CathyL_foodie's Profile

呢日約左個閨蜜去尖沙咀做yoga，做完之後餓餓地，就隨意去左位於the one ge餐廳。睇餐牌感覺上係日義fusion菜。入到去都幾闊落，牆身有種高級感，枱椅都係用木的，好好feel，好岩同朋友坐低傾下偈。比較吸引我係佢ge手工意粉，仲有自家製pizza、小食eg薯條，和牛薯餅等等。我叫左杯熱latte，咖啡味好香，奶都好滑。朋友就叫左靜崗燒姜綠茶，佢話薑同綠茶味好balance，又暖胃，養生之選。我地叫左蟹肉靜岡大葉手打闊意粉定食，夏威夷pizza。意粉超級煙un，闊身過平時食開ge意粉，面頭ge蟹肉係好juicy好鮮甜，好驚喜呢。pizza烘到個底好香，面頭ge菠蘿、火腿、蕃茄、三色椒都好juicy，好好食啊真係薯仔沙律，正常發揮。甜品時間！我地叫左肉桂富士蘋果日式窩夫，我係超級中意肉桂蘋果味ge甜品，所以好期待。窩夫算係比較林，唔係好脆個隻，但我個人係正正中意林d 。肉桂味唔算好濃，熱ge窩夫配凍雪糕，冷熱交替口感好正～即使加埋chocolate醬都唔會好甜～…Read More

呢日入左黎屯門搵朋友，佢帶左我去呢間日本餐廳，佢話好高質wo，就試試佢啦！如果由屯門西鐵站開始行，行5分鐘就到架啦。門口好大個宏字招牌，好易認的。門面好大，有成兩個大鋪位。入到去都幾多座位，店面環境装飾好有日式風格，座位都好寬闊舒適。原來個總廚叫宏師傅，唔怪得用個宏字做招牌名。有多種刺身、壽司、炸物，定食，串燒等等。我地叫左火灸平目魚邊壽司、蟹膏蟹籽壽司、三文魚壽司、蔥碎吞拿腩爆丼、茶漬飯。火灸平目魚邊壽司，燒到有入口即融ge效果，超級正！三文魚壽司，食得出舊三文魚真係好新鮮呢！本人係超中意食蟹膏，去到邊都要食，呢個蟹膏蟹籽壽司，又係好新鮮，蟹膏超香！蔥碎吞拿腩爆丼，睇下d吞拿魚多到呢，都一樣係好新鮮好好食！上面仲有幾片甜薑同大量蔥，wasabi，味道好夾！最後食埋個梅茶漬飯，我覺得個味係好，但有d咸！…Read More

成日都聽人地講龍城冰室，呢次終於去試下啦。佢係觀塘日升中心地下，平時見到門口都排哂長龍，我就揀左平日下午茶時間黎食，唔洗等位very good。Staff 服務態度都好好，抵佢長期咁多人食。鋪位都幾大，好光猛，冰室黎講望落都幾乾淨衛生。好多卡位坐。去到冰室一定要飲紅豆冰haha 正常味道，唔會太甜，紅豆份量足。熱華田，都係正常味道啦～我地叫左下午茶餐，朋友食經典火腿通，表示不錯不錯。我就叫左最愛ge港式冰室食物－西多士，西多士一定要有花生醬，同意嗎？佢正正係我最中意ge花生醬夾心厚身麵包，大大為塊牛油，炸得岩岩好，勁正，打到呢到都想再去食多次hahahaha！咖哩角配薯條，冇好大驚喜，都係炸得岩岩好，幾好食。椒鹽豆腐，呢個推介，做到外脆內軟，椒鹽好香。總括黎講係值得食的，味道好，乾淨，價錢合理，會令人想再去食過。…Read More

呢日尖沙咀行街，想搵個地方坐耐少少食個lunch，上網搵到呢間有貓貓ge餐廳，身為愛貓之人，就去試下啦！一入到去，老闆娘就起身好熱情咁招呼我地，又介紹下d野食，仲介紹埋d貓貓比我地認識，又係咁同我地傾偈，一齊share下養貓心得，成個感覺好溫暖呢！d牆全部畫哂壁畫，原來係老闆娘自己親手畫架！不禁讚嘆同影番幾幅相haha色彩繽紛ge環境真係令人好開心呢。入面有4隻貓貓 全部都超可愛 有3隻可以摸摸 一隻比較怕人老闆娘推介我地飲呢杯自創紅豆冰，特別在佢係用豆漿沖的！超好飲，一定要試，唔會太甜，上面仲整左個貓掌，細節上睇得出老闆娘的用心。我地叫左風酥豬排飯、胡麻萵筍、餃子，仲有一樣唔記我左叫咩名haha全部都勁香勁好食lol 豬排好香脆，餃子又係皮脆足料，胡麻萵筍好開胃，碗飯都好食，係住家菜ge味道啊。價錢都好合理，非常推介！…Read More

夜晚同兩個朋友嚟食，係其中一個朋友介紹嘅，佢話性價比好高。我哋叫咗招牌片皮鴨雞絲粉皮，辣子雞丁，高力豆沙。片皮鴨我覺得一般，唔係特別好食，其他就幾高質嘅，勝在性價比真係高。黎大角咀可以試吓！…Read More

呢晚同朋友食完晚飯過嚟食甜品，門口超級多人，大約都等咗成個鐘。真係排咁耐都值！棉花糖窩夫 外脆內軟 唔會太甜 個焦糖燉蛋唔會太甜我最欣賞係佢嗰個芭樂味乳酪雪糕下次黎都一定叫番🥰真係係香港食過最好食嘅甜品糖水鋪！…Read More

放工同同事黎左wingman, 身為雞翼控嘅我想嚟好耐。佢有3個package可以揀 視乎你想食幾多隻同幾多隻味 我個人覺得價錢係少貴嘅地個晚比較夜嘅時間去 所以有啲味賣哂全部味都唔錯 特別係salted egg😜不過真係食得唔多 始終係炸 食太多覺得好熱氣😂…Read More

今日係第二次買享樂嘅包 第一次都係人地介紹 當時試左牛角酥 一試難忘 咁啱今日經過再試佢好出名嘅bagel!買左芝士味同伯爵茶麻薯奶茶味❤️ 芝士味香；伯爵茶味濃 麻薯夠煙韌 好夾🙈…Read More

男朋友帶我去呢間miss coffee 佢話好好食個位置都幾偏咁 係角落位門口幾靚 入到去都係 裝修好靚 仲有好多好可愛嘅粉筆字😜坐入去感覺都幾隱世幾有privacy我地叫左兩個唔同嘅all day breakfast 一壺薄荷茶 一杯mochaOmg全部都好好味道…Read More

係cwb做完facial 同朋友近近地搵左hysan呢間coffee shop坐下一入到去就見到落地大玻璃 夠哂自然光 so soothing 我叫左hot chocolate，朋友叫左mochaScrambled egg and avocado toast 都幾大份 味道不錯意粉都ok 個質地唔係我最中意個隻 但味道ok👍🏻…Read More

今日朋友帶我去呢間poke go 食夏威夷魚生飯係深水埗有一間咁靚嘅餐廳 都幾顯眼！等左10分鐘左右入得 坐得幾舒服 環境唔錯佢由飯至toppings醬汁都自由配搭 味道超卓❤️三文魚 三文魚籽 蛋絲 芝麻海帶 麻醬豆腐 果仁 紫菜絲 脆蒜 咁樣都係$98 超好食🙈❤️呢兩碗係朋友叫嘅 一致同意好好食😋😋😋…Read More

個晚4個女仔一齊黎食dinner，book左圓枱梳化位，好好坐，有privacy, 燈光暗暗地幾有feel，環境配色都好靚。但係食物味道一般。海膽飯SaladRibs…Read More

今日中午時間同個朋友入左去呢間coffee shop, 灰白簡潔外牆係我杯茶❤️位置都幾隱世feel!位置唔多 大約6張枱到 夠靜 啱想靜靜休息下嘅人野食選擇唔多，想食咸野，就叫左mushroom & chicken pie, ham & cheese croissant, mocha, Hojicha latte. 佢另外仲有cake ge!全部都好好食同好飲👍🏻店員都幾nice👍🏻提醒我地杯mocha要盡快飲用。雖然細細間但都坐得幾舒服。…Read More

今日同個friend嚟食王子廚房，聽講好正。餐廳環境唔錯，空間感足夠。落單前唔知係咪老細嘅印度男士走黎問我地想食咩，我地問佢”any recommendations? I wanna try biryani!” 因為我本身好中意食！佢問我係邊到食過biryani, 我話other Indian restaurants in Hong Kong and in India! 佢”India?” Me ”Yes I have been to India before!” 佢答我地呢家個menu冇，下星期先有，佢就介紹另一款飯比我地。真係好nice👍🏻我哋叫咗咖喱雞肉薄餅、墨西哥雞肉餅、一杯Mango Lassi、一杯Banana Lassi，送兩個湯。全部都好好食👍🏻👍🏻👍🏻大家去屯門可以試試！…Read More