Tikman0717's Profile

第一次嚟The Southside，有好多唔同餐廳選擇！依間Table雖然門口係商場出面，但都吸引到好多人排隊，望入去個環境好園林feel，好清新舒服咁，一於試一試！Menu都有好多唔同選擇，有港式料理定食、有北海道咖哩滑蛋蓋飯、石鍋烏冬 等等，真係花多眼亂，不過最吸引我哋嘅係鐵板扒餐！嗌咗兩個扒餐，有餐湯跟，今日係羅宋湯，用隻杯上都幾得意又方便飲，味道方便超濃郁，有驚喜喎！我揀咗免翁牛柳 配蘑菇燒汁 仲可以多汁㖭呀 讚！免翁牛柳鬆軟肉味濃，好正！男朋友嗌咗紐西蘭西冷，叫五成熟真係可以做到切開有啲粉嫰色，肉味都濃香，肉質實啲有咬口，唔錯唔錯！配埋黑椒汁，惹味得嚟又唔會好辣！飲品我叫咗紅豆冰，啲紅豆淋得嚟係有咬口，我鍾意！男朋友就叫咗粉紅西柚烏龍茶，西柚味真係濃，都飲到烏龍茶味！ …Read More

離遠已經見到大大隻招牌 再加上長長嘅人龍 一定係好嘢 雖然要等位 但都算快有位前菜叫咗個 泰式木瓜沙律 酸酸甜甜愈食愈辣 除咗木瓜入面仲有幾隻鮮蝦 好味足料抵食 又好開胃小食就叫咗 泰式鮮蝦春卷 脆卜卜 內餡嘅蝦都好爽脆 熱辣辣上碟 一定係即叫即炸 夠曬誠意主食叫咗兩樣 一款咖喱炒蜆 每隻蜆都掛上濃郁嘅咖喱汁 啲配料都索晒啲精華 非常惹味 另一款係 泰式鐵板蠔仔蛋 鐵板上滋滋聲 淨係聽聲都肚餓 蠔仔飽滿 蛋夠香 點埋辣椒醬 非常夾！好好味！飲品我嗌咗椰青 男朋友就嗌青檸梳打 一個清甜一個酸味味 開胃解膩 …Read More

好鍾意幫襯小店～今次搵到依間串燒小店，燈光偏暗，一開門就會見bar檯，有串燒食，仲有好多唔同酒類，絕對係同朋友摸住酒杯底 盡訴心中情嘅好地方食過好多唔同串燒店，有沙律、佐酒小食、雞、牛、豬依啲選項，但依到最吸引我眼球嘅係有欄叫「稀有部位」，鳥之提燈、雞白子、雞喉管，真係聽都未聽過～叫咗好多唔同款串燒最鍾意係牛舌（圖右二），相對食過其他串燒，係比較厚身，爽口，又香牛味其次係白鱔（圖右一），燒得好香口之餘，仍然保持到新鮮仲有就係雞皮（圖右三），燒到脆卜卜，完全冇肥膩嘅邪惡感上串燒時，仲配有碟調味料，有七味粉、海鹽、海苔鹽，不過其實啲串燒原本已經好好味，所以唔點都可以，點咗就多啲層次稀有部位都試咗幾款雞喉管 好脆身 鳥之提燈，原來係雞卵巢同未成熟雞蛋，成串拎起時真係好似燈籠咁㗎，口感都好特別，咬落去果吓瞬間爆發蛋黃香味，又帶有雞肉香雞白子，雞子平時淨係見過人用黎打邊爐，原來燒嚟食好香，好食過用黎打邊爐當然唔少得飲酒喇，叫咗杯1664同柚子酒，柚子酒好重果香，超易入口，啱晒女仔飲！總括嚟講雖然係小店，但食物有質素，酒又好飲，環境都舒適，之後想搵地方happy hour或想同朋友食串燒，一定會再揀依到…Read More

平時都會去韓印紅買啲韓式料理食材，原來而家連餐廳都開埋，梗係要試吓好唔好食啦同好多韓國餐廳一樣，一坐低就有好多前菜，甜酸辣都有，好開胃特選錦山牛排骨湯配飯天氣凍凍哋嗌咗個湯，勁足料，條人參好大條，嚿牛排骨係啖啖肉，個湯好濃厚，好暖胃海鮮蔥餅勁大份，煎得好香口，啖啖都有蔥同海鮮半半—藥膳菜包肉/藥膳豬腳+辣拌蕎麥麵有兩款口味嘅肉又有兩款泡菜，用娃娃菜包住嚟食，中和到泡菜嘅辣同肉嘅膩，好夾。個拌麵雖然有啲辣，但辣辣甜甜好過癮。食食吓餐廳仲幫今日嘅壽星慶祝，全餐廳職員一齊唱生日歌，又送上甜品，又幫啲壽星同屋企人朋友影相，氣氛勁好，好開心。雖然我哋枱無人生日，但都有爽甜士多啤梨做飯後果，開心！總括，韓印紅餐廳高質！味道好，份量足！職員好有禮貌，又好nice！食完身心都好滿足！推介！…Read More

前排返工好忙，終於得閒啲，想搵間chill得嚟又好食嘅餐廳拍吓拖，之前食過依間嘅lunch，質素都唔錯，一於試埋晚餐～叫咗個二人餐，有生蠔、前菜、湯、重點有威靈頓牛柳，仲有意粉、餐飲同甜品㖭！生蠔配有平時都有嘅檸檬同cocktail source之外，仲有個柚子醋都幾特別，食完好開胃～前菜我哋就嗌咗巴馬火腿配蜜瓜同慢煮西班牙八爪魚暖薯仔沙律。巴馬火腿配蜜瓜，蜜瓜夠爽甜，配埋鹹香嘅巴馬火腿食，真係prefect match～慢煮西班牙八爪魚暖薯仔沙律，一上檯就聞到好香嘅八爪魚味，慢煮嘅八爪魚煮到好軟身，但仍然保留到八爪魚嘅鮮味蟹肉龍蝦濃湯，淡淡嘅龍蝦香，仲真係飲到有蟹肉，真材實料！最期待嘅慢煮美國威靈頓牛柳，最外面有層鬆脆嘅酥皮，包住層雜菌粒，再包裹住牛柳，塊牛柳仲係粉嫰㗎！好正～帆立貝蕃茄醬意粉，又係超足料，條條意粉都掛有蕃茄醬除咗餐飲，甜品仲有tiramisu同奶凍，超滿足！！…Read More

星期六難得放假，我拉左男朋友去咗大埔踩單車🚴🏻‍♀️ 夜晚踩到好肚餓 再決定喺大埔搵一間西餐廳補充下能量😉 我哋叫咗一個二人套餐🥹 我都係第一次見到片皮鴨pizza真係覺得好搞笑😂😂😂 唔知片皮鴨同Pizza嘅混合版會係點呢！ 我自己都幾期待 實物令我幾驚喜👅👅 片皮鴨既醬汁同Pizza 好match😋😋 將平時嗰啲菠蘿火腿就換咗成片皮鴨肉同埋葱絲 笑死我既fusion菜 而家最鍾意就係佢哋嘅卡邦尼意粉 ！！唔會太鹹 但係每條意粉得好入味 好濃 好好食我哋另外仲點咗一個小食～德國腸拼盤❤️❤️仲配有薯蓉 佢哋嘅薯蓉打得好綿好好食😋 德國腸都有幾款唔同樣嘅～ 仲好貼心咁幫我哋剪開咗 方便我哋食haha 佢哋嘅沙律同埋湯都幾好飲～係我自己都比較鍾意嘅蘑菇湯！而佢哋嘅沙律係裏面會有墨魚仔😍 真係令我好surprise…Read More

舊式屋邨竟然有間靚靚燒肉店 仲要係粉紅色 好少女心 即刻要入去幫襯吓 入到去發現原來除咗燒肉 仲有燒肉丼食因為想快啲有得食 就嗌咗兩個丼飯 鰻魚牛肉丼同鰻魚豚肉丼啲飯粒粒分明又好飽滿 男朋友話一食就知係日本米啲鰻魚都好肥美厚身 配上甜甜哋嘅鰻魚汁洋蔥煮牛肉 洋蔥夠腍 牛肉又夠入味 豚肉睇落雖然有啲肥 但食落係有啲豬頸肉嘅爽口 兩個丼飯套餐都配有泡菜 湯 同 茶 重點係碗飯睇落正常size 但食落份量好足 男朋友飽到上心口 而我就食唔晒我哋仲加配飲品同甜品放題 飲品有好多選擇 有自家製嘅各種茶類 亦有唔同罐裝或紙包飲品 甜品方面 有馬卡龍 蛋糕 啫哩 款款都細細件咁 可以樣樣都試吓食丼飯過程中見到其他食客食燒肉 好似好正咁 下次要試吓！…Read More

平時去任食打邊爐，都有限時兩個鐘，今次搵到間係觀塘無限時嘅任食邊爐，仲要有埋小食、刺身、酸菜魚食，真係啱晒勁為食嘅我！坐低無耐，waitress姐姐就好細心咁講解成個餐包d咩同埋食用嘅程序，先嚟上小食，當我哋諗緊食咩時，姐姐提議不如樣樣都要啲，岩食就encore，依個咁好嘅意見當場要接受喇～小食有6款,炸薯條、炸甜蕃薯條、炸雞、蟹籽沙律、炸大腸同鮑汁雞腳，所有炸嘢都好香口、脆卜卜～估唔到係有埋炸大腸，仲要係唔臭嘅，又唔會有好大嚿肥膏係入面，鮑汁雞腳勁入味，沙律食完炸嘢中和吓幾好，所以係有再Encore～姐姐confirm我哋食夠小食，就幫我哋上刺身，雖然只係得３款，不過都已經可以過吓條刺身癮，唔錯唔錯～食到咁上下，姐姐就問我哋想要酸菜魚定寵寵雞煲，身為酸菜魚愛好者嘅我哋緊係目標清晰喇！啲魚都幾厚身，仲有Q彈薯粉墊底，如果個酸度再多啲，就更滿足！之後就到真係主角～打邊爐喇，先上咗個海鮮同牛肉拼盤先，雖然啲海鮮唔係好大隻，不過都好鮮味，蝦好爽口，啲蜆仲有陣海水味，不錯喔！牛肉拼盤，有５款，仲要有黃喉，好正呀！！其他自己點嘅邊爐配料都有好多款，豬牛羊雞丸餃類魚皮紫菜響鈴都有，就連平時任食火鍋好少見嘅牛骨髓都有！驚喜喎！飲品方面都有好多選擇汽水、果汁、茶類、健康類飲品都有～$288一位冇限時，仲要咁多嘢食，真係好正！！！順帶一題，依到嘅裝潢以毛孩🐶做主題，仲有個捐款箱俾大眾幫助毛孩，相信係位有生意頭腦又有愛心嘅店主！支持！…Read More

留意咗好耐依間四寶食堂㗎喇，佢嘅Tiffany blue裝潢真係勁吸晴，以為佢用裝潢吸引人嘅貴價茶記，幫襯完先知佢係睇得又食得～Menu好多選擇，中式又有西式又有，樣樣都好吸引咁，男友好快就揀好要招牌瑞士汁炒牛河，因為佢話唔係好多地方有得揀，碟炒河上堂未食就知一定好好味，不論河粉定牛肉都被滿滿嘅瑞士汁包裹著，超濃郁！ 佢話係佢食過瑞士汁炒牛河頭３甲𠻹啵！之後我就嗌咗黑醬油胡椒粉絲大蝦煲，鐵鍋上個煲keep住熱辣辣，加咗黑醬油都唔會令到啲粉絲好濕，條條分明好乾身，好爽口，加埋d胡椒超惹味，果日咁啱天氣涼涼哋食，一流！啲蝦有３大隻，真係大蝦嚟冇呃人，仲係爽身嘅！另外嗌咗個椒鹽豆腐金磚share食，果種外脆內嫰滑真係拍得住酒樓嘅水準，食到停唔到口！讚！…Read More

其實住咗喺大埔都好多年，居然都冇乜同男友去下高級西餐廳拍拖（儀式感欠奉）。🙈🙈🙈不過其實大家都已經老夫老妻，今日有幸男友同我去咗Homeland呢間餐廳，$148 一個set ，包前菜、主菜、飲品，仲可以加錢加小食同甜品～兩個前菜分別揀咗一個煙三文魚凱撒沙律同埋鮮打法式龍蝦湯（+$18），煙三文魚凱撒沙律份量一般，都係一小碗湯碗粉量，但叫做生菜爽脆新鮮，作為前菜都分合適。至於鮮打法式龍蝦湯則鮮味濃郁，真材實料，入面都有五六粒龍蝦肉。至於主菜叫咗冬陰公赤蝦寬條麵同埋和牛漢堡薯條（+$18）冬陰公赤蝦寬條麵嘅赤蝦非常新鮮，有兩大隻～食落都好入味～而寬條麵係餐廳手工製造，有咬牙得嚟亦十分掛汁～冬陰公醬汁濃郁，夠惹味。而和牛漢堡薯條份量夠哂大份，仲可以揀生熟程度。我哋揀咗半生熟，和牛漢堡略有粉紅色。一咬下去就爆哂肉汁。最後加咗$58換一份香草牛油白酒煮青口，都有8大粒架～而香草牛油味道濃郁，又有淡淡白酒清香，都幾抵食～總結就係食物質素算高，價格都合理～我哋都對於今日嘅拍拖行程好滿意❤️💖。…Read More

星期6揀咗間Steakhouse食個weekend lunch—La Parrilla Steakhouse紅磚牆、木窗、加吊扇嘅裝潢好有外國feel，仲可以坐到窗邊位望住街景，睇吓車，間中仲見到有人影街拍，成件事真係好chill～嗌咗2 set lunch 有前菜、主食、配菜同飲品，價錢最平$198就有交易Aperitivo揀咗阿根廷傳統餡餅Empanada Feta Cheese & Spinach同Empanada Came CriollaEmpanada Feta Cheese & Spinach波菜同芝士好夾、層次多啲又豐富啲而Empanada Came Criolla個牛肉味好香濃Main就嗌咗Slow Cooked Beef Cheek，牛頰肉真係好啱用嚟慢煮，燉煮到好軟腍腍，但仍然保留到牛頰肉嘅骨膠原感，仲要入口即溶，就連個伴菜薯蓉都係非常之綿密幼滑，真係好出色！另一個主菜就嗌咗Hanger Steak，鐵板熱住上令外層有陣陣焦香，亦更鎖實肉汁，因為嗌咗五成熟就算用鐵板上都仍然做到肉質內軟外微香脆，加上封門柳本身肉味好濃厚，令成件事好昇華，仲配有6款唔同嘅醬料可以配搭埋一齊食，yumyum！環境同食物都一流，中環地段嚟講價錢又唔貴，絕對會再嚟試埋其他菜式！…Read More

放工想搵個可以坐得耐嘅地方同男朋友hea吓傾吓偈，café真係唔錯嘅選擇，今次揀咗旺角嘅Rimi Café，嗌咗個二人餐，小食同主食都有好多唔同選擇～椒鹽燒賣作為燒賣控嘅我，一定係嗌椒鹽燒賣，炸到外脆內軟，二人餐嚟講，份量又多，夠曬滿足！意式青醬雞絲炒闊條麵男朋友對青醬口味嘅嘢食都情有獨鍾，所以佢話點都要叫呢個闊條麵嚟滿足吓自己～青醬濃郁得嚟又帶有少少creamy，配搭埋雞絲好正！紅酒燴牛肋條配意粉牛肋條配上紅酒汁好滋味，牛肋條又啖啖肉，個又汁夠渴身配埋意粉，十分好味！飲品方面，我嗌咗OREO奶昔，勁好味，仲有OREO餅碎做Topping勁滿足，男朋友就叫咗水蜜桃梳打，不過不失～…Read More

有時想出街食飯，但又想食得light啲健康啲，選擇真係唔算多，終於等到Pickabowl開到去石門喇！有得揀D.I.Y.自選唔同嘅配料，不過選擇困難症嘅我就揀咗2個Set返屋企慢慢嘆～夏威夷四重奏配料有辣味三文魚、經典吞拿魚、泰式酸辣大蝦同牛油果～ 食之前見到個飯咁色彩繽紛都已經夠開心，飯底我就揀咗黃薑椰菜花+半糙米飯，第一次食椰菜花飯，連埋啲配料一齊食都幾夾，食落仲好有飽肚感！Lazy Ginger爸爸唔食魚生，所以嗌咗個薑汁松板豬加蟹籽，配黃薑椰菜花＋白飯俾佢，估唔到佢都幾鍾意食，佢仲話個黃薑椰菜花好爽脆，有新意思得嚟又有飯氣落肚！…Read More

難得平日放假，想揾個地方chill吓行到嚟海港城依間係門口已經有海景睇嘅餐廳，一於試試佢蟹肉餅 配他他醬薄薄嘅炸脆包住嘅蟹肉餅，就咁食外層鬆脆，內裡軟身，再配埋他他醬一齊食，味道就更有層次法國紛迪加生蠔 配柚子汁及青蔥生蠔雖然唔算好肥美，但肉質爽口，配埋柚子汁一齊食好開胃鴨腿油封 配慢燉砂鍋白腰豆比較少見嘅菜式，鴨腿肉好香，一啲都唔膩，白腰豆用咗腸同豬肉等配料一齊慢燉，味道濃厚，兩者配埋一齊食口感好豐富香煎三文魚 配塊根芹、藍青口及修龍醬三文魚皮脆肉嫰，食到魚嘅鮮甜，塊根芹爽口，配埋甜甜酸酸嘅修龍醬一齊食更帶出魚嘅鮮味黑朱古力塞維亞橙慕斯超濃郁嘅朱古力，帶有少少橙香，朱古力愛好者表示好滿足！反烤蘋果撻 配酸奶油及焦糖醬招牌甜品蘋果撻，蘋果烤到好軟身，配埋香脆撻底一齊食，非常夾！酸奶油同焦糖醬令成個甜品有唔同層次！正啊！又有海景、又好Service、仲要好食😋 Lunch set 2個Courses $228｜3個$268，海港城嚟講CP值好高！大推！…Read More

每次行完山，係東涌都唔知食咩好。急忙之際，係網上見到黃泥屋村有檔大排檔幾多好評，位置離東涌站又唔遠，就決定食呢間😊燒味雙拼 - 燒鵝、油雞燒鵝肥瘦均勻，皮脆肉嫩，入口帶有淡淡煙燻香味；油雞醃製得特別入味，而油雞過生多血水，過熟又會韌同嚡口，但佢做得恰到好處。呢個燒味真係好有驚喜。南風小炒王非常足料，有齊韮菜、蝦乾、蝦仁、魷魚鬚，帶子，腰果，夠鑊氣之餘，又鹹香惹味，大人細路都鍾意食。香煎墨魚餅炸粉唔會好厚，薄薄一層。墨魚肉口感紮實彈牙，加上粟米粒甜甜哋，幾好食。京蔥芥末牛柳粒用芥末去煮牛柳粒，我個人係有啲抗拒。但食落竟然係Perfect match！食落唔單只冇攻鼻嘅感覺，芥末反而中和咗牛肉嘅油膩，既辛辣又芳香。豆豉鯪魚炒菜家常菜，我由細個食到大，有得落單緊係要叫黎食。整體幾好食，每一條菜都入味，又唔會成口豆豉鯪魚細骨。粟米魚肚羹魚肚份量都幾多，入口綿滑，蛋花粟米羹鹹甜適中，稀澀幾好，唔會覺得成口都係豆粉茨。川味烤魚湯汁有齊蔥、蒜、芫茜、辣椒、酸菜、豆芽等等配料，加上吸收埋魚嘅精華，鮮甜到不得了。魚肉整條都一梭梭，口感順滑，無半點泥腥味，混合埋湯汁真係叔叔都不行了。同埋烤魚最正嘅係底面都有個Gas爐一直煮住，愈煮愈入味，每一口仲熱辣辣。有鑊氣，啲野又平又好食，如果開係我屋企樓下就好了🥺…Read More