joys138's Profile

去旺角食放題，有好多選擇，今次揀左至尊滿屋。我地6點入座都仲未係繁忙時間，但陸續都有人入座，到7點零已經差不多滿座。呢度有部分飲品同甜品係自助嘅，除左罐裝飲品之外仲有梅酒同清酒攞，另外有幾款飲品係可以落單叫嘅。食物方面，刺身類有三文魚油甘魚帶子赤蝦希靈魚等等。三文魚好肥美，赤蝦都好鮮甜。壽司叫左好幾款，推介松露拖羅壽司，好好味另外海膽手卷，蟹籽沙律，都係推介之一。熟食方面，鐵板雪花牛柳粒，牛肉火鍋，虎蝦天婦羅，呢啲都係推介之一食完哂之後每人一仲可以選1款雪糕作結，好正…Read More

平日嘅下午茶餐供應到6點鐘，臨近6點去到可以當埋晚飯食，好抵食。叫左個千島海鮮pizza下午茶餐，pizza/飯/意粉餐可以配湯或者飲品，咁當然係配忌廉雞湯啦。pizza新鮮即焗，條邊好脆，入面鬆軟，餡料豐富，好味！…Read More

咁啱經過想搵個下午茶食下，見到間太興就入左去，下午茶餐配佢杯冰鎮奶茶，正！叫左個重量級公司三文治餐，好。好。食，真係好好食。首先，用料足，有芝士火腿蕃茄生菜同雞蛋。另外，有誠意，每塊包都有烘底之餘仲有搽埋牛油，所以成份三文治好香好豐富。…Read More

呢間Greyhound cafe環境好舒服好好坐，好適合想傾下計或者relax下嘅人。我地叫左個脆炸粟米餅配甜酸醬，粟米粒好甜，粟米餅好香好脆，好香口。另外叫左碗上級牛肉肉丸湯米粉，湯底好正，份量適中，我地食哂碗米粉之餘仲爭啲飲哂啲湯。仲有秘制辣肉醬手包粉卷，呢個要落手自己包，有新鮮生菜連香葉，熱辣辣嘅粉皮，免治豬肉碎，同秘制醬汁，又好食又好玩，而且味道仲好好味，特別係個汁，辣辣地好開胃。最後仲叫左件Coconut crepe cake。招牌蛋糕，唔使多講。椰子味濃，件蛋糕好香好滑。…Read More

想喺又一城食個西式午餐，呢度都叫做食物ok同價錢ok嘅選擇，佢嘅午餐價錢係$108或者$120，包括湯，餐包同餐茶，不過唔好對佢嘅服務有期望，呢度啲服務認真麻麻。叫左個鮮茄燴牛脷飯，牛脷好淋但咸左少少，都好食嘅，而且有4塊，份量都好夠。另外叫左莧菜汁比目魚薯條，莧菜忌廉汁配魚好夾，唔會好膩，比目魚好滑好好食。…Read More

下午3時，見到Simplylife剛好有tea set。叫左個車打芝士牛肉漢堡+薯條，飲品配熱牛奶咖啡。麵包好新鮮，漢堡肉味好濃好香，芝士融化喺包入面，好好味。薯條好香口，秒清。而杯咖啡嘅賣相好靚，味道亦可。喺呢度享受左一個悠閒嘅下午，正是Simplylife。…Read More

食靚扒最緊要坐得舒服，再加埋地方靚同服務好，絕對係perfect。今晚原本諗住試下個二人餐，不過又想食羊架，十五十六最後都係決定散叫。我地叫左4樣野，2款主菜2款前菜。法式香草燒嫩羊仔鞍，5成熟。羊肉燒到粉紅色，剛剛好，真係好嫩好好食。紫蘇茄蓉天使麵配龍蝦，龍蝦肉好鮮甜，又多膏，好味。唯茄蓉略咸，我覺得如果個茄蓉天使麵淡啲味龍蝦味可以再出啲。英式蘋果酒炸蝦，呢個前菜好香口，配埋他他醬食到停唔到口。法式磨菇焗田螺，田螺同薯蓉都好好味。最後，特別想讚下個香草多士，外脆內軟，新鮮好食。總括嚟講啲食物好好食，服務又好好，值得再去。…Read More

經過fashion walk見到招牌，指行入小巷有冰室，抱著即管一試嘅心態行入小巷，小巷迎面嚟嘅一家人突然指住牆上大叫有"米奇老鼠"呀！嘩好大隻！對於呢個地方減左少少分，食完離開時即刻行左第二邊走。講返食物，叫左個型男餐，好少冰室有伊麵餐，湯底好濃郁都幾好味，但牛腩同伊麵嘅份量可以多返少少。另外叫左個菠蘿包，覺得去冰室梗係要食個包，結果係好食，鬆軟。最後，冰室嘅熱奶茶仲有進步空間，茶味略濃入口有點苦澀。…Read More

週末嘅青衣城好多人食晚飯，要一早攞定飛排丼丼屋。叫左唐揚雞丼配溫泉玉子，甜甜地嘅炸雞配溫泉蛋撈飯，好好食。另外叫左個牛油果三文魚丼，牛油果同三文魚係最佳配搭，但個人覺得配壽司就好食，放落碗飯度就好滯好heavy。P.S. $58加配拖羅定食好抵食。…Read More

呢間韓國餐廳可以俾客人揀燒烤或者唔燒烤，我地就揀左唔燒，一來唔使咁熱氣，二來唔使食到成身一陣味。我地叫左三樣野。炸雞，好好食，新鮮炸起而且無骨啖啖肉。牛肋骨定食，牛肉好淋好入味。部隊鍋，呢個就普通左啲，只係午餐肉腸仔辛辣麵火鍋版，但價錢係$128。整體嚟講食物都ok，坐得好舒服，餐廳唔多人，服務都ok。…Read More

下午茶由2:30開始，下午茶餐由$28起到$48，炒粉麵就$46，個價錢都配合返喺商場入面嘅茶餐廳嘅價。所有茶餐包熱飲一杯，凍飲要加$6，就略嫌貴左點。叫左美極干炒牛河，牛河夠穫氣，牛肉都好食，唯獨是一啲美極味都食唔到。另外餐飲杯熱奶茶，茶味唔夠，仲有好大進步空間。…Read More

呢度2點開始有下午茶，下午茶時間嚟飲茶都幾多人，門口排哂隊。叫左好多點心，其中珍寶鳳爪排骨飯好大盅，係好大盅飯，鳳爪得1隻，排骨有1件大2件小嘅，唔叫其他點心真係唔會食得哂全部白飯，而且飯好似未熟得透，好硬。其他點心都係一般貨仔，又唔可以話難食嘅，但整體都唔係幾得咁囉。除此之外，大部分點心等左起碼45分鐘先到，佢張點心紙話超過30分鐘向職員查詢，但向職員查詢時，個個都顯得唔願意幫你跟。星期六日下午茶點心每款要加$3，唔太抵食。仲有，食到最尾係咁聞到好大陣煙味，好唔掂！…Read More

一行五人叫左幾樣野食，其中真係要提下塊肉眼扒，叫左5成，真係做到5成(點解咁講呢？因為之前食過第二間分店叫5成但做出嚟係well done)，今次塊扒好好食，好juicy，好靚。配菜叫左焗甜薯，一樣都係好好食…Read More

1人套餐幾抵食，$98已包主食，小食同飲品。叫左招牌菜海南雞飯配沙爹串燒。雞肉好滑，份量都唔少，配埋油飯好好味。另外叫左咖哩牛腩椰漿飯配炸蝦薯絲卷，咖哩牛腩不過不失咁啦，椰漿飯就好香。加左2個肉骨茶，每碗都有1條骨，$12好抵飲。…Read More

餐廳環境好靚，有個大水池，坐得舒服，野食都叫多啲叫左皇朝小籠包，味道好特別好好味，五顏六色又好靚。李白醉雞，都幾入味。重慶紅油抄手，唔太辣，雲吞淥耐左，太淋。四川酸辣湯，好飲。紅燒扣肉豬骨湯拉麵，普普通通湯麵。總括嚟講小籠包係最好食，所以最後encore左個原味小籠包作結。…Read More