jcymak's Profile

行過見到佢有個醉雞鍋加封門柳，諗住入去試試，一入到去我坐中間個位，我一放低啲嘢轉頭又叫我去搭枱，跟住佢一上個爐已經唔係好夠位，仲要分開兩個煲一個裝雞腳湯另一個浸住酒嘅雞，個夥計着咗火之後就將個醉雞放咗上個煲度，個雞腳湯就放喺枱面，之後再上埋牛肉，我就已經覺得怪怪地，煮咗幾分鐘之後先話俾我知佢放錯咗，應該係放個雞腳湯啱，跟住我問佢攞豉油佢竟然冇，其實味道唔係差，不過啲夥計好唔掂，我諗自己未必會再幫襯。…Read More

見到咁多like，而且部分餸都唔少人推介，又未食過火山骨，諗住都唔會太差。首先訂枱話個半鐘還枱，坐低後叫你自己掃QR code落單，之後除咗上菜都冇人理你，最值得讚係上菜速度，除咗泰式拼盤外，火山骨、豬頸肉、金邊粉唔駛3分鐘就上齊，好勁啊點樣可以三分鐘就整到燒豬頸肉？金邊粉好似預先整好而且又有油益未，炸春卷也有油益味，最期待嘅火山骨感覺就係煲湯骨淋咗泰式青檸汁，3個人食人均消費二百幾，好唔抵食…Read More

鉄人旨花2020年1月午餐後食評今日慕名去試左個鐵板燒午餐，叫左"旨花"($5xx) 和"梅"(成$2xx), 埋單成$8xx, 依個價錢食個午餐我係有啲期待的，但真係強差人意，可以話係好差黎形容，食材唔係咩靚野，鐵板燒既師傅無功架，食鐵板燒我係當表演去欣賞，而唔係只係望住個人整熟啲食材囉，無功架不特止，手藝仲要唔合格，所有野煮過晒籠，燶晒，沙律本來都無咩，個汁味道幾特別，但wasabi味太重手，日式蒸蛋味道略為過濃，但已經係成個set最好的一道菜，魚生唔新鮮，一上台已經覺得佢毫無光澤，無鮮甜味不特止仲要有啲腥味，師傅調味太早，令到啲牛肉味道變酸，啡菇連基本菇味都無，我真係唔知依啲係咩貨，最令人無法接受係個炒飯，唔香得黎仲要無味，我依個師奶仔係屋企炒飯都好食過佢多多聲，個甜品完全係hea, 豆腐布甸毫無質感，又係無味既，感覺好似係叫你快快趣趣食埋個甜品好走啦，唔好阻住晒，佢可以加廿幾蚊升級個甜品，但所謂升級都只係轉為紅豆/芝麻雪糕/柚子雪芭，唔覺有幾高級，依間野真係得一次......…Read More

今次係我第一次寫食， 但一來就要寫個負評。媽媽鍾意食上海菜，諗住見佢啲評價好高去試一試，佢喺好多地方sell去佢既百碟宴，搞到我都心旭旭想試， 於是母親節中午就帶咗阿媽去試，嗰日除咗個唔知乜鬼黑豚肉好食之外， 其他完全唔識形容， 當日冇得叫餐牌上嘅嘢， 得張冇乜嘢食嘅餐牌而且個價錢係提高咗嘅。 佢啲嘢真係又貴又細碟。 小籠包個湯汁味道好怪，個醉雞味道同我自己用李X記醉雞汁整嘅冇咩分別， 個脆鱔炸到過曬火有啲苦，其他野好細，最多3，4個人食，呢間就一定會有下一次。…Read More