clarkson's Profile

難得放假，夜晚9點幾見餓餓地，又唔想全日留係屋企，專登約左兩個朋友出去食宵夜。又唔想出咁遠，近近地朋友屋企附近有得食烤魚，梗係要試下啦。除左烤魚，呢度仲有得食雞煲。最後一致決定食烤魚😂條魚好大條，一上台幾驚食唔晒，因為仲叫左好多配料。條魚煎到金黃色，食落肉質好滑。脆炸枝竹（入口脆到卜卜聲）超級鮮甜既蠔丸好彈牙，牛肉脂肪分佈好平均口水雞（雖然賣相不太好，但味道非常好，雞好入味，唔太辣，啖啖肉，配啤酒簡直一流）魚皮餃真係好好食，平時食開皮厚少餡，呢度岩岩相反，皮簿多餡，食到停唔到口，不得了真係。整體價錢都合理，食物新鮮好食，服務員態度好，但成日唔見人。不過下次再黎馬鞍山會再黎食宵野…Read More

今日專登過黎長沙灣上堂，得一個鐘頭食個lunch，真係睇到有岩食就走入去。今日咁岩想食湯面就入左去麵皇。睇下個餐牌，原來係主打手工麵，仲有六款湯底。我自己就揀左鮮牛幼麵酸辣湯底，食物上台真係嘩左一聲，真係好大碗。岩晒我呢個大胃王食啊。個湯底同一般既酸辣有d唔同，幾特別既味道。手工麵方面，幼麵同意大利粉既粗度差唔多，麵質好煙韌，好彈牙，完全唔會過軟，而且牛肉仲好嫰滑，整體一句講晒，我去長沙灣一定會再食啊。47蚊價錢都合理。…Read More

星期日家庭日，一早起身全家人出發去飲茶，沙田友既我地就去禾輋試下呢間酒家。去到都全場爆滿，感覺唔太似一般既酒樓。睇下個點餐紙，款式都幾多，或者佢唔係一般酒樓，佢地主打係小籠包，食上海菜，所以有一d 飲茶會叫開既點心係無，例如叉燒飽。叫左鳳爪排骨飯（飯比較濕）、煎薄撐（煎得不夠脆口）、蒸腸粉、雞包仔（小餡）、雞扎、鮮竹卷等等，味道可以，但不是特別好食，同其他普通酒樓差唔多，茶位6蚊就唔算貴，服務員態度都可以接受，非常快手收執餐碟。…Read More

上星期專登帶屋企兩老黎試下食放題，黎之前睇過呢間放題差唔多日日都爆晒場，所以一早book 好位，一行5人，到左book 枱時間，大批食客個個排好晒隊等入場食餐勁。第一次黎，原來係用app點菜，好方便又唔使狂fing手叫侍應，真係落單都快好多。今次真係食得好滿足，連媽咪daddy都大讚好食，仲話要帶埋其他親戚朋友黎試下。掛住食，完全唔記得影相，但好食既野真係好多好多，燒鰻魚、花膠、蟹粥、扇貝、串燒、天婦羅、刺身，全部都好新鮮，熱辣辣。順帶一提每人仲有一杯Häagen-Dazs雪糕，有限定口味食，正啊！不過自己最唔滿意一樣野就係環境真係比較迫，其他野都好好😀…Read More

印象中沙田好耐之前都有過一兩間放題，咁中意食野既我知道沙田開左大喜屋梗係要黎朝食一下，係沙田行完街shopping 完，一定要醫下個肚。行完街岩岩好到左9點半有優惠既時間，9點半食到11點只係210蚊再加一，真係覺得好超值。入都去覺得環境都好寬敞，仲有好多香港人最中意坐既卡位。講下食物先，自助bar都有幾多款揀下，好似章魚小丸子，薯角，魚，湯，沙律，通通都有。飲品款式都好多，啤酒，檸檬菜，豆漿，果汁都任君選擇。甜品方面都有不同種類既款式，木槺布甸，泡芙都有得食，仲有雪糕雪條。至於自己落單既食物都係平時放題食到既野，本人就最中意食黃金燒帆立貝，蒲燒鰻魚同埋天婦羅，真係即叫即燒即炸，熱辣辣上台，真係忍唔住order再幾次。食飽之後真係好有罪疚感，又要肥都幾磅。下次同朋友去沙田一定要再食多一次。一次唔夠要幾次先得😝…Read More

終於約到老友敍舊，平時食開日本野、韓國野。今次要試係食中菜。好彩做定資料搜集先知道食呢到最出名既皮片鴨係要一早預訂，唔係就真係見住人地食。皮片鴨外見內軟，好多肉汁，係我食咁多間以黎最好食。仲有叉燒真係肥瘦分別，咬落口完全唔肥膩，真係食唔停口。反而最失色既竟然係香港人好中意食既菠蘿生炒骨，味道一般，唔夠脆口。正體黎講，值得再去，服務員態度不錯，仲會主動介紹招牌菜。不過真係要提一提，切餅費貴左小小，要200蚊。…Read More