sayhitojiro's Profile

用餐體驗可以說是非常惡劣，首先是比大排檔還要嘈，明明只有一檯客特別大聲，但係唔知點解，成間店都嘈到自己講嘢都聽唔到咁滯。食物點了晚餐D，金針雲耳蒸乳鴿，既然是晚餐，應該是整定的吧？結果等了廿多分鐘，忍無可忍情況下追問店員，店員才由蒸櫃拿出來，既然是就咁由蒸櫃拎出嚟，點解要等廿多分鐘？金針沒見到一條，經典的還是冬菇，一咬落去同棉花質感一樣，可想而知係蒸咗幾耐，蒸到冬菇都溶埋。乳鴿又咸又鞋。成碟餸冇一可取。是一間非常不推介的食店。…Read More

金蒜芋絲蒸鮮魷-第一次食芋絲乾得像雜草一樣，是完全沒辦法入口的，最貴的一款正價點心是全餐最難食的一樣。排骨蒸陳村粉-排骨很肥，但味道比蒸鮮魷好藥膳豬手-是5樣點心中算是最好的了晶瑩蝦餃皇-不吃沒有損失鳳尾蝦多士-特價可以一試，正價的話就可免了…Read More

突然好想食車仔麵，雖然知道何車要等比較耐，不過覺得何車都係比較啱食，就照叫照等啦。選擇困難梗係叫老何十餸，夠晒豐富。等咗差不多40分鐘先有，車仔麵其實都全部煮好晒，𢳂入隻碗啫，都要等40分鐘實在有點點那個。本身最想食大腸同魷魚，十餸冇魷魚但有大腸，加埋支茶已經$90，所以放棄另外加餸。點知返到屋企，唔見有大腸，變咗三片紅腸，，轉餸都唔係話唔得，都出句聲嘛，兩樣餸都唔同價錢啦，咁樣算唔算違反商品說明條例？真係好失望的一餐。…Read More

不說頻頻落錯單的樓面，味道勉勉強強，只可以說不難吃，好味實在說不上。檸檬番茄魚拼肥牛，沒什麼味道，愛喝湯的我也沒意欲喝這個湯底，魚和肥牛也沒什麼味道，很難得我整碗吃不到一半就放棄。…Read More

好鍾意食烤魚既我經過時代冰室好多次，望到個烤魚餐牌都好想食，今晚再一次路過，晚上9點鐘，的起心肝推開門坐入去。叫咗酸菜烤魚加水果茶，$138+$13一人份好抵食，條魚好好味，味道相對麻辣烤魚應該淡口啲，配菜亦很豐富，有大大片既蘿蔔、蓮藕、金菇、獅子狗同埋萵筍，當然唔少得酸菜同芹菜。水果茶大大杯非常解渴👍🏻…Read More

本來想叫豬扒炒牛麵，但覺得來漢發不吃豬膶好像差點什麼。最後點了豬膶炒牛粗麵，再加單點豬扒。點餐的曲髮男士不知道是不是老闆，非常有禮，反觀點餐後，餐牌因為還放在檯上，另一位店員就勁沒禮貌及兇惡問我「個餐牌你睇完未呀？」個餐牌係你哋放檯面唔係我攬住唔放噃！！炒牛要加$2，但十分推薦，比湯牛多了一份香口，豬膶爽脆，在豬扒和炒牛既比較下，如一個人食唔晒要取捨，豬膶便被比下去了。豬扒單點$35，很大塊，肉質酥軟，厚厚的很是juicy。唯是粗麵有輕微梘水味。總觀來說旺角店可能新開，坐得舒服，位置也方便👍🏻…Read More

想食點心，路過奧海城的疊囍居，不算很多人，一個人要搭檯，被安排了坐近入口的位置，清清靜靜的也不錯。點了兩組孖寶點心和蝦腸。孖寶分別是蝦餃+千層馬拉糕和燒賣+炸雲吞，蝦餃和炸雲吞比較出色，蝦餃大大粒飽滿的，蝦腸較為淡口，馬拉糕不是我喜歡的質感，但是熱騰騰軟棉棉的，燒賣也很飽滿但吸引度被蝦餃搶去了。舒舒服服的嘆一個早茶，疊囍居是蠻不錯的選擇。…Read More

本來想食火鍋，但已經售罄，便改點了檸檬酸菜魚，因為不太喜歡配料，所以辣椒、蔥蒜都走了，配菜要了雙份豆腐皮，不要主食改了娃娃菜，和加了墨魚片及半份紅糖糍粑加流心。紅糖糍粑就真的不合我口味。酸菜魚單人份量來說都蠻多的，味道也很不錯，今次點了鱸魚片，沒有骨，滑滑的。…Read More

從旺角東地鐵站下來，本來想到燒肉like，但因已離開了Moko又懶走回頭路，想起社交平台太子群組推介這間燒肉駅，便過去一試。點了300g這個牛五花+雞頸肉+豬頸肉套餐，升級紫菜溫泉蛋飯，連加一$150，說真的，現在這麼多間一人燒肉店都沒有加一服務費，燒肉駅要加一，而服務就是有服務員給你一杯水，值唔值得就見仁見智了。等候上餐時間非常耐，而等到上檯的肉，是雪到硬的。牛五花只有4片，也幸好只有4片，不然真的不知道如何吃掉。雞和豬份量很多，但味道可以說是連簡單的肉味也完全吃不到。網友大讚吃完沒有燒肉味，這個當然啦，都沒有燒肉的感覺，何來有味道？豬頸肉和雞頸肉都是爽口沒任何肉味，牛五花比廉價的美國肥牛更差，沒味之餘硬到食唔到。如果只追求飽肚，是不錯選擇，但想享受燒肉，就不太適合了。泡菜，味噌湯及紫菜溫泉蛋飯都是正常的。…Read More

拉麵店12點開門，因沒有人關係，直接入座。下了單，點了套餐，有炸雞、飲品和拉麵，另外加了溏心蛋，炸雞很快被端出來，但因想拍照，想等埋拉麵，一直等呀等，因為座位對著煮麵的師傅，都是望着她行行企企，12:16，終於看到她拿個碗出來開始準備煮麵，3分鐘後，拉麵終於上檯。一碗3分鐘就煮好的拉麵，被拖了16分鐘，如果單很多，要等候絕對可以體諒，但⋯…Read More

每次經過都俾門口易拉架既海軍大碗飯吸引，$108有5隻廣島蠔，兩隻去殼蝦，4隻大蜆及份量不少的蟹子，大大碗。食過太子果間好多次，但太子冇呢個大碗飯。終於抽到時間品嚐一下，還叫多一個香辣魚皮，魚皮好爽口，唔係太辣。大碗飯賣相也很吸引，奈何飯爛得有點難入口，黏黏的，蟹子都黏在碗邊，𢳂極撈極都唔係太食到，最後唯有放棄。希望能改善飯的質素。…Read More

上次食雞髀其實都已經麻麻地，不過都係好想飲個湯，所以就再次光顧啦！今次叫咗叉燒拼脆皮燒腩仔，係我嘅錯，咁多款選擇唔叫，叫咗樣唔係餐廳自制既，無論係叉燒定燒腩仔，都勁有隔夜feel😑…Read More

食過旺角同康城陶源都唔錯，但因為方便同事放工過嚟，揀咗灣仔陶源，點知完全中伏，冇下次之餘更要永久black list。首先一上到去，環境已經夠晒差，感覺污糟，沒有冷氣。我哋選擇19:45的一場，點菜紙上除了大閘蟹及少量食品你可以劃既之外，8成都係要出面自取。出去自取區，簡直嘆為觀止，咩都冇之餘兼成檯混亂不堪。以為剛剛完第一次未添加食物啦，結果一等再等，等到last order都未見有補過食物。只有一盆椒鹽蝦是滿的，點知見到有個員工攞個袋出嚟裝咗一袋，然後放咗入佢自己個袋。片皮鴨沒有限量，即片即夾，可能因為冇其他嘢可以食啦，結果就係有啲自私既人，一個人就夾左半隻既分量。講返任點既大閘蟹，未夠19:45已經落單點第一轉，等到接近20:20都未有蟹到，三催四問才來了四隻。成晚要讚既係場內唯一一個第一晚返工兼替假既侍應哥哥，見到佢成晚走來走去，收碟上菜，服務5星係俾佢的。響我咦咦哦哦又好不滿既語氣下，先得到一籠紅棗糕。我是購買Openrice 的餐飲劵，連加一菜芥人均$570既價錢，呢一餐難聽啲我真係想用垃圾黎形容。…Read More

一直好想試串亭，晚餐太貴唔捨得食，餐廳加開咗午市，咁啱呢日去尖沙咀睇戲，一早訂定位約埋朋友去試～難得一食，梗係試7串啦，有肉有海鮮有蔬菜😋和牛入口即溶，海老爽脆，南瓜清甜，三文魚配魚子好味👍🏻店員溫馨提示飯同湯都可以加添，之但係冇飯癮既我少飯就ok喇～…Read More

本身好鍾意肉骨茶，唔想行咁遠，見到太子呢間餐廳標榜鎮店肉骨茶，價錢唔係屬於平價，諗住應該可以試吓啦！點知完全中伏，可以讚既係店員、配菜、飲品都ok的。但所謂鎮店肉骨茶，除咗豬肚係可以叫食到入口，排骨、豬膶、豬腰都係又鞋又乾，排骨衰過煲完湯既瘦肉，豬膶，真係從來未食過一間食店既豬膶可以鞋硬到咁既地步，豬腰好豬膶少少啦，都係硬既。$128套餐係完全不值得推介。整餐最good係特飲龍鳳可樂囉，油條同花生都ok既。但如果係想食肉骨茶，建議要三思。…Read More