亞卡0靚's Profile

呢間餐廳我同同事lunch 都變左做半個飯堂咁濟， 早兩日見到佢擺左d 宣傳單張， 原來佢地開左晚市做日式串燒， 樓面姐姐話因為人手問題， 所以暫時只接受預約既訂座先。 食完個lunch , 同事都話有興趣試， 佢地話星期五可訂位， 見佢menu 都唔算貴， 於是就book 黎試試佢。 我地3條友book 左6:30 ， 可能唔多人知， 所以唔算多人， 可以慢慢傾下計。 個晚傾得太開心， 所以頭round 先有影相：燒蒜頭同露荀個蒜頭可以間生d 同熟d , 我地比較鍾意熟d , 無咁辣口。 好味露荀都唔錯汁燒雞肝 雞軟骨黃金燒雞肝燒得外脆內軟，至於個雞軟骨黃金燒， 原來係用咸蛋黃炒出黎， 真係好香三重芝士炸雞本來以為係雞胸肉， 因為個外形似， 諗住都好鞋， 但又估唔到佢係雞肶肉做， 而中間夾左既芝士好香， 亦都唔算好乾身極辛翡翠螺本身佢地個lunch 既極辛炒拉麵我都食過好幾次， 原來佢地用返個辣汁底去做呢個螺， 辣度亦都可以小辣大辣。 D 螺都算入味， 亦食到個螺既甜味荔枝豚肉/大蔥雞肉/柚子味噌秋葵三款串燒都不錯，特別個柚子味噌秋葵， 真係食到柚子個個清香甜味！我地仲有叫到芝士蠔， 燒雞皮，雞腎，牛舌同五花腩， 不過掛住傾計就無影底了。埋單7xx ， 200 鬆d 可以慢慢一路食野一路傾計， 確實係唔錯既選擇…Read More

早兩日公司有同事試左樓下呢間新開西日餐廳, 話個價錢同質數都唔錯, 今日無帶飯, 就落去試下啦. 叫左個牛肉湯烏冬, 40 幾蚊包杯麥茶或者玄米茶, 我就間左凍玄米茶 . 牛肉都唔少, 個烏冬又唔係個d 淋GG 個D , 都幾彈牙. 湯底唔係死咸又唔係好油, 呢個價錢真係唔錯. 臨走時見到佢個牌寫住7送一, 40幾蚊其實都算平, 仲要7送一, 下次叫埋D 同事一齊叫再抵D 先得!…Read More

久唔久就同班「飯聚」人仕落荃灣搵野食，好多日式放題同邊爐都幫襯過了，大家都想踩踩點，搵下有無另類d 野食。一班聚人行到四陂坊，見到間火紅招牌寫住爐端燒，荃灣有呢類野食好似好少見，於是去八下有咩食。見食物同價錢都幾ok (因為印象中爐端燒都貴貴地），於是試試佢先。入到舖頭，有d居酒屋feel , 都幾舒服。大家睇睇睇研究食d 咩，侍應生行埋黎介紹左一d 是日海鮮推介，於是我地先點住一d食住試試先，好食既話就再N 歌。我地點左燒白鱔，和牛，明太子雞翼，芝士燒龍蝦同雞軟骨。即刻去相～白鱔係我地既「飛佛」，出面食過幾次，白鱔都無呢到咁厚肉。一咬落去，wow , 皮脆肉嫩，好juice ~ 正！ 大家即刻話要翻卓呢兩個！雞軟骨，呢到無出面個d 一係細粒一係好乾既感覺，good ~再黎既係和牛，一串都有5塊，有d 黑椒係面，咬落都好Juice 好好味，燒得岩岩好！芝士龍蝦燒，Yeah ~ 啖啖肉明太子雞翼，因為唔夠分，所以我無食到。朋友話唔係好油，仲燒得好香，食到雞肉味，唔係得個咸字～食到差唔多，再試下其他野食先～呢轉嗌左喜之次一夜干，豚肉五花腩，芝士雞肉串，雞泡魚乾，燒明太子。喜之次一夜干好滑，肉質唔錯～豚肉五花腩，開頭大家都諗會唔會好肥好油，但食落又唔覺wo , 燒得唔錯！芝士雞肉串，雞泡魚乾同燒明太子味道都好好，燒得好香呢～總括黎講，食物真係出色既～ 服務態度亦都好好，埋單時侍應都問下食物如何，有無咩改進地方。傾下傾下先知原來呢到係新開無耐，想聽多d 客人意見，可以再多加改進。有呢個心既小店真係唔多，所以我地會好支持呢類小店～ 一定會再幫襯！…Read More

首先講句, SORRY , 無相睇 , 因為唔太值得影 ... 我幫襯呢間呢個海鮮餐都3次了, 之前3次都係2個月之內去食的, 質量一直都好好, 我都叫左好多朋友去食, 好多朋友自己都有去幫襯, 可惜今次第4次去, 已經大不如前  海鮮拼盤中既半邊龍蝦 , 由以前大大隻新鮮上台仲識郁 , 到依家換左批龍蝦.....仔, 得以前個D 1/2 隻大, 仲要泥味好重, 好差 . 海蝦 :- 又係呢味好重... 真係唔得 . 送的刺身魚 , 送既野, 我唔PREFER 要好好qlty , 但之前3次食, 都好鮮味的. 可惜今次上台 , 已經好腥, 放入口食口感有d 霉左咁.... 我食左一塊都唔敢食落去 . 其他食物, 肥牛呀 , 響聆呀 , 呢d 都仲keep 到, 希望佢地真係會用返之前d 食材啦~ …Read More

又到每月同老友們"飯眾" 既日子喇, 早排睇報紙見到新開左間日本野係富豪酒店入面, D 野食好似好得咁 , 老友們新年又豆左唔少利是, 一於食豪D ! 去酒店食日本野! 我地個晚7點中準時到達~ 經理好好咁安排左我地坐房間~ 我地點好我地想食既野之後, 經理話今晚有個推介, 係燒吞拿魚鮫~ 三文魚鮫就食得多喇, 吞拿魚鮫又未食過WO , 即管試下去~ 我地叫左幾碟少食, 即刻去下相先~ 鱈魚乾~開頭我以為好似細個食個D 一包包個D 軟口感, 原來唔係架, 好脆卜卜 , 好好味~ 有D 驚喜WO枝豆~ 甜甜地, 幾好味雞泡魚乾 , 唔似出面個D 上台時又乾又硬, 佢仲暖暖地, 較軟身, 送下酒時食真係食下食下又一條.... 芝麻汁豆腐 , 開頭以為會係個D百Ｘ豆腐加個汁，原來唔係WO , 問左經理佢話係自家制, 豆味好濃, 夾落去亦唔會易散碎晒 你地睇下, 筷子夾住都唔爛架, HEHE主菜黎喇~ 刺身拼盤~ 特別要講下個海膽好甜好正呀! 帶子又唔會有雪味, 仲好鮮甜下! 呢個係經理限定推介既吞拿魚鮫! 好大件呀 ! 成件斧頭扒咁! 魚油好多, 魚肉又滑, 掂呀 ! 果然無介紹錯呀 ! 經理話唔係成日有得食架, 因為係返成條吞拿魚, 然後即切下來 , 新鮮做, 唔係急凍野~ 繼續繼續, 唔好比佢停!!!!!宮崎和牛! 燒得岩岩好, 入口即溶~ 另外我地都叫左一D 串燒, 同埋薄燒牛肉再黎就係海膽炒飯 , 炒得乾身, 唔錯唔錯~ 大家都食到攬住個肚, 同埋真係有D "漏" , 係呢個MOMENT , STAFF 提議我地不如食個柚子雪糕清下無咁漏, 甜品控既我地當然話好啦~STAFF 一放低, 已經聞到好香既柚子味喇, 雪糕入面仲要有柚子肉, 果然又唔係楂留灘之作WO ! 食後感 : 今晚餐飯食得好開心呀 , 一來職員安排左房間比我地, 等我地可以巴啦巴啦傾一餐都唔嘈住人, 2來推介比我地既野又真係好好食, 3來我地當中有個孕婦 , 安排比佢既野都會好小心同埋會整得熟少少比佢 , 呢D 細心真係唔係到到都做到 ~ 下次叫多D 人黎食多D 唔同既野先 !…Read More