Naomi_nhm's Profile

呢排發掘到一間係airside 好出色嘅新派潮州菜，叫自己人😆融合左傳統嘅潮州風味加埋創新嘅元素，有一系列嘅點心同埋地道小菜😊原來佢已經有幾間分店，呢間係airside 嘅分店都坐得好舒適，手機落單形式，非常方便😛🔻▪️潮汕鹵水炸乳鴿 $49/只呢個鹵水乳鴿就standard啦，唔算太特別，不過唔會好油膩，仲有手套，食嘅時候好方便😌▪️酒醉走地雞 $89呢個醉雞好出色，好有酒味，啲雞唔會好肥，啖啖肉▪️鹵水鵝件 $99呢個都幾好食，啲鵝唔會好肥，而且啲鵝索曬啲醬汁，好入味，都唔錯😗▪️蔥香角螺 $149呢個真係必試，上面係角螺，好香蔥味同埋都好有嚼頭，下面係切到好幼嘅萵筍，好爽口，非常好食🤤▪️冰鎮咕嚕肉 $129呢個都好特別，因為啲咕嚕肉係放係啲冰上面，做到冷熱交融嘅感覺，食落好脆口，都好食😋▪️酸菜龍躉 $149呢個酸菜魚好抵食，份量都幾多，啲龍躉好滑，入面仲有好多料，例如粉絲、酸菜、芽菜等，辣辣地咁好過癮，佐飯一流☺️▪️豆漿蟹肉蕃薯菜苗 $89呢個個湯汁係用豆漿整，食落的確冇咁咸，仲加左蟹肉落去，蕃薯苗都幾嫩，都ok ▪️金魚戲水 （湯蝦餃） $49/2件呢個係做左會員之後送嘅，食落好唔錯，蝦肉勁多，仲有湯汁係下低，睇黎佢嘅點心都好正😊▪️老菜脯海鮮炒飯 $99呢個飯都好推介，食左兩次都有點呢個，入好有好多海鮮，跟住加左菜脯有啲嚼頭，啲飯炒到一粒粒夠曬香，又唔會好dry, 好好食🤪…Read More

好耐冇打邊爐，揾到呢間係坑口東港城分店嘅日式火鍋店，dinner 時間去都幾多人，見到個環境都幾企理😊呢間火鍋店主打一人一鍋，90分鐘放題任食，有幾個價錢嘅放題套餐，最貴嘅係霜降黑毛和牛（$398成人/$288小童）🤩唔同級別嘅牛會有唔同嘅價錢，我地就揀左$268嘅嚴選牛 Premium Shabu Shabu Course （$268成人/$218小童）😙🔻湯底方面有好多款，例如係四川麻辣、生姜雞、蕃茄、昆布，仲有新出嘅豆乳白雞湯同海老豚骨湯等，好多都好吸引，我同朋友都揀左壽喜燒湯底，佢會提供一隻生雞蛋🥚，湯底味道濃郁，店員定時會加湯😸🫶🏼🔻呢個course 有🥩嚴選牛肉、🍗雞脾肉同埋豬，一開始會每份肉各上一份，之後就可以手機落單。出面自助嘅食物都有好多款，例如各類嘅🥬蔬菜、丸、麵都有幾種，例如烏冬/拉麵/粉絲等，出面啲食物定時有人fill up, 睇落都好乾淨。🔻個人覺得牛舌同豬幾好食，一盤份量都幾多，而且用電話點嘅食物都黎得齊。☕️飲品有道地烏龍茶同綠茶可以任斟，仲有咖啡機同雪糕機，真係食到好飽🤪呢間火鍋食物同環境都幾好，性價比好高😋…Read More

想同大家介紹前排中秋節🌝係帝京酒店嘅獅房菜食左餐好好食嘅中菜🤪佢有個獅房發辦嘅course menu，每位$988但有限時買一送一優惠，所以除番開都幾抵🫢呢個係中式嘅omakase, 有8道菜，主題就係「非遺雅宴·傳味承真」大廚將香港唔同嘅非遺製作技藝加左落菜式度，每一道菜都食得出係用心設計，好有驚喜🤭另外餐廳嘅服務都好好😌未齊人嘅時候會準備啲小食比客人食住先🤪🔻▪️滷醃三品分別有潮式藤椒墨魚、子薑尖椒皮蛋同埋蝦醬蔥燒刺參，三款入面最中意尖椒皮蛋，好開胃；另外藤椒墨魚好彈牙，有少少辣辣地👍🏼🔻▪️煙燻二品賣相好靚，打開嘅時候仲有啲煙飄出黎🤭入面有蒸籠鴨肉餃子同埋米通腐乳叉燒😆兩樣都好食，叉燒特別出色，好juicy, 同埋厚切好正😊🔻▪️翠膽明珠即係砂鍋菜膽花膠廣東雲吞，雲吞好大粒，入面仲有花膠真係好足料，個湯都好好飲😆🔻另外仲有呢幾款我就唔逐一介紹🤗▪️陳滷菌珍 - 陳皮滷水牛肝菌農場雞▪️漁澳風光 - 大澳蝦乾魚肚杞子菜心苗▪️金炊玉饌 - 脆芋絲臘味蟹肉炒飯🔻但想講下佢嘅甜品，兩樣都好出色，有分別有茶啡雙凝，即係港式鴛鴦茶凍☺️賣相好吸引，布甸口感，茶味同咖啡味都好濃😛隔離果個熊貓頭🐼雖然食落好甜，但個樣真係好cute, 打卡一流！仲有傳統小點，見到個飛行棋賣相真係好驚喜，同埋覺得好有心思！入面有一件麻雀千層馬拉糕同埋懷舊合桃酥🤭好出色…Read More

呢間逸東軒係逸東酒店入面，連續9年拎左米芝蓮一星🌟，好多人食過都話好食同性價比高🤪仲有代客泊車服務，非常方便👍🏼一早book定位，佢會whatsapp confirm booking同可以預留食物添😺我地果晚就食佢嘅米芝蓮星級盛宴（$938/位）🤩🔻▪️逸東一品薈萃所有食物佢都會每人一份咁上🙂呢個一品薈萃有蜜汁叉燒、話梅車厘茄同花雕醉雞😍啲人話逸東軒嘅叉燒好食，果然係好正！厚切得黎夠juicy, 肥瘦適中，好食😋本人唔好車厘茄，但係其實都唔錯，醉雞就standard啦🔻▪️珊瑚蛋白百花釀帶子呢個都幾特別，佢嘅帶子係連埋啲蝦滑一齊整，下低其實係好滑嘅蛋白，上面鋪左一層啲湯汁咁，不過有啲人唔中意食芡汁嘅可能會唔中意😛🔻▪️松茸花膠佛跳牆呢碗湯真係不得了，本來就咁叫都要$428/位….入面有鮑魚、海參、花膠同瑤柱😍真係好滋補，好味😋🔻▪️十頭飽魚扣南乳一字骨兩樣都好食，南乳一字骨，煲到啲肉真係勁腍！鮑魚都幾大隻，又係一啲都唔韌🙂👍🏼🔻▪️豉油皇煎班球原來條魚係東星班黎，煎到出面塊皮少少脆，同埋好惹味😛但魚肉好滑🔻食到呢度其實都好飽🤣呢個時候仲有迷你砂鍋和牛鬆炒飯、擂沙湯圓伴香芒糯米卷（係芒果有少少酸）同埋南瓜仙米露🤪真係超級飽！但呢個餐真係好抵食，果然性價比高☺️…Read More

前排經過吃茶三千，發現佢地推出左全新葡萄柚系列🙀✨睇落好吸引，所以就算大排長龍都要即刻試一試佢😸🫵🏼🔻點左杯柚粒纖果冰茶，佢嘅茶底可以揀松針綠茶/玉露青茶/水仙桂花，入面會有葡萄柚果露、葡萄柚果粒同埋纖玉菓子🥰茶底揀左玉露青茶，都幾喜歡，唔會太苦或者太澀，飲落真係好fresh, 入面有好多西柚粒，好清新，纖玉菓子好彈好QQ，消暑一流🤩同一系列仲有普通柚粒冰茶，佢就少左纖玉菓子但味道一樣😚🔻另一杯就揀左凍頂烏龍鮮奶茶，加左國王珍珠，勁多粒真係超好食，又大粒又彈牙🧋…Read More

早幾日同朋友係尖沙咀食完晚飯，諗住去食個糖水😛揾到呢間係附近嘅「龍糖坊」，見到好多人幫襯，所以就去試下😊後來先知原來佢都係屬於龍點心集團，同埋龍糖坊已經有兩間分店🙀餐廳環境座位數量都幾多，感覺好寬敞好舒服，而且好乾淨☺️見到佢個menu好多選擇，除左有傳統糖水系列、手工雙皮奶、手工芋圓等，亦都有新派嘅甜品，我地就揀左其中兩個黎試😉🔻芒果河粉 $58呢個係新派中式系列，未食過芒果河粉所以好好奇係咩黎，其實佢仲有榴槤味，不過朋友唔食榴槤所以冇揀到🫢估唔到入面真係有一條條「河粉」！食落好有椰香味，同埋滑捋捋咁好特別！個底係芒果同椰汁🥭芒果超甜，撈埋椰汁好match 好好食👍🏼🔻陽光青提雪花冰 $78 /單人版呢排咁興食冰緊係要試試佢，睇落好吸引😻其實單人版都幾大份😮上面有好多青提舖係面，啲提子好甜，仲有啲藍莓🫐中間有cream, 下面就係雪花冰，食落好清新😛🔻紅柚鐵觀音 $28/凍加左杯飲品，呢杯好似幾特別，飲落都真係有西柚同鐵觀音嘅味道，但又唔會好澀，好解渴👍🏼…Read More

燒烤堂係香港有好多間分店☺️呢間係旺角嘅燒烤堂就開左一段時間，不過真係未食過，所以上次就小吃一波😆呢間店裝修好日式，而且都幾大坐得好舒適👍🏼夜晚冇訂位不過因為比較夜所以好彩有位😽🔻串燒選擇真係超多，豬牛雞羊各有唔同嘅部位，仲有海鮮、野菜、得意作等等，真係應有盡有🤪每張枱上面都有一個小火爐，可以將啲未食嘅串燒放上去保温😙因為食果時已經飽飽地，所以輕輕叫左幾款😂🔻▪️汁燒免治雞肉軟骨棒（付月見）$36▪️鹽燒原塊雞皮 $22▪️汁燒赤雞心 $22▪️厚切鹽燒牛舌拖羅 $48▪️中切鹽燒牛舌心 $28▪️孜然豚肉韮菜花卷 $24▪️孜然燒蒜蓉茄子 $38▪️紫蘇雞皮蝦 $48🔻叫左兩款牛舌，雖然牛舌心都已經好食，但牛舌拖羅係更加juicy更加有嚼頭😍蒜蓉茄子份量超多，雞皮蝦都好特別😁下次真係可以再encore！…Read More

之前見過呢間餐廳好似都幾受歡迎，所以就同朋友去試下😊餐廳以木系裝修為設計，感覺都好舒適😉預先係openrice book枱會穩陣啲🤣dinner set嘅話有飯或者pasta, 飯就偏向日式多啲，而pasta就偏向西式, 個set有是日餐湯，可以再追加小食同甜品😛同埋佢嘅咖啡都比較出名，不過今次同朋友係食夜晚，所以就冇試到😗🔻香煎海蝦龍蝦汁捲捲意粉 $148近排呢個捲捲意粉真係超爆紅🔥佢其實係一種中空長螺旋意粉😁未食過就可以試下👍🏼睇落有啲似公仔麵咁，不過就再粗啲😂幾隻蝦隻隻都好肥美🦐每條意粉都充滿龍蝦汁，夠入味😙🔻北海道帶子明太子闊條麵 $138呢個賣相都超吸引😍帶子又係超級大粒🤩好中意個明太子汁，食落又唔會好濟🥰🔻小食加左個炙燒芝士雞肉棒（2件+$35）味道ok嘅，當然冇平時係串燒店果啲咁出色啦🤪甜品加左個tiramisu (+$48) 好食，底下都有少少酒味但個蛋糕唔會好濕/好苦😌下次有機會試埋佢嘅咖啡先🤪…Read More

上星期同朋友去左呢間係荔枝角嘅金酒屋，因為好多人推介所以特登book左去試☺️平時聽講話係好full😗裝修好日式，我地咁啱坐係bar枱，可以近距離睇住師傅整食物，而且仲可以同師傅吹下水🤪食左幾樣佢嘅signature，全部都好好食😋🔻▪️金龍珠海膽吞拿魚蓉卷（四件）$158呢個卷物用左幾隻原粒嘅醃漬蛋黄，再配上新鮮海膽同吞拿魚蓉，冇錯係好heavy但食完真係超級幸福😊🔻▪️海膽拖羅千層脆脆 $138/件呢個係佢地嘅人氣新品，佢分左幾層，有兩層係紫菜天婦羅，一層係拖羅蓉，最面果層係海膽，入口即溶又鮮甜👍🏼🔻▪️焦糖鵝肝和牛千層脆脆 $98/件呢個都係有兩層紫菜天婦羅，但一層係和牛，最面果層就係用焦糖香煎嘅鵝肝，雖然係會有啲濟，但係食落好香口，味道更加濃郁，所以個人覺得呢個比起海膽拖羅蓉更加好食😋🔻▪️炙燒爆膏四頭巨型虎蝦 $158呢隻虎蝦真係好巨型，而且真係爆曬膏，好厚肉，蝦膏燒完勁好食😋🔻▪️宮崎和牛海膽刺身（兩件）$138好少食生嘅和牛，雖然睇落有啲血腥咁，但係食落又冇野🤣入面加左啲好鮮甜嘅海膽，係正嘅🤭🔻▪️自家製雞皮蝦 $58▪️厚燒牛舌心 $58每樣野都超好食😋絕對推介同埋下次會encore😙…Read More

朋友bookmark左呢間係旺角嘅蕾，話好似好正咁，所以有日就同左佢一齊去試😙完全冇book枱諗住都有機會冇位，好彩咁啱有兩個位先入得😉入去已經覺得個門口好型，因為道門係六角形🤣餐牌上面食物其實唔算多，但都幾好，因為我地就點曬大部分佢推介果啲🤪🔻▪️酒盜芝士 $48▫️牛舌芯串 $78▪️豚肉生菜卷 $88▫️炸紫菜墨魚滑 $58▪️白膳 $78▫️自家製月見雞肉棒 $58▪️塩燒手羽 $28🔻大概點左呢啲，每一樣都好有驚喜，酒盜芝士就係一種醃漬吞拿魚，咸咸地咁用黎佐酒一流🤪牛舌芯好嫩，整到好林又好juicy😙仲有豚肉生菜卷，出面燒到脆脆地，入面嘅生菜都好脆口🤭月見雞肉棒更加係我嘅最愛😍每樣食物都好高質👍🏼佢仲有好多唔同嘅日本酒，中意飲酒嘅朋友真係應該要去試下☺️…Read More

早幾日同朋友係旺角食完飯，揾到呢間甜品舖，見到都幾多人排隊，不過好彩等一陣就有位😙佢甜品選擇都幾多，中式同西式都有，仙草、芋圓、刨冰呢啲而家好流行嘅佢都有😍真係花多眼亂，樣樣都想試下😚🔻🍰焦糖開心果巴斯克芝士蛋糕配鮮果$68開心果巴斯克蛋糕已經好吸引，佢仲要加埋焦糖係面，燒到勁脆勁有口感😍個cheesecake 唔會好漏，開心果味都重，呢個甜品都可以揀配雪糕😌好正😊呢個甜品原個預訂都得添，有5吋同7吋，平時想拎走同朋友慶祝生日都得🎂🔻🍡糖不甩$26咁啱見到呢個糖不甩就好想食下🤭好中意呢啲煙煙韌韌好似湯丸又好似小丸子咁嘅口感，出面沾左滿滿嘅花生碎同椰絲，甜度十足😆好味🔻因為天氣熱好口渴，所以叫左兩杯飲品🥤，分別係鮮芒果汁乳酪$48 🥭同埋芝士奶蓋西瓜飲$38🍉兩杯睇落都好正，芒果乳酪甜度適中飲落好milky, 西瓜汁係夠鮮甜，面頭仲有厚厚嘅芝士奶蓋🤩好好飲🔻最後仲試左佢新出嘅雪糕糯米糍（$25/1球，$40/2球）有幾隻味：豆腐/芝麻/開心果/D24榴槤，其實隻隻味都好吸引，最後揀左隻比較特別嘅豆腐味，佢出面係糯米糍嘅皮，入面就包住豆腐味雪糕，出面仲有啲好cruchy嘅朱古力碎，個人覺得幾好食，豆腐味好重，仲要即叫即包🫣必試👍🏼…Read More

呢間係荔枝角嘅老荔冰室已經bookmark左好耐😍上星期終於同朋友去左食🤩一去到已經覺得啲裝修好有特色，門口有好多霓虹燈整成一個戲棚咁🫢招牌好sharp咁寫住「老荔冰室」四個字，入到去有好多懷舊嘅香港特色係入面，例如即日上映嘅海報、寫住好似九龍皇帝字跡嘅牆壁，甚至連杯碟上面都有啲金句/謎語等，真係每一個細節位都好有特色😛🎶除左裝修之外佢嘅食物都好高質，一般傳統茶餐廳有嘅佢都有，例如雞脾、西多士、傳統扒餐等，我地就揀左佢一啲特色晚餐set黎試下😌🔻🔹花膠雞阿媽足料雞湯米線 $72本身都好中意食花膠雞米線，佢真係整得好出色，入面好足料，真係有勁大條花膠！仲有好多件雞，個雞湯好濃郁，可以揀米粉/米線，好滋補🍗😚🔻🔹滑蛋粒粒蟹肉飯 $72呢個蟹肉飯見到已經覺得好吸引，因為啲蟹肉🦀真係肉眼所見粒粒都係咁大粒！滑蛋超滑，口感十足，加啲豉油撈埋係個滑蛋飯食超正呀真係！！💯🔻🔹鮮蝦餅小棠菜配酸辣米線 $58蝦餅小棠菜又幾有特色，而且炸到好香口，呢個可以揀酸辣湯/麻辣湯，佢係分開上咁就唔會浸到林曬😌🔻🔹增肌䓤油手斯雞 $48好搞笑，呢個係特別比啲做gym 人士嘅尖L追數餐🏋🏻‍♀️有麻辣/䓤油，亦可以加白飯，手撕雞啖啖肉又健康，用黎餸飯一流，餐牌仲寫住250g 手撕雞有65g 蛋白質，唔錯💪🏼🔻另外仲加左個小食單骨雞翼$32，又係冇得輸🐥跟餐加$8 仲可以配個特飲，加左個雜果賓治同椰汁紅豆冰，好味～其實仲有好多食物都好吸引，好多都想試！食物高質之餘又好有特色，所以呢間一定會再encore🤪🫶🏼…Read More

最近想食得健康啲🥦所以揾到呢間係黄大仙嘅齋菜館😁齋菜其實都好少食，所以都想試下😉餐廳乾淨企理，頭頂有部電視，可以一邊食住家飯一邊睇電視，有啲係屋企嘅感覺🤣叫左個2人套餐$158，有一款湯品、2款小菜同🍚白飯2碗😊夠曬抵食！🔻湯品揀左粟米豆腐羹，其實份量都幾多，每人都有大概3碗😗入面好足料，真係滿滿嘅粟米、豆腐，仲有啲腐皮咁，粟米羹煮到好濃稠，味道濃郁👍🏼🔻小菜如果想轉煲仔就要+$10，揀左個豉汁素鰻魚煲，同埋欖菜豆角炒素雞😌素鰻魚原來係用紫菜包住個餡黎仿鰻魚，食落口感都有啲似，跟住加左好多啲三色椒同冬菇，聞落好香，用黎餸飯食一流😜炒素雞係用冬菇同欖菜豆角一齊炒，味道都唔錯，同埋都健康😋🔻最後加左碟自製齋滷味$40（細），入面有各款嘅齋菜，例如咖哩/甜酸齋，仲有齋叉燒，都整得幾似，啲豆腐索曬啲汁，勁入味👍🏼😉必試！…Read More

上星期係銅鑼灣食完飯，諗住揾間糖水舖食下🙈揾下揾下就諗住試下呢間Icegreen氷舍🍧天氣咁熱食冰一流，所以就揀左佢😆去到都坐滿人咁濟，但好彩仲有張二人枱☺️佢其實主打係冰同麻糬，選擇都幾多，有傳統嘅糖水例如係杏仁露、紫米露果啲，都可以自選糖水加配料😇我地今次就揀左佢嘅招牌炒冰同刨冰😁🔻粒粒芒果炒氷$56炒氷原來即係crushed ice, 其實都唔係好分到同刨冰嘅分別🤣🤣不過感覺好似沙冰咁，面頭有鮮芒果肉同脆脆球，加埋啲芒果汁同一大舊麻糬，好有芒果味好甜🥭🥭🔻抹茶金時刨冰$78本來想叫佢嘅芒果糯米飯刨氷，可惜賣曬🫠所以揀左呢個，但呢個都好食，有雲尼拿奶蓋、紅豆粒、茶啫喱同小山園抹茶，果舊冰都好大舊，冇咁快融👍🏼呢個加左茶所以冇咁甜😊…Read More

早幾日同朋友係銅鑼灣食飯，揾到呢間係百樂中心嘅日本餐廳「汐」，佢係一間西日fusion餐廳，睇個menu覺得好特別😊所以就黎試下😙一入到去感覺係好日式feel, 客人可以坐榻榻米或者bar枱，tatami一枱頭都係啲日本酒，好有feel🤭因為好掛住日本所以揀左坐tatami🤪餐牌主要有井飯、意粉同小食😌🔻特盛 $158呢個井飯非常特別，首先打卡一流😛因為佢真係好似一個「夕陽富士山」咁，染左藍色嘅飯粒，上面整左個雲朵蛋，入面放左個流心嘅蛋黄，食落係咸咸地咁嘅😍側邊有唔同嘅刺身，例如係三文魚、帶子、八爪魚等，啲刺身都好厚切！成個飯真係好出色，靚得黎又好食🤤🔻櫻花蝦清酒煮蜆 $98呢個小食都好抵食，份量超多，仲要每一粒都係有蜆肉嘅，食落完全冇沙，有酒味而且都好入味🤪上面加左啲櫻花蝦同葱花，味道好好，真係食唔停🤣🔻醬油七味雞皮餃子 $58呢個餃子最先上嘅，一食落口真係覺得驚為天人🤭可能因為平時好少食雞皮做嘅餃子，個皮係比較煙韌啲，但係炸到好脆好香口，入面個餡又好多汁😋加埋面頭嘅紫菜一齊食，好特別👍🏼🔻☕️🍵估唔到飲品都有驚喜，佢有coffee、non coffee同soft drink, 咁我就揀左杯「秋名山藤原豆腐咖啡」$42🤣首先我好中意呢個名，因為頭文字D好好睇🤣其實佢係Tofu Latte, 上面係latte, 下面真係有豆腐！飲落真係好特別，latte加埋豆腐唔會好苦，豆腐入口即溶咁好正😊朋友揀左靜岡抹茶豆乳$42，R左佢一啖都覺得好好飲！甜度適中，豆乳味好濃郁😙兩杯飲品都好靚，打卡一流😋🔻呢間餐廳一定會再黎，因為食物高質之餘環境都好舒服，仲要啲職員都好nice好friendly😙…Read More