jenus's Profile

綿綿魚肚雲吞黃金雞湯麵套餐$112家住大西北,出開深水埗,專程搭車嚟土瓜灣為無味精雞湯麵而來.今日黄昏未夠6點坐低,時間尚早,店內加埋我地兩檯客.湯底比想像中不是很重雞湯味,飲落無味精,味道不錯.雞係雞脾位很滑但皮很肥,唔多皮又唔滑既我理解.雲吞肉有點實,一塊魚肚,以這個價錢完全收貨。手打香水檸檬茶夠清香👍前菜漬青瓜幾醒胃,兩件比較細小😝鹽燒鳳梨配黑醋牛油果雞胸沙律$72勁多沙律菜,黑醋是主角嗎？黑醋勁重手,直頭落到燴湯咁,第1啖已經嗆喉到食唔到！店員不斷說唔好意思,提議加多啲菜比我中和啲酸醋味.唉！黑醋多成咁你覺得中和到咩？見你咁好禮貌你話點就點啦！（其實我想你做過碟比我囉！）睇番餐牌相片係有熟雞蛋,完全冇雞蛋,寫就係雞胸牛油果,搵極都搵唔到啲牛油果,卒之搵到熟到又苦又黑又爛既牛油果溶粒😒,雞胸變左黑醋浸雞絲,牛油果同雞絲加埋兩湯匙都冇！4分一個牛油果都冇👎👎黑醋就至少落左兩大湯匙,不如黑醋另上好過廚房咁失手啦！結果食剩一大碟食唔落！:(其實牛油果,雞蛋,雞胸成本係咪真係咁貴呢？老闆你會唔會自己食啲又黑又苦既牛油果？點解做出嚟要同相片差咁遠既呢？做番相片品質好難咩？🤔$72沙律既代價就換成我唔會再嚟!真係好唔明點解而家出去食餐飯會食得咁唔開心,成日要當啲客係傻既？點樣先叫做西客呢？食餐飯都好失望🤦‍♀️我寧願你細碟少少,比返似樣啲既食品比我,而唔係完全貨不對辦！👎👎😭😭😭值得一讚既係女店員幾親切有禮貌,臨走都猛同我講唔好意思,其實廚房品質唔關佢事㗎,不過都無補於事了！…Read More

當日嚟到有卡位店員剛用布求其抹過,都唔緊要,食得茶餐廳眼不見就乾淨；但見檯面同張卡位櫈仲有食剩食物既1粒2粒,當日午飯時間店員都好忙,老公就行出門口放餐具檯面取了紙巾諗住再抹下張檯,有個呀姐喺門口老遠好大聲話：我地唔供應紙巾㗎！我話攞紙巾抹檯你張檯仲有污糟,佢話可以叫佢地用布嚟抹檯.OK,其實行埋嚟講下次唔好自己攞紙巾或者貼住不要自取咪得囉,洗唔洗老遠咁大聲話我地?後尾另一位女侍應拎水杯匙羹又夾住5張紙巾一齊拎嚟(其實我唔需要咁多佢地呢啲紙巾囉🙄,初時見成檯紙巾仲怪錯老公拎人地咁多張所以先比呀姐話,原來唔係）我數返我老公拎左3張嚟抹檯(佢拎時諗住拎一張冇刻意數）後尾呢個大聲呀姐行過叫佢落單佢扮聽唔到😒講返食物,炒蛋凍既非常難食,碗麵一般正常,係杯奶茶啱我.嚟食物時擺低已經大大力,午飯時間店員比較忙又閔憎呢種茶餐廳受氣既氛圍,香港客人已經要包埋.OK!今次再有新嘢,咁我以後真係唔再幫襯,香港繼續維持咁既服務啦,元朗區逢星期六,日假期已經靜左好多,大家心知肚明.其實服務好啲唔介意貴,但如果出街食品質咁參差又咁受氣,難怪啲客人北上消費！凍晒既炒蛋捍衛紙巾扮聽唔到落單既呀姐…Read More

不太餓的晚飯時間兩人點了雞絲扎肉湯河粉$78古法巴生肉骨茶$88扎肉河粉扎肉有咬口,味道可以河粉份量一般細食才勉強夠。肉骨茶好失望非常清淡,沒有藥材味排骨尚算淋身油炸鬼不好吃肉骨茶不夠熱,來到一會火已熄滅…Read More

幾乎隔個週末就嚟呢間私房菜食窰雞，窰雞好滑好入味😋，仲有碌鵝，自家炒米粉（五彩炒米粉）真係冇得輸👍，即叫即炒大大碟，兩人多數食唔晒，我唔會嘥嘢一定會打包；因為第二日叮返熱加辣椒醬一樣咁好味。不過窰雞+米粉套餐星期六日才有。燉湯、小菜（最好預訂)都好好味㗎！大家有機會去錦上路站🚉就去下盈匯坊亞豬媽私廚食佢既招牌窟雞同小菜（堂食都最好預訂）盈匯坊好似唔係好多人識暫時環境都幾清幽其實唔難去錦上路站A出口過左跳蚤市再過條行人天橋左手邊就到…Read More

法式午餐3道菜餐廳位於酒店頂樓窗外360澳門全景室內令人驚艷的水晶燈圓頂天花無論環境、食物、擺盤和服務都是水準之作由麵包車🥖、法式小點、三道菜為頭盤、主菜、琳琅滿目的芝士🧀或精美的甜品車🍰到雪糕🍨和糖果車🍭🍬都有專人服務及講解慢慢品嚐3小時😋不愧為連續16年獲頒港澳米芝蓮三星榮譽高級法國餐廳👏👍特別日子慶祝或聚會🍾🎉非常值得推介👍特別鳴謝當日幾位親切有禮的服務生猶其是Sandy笑容可掬，不嫌其煩地講解每道菜還幫我們出入拉櫈無數次想必Sandy一定手瓜起𦟌😂結帳是影了的QR code開不到，唯有在這裡表揚一下!Thank you, Chef!Thank you all the staff! #米芝蓮三星 Robuchon au Dôme…Read More

星期二閒日晚上七時晚飯下午4點經過Bakery果邊竟然不用排隊買牛角包。一心諗住晚飯堂食，所以晚上7點再來，計埋我地只有3檯客，疫情下場面冷清。我們兩人點了一個招牌raspberry cloud croissant, 一客意粉；食客雖少可惜服務不周，眼見只得1名侍應，意粉來到也沒有提供公羹公义，要等很久才見到侍應經過叫過來要求，但侍應只比多一隻义便急忙離開。Linguine不錯，軟硬適中，味道辣辣地幾醒胃，但伴碟果塊包又燶又硬，硬到咬唔到，唔係有pat醬濕下真係乾到食唔到，枉佢出名係bakery. 之後來個期待既牛角包，一點也沒特別，面頭的cream不錯，但牛角包唔脆仲有少少淋，令我和朋友第一次來非常失望 ，好多麵包店的牛角包比佢更好，呢間絕對不配為巴黎最好味既牛角包。之後唔夠飽比多次機會叫多個risotto,味道可以，完。真係沒甚麼話好說。…Read More

喺石崗軍營看完紅棉樹，黃昏6點肚餓想即刻附近搵食。第一次經過這裡（上村總站）見到有幾間食店，完全冇idea，行嚟行去，最後選了這間，都冇乜要求，茶餐廳一間，但估唔到啲人比你睇到勁污糟既一面；肺炎疫情本來人人都有帶口罩，兩位呀姐喺隔離枱做湯丸，反而將口罩整左落條頸度，兩個一路做湯丸一路唔帶口罩有講有笑，又唔用手套做湯丸，我都明廚房既嘢唔一定用手套，但比我睇住唔用手套就好唔開胃。跟住肥呀姐冇帶口罩突然間向住我枱方向打左個勁大乞嚏！（因為佢本能唔想向住湯丸打乞嚏）嘩！啲飛沫肯定超過1米！大佬我碟3絲炒烏冬啱啱嚟都唔知食唔食好！瘦果位呀姐仲經典，隨手喺佢張枱度攞枝唔知擺左幾耐既紅酒樽底嚟壓碎啲花生（湯丸餡）跟住又放番枝紅酒喺枱面。你明啲茶餐廳枱可以幾汚糟嗎? 枝紅酒樽底咁汚糟用嚟壓花生碎?其實當時未食碟3絲炒烏冬，我老公就食晒碟早嚟既义雞飯。想走又驚，叫佢換過碟都冇意思因為唔知換碟乜嘢比我，冇下次，勁勁勁汚糟兼核突！…Read More