻麻，雞蛋麵好好味，麵個質感好好、好彈牙，如果換番大小小的碗，d湯可以多番d就好啦。西式方面，有燒牛肉賣相好靚，職員好細心怕太生俾我，即時煎熟d，肉味好濃、即燒即食好好味。即煮青口細細隻，無乜特別。甜品多款選擇唔算多，味道ok，萄撻超好味，新鮮出爐又唔油膩！必食推介：生蠔、中、西湯、車仔麵、蠔仔粥、萄撻，小編頭號推介自制蘑菇湯再加冷盤的蘑菇，夾埋一齊食超好味，可惜自助餐食到4:15，到4:05諗住最後衝刺食多碗時，有一半的冷盤(包括蘑菇仔)俾侍應收哂入廚房。後記：拎野行過刺身區時，聽到師傅用粗口同行過的侍講野，感覺不太好吧，始終係酒店。…Read More

作為超蓮的粉絲，今日專程去銅鑼灣試試佢新開的牛肉麵，由於早上11點幾已去到的關係，不用排隊等就有位。:)環境方面，簡約的裝修令人覺得舒服，小編坐梳化椅個邊，冷氣吹落黎個位係勁大風，但因為天氣太熱，揾哩間野時我已經熱爆，所以都無換到位，但食食下就發覺，碗牛肉麵好快被吹凍；另外，可以夏天關係，食食下有兩隻蚊磁仔飛過，咁貴價錢一碗麵的餐廳，就唔應該有啦。服務方面，之前睇過評價話侍應服務麻麻，餐廳會改善，當日去侍應都好有禮貌，唯發生了一段小插曲，食客們可能都第一次黎，所以坐附近的人都會問下大家食緊的係乜，發卦一下，坐在小編身旁的太太問侍應，小編食緊係乜，侍應答：“人人食緊都唔同架喎。“ 太太再指住我碗麵問：“佢個碗呢？“ 侍應再答：“我哋哩度有好多款麵，例如乜乜乜....“，太太再問：“我問佢個碗即係邊款？“ 我終於都忍唔住出聲：“紅燒牛肉麵！“，侍應一路都好有禮貌答嘅，哈哈。😂食物方面，78蚊碗紅燒牛肉麵其實都唔平，但佢份量係有番咁上下，不過，個湯底唔夠濃，唔太似係台灣食到個d牛肉麵，可能係我唔識欣賞啦，麵就不過不失，有得選軟/硬唔錯，牛肉就太實啦；再加杯24蚊的檸檬紅茶，檸茶反而有驚喜，加左青檸係入面，確實係幾好味。總括黎講，102蚊食哩個麵加杯檸茶太貴啦，覺得佢哋係用心製作嘅，只係口味唔係我喜歡個隻台灣牛肉麵唓！…Read More

行經見到新開的西餐廳終於開幕啦，即刻入去試試先，由於時間尚早所以不用排隊等位就可以入座，一行二入被安排坐架位，餐廳環境幾好、坐位舒適、通道好闊、空間感好好，侍應都好有禮貌。野食方面：- 黃金蟹肉意大利粉意粉望落去好細碟，但其實碟有d深度，for女仔份量OK，賣相唔錯，有隻蟹蓋做裝飾，入面分別有一大一小兩條蟹棒+菇，食落其實味道OK。 - 千島醬蟹棒蟹子帆立貝薄餅Pizza賣相普通，雖然個身好軟，唔可能用手拎起食，不過，食落幾好味、幾足料，每塊都有一粒帆立貝，帆立貝好Juicy、一d都唔乾，而且好多蟹棒，材料充足，唔錯！餐飲叫了黑糖姜母茶、檸檬蜂蜜，黑糖姜母茶姜味適中，唔太辣、易入口；檸檬蜂蜜都唔錯，滋潤喉嚨一流！整體黎講野食係唔錯，但由於叫了兩碟差唔多嘅野，所以有d膩，餐廳幾啱幾個朋友坐低吹下水、食下野！…Read More

見信用卡午餐有買一送一優惠，早個幾星期前已在網上book定，唔使200蚊一個人，真係好抵！入座時，侍應好窩心咁一路行一路介紹今日主題係BBQ燒野食，有帶子、羊肉選擇，另外亦介紹了無酒精飲品放係邊度，真係要俾個like佢！環境方面 - 酒店大堂、餐廳都以黑色、陰暗為主，環境寬闊，唔錯！野食方面：龍蝦好大隻，酒店預先已整裂左個殼，所以一拉就好容易開到，肉質非常彈牙，口感好好，唯獨係無雪味比較重！刺身同壽司都好多款項，剌身有三文魚、八爪魚等，壽司有蛋、黃瓜卷、腐皮、加州卷等...刺身同壽司都好新鮮、好味道！泡芙外型精緻、有幾種不同味道選擇；梨蛋糕甜道適中，食落好香甜；木糠蛋糕奶味較重；葡撻熱辣辣好味道！雪糕係 movenpick有多種味道，超正！窩夫就普通。除了一杯餐飲之外，還可自取一款藍色凍飲，哈哈，初初見到藍色野飲時，真係感覺怪怪，原來佢係“Orange Juice, Pineapple Juice, Soda Water, Blue Curacao“，但飲落又幾好味喎！超級推介：燒排骨勁正，好多肉地又juicy！必食推介：燒排骨、燒牛扒、燒菠蘿、燒蕃茄、龍蝦、刺身、壽司、中湯、粥、燒鴨、切雞、喇沙麵、紅菜頭超甜、酸瓜勁正、煙三文魚、牛角包、蓮藕、雪糕等後記：整體嘅野食好好味，哈哈...但因野食太多食未能每樣都試，二百蚊黎講有咁多選擇，確實係唔錯，侍應又有禮貌，值得再去！…Read More

同朋友尋找韓國野食時，隨意咁入左哩間餐廳，上到樓上後，發覺餐廳環境寬闊、乾淨，枱與枱之間隔一定嘅距離，有d枱仲有半個人身高嘅磚頭隔開，自成一角咁幾好！餐牌上有好多不同部位嘅手選擇，朋友同侍應講我哋想食比較“林“嘅牛肉，應該揀邊款餐，侍應好好咁提意我哋選擇最平個款餐，因為那些肉比較林，並沒有因為價錢而sell我哋食貴d嘅餐，真心提意客人真正嘅需要！Order後侍應拎左幾款前菜，包括有生菜、泡菜、芽菜，爐邊亦放了蒜頭、蛋配料，個人覺得泡菜辣得黎幾好味，生菜好新鮮！兩人拼盤套餐選了$488，包括喜來烤肉、牛五花、特級牛頸、牛肋骨肉、烤調味牛排骨，哈哈，由於樣樣都太好味，小編掛住食，已經分唔到邊款係最好味啦…哈哈！另外order了豬皮，不過，太硬，不太懂得欣賞。柚子梳打好味道，烤野食時飲一流！總括而言，餐廳各方面都不錯，小編會再去幫襯的！…Read More

一心想揾個地方飲杯野、食下糖水時，俾大大隻加菲貓就咁就吸引左入去！入位時距離關店時間仲有一個鐘，所以店內人不太多，坐得舒服。先order 黑糯米小丸子燉椰皇同加菲桃味珍珠特飲，侍應說一定要揀個茶，就算我哋改叫兩杯野飲，都必須再揀一種茶，聽到一頭霧水嘅情況下，先發覺餐牌寫收茶錢，哈哈.....明啦，我哋眼大睇過龍，一早話收茶錢要揀隻茶咪得囉。餐牌、餐墊都充滿加菲貓，非常可愛、影相一流！野食方面：黑糯米小丸子燉椰皇 - 丸子太林、黑糯米又無乜味、椰皇唔夠清甜！加菲桃味珍珠特飲 - 小編本身係桃味野飲同珍珠迷，但哩杯野飲真係唔知佢想點，桃味無乜、d珍珠又好林，真係唔太識得欣賞！唯獨係野飲面個塊加菲貓曲奇幾好味、樣子又可愛！總括而言，野食賣相好好，呃like一流，雖然對這間舖頭無太大期望，但味道就麻麻，影過一次相就夠啦！…Read More

食過幾次weekend嘅下午茶同晚餐，都覺得超多人， 見做緊午餐85折，今次就揀平日嘅午餐試試，入座率都有8成，拎野食時都幾迫人。環境方面 - 枱與枱空間狹窄，小編同隔離枱之間只得半隻手掌位，而且環境嘈雜，一d都feel唔到係酒店。服務方面 - 可能有d係兼職or抄散，問侍應拎櫈套，明明見到後面枱有，佢竟然話無，結果要問另一侍應拎先有！- 小編叫侍應加水，佢竟然只加我個杯就走左，朋友隻杯痴住我隻杯放都唔加埋！野食方面- 全場最吸引就是生蠔，隻隻都好肥嘟嘟、好飽滿，鍾意食蠔嘅人士啱哂，蠔係不停供應嘅，每次拎都唔使點等，值得一讚！雲呢拿梳乎厘，軟綿綿、甜度適中，新鮮出爐熱辣辣！正呀~~生滾粥方面，有蝦、魚、燕窩等多款選擇，味道唔錯！燒多春魚好大條、即燒出黎熱辣辣好好味重點推介：生蠔、梳乎厘、燒牛肉好 juicy、燒多春魚必食推介有：切雞、叉燒、三文魚同希靈魚刺身好新鮮、紫米露、豆腐花、咖哩椰菜花、中湯、生滾粥小貼士：準時入場會較多野食，因為有d野食，例如煙三文魚，出過一碟後就無再出過；長腳蟹頭一碟大隻外，其他都好瘦，所以一黎到就拎左先啦。(相中的長腳蟹係中段時間拎嘅)整體黎講，除了人多拎野亂，侍應質素有待改善之外，二百幾蚊有咁多野食，係唔錯嘅選擇！…Read More

放學後去了公開大學的canteen食個tea，炸雞腿個皮勁脆卜卜、又大隻，紅豆冰就奶太多，如果小番d奶就好啦，學生價只係$20.8，超級抵食！環境方面，枱和枱之間空間較收窄，出入時要小心，餐具、調味品全自助，取野食時記得要自己拎埋個托盤俾阿姐，我試過唔知要自己拎，阿姐即刻敲檯面，然後以極“好“的態度提我拎，但野食同價錢都吸引，推介大家不妨試試…Read More

見做緊優惠首100位每位$225連加一，雖然已經食過好幾次，但哩個價錢實在好吸引，忍唔住又去食多次，即開生蠔比較細隻，仲要睇下彩數有時會更細，但lunch buffet黎講有生蠔已算不錯，而且即使食到後段時間，酒店仍不斷供應！抵讚！ 必食推介有生蠔、圓肉雪耳糖水、牛肉生滾粥、海南雞飯、薑醋、椰菜花、車仔麵、麵包、雪糕、豆腐花、中、西湯、窩夫、沙律吧等….. 留肚不用食系列－燒牛肉和火腿野飲、煎三文魚…Read More

行過見門口時，俾門口張”點心半價”嘅海報吸引左入去，入座後先發覺，原來唔係所有點心都有半價架，唔怪得門口只得一張餐牌，無點心張紙俾人睇下啦！環境方面 - 餐廳環境舒服，枱同枱之間有一定距離、唔擠迫。服務方面 - 侍應說話時係有禮貌嘅，不過，剛坐下唔夠幾分鐘，同一侍應已問左我三次叫得野食未，大把吉枱嘅情況下，感覺好似吹我咁。- 同隔離枱一齊入座，對方已話櫈上有支用過嘅牙籤同牙籤套，要求換枱，侍應竟然一手掃落地下，俾番個客坐，omg.....食物質素 - 茶帶淡淡嘅菊花味，連我不愛飲菊花茶也覺得好味、唔錯。- 野食全部都熱辣辣，賣相很好，好用心做咁雪山叉燒飽 - 皮好薄，同叉燒餡好夾，叉燒又好juicy，好味道！懷舊馬拉糕 - 無乜特別，味道同酒樓一樣:)雲吞擔擔麵 - 賣相好靚，但雲吞皮口太厚，有點硬、麵太林，麻麻...鮮蝦菜苗餃 - 皮薄、蝦好大粒，好味真流沙煎堆 - 皮太厚、好漏，入面無乜奶皇，完全唔覺有流沙，其中一粒個底本身係串左嘅，入面吉吉地、令到本身已小嘅奶皇更加唔知去左邊，失望！食後感- 野食大致上都好味，不過，係份量細左d了！- 食時要留意，不是每樣點心也有半價啊～小記所叫的也只得兩樣有半價渣...…Read More

食晚餐就試過好多次，午餐還是第一次去，餐牌同夜餐一樣，只係無左夜晚嘅套餐！Order了燒乳鴨同豉油皇乳鴨，客人可自選原隻上、切開半邊上或者開四邊，個人推薦開四邊上，如選擇原隻上，要有心理準備手撕時，會有油從鴨內流出啊！個人比較喜歡燒乳鴨，雖然隨乳鴨會跟一碟椒鹽同喼汁，但乳鴨其實已經好夠味，唔使點醬油都得，乳鴨一貫以往嘅水準，好味指數確實係出面無法食到！另外，點了海鮮窩麵同豆腐花，窩麵足抖好好味，豆腐花就普通啦，可以不食，同埋只得凍沒有熱架！:(總括來說，乳鴨好味，不過，98蚊一隻確實貴左d，侍應比以為好禮貌左，環境也ok，一路食時，長輩不停說以前來時的點滴，相信龍華對於他們來說，確實充滿很多回憶。…Read More

期待已久的餐廳，終於都有機會去試啦，約12:30去到餐廳，內裡只得兩個客所以無需等位，餐廳環境ok，對住個碼頭食，平時好小何以高角色望住d渡海小輪，感覺好得意一早已上網睇定，我哋一行7人會以吧枱形式坐，但侍應只俾一張order紙，要問多幾次先俾多兩張黎睇，又唔係多客，咁都要問幾次，唉…滿心歡喜點了個”七色北海丼”，黎到時賣相普通啦，點知一食就覺得勁失望，除了魚子ok之外，其他刺生一d都唔新鮮，這個地方不是sell新鮮的嗎？！一個二百幾蚊嘅飯， 質素仲衰過d平民連鎖壽司店，真係超級失望，真心覺得中伏了，不會再有下次！…Read More

係沙田區難得有間可以坐得舒服d、又唔使等好耐位、而野食又唔差嘅西餐。入座時職員已說明，晚餐用膳時間為一個半小時，但夠鐘時如門口無人等位，職員都唔會趕你走，幾好！一共點了兩樣野食 - 芝士炮白汁煙肉三文魚菠菜鮮菌扁意粉 + 香煎西冷牛扒配炸蕃薯條芝士炮白汁煙肉三文魚菠菜鮮菌扁意粉 - 分量比想像中大，面頭放滿三文魚，好好味！香煎西冷牛扒配炸蕃薯條 - 炸蕃薯黎到時已凍、一d都唔熱，但甜甜地食落好好味，如果是熱就更加好了，牛扒同蕃茄都好好味！員工態度ok，只是有一點小瑕疵在埋單時，職員完全無講過一句野，就咁將張單放係枱面，然後再返黎收番，但二百幾蚊、坐得舒服、野食又好味唔細份，確實覺得這餐廳值得推介！…Read More