hanawth's Profile

一行四人預先訂位來食lunch，店鋪不大但很cozy。由湯，主菜，小食，甜品同飲品都無得彈。飲完濃郁嘅湯，等左一陣終於有主菜。明太子帶子意粉，鰻魚飯，牛肉飯全部味道剛好，份量充足，cp值超高，值得我地等咁耐每人都加左$1要鮑魚，估唔到咁好食，有少少酒味。甜品要在earl grey chesscake同抹茶chesscake，earl grey 口感似雪糕，抹茶就茶味香濃。特别推介加錢飲抹茶latte ，一試難忘。…Read More

平日1415，入到去同個短頭髮戴眼鏡嘅阿姐講：唔該想叫外賣佢：唔唔唔（擰頭）我：即係咩意思？佢：我哋冇呢啲我：我見你呢度寫住外賣加三蚊，即係而家冇咗外賣？佢：哦～你意思係拎走嗰啲我：係………佢：我哋而家好忙呀………啲服務咁樣 唔做外賣就唔好寫出來啦…Read More

幫襯咁多次，今次真係最燥，亦唔會再幫襯。無可否認為天氣熱同餓都有影響個人情緒，不過食盒手撕雞腸粉未至於等30分鐘up呀！落單平時會講等幾耐，15-20分鐘都係可接受，今次唔講要等，手撕雞無哂唔講，仲要等左20分鐘先發現佢整熱啲雞，如果落單時講就唔會叫啦！$49，無位坐，又唔係大盒，亦唔係特別好食，大熱天時企係等咁耐，又唔講無貨，等左咁耐一句唔好意思都冇，真係比錢買難受。雖然我唔會再幫襯，希望你改善一下，最低限度要通知客人。…Read More

星期六嘅下午，見到呢間都好似幾多人食，於是就入咗去試下。叫咗個招牌無骨海南雞飯配秘製雞醬，同埋泰北香茅豬扒煎蛋飯 。首先來嘅熱檸水，得半杯份量。跟住啲豬扒同雞全部都咸到一個點，豬扒下面仲要浸住啲鹹菜，完全難以入口。煎蛋係硬唒嘅全熟蛋，咁不如直情畀烚蛋我啦。海南雞油飯冇味又霖唒，個秘制雞醬又少又完全冇特別。最後想重複多次個豬扒係真係好咸，肉同汁都好咸，本身已經好餓，食到我一肚氣。平均$54一個人，寧願畀多幾廿蚊去隔嚟食。…Read More

當日嘅行程好趕，咁啱全部都schedule 係長沙灣呢邊，中間得40分鐘食嘢，本身唸住求其搵間冰廳食就算…咁啱間冰廳等好耐入坐，又咁啱綠燈，於是就過對面，入咗來食見到佢有個麻辣燙好抵食，唔係好食得辣嘅我，見到居然有唔辣嘅湯底，仲要係養顏花膠煲，即係唔使唸啦！$45有五餸（+$5有粉麵），仲有麵檔難得一遇嘅鮮牛肉同鮮雞肉揀！ 通菜都係靚菜，乾淨翠綠。餃子都無得挑剔，唔係特別皮薄，但餡靚，食到鮮肉味同韭菜味。我同老公嘅餸都係入味好食，無味精；唯一係湯底無咩味。至於飲品都好足料，$50食到我哋好滿足，食完都忍唔住讚老闆😂p.s.姐姐服務態度都好好，唔係假惺惺，係由心而發，有人情味嘅服務。…Read More

上次講完豬仔骨，今次講下三文魚。第一次食，覺得都幾肥膩可能食開魚柳。我唔食皮，不過切開feel到係脆的；肉質厚 ，唔腥，有汁；配上奶香薯蓉，都幾飽。椰子雪糕次次都會叫，清甜，有椰蓉！不過走蝴蝶酥（因為口感好似放左好耐，冇咬口但又唔係霖）…Read More

係附近做嘢，唔想食food court 就入左茶餐廳唸住食常餐（點知係無嘅）入到去 空枱大把 但第一張枱 抹左但仲係污糟嘅 第二，三張都係，去到第四張終於正常…枱嘅污糟程度係，用塊布抹咗一下，有油油的痕，但係都仲係有食物殘渣遺留…去到叫餐，個啲呀姐掛住傾計，直程係望到你都唔過來，語氣再重啲叫，先至慢慢來，但係企係度繼續傾，即係拎住本簿，企你隔離，但望住啲同事傾計，唔落單又係要：唔該！！！落單！！！先理你等餐時見佢哋送餐，兩碗，係碗/碟底放係另一碗飯上更加唔使諗啲餐具係幾乾淨啦平時都食開茶記，接受程度高，但係呢間嘅衛生同服務真係即刻想走！好在食物份量同味道都正常，呢一間免費都唔再入。…Read More

經過尖沙咀見到門面好似幾靚咁，一於入去食！漢堡包牛肉好鹹好在有黑醋沙律中和翻，另薯條好味脆口。蟹肉焗三文魚扒蟹肉超多，薯仔比薯條更好食。男友表示安格斯牛扒小小overcooked，不過整體來說也不錯。…Read More

Holam bakery 聽就聽得多，食就真係第一次。去開觀塘做facial，難得做完之後又即係返屋企，所以就去咗買蛋糕。鋪頭喺四樓，如果有腳力，我就建議行上去喇，等𨋢有排等😂本身諗住淨係買兩嚿，見到佢寫住買四舊嘅有冰包，由於我要入去大西北，咁就梗係買四舊啦！仲可以試埋其他口味，唔啱食下次唔買～口味眾多，睇到我舊舊都想食，最後買咗最多人推介嘅抹茶同芒果流心，加上特濃焙茶，同焦糖咖啡！$36-39一舊嘅千層蛋糕，性價比高！老實講，比lady X 更好食，cream 清甜不膩，皮有咬口有蛋香，而不厚；有時食千層蛋糕食完之後好有罪惡感，因為太多cream，但係食完呢個會覺得啱啱好，（不過，始終甜品都唔好成日食）抹茶控一定好中意抹茶流心，超超超濃但不澀，非抹茶控嘅老公就愛上芒果流心，芒果唔酸而果肉多。去到第二日，先食焙茶同埋焦糖咖啡，口感都冇變到。焙茶比起抹茶冇咁濃，都好食但係冇抹茶咁令我印象深刻；反而焦糖咖啡有驚喜，本身都擔心有焦糖會甜，原來粒焦糖並唔係融入咗喺蛋糕入面，係放喺上面，特濃咖啡再點少少沙沙嘅焦糖，絕配～…Read More

齊記係齊柏林熱狗分支，佢啱啱開舖我就有去幫襯！當時嘅份量再多啲，直頭係個盒差啲冚唔埋繁忙時間去都要排5-10分鐘隊架當中最推介就係煎肉餅，肉餅係偏瘦嘅，入面仲加左蓮藕粒，增加口感，近期有啲偏鹹，希望會改善啦。其他餸都同普通雙餸飯冇大分別，菜同肉都唔會過少，例如四季豆炒雞柳，唔會大部分都係畀四季豆你四十幾蚊仲有飲品，有菜有肉，都算係咁啦…Read More

alfafa 係屋企人嘅長期飯堂。今次有四人一齊食，梗係叫番個二人餐啦！二人餐$388，包括左二份前菜，主食，甜品同飲品。我地叫開一定會有焗醬燒豬肋骨，豬肋骨大大份，肉質鬆軟，入味，配埋新鮮整好嘅咸香薯條，一啖肉一啖薯條，食到停唔到口另外（我自認為）相對健康嘅：雞肉有機鮮蘑菇亞麻籽繪紅米飯，都啖啖咬口，有時出去外面食呢類飯，都會係澱粉比例過多，但呢一度唔會，雞肉份量正常。不過唔鍾意食洋蔥嘅人注意走洋蔥 要挑剔係，每次食嘅份量都時多時少，有時亞麻籽多得滯，食落去太滑潺潺。今次介紹主食先！下次再講其他。…Read More

平時好少去將軍澳嘅我，難得去朋友屋企，梗係提議試下呢個遠近馳名嘅pizza。介紹一下最出名嘅藍蘋果pizza先，聽上去覺得好似騎騎呢呢咁意想唔到又幾夾幾好味，味道清新，蘋果香氣平衡左芝士既飽滯感，鹹味中帶啲清甜。另外jacomax用薄身餅底，咬落帶脆，有芝士香，確係唔錯。鯷魚pizza：一樣都係薄脆pizza，鯷魚就好似鹹魚咁嘅味，個個人口味唔同鍾意就鍾意，唔鍾意就會抗拒個隻味忌廉蟹肉大通粉：通粉口感彈彈爽爽，配上濃郁忌廉醬汁，奶感重，細滑又夠黏身，加上淡淡蟹肉，食：到停唔到！另外有個：阿媽叫落xxxx青醬意粉都係唔錯嘅選擇，不過澱粉比例比較多。燒雞翼肉質稔身，不會過份乾，鹹香味足。沙律同其他小食都係中規中矩啦。…Read More

有時代廣場coupon，經過見到呢間green house 幾寬敞咁，餐牌都有嘢啱食，一於就入去試下啦！我地一行三人叫左set lunch:雞扒烏冬，番茄意粉同埋松露焗豬飯。Set lunch$98+10% 包湯同飲品。雞扒烏冬就不過不失，雞扒幾滑同有炭香味$98值唔值就見人見智。蕃茄意粉好多芝士，如果係芝士控就啱唒。至於焗豬飯等太耐，朋友食咗冇影到但係佢誤會左係焗豬扒，搞到食嘅時候見到三塊又肥又薄到得1mm嘅豬肉時，好失望。午餐來講係時代廣場都正常價，不過我就寧願貴少少食其他。…Read More

屋企人一直好想試呢一間，趁放平日一於去試試！和牛愛好者注意，Grilled Wagyu Beef 完全唔似和牛，叫medium rare，都係全熟。Stirfried Lettuce入味好食略嫌多油，Chargill Squid不過不失，唔太食得出鮮味。另外肉鬆四季豆就見人見智，我就覺得四季豆爽口幾好，媽媽就覺得佢唔冧難食。我哋另外仲叫左Thai Iced coffee，同Lime soda，都係$48一杯。總括黎講，海港城都仲有其他西餐選擇，唔會特登再食…Read More

難得放平日，梗係同媽媽去食下好西。呢間餐廳平時經過都已經好想試，如果假日去可能會多人，亦都會嘈啲。選擇亦都多，有雞有魚，啱曬我呢啲少食刺身嘅人，雖然價錢略貴，但係味道係成正比的。最尾仲送咗甜品畀我哋試！甜品更出色…Read More