rean's Profile

因為疫情，餐廳只開半個場，星期六中午Walk In都要等一兩張枱，好彩預先係Openrice預約左。 我同女性朋友二人食量唔大，叫左三碟肉：必點豬護心、豬五花同喜來烤肉(牛)。以份量黎講，的確唔係平價之選。護心肉口感同肉味都夠香，五花就變左薄切👎🏻👎🏻所以好快焦，變得太熟變煙肉咁，無哂咬口，始終覺得五花要厚切先正宗。。。。而牛肉就係普通薄切牛肉咁浸住啲醬油，牛肉味都Ok嘅。值得欣慰嘅係佢嘅泡菜係我想要嘅生泡菜，唔係醃熟哂得個咸味，生泡菜比較脆同清甜啲，包肉食還是就咁食都好正😋無嗌其他熟食，兩個人三份肉加埋爐邊蛋同小菜都好飽，非常滿足！非常盡興🤤🤤都想講下缺點，可能人手不足關係，我剛入座未開爐枱面已經好油，如果可以清潔同準備得好啲先入座就好。…Read More

因為有外賣自取半價優惠，加上又好耐無出街食飯，試下買返屋企食喇。半價優惠$84有一大碗雞件，另外仲有一大盒生洋蔥、芫茜、芹菜，仲有一杯湯，一杯辣汁。拎到返屋企原來要再煮一煮，因為配菜都係生。之前買過一品係煮好哂一大個膠鍋，返到屋企就可以即刻食。不過我就比較鍾意米走雞既方式多啲，因為佢既份量都幾大份！係For 2-3人，但我係一條友食。所以佢分開裝就好岩我喇，我可以落一半材料，另一半擺雪櫃第二再煮多餐，真係好抵。…Read More

嗌左玫瑰叉燒油雞雙併飯 $64 少少貴喇可能紙盒裝既關係（台灣便當Feel）所以飯既份量比較少，如果男士可能唔太夠食。本女子就岩岩好，因為比起平時一般發泡膠盒我就食唔哂😆😆叉燒&雞份量就正常，佢既叉燒都好食既，不過唔係蜜汁，應該係豉汁。會再幫襯👍🏻爭D漏左，奶茶普通，澀左少少，完。…Read More

朋友生日飯。［食物］又係唔知食咩好既時候😂好在其他朋友發板，唔睇返相其實唔記得自己食左D咩。有黑毛豬、魚、Risotto飯、蜆、雜菜。5條女食到好飽！仲有最重要蛋糕！唯一有印象係入座見到枱面有一小碟油浸蒜頭，望左好耐係度估到底佢係食物還是裝飾。因為碟下面又有蠟燭點住，又枱枱都有，真係好似裝飾嘛🤷🏻‍♀️忍唔住問個經理，原來係橄欖油浸蒜頭，用黎夾法包食🤓係好味既👍🏻蠟燭慶住都幾熱，小心辣咀🤣［環境］燈光比較暗，好浪漫好有氣氛🙈…Read More

［食物］入座先上茶銘&花生，留意返花生另收$10😌同朋友兩個人叫左一份酸菜魚，好足料👍🏻好多寬粉😍😍味道都好正，朋友比較食唔到辣，已經叫左BB辣，朋友都食到流哂眼淚🤣愛辣既我就覺得岩岩好👍🏻如果平時食開小辣呢度可以先試下BB辣，我覺得都夠味，畢竟川菜都係偏重口味少少。另外仲嗌左個青炒萵筍絲好大碟👍🏻小食蒜香豬尾就普通D。［環境］環境唔迫，座位都好坐。［服務］態度都Ok，係上菜比較耐，酸菜魚都快食完先上萵筍，然後涼拌小食豬尾反而最後一道上菜😂 三個樓面好忙，要嗌多幾次先。…Read More

預約左八點準時上到去，店面不太大但都唔會感覺迫喼，我地四人坐左唯一一張圓枱，但係坐唔哂個圓，反而唔係幾好，因為我地坐偏一邊先傾到計，但食物黎到就要成日起身去拎同夾，希望下次坐到卡位😁😁第一次黎所以唔知亦都無特別要求。鍋底嗌左一紅一白，麻辣同豆乳，兩邊都好香😍😍😍呢款麻辣湯底應該係台式果種，好香既香料味，花椒丫、丁香葉等。而豆乳鍋都好香奶味，未打先飲碗為敬😛配料我地四個女仔唔太大食就嗌左一份牛頸脊、雞子、桂花蚌、花甲好大隻🤤、沙爆豬皮、鮮斑片、墨魚滑、花膠筒、凍豆腐、西洋菜、皇帝菜，而且豆乳鍋底本身跟左滑豆腐、粟米，都唔少所以好夠食。海鮮類都好鮮，菜夠嫩，特別要讚個沙爆豬皮真係好夠沙唔係啫喱狀果種😍豬皮一定要落豆乳鍋，索哂個湯咬落又沙！好正！👍🏻👍🏻其他食物都水準中👍🏻👍🏻唯一失望少少係個花膠筒，淥完之後縮左水，但味道都有唔係無味。四人食左$1805，服務都好好，會再幫襯。…Read More

食物&飲品質素幾好，11:59落外賣 12:26到 都好快送到。唯一唔好係，接外賣電話果個全程態度好唔得，以為打錯去茶餐廳，例：我話要LATTE，果位先生好大聲下我...算.....我再問有冇LATTE，佢快速答左我一個字：無！........好忙咩？！態度好需要改善，…Read More