carmenchoikmc's Profile

黃到發金的店舖，點可以唔大大力懲罰~~~有時真係撞啱無開幫襯唔到，或者去左懲罰其他店舖今日難得可以早啲出門，所以早啲去排隊我地3個人，諗住都係要外賣架喇~~始終樓面坐位有限，都比較難坐低食，但等下等下男友都就返到，加上想佢食到最新鮮，咁我同佢媽就係店叫左野食，打算食住等啦！ 結果時間都唔係差太遠真係keep住都有人排隊架強烈推介，大阪燒係必食牛肉炒烏冬都好味，夠鑊氣杯片片橙熱情果(桂烏龍茶底)好味佢媽飲芝士奶蓋都好味，但忘記影相男友杯檸檬蝶豆花好味，有成個檸檬(真誇張)…Read More

話說呢間黃色經濟圈既茶記，行迥過都見到好多人，所以真係懶得排隊，但成日聽到手足讚野好食，服務又好，所以星期六晚夜釣前，決定排隊都幫襯!!今日約得早，所以都唔算等左好耐~ 5至10分鐘就有位，如果2個會容易啲，我地當天係3個人，所以先先等左一陣子其實唔會認錯同搵錯，因為門口啲紙仔，願望，訴求，多到連隔離牆都要貼埋唔太餓，所以我地叫左炸脾，一個配薯角一個配沙律。個雞脾弓脆到呢～同埋價錢好抵，連飲品都係30蚊咋…Read More

朋友竟然話未食過加藤屋，噢！其實它係唔同地區都有分店，感覺它就係吉野家+paper lunch合體，當然味道比佢地出色!!!今晚試左個新野，麻辣口味~~ok喎....但覺得自己下次只可以叫小辣，朋友幫忙落單，佢叫左中辣比我，佢自己果個都係中辣，大家食後都有同感，下次叫小辣就應該啱啱好，中辣有少少比辣味蓋過本身食物既味道。另外男友叫左個黑椒三文魚，佢都話好好味!!!仲分左少少三文魚比我，佢果個好惹味，一黎到係咁炸炸聲，連隔離枱既小妹妹都問佢媽咪，咩炸炸炸~~~啱啱比分，突然間想起，不得不讚係呢度既員工，有兩個幫手執野既姐姐，勁好禮貌，又客氣，又幫手搵位，仲有親切笑容，雖然對於路癡既我都迷左陣路先搵到，但真係好想比管理層知道，(26/11夜晚幫襯)你地請到呢兩個姐姐真係你地福氣，呢啲咁高質既員工真係難求，我會因為佢地再多啲黎幫襯你地!!!!…Read More

啲人成日話年輕人攪壞經濟，又話佢地點點點但自從出現黃色經濟圈，相信大家都會識得揀!!!至少我會知以後點揀，雖然食餐飯又要search 一輪又攪好耐，但至少我知我每分每毫用係咩地方，同埋肯定帶住良知良心~~~有人話啲人騎刧個運動，又點又點，既然咁斤斤計較就唔好學人罷工啦~~67不過唔緊要丫，相信佢地都好快會有老廉搵佢地架喇!!!慳果萬幾蚊，我真係會咁易就放過你地，一定有報應架!!!同埋我已經計劃緊搵ICAC，你地…等坐監啦！…Read More

想試好耐，但有時行開見到咁多人排隊，所以停下腳步。可能今日早左, 難得無咩人排隊, 終於有機會喇牆身既壁畫畫得好靚, 忍唔住要影相種類好多, 仲可以揀唔同既魚, 我地最後揀左桂花魚~~~食後感,  其實我覺得揀咩魚都無咩所謂, 我諗點煮, 都同樣咁好味~~~ 真係好得!!!另一邊牆身係另一種風格呢個黑牛百葉, 有驚喜喎!!!!  每片都係薄薄, 方便一落煲滾兩滾就可以即食, 超爽口而家黑牛百葉真係買少見少, 其實有得揀一定要揀黑色事關相比白色健康得多, 起碼唔係食漂白水杯係百香果鮮果茶, 好FRESH~~ 同埋好抵囉!!!癡線架, 咁鬼大杯, 都只係$39蚊, 另外仲叫左杯百香果多多, 果杯都好飲$32咋 主角出現喇~~~~  睇個樣好似好辣咁, 朋友仔認為小辣小麻已經好足夠我自己就覺得下次可以試下中辣, 同埋我地揀左桂花魚, 所以先要$338試完之後, 我覺得揀咩魚都無所謂, 因為好難煮得唔好食好足料, 份量同質素都好高, 不論店員還是食物樓面好親切, 又會問下我地意見味道如何呀?? 洗唔洗加湯??非常親切有禮, 今時今日咁高質既服務態度去邊搵起初仲諗住呢啲打邊爐既地方, 店員都係粗粗魯,但呢度有別於一般, 真係以客為先~~ 同埋終於明白左....點解路過親, 都大排長龍啦~~講真排隊都值得, 真係物超所值~~ 唔食過真係會後悔最開心係.....以後又多個食飯既地方, 唔洗下下諗食乜, 同食親都係雞煲, 泰國野嘩!!嘩!!嘩!!!  呢個不得了, 必食呀!!!個茄子同啲蒜, 真係天作之合,不能分割我地係見到寫住"推介"定有個"讚好"字眼, 諗住搏一搏真係一試難忘, 推介呀!!!!!  爆星~~~又平又好味…Read More

估唔到，原來呢度附近都有高質的茶記熟我既朋友，就知我幾憎食茶記!!加上試過食完就腸胃炎(上吐下瀉)，病真係好難頂!!好辛苦!!果日同同事傾開計，Tiga介紹有間佢地試過幾好味我們仨就試下啦！由於大家一齊叫，我倆又想行下散下心，所以就話自取~~真係意想不到，呢間咁好食喎!!!!去到都等左好一陣子先有得外賣自取，我懷疑佢根本無幫我地落單，或者真係生意好好啦！事關眼見都坐滿晒客人，有人埋單又有人黎，keep住爆場，坐滿晒~~我們仨既我們食既都係差唔多…Read More

香港仔南記粉麵，真係無乜人唔識~~以前公司附近就有, 真係一個星期食幾日都唔厭相比之下其實旺角呢間味道一般般，但勝在地點方便上星期我們仨既我們，都食外賣黎!!個辣醬我每次必食!!!!今晚會出旺角除左要買NOTE10之外, 最主要原因就係因為要食南記餐牌都係大同小異, 但係無黎一排裝潢唔同左, 位置同空間更實用以前成日覺得出麵個位好怪, 但今次裝修後, 我覺得幾好喎但係由於個人仲係好唔舒服, 所以就算對住南記, 都無咩胃口, 竟然食唔晒~~嗚!!!!!但係個春捲脆粒, 呢個推介大家, 真係好香脆!!!好味道~~~…Read More

係打機之前，當然必須要醫飽個肚先~~ 如果唔係邊有氣力打喪屍!!!我叫左個煎蓮藕餅雞翼飯$47個煎蓮藕餅真係輸, 好好味!!!!! 唔知幾時先會食到厭左唔再食呢~~~~但真係好好味, 我地4個人去食, 3個人既首選都係煎蓮藕餅不過最後我地係4個人都有叫煎蓮藕餅+其他, 事關男友最愛既焗豬飯...個爐壞左, 無得食焗飯其次必叫一定又係四季豆, 本來仲想叫焗西蘭花, 但焗爐壞左, 所以淨係叫左個小食丫, 另外推介既係魯肉...以魯肉黎講排我心目中頭3位架~~~~同埋呢度個飯好大個, 我咁大食都食唔晒~~~~如果男仕黎都一定夠飽, 唔會覺得仲差啲差啲咁 對於女仔就真係絕對可以分到兩餐食!!!!結果我當然係食晒所有餸, 又番啲飯係度比男友執手尾~~~題外話可以另外連加12,3蚊, 實際價錢我唔記得, 總之10幾蚊有個魯肉啦!!!…Read More

朋友話想食得清淡啲，係幾個選擇下, 她最後揀左18座~~~佢地唔講都唔知, 原來佢地唔知元朗有18座狗仔粉, 但身為元朗人既我, 除左深水埗同旺角, 呢間店算幫襯得最多我地間中就會去巡視業務咁, 睇下它質素KEEP唔KEEP 到, 同啲阿姐姐傾下計咁我地每次都必食, 鴨下脾~~~真係啖啖肉架!!!!但今次好失策, 食到一大半, 先記得影相掛住傾計,吹水, 太開心....我係一心想食三多炸脾, 所以今次兩個人只係食左$60蚊, 真係超抵…Read More

哈~~~真係無諗過一間小店, 但咁多人排隊，雖然人山人海咁, 但只係等左幾分鐘就可以入座喇~~~我地兩小口子去食, 男友叫左個SET▪1號羅東肉焿湯餐$77<▪羅東肉焿湯, ▪魯肉飯, ▪冬瓜茶>個魯肉飯超正呀, 啲魯肉係半肥半瘦, 個汁真係不得了，淨係個汁都可以食幾碗飯啦另外杯冬瓜茶就同人地介紹講既一樣, 好好味~唔係死甜果啲(你飲過就明我講乜)一路打文都一路回味ing真係令人想一飲再飲~~~一開始太心急我地叫左碗甜品, 當它一黎到我地就好後悔做咩要一齊叫，咁早叫呢碗野呢!!(傻仔)事關第一樣黎既就係它…..嗚~~~  所以呢碗甜品真係由頭食到尾, 但係好味既^^總好過係IG果啲度買/訂, 然後返屋企又要煮呀整呀, 經過一輪先食得(諗起上次佢媽，唉！整得勁怪勁難食，浪費食材呀~~)下次我再想食，一定黎呢度食現成, 又方便，價錢又平，又整得好味，最重要有台灣既感覺嘛 ▪仙草芋圓2號$34<▪三色芋圓, ▪白色小丸子, ▪海藻水晶>芋圓超級正, 係台灣既味道呀!!!!! 令我諗起我在宜蘭的旅程海藻水晶, 印象中我第一次食, 好清涼可口, 從此又多個選擇喇!!呢張純粹影下餐廳內部, 但估唔到, 裡面有玄機架話說我同男友叫左個夜市小食拼盤, (但其實我地係唔知包左乜, 有咩小食??但係又唔好意思問喎(見個樓面個唔知職員定老闆好忙咁, 係做緊野),真係唔好意思, 煩住同阻住佢  點知望下望下, 原來答案一早寫左係白板度)個花枝丸超推, 真心正, 裡面仲有花枝肉粒(男友形容為肉碎)信我, 真係肉粒黎...好有咬口, 好好味!!!!真心推~~~ 翻食之選!!!講到台灣美食, 又點可以無鹽酥雞, 呢個仲要好貼心, 一口鹽酥雞$39一啖咬落去.....正呀!!!!! 而家睇番, 點解當時無叫菇菇菇菇(又係我另一喜歡)▪夜市拼盤$63▪炸澎湖花枝丸(真心推介, 真係超級好味!!!裡面仲有花枝肉粒, 好有咬口)▪香酥甜不辣片(口感幾得意, 同埋好少會有切薄片)▪椒鹽四季豆(好好味!!!! 本來就好喜歡四季豆, 所以無論點都覺得好好味)▪台南鮮蝦捲(呢個有小小意想不到)OREO紫薯泥吐司, 打卡必備張單未計吐司價錢，以兩個人食200幾蚊，飽到呢~~~抵食…Read More

本次見到招牌都係諗起戇豆先生傻傻咁，真係好攪笑可愛~~今次又黎左喇！！！唔算太多人排隊，前面有3個組合，我地好好彩，2人行，所以好快有位老實講，得個樣，難怪吸引咁多文青港女黎打卡，食物質素真係好一般!退步左…應該唔會再黎…Read More

激安殿堂必經之路，棋哥燒鵝~~位置非常方便，搭地鐵/西鐵都超方便，落車行5分鐘路程就到！！首先門面好光猛企理, 路癡既友人都話咁易就搵到我地諗左陣, 決定叫個2人餐▪棋哥燒鵝(例牌)▪單拼燒味(例牌)選一款(叉燒/燒腩仔/切雞/豉油雞/燻蹄/紅腸)▪郊外油菜▪白飯/瀨粉/米粉          2碗▪老火湯/ 冷熱飲品      2份本來睇價錢$248咁多野, 已經覺得好抵, 但最估唔到係唔單止抵, 仲要好好味棋哥燒鵝係原隻燒鵝脾咁上(定係我好彩), 總之超級好味!!!!!新鮮熱辣叉燒唔肥唔瘦, 即係人地口中所講既極品「半肥瘦」同埋好在我係同朋友仔去咋, 如果同男友去, 佢首選一定係燒腩仔當然我覺得佢啲燒腩仔都應該唔差既(下次再試呢樣)菜就無咩特別啦, 清甜好味(可能當造)我地一個叫米粉一個叫瀨粉講真識食(直線讚自己)一定係燒鵝配瀨粉啦~~~真係好好味!!!!!  而家香港好少地方仲食到瀨粉定係我太黑仔, 叫親人地都話賣晒~~~~由於我地想試晒咁多野, 所以一個叫湯, 一個叫飲品碗湯好足料, 一啲都唔hea架!!!! 但比我回頭再揀一次, 我會揀飲品囉一開始我掛住飲湯, 後期又好想飲野...好矛盾丫~~~~仲有一件事好值得讚, 就係呢度既服務, 我地朋友2個女去食全程一路傾一路講一路笑, 加上港女嘛, 又拍片又影相又打卡, 但啲店員路過都保持親切笑容，完全無唔友善或者歧視既眼神, 真係好值得一讚!!!!!而家好難再搵到咁好既服務其實每次遇到呢啲好員工, 除左暗暗地爽, 我仲會諗.....一定係佢地老闆好好人, 對佢地好好, 所以佢地先會咁愛呢個地方, 工作得咁開心…Read More

話說同友人去旺角食飯, 回程遇中見到呢間豆花店, 之前都想幫襯喇~~~  但一般係飽到嘔咁濟, 難得尋日個肚仲有少少位, 咁就同男友GOGOGO啦!!!  男友叫左碗意仁石花, 超抵$7蚊雞, 我就叫左碗香草綠豆$13, 見到個樣, 其實覺得唔引好一般般同埋她係就咁係個雪櫃度(畢)出黎~~見有3個玻璃碗裝住3款野, 應該係芝麻糊, 紅豆及綠豆!!!  見到果陣已經有啲懷疑......乾唔乾淨架, 又無蓋, 就咁放入雪櫃!!!!碗綠豆講真樣子真係唔多吸引, 但味道又幾好味喎!!!!!  我全碗清晒, 至於男友碗豆腐花,佢就有啲白果係面幾好, 味道都唔錯~~~但估唔到係我地回家, 返到屯門....大家都肚仔痛, 輪住排毒!!!!!…Read More

呢兩個女子為左隻蟹，可以去到幾盡!!!!係咪女人就係咁，我地兩個一路食，一路嘩，wow，好味，yummy，5!!，好滿足，一直說不停~~~反觀兩位男士只係密密咁食，佢地係太餓定好食到唔想講野~~~~我諗我地真係好鍾意食，所以呢餐好快就成團~~~~最正係妳破天荒，竟然5點幾就收工，老闆皇恩浩蕩!!!!妳就唯有黎搵我一齊搭車啦~只可以話妳真係好有信心「呢度一定係美孚站」(我地真係唔會悶，又有笑料)不過都多謝妳，搭車過程可以被我好好發洩一下，聽下勞蘇，多謝妳^3^▪阿拉斯加長腳蟹▪蟹膏炒飯(近乎無蟹膏既) $100▪鮑魚雞煲(唔記得它用咩名)好在煲上，先夠鑊氣真係無咩特色▪辣椒炒豬肉(唔記得它用咩名)我係好彩定唔好彩呢???食親都辣既，但我好鍾意辣既刺激感唉！😑張單相唔知去左邊，明明有影…Read More

其實未到之前，感覺已經唔多好。收到店舖電話:話叫我改時間，本應1930，話改2000，因為佢地有時段限制，咁我當然要問完朋友再覆啦！佢既態度已經唔多好，話你盡快喎，我地都無咩枱，講真如果無枱，我咪去其他地方食囉！有咩咁巴閉呢～最後我地改2000，未夠7點大家已經到左旺角，唯有附近行下街，行到7點半左右就去搵呢間野，查實唔係容易搵，都係靠Google map一直行，到左樓下，果陣應該1940咁上下，明明有枱都話人地未走，唔比我地入，咁好啦，我地唯有再落番去行下街，到夠2000先出現，其間有其他朋友1952到左都唔比入，真係到2000先比入，仲要果張枱，一直係無人坐。好啦~都唔緊要!枱號唔知，收費同點計都唔知，最後搵左個職員問，都講解得好清楚($198+可以係綠色張紙揀8款+黃色就任叫任點)另外+$20(每位)有包汽水/+$38(每位)有埋特色飲品。經過一輪相議，Elly話揀加20蚊果個食得飽既，但真心唔會有第二次，環境又嘈，服務又一般，食物非常一般，有啲仲有怪味。…Read More