lucppy的個人專頁

星期六10点45去買通粉。見收銀無人仍有3組人排隊都醒目唔知要等幾耐, 即轉往自動售賣機購買。雖然部機勁唔 user friendly. 不過之前馴練過自己, 都背咗啲 step, 所以好快完成購買程序。去到取食物嗰度見ㄧ大班人等緊, 因為同平時等的人數差不多便不以為意。原來之前買單的人知到要等好耐行開咗, 到差不多時間才回來取食物。結果等咗半個鐘才出我的食物。還因人手嚴重不足, 出錯食物。我原本的清湯底錯配勁咸的豬骨湯底給我。勁重福字麵味道的味精。考慮不想再嘥時間等食物, 唯有選擇放棄更換。硬食。結果食完極囗乾。總結:1. 在購買食物時, 無論收銀人員或自動售賣機均不會告之預計論候時間。如前往該餐廳請有心理準備預留足夠時間等候食物(大約半小時)。2. 絶對不建議選擇豬骨湯底的通粉, 除非閣下確定自己腎功能仍處於最佳狀態。…查看更多

以前食開大婆牛肉麵，雖然知道此店存在，但因大婆實在太美味，重來沒有考慮此店，可惜，大婆結業了！！今天經過九龍城，牛瘾突發，即管試試這間開業多時，還沒結業的食店究竟有多大斤兩……叫了一碗紅燒牛筋牛肉麵，說真的，牛肉麵的基本要素，它都有齊了。湯夠熱有牛味，牛肉牛筋夠腍及份量正常，麵也有咬口。但就是說不上好，整碗麵不夠香口，賣相不吸引，雪菜下得孤寒。價錢也偏貴(收茶介及加一)。以此質素，八方雲集的肉牛麵都美味過它，但價錢比它平宜10%，若非牛瘾起，而附近又無選擇，一定不會選擇在此用餐。…查看更多

見人人都寫云吞, 依度我就唔寫喇, 我反而想寫o下他們的油豆腐粉絲. 坊間大部分上海舖D油豆腐粉絲都做得好hea>> 就o甘放D現成豆pok同少量雪菜在粉絲面就算. 但真真的放入大量雪菜不在話下, 他們的豆pok攘有肉碎, o吾止, 再送多2件攘有肉碎的蛋角, 我不知這種做法算不算正宗, 但咁特別的油豆腐粉絲我真的未吃過, 最重要係好味, 尤其夏天可以吃得清清地, 最適合不過.…查看更多

見 D 人講得咁犀利, 襯 party 都買個 banana chocolate 試吓。講真，唔係 D 人講得咁好食羅:(。佢除咗 D chocolate cream 滑 D 之外，味道真係認真麻麻。首先，佢地D朱古力味道(無論係cream 定係個糕底) 都只屬一般，D cream 係滑的，但係 BaBa Bread的心太軟D 流心同佢差唔多咁滑播, 而且好味過佢添。佢地D香蕉唔香、唔好食，更加唔好話同D 朱古力會夾；不過事實香蕉同朱古力D 味道真係可以好夾，只係佢整得唔夾姐。我提議試吓Zoe 的 banana pie, 你就會知道咩野叫做夾。雖然我譠得咁緊要, 但如果要俾分，佢都仍算係合格的；只係我覺得美心的魔鬼蛋糕比佢還要好食(味道同口感都係)，而且仲平過佢多多添。不過如果係送比人的話，佢個包裝咁簡約，一睇就知係貴野，又真係夠晒體面。…查看更多