67tak的個人專頁

仲有兩日就係我生日，芊個囡升小後忙到爆，都好少出去食好西，咁今年就揀咗去牛陣打邊爐，好耐冇試過出街打邊爐啦！我哋就揀咗「澳洲產 特上長期穀飼牛 及 沖繩豚 放題套餐」，成人 $279，小童 $109。而湯底⋯我其實心大心細想要美肌豚骨湯，最後都係揀咗濃厚雞白湯，真係好香，仲有滑雞件食。我哋4個一致認為個特上長期穀飼牛好好食，連仔女都食唔停口。牛舌就平時食燒肉就食過，估唔到打邊爐又幾好食，牛味重，比長期穀飼牛更有咬口！沖繩豚肉，雪花分佈靚，唔會好油膩！而海鮮拼盤就有翡翠螺，八爪魚仔，蟹棒，蟹子魚滑，加埋特上長期穀飼牛、牛舌、沖繩豚肉，都係任食㗎！另外自助吧仲有好多火鍋配料：羽衣甘藍，生菜，貢丸，南瓜，生根，豆腐，粟米等等⋯而喺門口見到原來做緊「秋日主題」，唔怪之得咁多菇菌類，有啲仲要我都未食過，有黑松茸菇、金針菇、姬松茸菇，鐘意菇嘅一定要試哂！仲有我至愛嘅炸雞、炸番薯條，大人細路都食唔停。最重要係個秋日限定主題甜品：厥餅蒙布朗，配香濃栗子茸，真係好好食！去到最尾，雪糕是有必須食，佢哋嘅自助雪糕吧！有4款 Haagen Daz 口味雪糕，揀咗口味再自製迷你芭菲杯，一杯屬於你的芭菲杯，so yummy！**推廣期至11月7日**…查看更多

今次真係好想分享，我近來入咗 #香港片皮鴨群組，鐘意食片皮鴨嘅朋友一定要入！然而只係入群幾日就被燒著咗，星期日即刻跑咗嚟大都烤鴨 到食晚餐！媽呀！我同老婆係片皮鴨忠粉，成日都周圍試，而我覺得美食係值得你去俾多啲錢食，食落肚嘅嘢一定要好味！有食開片皮鴨嘅朋友都應該知，出需好多店即使片出嚟嘅鴨皮都一定會連住鴨肉，但大都烤鴨就唔係，佢真係片到鴨、肉分開，不過有朋友食過就過如果就咁食鴨肉會覺得 so。不過我女就反而勁鐘意，佢係奇特地鐘意食鴨肉多話鴨皮^^不過隨便佢啦！最重要佢鐘意食 (我知好多小朋友只食嗰塊薄皮添)。我哋2大2小，叫咗半隻片皮鴨 ($298/半隻)；再加咗一份薄皮 ($40)；叫咗蝦仁，夾住青瓜好好食；仲有小籠包、生煎包；同埋肉絲煎麵 (脆卜卜嘅麵)；成餐大概$6xx，我覺得價錢ok，最重要係鐘意食，只要鐘意食，貴少少都值得！…查看更多

荃灣紗廠我地一家真係第一次踏足，我放假冇咩地方去，就決定帶兩個細路去荃灣紗廠行下，影吓靚相！行咗一陣，家姐就話肚餓，我地就行咗一圈，行到去王牌冰室，個女就話要食，而老婆就話對王牌冰茶有興趣，咁就食啦！有住兩個細路，就叫啲小朋友至愛啦！粟米班腩飯，加$15轉餐，有埋白飯 + 例湯。家姐細佬都表示好好味，好快就清哂！另外，我叫咗我嘅至愛，中式牛柳，好香，啲汁同洋蔥真係好夾，牛柳又好「林」，而且佢地嘅中式牛柳仲有少量菠蘿係入面，阿囡至愛。至於王牌冰茶，我地就叫咗冰燉蘋果觀音王，入面有好多蘋果果肉，口感同味道一流。再叫多咗杯冰糖檸檬雪梨茶，咁熱嘅天氣，似呢杯真係好潤加消暑呀。…查看更多

話說女兒好喜歡日本菜，但老婆又唔想常常出街食，所以答應女兒，每月會去吃一餐日本菜。趁住今日我連放幾日假，我地就去咗大角咀食千之味，聽朋友講深水埗有分店，大角咀分店係新開嘅！大人一來到，梗係要叫返個刺身食下啦！叫咗三文魚軍刺身，5件，每塊魚腩都好厚肉，好正！每次都一定必叫比對仔女，蟹柳壽司同玉子壽司，簡簡單單，味道ok！仲有粟米軍艦，小朋友至愛，呢到嘅粟米軍艦仲加咗沙律醬。我就叫咗至愛嘅鰻魚，特長鰻魚壽司，好味道！而鵝肝壽司，唔係好多地方有，我地每次見到都會叫兩塊來食。火焰芝士熟蝦壽司，就係老婆至愛，叫來比佢食，熟蝦好香，配埋芝士，又幾夾喎！日本菜好多時都會有串燒，我地就叫咗「香蒜一口牛」來試，粒粒牛都好「林」。我老婆成日話我係食肉怪，無肉不歡，所以今次都試咗「御品 · 半熟牛扒」，味道ok。日本菜必食天婦羅，所以叫咗軟殼蟹天婦羅，好香口。主菜就叫咗芝士雞扒冷烏冬，烏冬配胡麻醬，唔夠醬仲可以添㗎！我地食咩都慣咗要飲嘢，所以我叫咗波子汽水，老婆就叫咗 Cream Soda！最意想不到，都係我對仔女最開心嘅！就係竟然有甜品送，有雪米糍 & 蒟蒻食。…查看更多

平日老婆帶完個女返學，我地都會求求其揀間近嘅餐廳食飯，但今日我放假，就決定落新蒲崗試新嘢！其實好似開咗一段時間，但只係每次都好多人，帶住細路排隊又唔方便，所以今日揀咗平日嚟食早餐。難得仔女唔係身邊，梗係揀個辣嘅麵啦！午香肉丁公仔麵，好香，少少辣。跟餐可配炒蛋牛油多士，老婆最愛炒蛋，敏華嘅炒蛋好香好滑，食過會想再食！而我就為咗將啲沙茶牛肉夾多士食，所以我揀沙茶牛肉公仔麵，但沙茶牛肉唔似沙嗲牛肉，冇咁辣，都幾特別。我就對炒蛋冇咩特別興趣，所以我都係叫返煎蛋，配牛油多士，都係跟餐，叫炒蛋/煎蛋都唔洗加錢。最後，識飲一定飲凍奶茶，好鐘意飲茶餐廳嘅奶茶，好香茶味，甜度適中。…查看更多

去得九龍城，首推一定係泰菜，我都試過好多泰菜，但今次介紹呢間，真係做到平靚正。鹹菜豬肚湯，好多配菜，老婆飲咗少少，但我就覺得好好飲，暖肚又開胃。海南雞飯，我地加咗$8轉雞脾，因為老婆鐘意食雞脾肉，滑啲！兩個仔女就好鐘意食海南雞，因為配油飯，所以好快清哂成碟。咖哩大包，我地揀咗配軟殻蟹，成個包都食得，咖哩唔辣，小朋友拎住麵包「點」咖哩食，好開心！泰式飲品：泰國椰青，每次食泰菜必叫，飲完啲椰青水，仲可以食椰肉。泰式飲品2：咸檸七，飲完喉嚨好舒服。…查看更多

未結婚前，我同媽咪住，都係住慈雲山，間唔中返嚟慈雲山，唔係媽咪屋企食，就會去慈雲山中心搵食。其實我對仔女都好鐘意食肉燥飯，所以台式食物都永遠係首選。老婆揀咗咖哩牛坑腩飯，辣辣地，好香口，而且牛腩入面我比較鐘意食坑腩，因為好咬啲，同埋多啲肉。而我就叫咗個台式火鍋，揀咗沙茶牛肉小火鍋、肉燥飯，仲加咗午餐肉 & 鮮蝦雲吞，肥牛配麻醬真係好夾。飲品：朱古力雪香 (左) & 水蜜桃紅茶 (右)，水蜜桃紅茶跟餐唔洗加錢，朱古力雪香就加$7，其實都唔貴。老婆鐘意雪香加咗啲麥皮，一粒粒有咬口。…查看更多

平時成日都係鑽石山食飯，有時會去吓新蒲崗，今次就決定去一轉樂富，試吓新嘢先！頭盤：羅宋湯，清清地，又唔算太酸，好快清哂。頭盤2：芝士焗西蘭花，小朋友唔鐘意食菜，但加埋芝士焗。佢地就會搶住食，不過就淡味咗少少。加配食品：豬仔脾 & 台灣腸，其實佢有好幾款加配食物，我地揀咗兩款叫，台灣腸同平時食嗰啲差唔多，豬仔脾我地叫咗一隻後，即時叫多一隻，好好味。主菜：鮮茄焗豬扒飯，有小朋友，一定要叫飯，酸酸地好開胃，食完只想食更多嘅嘢食。主菜2：美國安格斯肉眼扒，可以配意粉/飯，本身就配少量薯菜，肉眼唔算多筋位，小朋友都食到。餐飲：凍蜜桃茶 & 椰林飄香，都係套餐加配，椰林飄香好好飲，好香椰味。…查看更多

難得放假，就自己來個一人午餐啦！一向都係紅蔥頭嘅忠實粉絲，今日當然都要來食啦！今日12點半來，又唔算多人喎！今日都係叫咗個午餐，跟餐叫咗個忌廉湯，仲跟埋細細舊蒜蓉多士。午餐C (蒜蓉雞扒飯)，每星期嘅餐都有唔同㗎！我就最鐘意食呢到嘅雞扒飯，蒜蓉汁好好味。餐飲：凍檸茶，跟餐+$3就轉到凍飲啦！…查看更多