or#Tm66304251's Profile

今次喺The Grill Room嘗咗佢哋嘅M2+西冷牛扒同海鮮燉飯配墨魚汁，兩款都幾有水準。西冷牛扒煎得剛好，肉質嫩滑多汁，味道濃郁，入口帶嚼勁但唔韌，鐘意食牛既真係要試試side 我哋揀咗焗脆薯仔，薯仔外脆內軟👍🏻海鮮燉飯係重點，米飯吸滿咗海鮮鮮味，配料豐富，做到鮮甜而唔腥，口感軟硬適中。環境優雅適合打卡、食物質素好嘅中高價那種。氣氛適合約會或者慶祝，下次想試埋其他招牌菜！🌟人均$300-$400 ,可以一試😆😆…Read More

泰國人主理嘅泰國菜，連入邊嘅同事仔都係泰國人，全部都識講廣東話架，讚👍🏻因為收工好肚餓嘅關係，同老公叫咗兩個主菜一個菠蘿海鮮炒飯，一個喇沙🍤🍤湯麵喇沙湯底濃郁，入邊有四隻大蝦，全部已經剝晒殼，蝦頭仲有膏呀炒飯入邊有好多菠蘿同海鮮，飯唔會太油，菠蘿都好鮮甜再叫咗個生菜包，勁好食個汁，都偏辣嘅，但如果生菜包唔辣又唔夠惹味😂所以我就叫咗杯紅毛丹冰解辣，另外老公嗌咗白馬王子係椰汁冰，紅毛丹冰入邊會有啲紅毛丹打碎咗嘅肉，所以解辣得來都好清新最後唔夠喉，所以再嗌多個豬頸肉，證明我哋真係好肚餓呢，豬頸肉燒得好脆邊同埋環境真係好適合一班人，一齊食吓嘢chill 下打卡, 下次試埋佢杯Cocktail先🙌🏻🙌🏻…Read More

我哋都唔食辣，所以叫咗清燉牛肉麵(牛𦟌肉),同蒜香手撕雞乾拌麵牛肉麵湯底冇味精，有濃濃嘅牛肉味，牛𦟌肉係腍啤啤架，即使朋友整咗牙都冇問題👍🏻值得一試蒜香手撕雞拌麵份量好大份，有粒糖心蛋驚喜加分，如果蒜香味再就濃多少少就good good la鹽酥雞炸粉唔厚，一咬落去真係啖啖肉蔥肉鍋餅有驚喜，好食既，唔會好油，點埋泰式辣醬食仲好食叫咗一杯厚奶同埋一杯百香果鳳梨水果茶，水果茶好清新，唔鍾意飲奶茶嘅朋友係值得一試嘅，太極厚奶口感好豐富，因為佢入邊除咗珍珠，仲有一種爽口嘅配料，所以每一啖飲落去都會有煙靭嘅珍珠再加爽口嘅珠珠，好飲👍🏻紅門口再擺咗可以一盒盒嘅牛肉麵，食完再想買返屋企食都得㗎…Read More

荃灣都算多好嘢食，但係呢間個門面吸引咗我，同埋我老公都鍾意食蛋包飯，所以就一於試吓啦今日咁啱冇晒炸物，所以我哋就嗌咗一個肉醬蛋包飯，一個奶油燉雞腿肉飯，加咗一個套餐（就會有餐湯，餐前小食同埋飲品）餐湯入邊有個麵包脆脆，好飲同埋好食呀，餐前小食係蓮藕片蛋包飯係佢哋嘅signature，一切開果下真係好治癒呀肉醬味超級濃郁，係免治牛肉，亦都超級多芝士，蛋香濃郁加埋肉醬配合埋茄汁飯，都真係幾好食奶油燉雞腿肉都好Creamy，雞腿滑捋捋一啲都唔嚡，連啲配菜都煮到好腍，個西蘭花都好入味好好食見到焦糖雞蛋布丁都忍唔住叫咗，因為真係好鍾意食布丁 但呢個焦糖布丁都好有咬口好好食，啲焦糖汁有好多環境都好靚，好適合打卡，員工都好有禮貌下次要再嚟試吓啲炸物整體我會俾85分💙…Read More

呢間西餐lunch價錢都好抵食，食個PIZzA🍕都係$128 仲有埋嘢飲，係平平哋lunch嘅首選我哋叫咗一個意識辣肉腸pizza，一個紐西蘭肉眼扒，個Pizza都好大個，一個人食一半都好飽，超多芝士，可以拉絲，辣肉腸切得夠薄，所以焗完出嚟有少少燶變效果，好食肉眼扒都好多汁，唔會好乾 ，唔需要調味都好舊肉味，員工仲會攞個芥末醬過嚟問你需唔需要非常貼心💙薯條脆卜卜 ，加埋雞鹽好好食然後再叫咗個甜品，套餐加$38有提拉米蘇，偏甜 ，但係味道係好食嘅，好Creamy係我鍾意嘅口感加咗$18要個蘑菇餐湯，蘑菇味非常濃郁，同埋好大碗，兩個人飲都OK下次會來試埋佢個炸魚薯條呀😆😆…Read More

兩草既食物真係好出色，我第一次食既時間係旺角分店🙈距既胡椒湯小籠包都keep住水準仲係好好味，胡椒味好濃，但又唔會太辣，會令人想一直飲呀今次叫左香脆煎蛋肉餅飯，叉燒豬油撈面 ，個蛋煎到啱啱好，蛋黃汁加豉油撈埋肉餅同飯好好食😋豬油撈面啲面都掛到汁架，所以食落去係好入味，而啲叉燒係半肥瘦㗎😆😆咖咉多士又係必食呀，一上台即食，多士熱辣辣加埋滿滿咖咉醬，好幸福喔☺️☺️☺️今次叫左班蘭咖啡，本身估會唔會怪怪地，點知一飲又okay喎，係好飲架，唔會太甜，大家都可以試下喔，下次我都要試下雞翼呀😆😆最後我地係清左碟喔💙💙整體我會俾90分喔💙…Read More

突然心血來潮想食放題，就過咗嚟大埔超級城呢間滿屋到試吓啦，因為睇食評話任食海膽榴槤同埋雪糕，都係我最鍾意嘅嘢食☺️☺️一嚟就當然嗌咗轉刺身先啦，刺身全部都好新鮮，個牛油果吞拿魚他他杯都好特別，最開心係有海膽手卷，海膽鮮甜冇怪味，仲有柚子醋味嘅海蜇，仲有鮑魚，真係好多好多選擇🙌🏻食完一輪刺身就叫左啲熟食，扇貝炒蜆全部都好高質，串燒都啱啱好，唔會話太鹹又唔會無味，烤榴槤都啖啖肉呀😋呢個清酒煮大蜆鍋都好食，啲蜆好新鮮冇晒沙架雖然舖頭唔算話好大，但係自助吧都好多選擇㗎，飲品仲包埋啤酒，然後出邊仲有10幾款嘅前菜，甜品櫃又有十幾款，雪糕都有10幾款呀，出邊仲有熱食有薑蔥炒蟹，小丸子同埋青口，呢個價錢真係食到你捧住個肚出門口呀住近呢邊嘅朋友真係要黎試下呢間放題喇🙌🏻…Read More

開到凌晨兩點，收夜嘅話必食呀🙈同老公一人叫左一個餐，因為係齊柏林副線，所以我叫左黑松露漢堡，老公就叫左鰻魚牛肉雙拼飯。個包熱辣辣，芝士都溶哂架☺️☺️☺️個牛肉好鬆軟，唔係實的的嗰啲牛肉餅，好食😋鰻魚牛肉雙拼飯洋蔥好入味，牛肉都唔會好乾，鰻魚份量都唔細，都霸咗半個碗架，男人食MSize啱啱好加左魚手指，麵豉湯同埋白桃汁🙌🏻魚手指完全冇腥味，白桃汁少甜，但係可以接受😆😆整體呢個價錢十分滿意💙消夜之選…Read More

同朋友收工就過左黎工廠區呢邊搵食，叫到呢個工業風好靚，就揀左距喇🙌🏻好彩收工收得早呢，我坐低咗都冇15分鐘就已經爆場了我哋叫咗一個意粉，一個燒春雞同黑松露薯條個薯條熱辣辣㗎，黑松露都好多呀，俾啲薯條遮住咗😆好食👍🏻燒春雞擺盤同賣相都好吸引，個雞皮燒到脆卜卜，然後雞肉係一啲都唔嚡，佢仲會幫你分開埋2邊，兩個女仔食啱啱好呀👍🏻值得一試再叫咗一個蟹肉芝士蕃茄長通粉，個醬汁入邊有好多蟹肉架，個醬汁啱啱好，唔會太酸，又唔會太Creamy🙌🏻仲要個份量都好大，好底食呀💙大家去開附近都可以試吓，下次會想去試吓PIZzA🍕同牛呀…Read More

朋友住係大角咀，所以今日就去咗距個區搵食，見到呢間米線門口有得領養小動物架🥰就馬上入去食距喇🙌🏻我哋兩個人叫咗兩碗紅薯粉，加兩個小食我叫咗蕃茄濃湯加豬軟骨，蘿蔔冬菇個湯底好濃郁，豬軟骨同冬菇都好夠林好入味，蘿蔔超大份🙌🏻朋友叫咗酸辣湯底7份濃湯加咗秘製豚肉，豆卜同辣筍絲，湯底酸度啱啱好，唔會好鹹，食食吓會唔小心飲晒啲湯🙈豚肉好林呀，好好味😋小食我哋叫咗巴蜀狂野雞翼黑椒味雞翼煮得好嘢味，同埋$29有五隻真係值得一試呀🙌🏻🙌🏻🙌🏻另外一個小食係麻辣雞絲山，真係超多雞絲，雖然佢係麻辣但係唔算好辣，有種鹹鹹辣辣嘅味，鍾意食雞肉既都一定要試下😆同埋入邊啲壁畫都好靚，位置都坐得舒服，大家有興趣都可以去試吓💙💙💙…Read More

今日同老公去尖沙咀買野，距話想食車仔麵，我地就揾左呢間喇💙距話入口要行入大廈中間上樓既我地叫左一個豬什麵一個三餸車仔麵再加2個小食豬什麵叫左重口味汁少辣，個湯好濃郁，好有地道車仔麵口味，好食😋另外叫咗三餸麵，蘿蔔雞翼同豬紅加咗兩蚊要多芫荽，啲芫荽真係多到成個碗都唔夠放啦😂個蘿蔔超級出色，滷水超入味，勁林，仲要無渣架～～～～豬紅又係超級入味，呢兩個餸真係必點呀，雞翼竟然有三大隻，真係好抵食㗎小食我哋叫咗太陽蝦餅同埋魷魚鬚個魷魚鬚又係超級好食，爽口彈牙醬汁甜甜酸酸咁太陽蝦餅係用魚肉同🍤🍤炸出黎，完全唔油，點埋甜酸醬好食整體所有嘢都好出色呀，服務態度非常好我會俾95分呀💙…Read More

今日同朋友去尖沙咀剪完頭髮，就過嚟山林道搵食啦，見到呢間西餐門口幾靚，就入去試下喇🙌🏻🙌🏻我哋叫咗兩個dinne set share ，包埋餐湯沙律同埋餐包，餐湯係蘑菇湯，味道都好濃郁😋個餐包係熱辣辣外脆內腍啤啤架Main 我哋叫咗菠蘿雞肉Pizza同埋巨🍤龍蝦汁意粉，真係超級大份，我哋兩個女仔真係食唔晒🙈，個大蝦好爽口，個Pizza雞肉同菠蘿超級多呀，呢度個份量真係三個人食都得👍🏻👍🏻我哋叫咗奶茶蛋糕做甜品，好好味，份量同甜味啱啱好，唔會食完好膩🙌🏻跟餐加$18轉左柚子沙冰，係限定嚟嘅鍾意柚子朋友唔好錯過啦💙…Read More

今日屋企人生日去咗食愛文生，因為我哋都好鍾意食小炒同中式小菜，所以就揀咗呢間喇🙌🏻我哋四個人叫咗蒜蓉粉絲蒸蟶子王($78/1)，小炒王($108)，椒鹽豆腐($78)同埋薑蔥蠔煲($208)蟶子皇嚟講，我覺得偏細隻，味道正常小炒王好食🤤，有鑊氣，亦都好大碟好足料薑蔥蠔煲味道都唔錯，可以再濃味啲🙈同埋啲蠔都好大隻🙌🏻🙌🏻椒鹽豆腐都好食，唔會好油，外脆內軟嘢飲，我叫咗龍眼冰，屋企人飲啤酒，我覺得個龍眼冰唔太甜，價錢都算合理，下次應該會想再試埋其他小菜☺️整體我會比80分💙…Read More

早排約咗朋友去AIRSIDE京都勝牛食lunch，成個體驗好有驚喜！餐廳環境好闊落，裝修簡約帶啲日式味，坐得舒服，落單用自助QR code好方便。今次我叫咗招牌經典元祖牛御膳，啲吉列牛肉外層炸到金黃酥脆，但牛肉仍然保持粉嫩多汁，入口好有牛香；點埋芥末或特製醬汁，味道層次再提升，真係會不自覺一塊接一塊咁食。飯都好夠份量，配埋漬物、沙律同味噌湯，簡單得來好有日式風味。服務方面，店員雖然唔算多，但都主動送水同解答疑問，上菜等咗一陣，但見全場full house都可以理解。人均大約$160可以食到咁高水準吉列牛肉，真心抵！甜品都值得一試，抹茶蛋糕香濃而唔苦，食完成餐更加滿足。整體嚟講，京都勝牛AIRSIDE無論食物水準、環境同價錢都令人好滿意，如果你鍾意食牛，一定要試下佢個吉列牛御膳！整體我俾90分💙…Read More

適逢爸爸生日，爸爸都比較鍾意食中菜，點心呀酒樓呀小炒大排檔個類，所以就揀咗觀塘呢間小炒嗰日我哋六個人叫咗一個羊腩煲，因為老闆大推羊腩煲呀，叫咗芝麻雞，一個鮮魷炒豆苗，再有一個冷盤，跟住老闆就叫我哋食住先，因為呢羊腩煲好大架，都怕我哋食唔晒但我就唔食羊，不過我屋企人都食到舔舔脷話真係幾好食，芝麻雞嗰皮炸到脆卜卜，然後同埋芝麻一啖擺入口，真係好好味，炒豆苗有鑊氣，見到隔籬枱有碟大腸到炸到好香好似好好食，不過我哋冇叫喇因為已經好飽😆😆然後再嗌咗一查佢哋嘅自家製雪梨茶，都係老闆大推㗎，然後我哋切埋個蛋糕，開開心心走人嚕整體我都會比85分呀💙💙…Read More